| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇абаал̣и • Paṭisambhidāmaggapāḷi |
6. ужчзд̣̇ад̣̇идтинид̣̇д̣̇зсо
6. Ucchedadiṭṭhiniddeso
139. саггааяавад̇т̇угааяа ужчзд̣̇ад̣̇идтияаа гад̇амзхи бан̃жахи аагаарзхи абхинивзсо ход̇и? ид̇ха ассуд̇аваа бут̇уж̇ж̇ано арияаанам̣ ад̣̇ассаавий арияад̇хаммасса аговид̣̇о арияад̇хаммз авинийд̇о саббурисаанам̣ ад̣̇ассаавий саббурисад̇хаммасса аговид̣̇о саббурисад̇хаммз авинийд̇о руубам̣ ад̇д̇ад̇о саманубассад̇и, взд̣̇анам̣ ад̇д̇ад̇о саманубассад̇и, сан̃н̃ам̣ ад̇д̇ад̇о саманубассад̇и, сан̇каарз ад̇д̇ад̇о саманубассад̇и, вин̃н̃аан̣ам̣ ад̇д̇ад̇о саманубассад̇и.
139. Sakkāyavatthukāya ucchedadiṭṭhiyā katamehi pañcahi ākārehi abhiniveso hoti? Idha assutavā puthujjano ariyānaṃ adassāvī ariyadhammassa akovido ariyadhamme avinīto sappurisānaṃ adassāvī sappurisadhammassa akovido sappurisadhamme avinīto rūpaṃ attato samanupassati, vedanaṃ attato samanupassati, saññaṃ attato samanupassati, saṅkhāre attato samanupassati, viññāṇaṃ attato samanupassati.
гат̇ам̣ руубам̣ ад̇д̇ад̇о саманубассад̇и? ид̇хзгажжо бат̇авийгасин̣ам̣…бз… од̣̇аад̇агасин̣ам̣ ад̇д̇ад̇о саманубассад̇и. ‘‘яам̣ од̣̇аад̇агасин̣ам̣, со ахам̣ ; яо ахам̣, д̇ам̣ од̣̇аад̇агасин̣а’’нд̇и – од̣̇аад̇агасин̣ан̃жа ад̇д̇ан̃жа ад̣̇ваяам̣ саманубассад̇и. сзяяат̇ааби д̇злаббад̣̇ийбасса жхааяад̇о…бз… аяам̣ батамаа саггааяавад̇т̇угаа ужчзд̣̇ад̣̇идти. ужчзд̣̇ад̣̇идти мижчаад̣̇идти…бз… имаани сан̃н̃ож̇анаани, на жа д̣̇идтияо. звам̣ руубам̣ ад̇д̇ад̇о саманубассад̇и…бз… саггааяавад̇т̇угааяа ужчзд̣̇ад̣̇идтияаа имзхи бан̃жахи аагаарзхи абхинивзсо ход̇и.
Kathaṃ rūpaṃ attato samanupassati? Idhekacco pathavīkasiṇaṃ…pe… odātakasiṇaṃ attato samanupassati. ‘‘Yaṃ odātakasiṇaṃ, so ahaṃ ; yo ahaṃ, taṃ odātakasiṇa’’nti – odātakasiṇañca attañca advayaṃ samanupassati. Seyyathāpi telappadīpassa jhāyato…pe… ayaṃ paṭhamā sakkāyavatthukā ucchedadiṭṭhi. Ucchedadiṭṭhi micchādiṭṭhi…pe… imāni saññojanāni, na ca diṭṭhiyo. Evaṃ rūpaṃ attato samanupassati…pe… sakkāyavatthukāya ucchedadiṭṭhiyā imehi pañcahi ākārehi abhiniveso hoti.
ужчзд̣̇ад̣̇идтинид̣̇д̣̇зсо чадто.
Ucchedadiṭṭhiniddeso chaṭṭho.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā / 6. ужчзд̣̇ад̣̇идтинид̣̇д̣̇зсаван̣н̣анаа • 6. Ucchedadiṭṭhiniddesavaṇṇanā
