| Library / Tipiṭaka / திபிடக • Tipiṭaka / படிஸம்பி⁴தா³மக்³க³பாளி • Paṭisambhidāmaggapāḷi |
6. உச்சே²த³தி³ட்டி²னித்³தே³ஸோ
6. Ucchedadiṭṭhiniddeso
139. ஸக்காயவத்து²காய உச்சே²த³தி³ட்டி²யா கதமேஹி பஞ்சஹி ஆகாரேஹி அபி⁴னிவேஸோ ஹோதி? இத⁴ அஸ்ஸுதவா புது²ஜ்ஜனோ அரியானங் அத³ஸ்ஸாவீ அரியத⁴ம்மஸ்ஸ அகோவிதோ³ அரியத⁴ம்மே அவினீதோ ஸப்புரிஸானங் அத³ஸ்ஸாவீ ஸப்புரிஸத⁴ம்மஸ்ஸ அகோவிதோ³ ஸப்புரிஸத⁴ம்மே அவினீதோ ரூபங் அத்ததோ ஸமனுபஸ்ஸதி, வேத³னங் அத்ததோ ஸமனுபஸ்ஸதி, ஸஞ்ஞங் அத்ததோ ஸமனுபஸ்ஸதி, ஸங்கா²ரே அத்ததோ ஸமனுபஸ்ஸதி, விஞ்ஞாணங் அத்ததோ ஸமனுபஸ்ஸதி.
139. Sakkāyavatthukāya ucchedadiṭṭhiyā katamehi pañcahi ākārehi abhiniveso hoti? Idha assutavā puthujjano ariyānaṃ adassāvī ariyadhammassa akovido ariyadhamme avinīto sappurisānaṃ adassāvī sappurisadhammassa akovido sappurisadhamme avinīto rūpaṃ attato samanupassati, vedanaṃ attato samanupassati, saññaṃ attato samanupassati, saṅkhāre attato samanupassati, viññāṇaṃ attato samanupassati.
கத²ங் ரூபங் அத்ததோ ஸமனுபஸ்ஸதி? இதே⁴கச்சோ பத²வீகஸிணங்…பே॰… ஓதா³தகஸிணங் அத்ததோ ஸமனுபஸ்ஸதி. ‘‘யங் ஓதா³தகஸிணங், ஸோ அஹங் ; யோ அஹங், தங் ஓதா³தகஸிண’’ந்தி – ஓதா³தகஸிணஞ்ச அத்தஞ்ச அத்³வயங் ஸமனுபஸ்ஸதி. ஸெய்யதா²பி தேலப்பதீ³பஸ்ஸ ஜா²யதோ…பே॰… அயங் பட²மா ஸக்காயவத்து²கா உச்சே²த³தி³ட்டி². உச்சே²த³தி³ட்டி² மிச்சா²தி³ட்டி²…பே॰… இமானி ஸஞ்ஞோஜனானி, ந ச தி³ட்டி²யோ. ஏவங் ரூபங் அத்ததோ ஸமனுபஸ்ஸதி…பே॰… ஸக்காயவத்து²காய உச்சே²த³தி³ட்டி²யா இமேஹி பஞ்சஹி ஆகாரேஹி அபி⁴னிவேஸோ ஹோதி.
Kathaṃ rūpaṃ attato samanupassati? Idhekacco pathavīkasiṇaṃ…pe… odātakasiṇaṃ attato samanupassati. ‘‘Yaṃ odātakasiṇaṃ, so ahaṃ ; yo ahaṃ, taṃ odātakasiṇa’’nti – odātakasiṇañca attañca advayaṃ samanupassati. Seyyathāpi telappadīpassa jhāyato…pe… ayaṃ paṭhamā sakkāyavatthukā ucchedadiṭṭhi. Ucchedadiṭṭhi micchādiṭṭhi…pe… imāni saññojanāni, na ca diṭṭhiyo. Evaṃ rūpaṃ attato samanupassati…pe… sakkāyavatthukāya ucchedadiṭṭhiyā imehi pañcahi ākārehi abhiniveso hoti.
உச்சே²த³தி³ட்டி²னித்³தே³ஸோ ச²ட்டோ².
Ucchedadiṭṭhiniddeso chaṭṭho.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / படிஸம்பி⁴தா³மக்³க³-அட்ட²கதா² • Paṭisambhidāmagga-aṭṭhakathā / 6. உச்சே²த³தி³ட்டி²னித்³தே³ஸவண்ணனா • 6. Ucchedadiṭṭhiniddesavaṇṇanā
