| Library / Tipiṭaka / തിപിടക • Tipiṭaka / പടിസമ്ഭിദാമഗ്ഗപാളി • Paṭisambhidāmaggapāḷi |
൬. ഉച്ഛേദദിട്ഠിനിദ്ദേസോ
6. Ucchedadiṭṭhiniddeso
൧൩൯. സക്കായവത്ഥുകായ ഉച്ഛേദദിട്ഠിയാ കതമേഹി പഞ്ചഹി ആകാരേഹി അഭിനിവേസോ ഹോതി? ഇധ അസ്സുതവാ പുഥുജ്ജനോ അരിയാനം അദസ്സാവീ അരിയധമ്മസ്സ അകോവിദോ അരിയധമ്മേ അവിനീതോ സപ്പുരിസാനം അദസ്സാവീ സപ്പുരിസധമ്മസ്സ അകോവിദോ സപ്പുരിസധമ്മേ അവിനീതോ രൂപം അത്തതോ സമനുപസ്സതി, വേദനം അത്തതോ സമനുപസ്സതി, സഞ്ഞം അത്തതോ സമനുപസ്സതി, സങ്ഖാരേ അത്തതോ സമനുപസ്സതി, വിഞ്ഞാണം അത്തതോ സമനുപസ്സതി.
139. Sakkāyavatthukāya ucchedadiṭṭhiyā katamehi pañcahi ākārehi abhiniveso hoti? Idha assutavā puthujjano ariyānaṃ adassāvī ariyadhammassa akovido ariyadhamme avinīto sappurisānaṃ adassāvī sappurisadhammassa akovido sappurisadhamme avinīto rūpaṃ attato samanupassati, vedanaṃ attato samanupassati, saññaṃ attato samanupassati, saṅkhāre attato samanupassati, viññāṇaṃ attato samanupassati.
കഥം രൂപം അത്തതോ സമനുപസ്സതി? ഇധേകച്ചോ പഥവീകസിണം…പേ॰… ഓദാതകസിണം അത്തതോ സമനുപസ്സതി. ‘‘യം ഓദാതകസിണം, സോ അഹം ; യോ അഹം, തം ഓദാതകസിണ’’ന്തി – ഓദാതകസിണഞ്ച അത്തഞ്ച അദ്വയം സമനുപസ്സതി. സേയ്യഥാപി തേലപ്പദീപസ്സ ഝായതോ…പേ॰… അയം പഠമാ സക്കായവത്ഥുകാ ഉച്ഛേദദിട്ഠി. ഉച്ഛേദദിട്ഠി മിച്ഛാദിട്ഠി…പേ॰… ഇമാനി സഞ്ഞോജനാനി, ന ച ദിട്ഠിയോ. ഏവം രൂപം അത്തതോ സമനുപസ്സതി…പേ॰… സക്കായവത്ഥുകായ ഉച്ഛേദദിട്ഠിയാ ഇമേഹി പഞ്ചഹി ആകാരേഹി അഭിനിവേസോ ഹോതി.
Kathaṃ rūpaṃ attato samanupassati? Idhekacco pathavīkasiṇaṃ…pe… odātakasiṇaṃ attato samanupassati. ‘‘Yaṃ odātakasiṇaṃ, so ahaṃ ; yo ahaṃ, taṃ odātakasiṇa’’nti – odātakasiṇañca attañca advayaṃ samanupassati. Seyyathāpi telappadīpassa jhāyato…pe… ayaṃ paṭhamā sakkāyavatthukā ucchedadiṭṭhi. Ucchedadiṭṭhi micchādiṭṭhi…pe… imāni saññojanāni, na ca diṭṭhiyo. Evaṃ rūpaṃ attato samanupassati…pe… sakkāyavatthukāya ucchedadiṭṭhiyā imehi pañcahi ākārehi abhiniveso hoti.
ഉച്ഛേദദിട്ഠിനിദ്ദേസോ ഛട്ഠോ.
Ucchedadiṭṭhiniddeso chaṭṭho.
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / ഖുദ്ദകനികായ (അട്ഠകഥാ) • Khuddakanikāya (aṭṭhakathā) / പടിസമ്ഭിദാമഗ്ഗ-അട്ഠകഥാ • Paṭisambhidāmagga-aṭṭhakathā / ൬. ഉച്ഛേദദിട്ഠിനിദ്ദേസവണ്ണനാ • 6. Ucchedadiṭṭhiniddesavaṇṇanā
