| Library / Tipiṭaka / д̇ибидага • Tipiṭaka / вимаанавад̇т̇у-адтагат̇аа • Vimānavatthu-aṭṭhakathā |
2. ужчуд̣̇ааяигаавимаанаван̣н̣анаа
2. Ucchudāyikāvimānavaṇṇanā
обхаасаяид̇ваа бат̇авим̣ сад̣̇зваганд̇и ужчуд̣̇ааяигаавимаанам̣. д̇асса гаа уббад̇д̇и? бхаг̇аваа рааж̇аг̇ахз вихарад̇ийд̇иаад̣̇и саб̣б̣ам̣ ананд̇аравимаанз вуд̇д̇асад̣̇исам̣. аяам̣ бана висзсо – ид̇ха ужчу д̣̇иннаа, сассуяаа жа бийтагзна бахадаа, д̇ан̇кан̣ан̃н̃зва мад̇аа д̇аавад̇им̣сзсу уббаннаа, д̇ассам̣язва рад̇д̇ияам̣ т̇зрасса убадтаанам̣ ааг̇ад̇аа, гзвалагаббам̣ г̇иж̇жхагуудам̣ жанд̣̇о вияа суурияо вияа жа обхаасзнд̇ий т̇зрам̣ ванд̣̇ид̇ваа бан̃ж̇алигаа намассамаанаа згаманд̇ам̣ адтааси. ат̇а нам̣ т̇зро –
Obhāsayitvāpathaviṃ sadevakanti ucchudāyikāvimānaṃ. Tassa kā uppatti? Bhagavā rājagahe viharatītiādi sabbaṃ anantaravimāne vuttasadisaṃ. Ayaṃ pana viseso – idha ucchu dinnā, sassuyā ca pīṭhakena pahaṭā, taṅkhaṇaññeva matā tāvatiṃsesu uppannā, tassaṃyeva rattiyaṃ therassa upaṭṭhānaṃ āgatā, kevalakappaṃ gijjhakūṭaṃ cando viya sūriyo viya ca obhāsentī theraṃ vanditvā pañjalikā namassamānā ekamantaṃ aṭṭhāsi. Atha naṃ thero –
296.
296.
‘‘обхаасаяид̇ваа бат̇авим̣ сад̣̇звагам̣, ад̇ирожаси жанд̣̇имасуурияаа вияа;
‘‘Obhāsayitvā pathaviṃ sadevakaṃ, atirocasi candimasūriyā viya;
сирияаа жа ван̣н̣зна яасзна д̇зж̇асаа, б̣рахмаава д̣̇звз д̇ид̣̇асз сахинд̣̇агз.
Siriyā ca vaṇṇena yasena tejasā, brahmāva deve tidase sahindake.
297.
297.
‘‘бужчаами д̇ам̣ уббаламаалад̇хаариний, аавзл̣иний ган̃жанасаннибхад̇д̇ажз;
‘‘Pucchāmi taṃ uppalamāladhārinī, āveḷinī kañcanasannibhattace;
алан̇гад̇з уд̇д̇амавад̇т̇ад̇хаариний, гаа д̇вам̣ субхз д̣̇звад̇з ванд̣̇асз мамам̣.
Alaṅkate uttamavatthadhārinī, kā tvaṃ subhe devate vandase mamaṃ.
298.
298.
‘‘гим̣ д̇вам̣ бурз гаммамагааси ад̇д̇анаа, мануссабхууд̇аа буримааяа ж̇аад̇ияаа;
‘‘Kiṃ tvaṃ pure kammamakāsi attanā, manussabhūtā purimāya jātiyā;
д̣̇аанам̣ сужин̣н̣ам̣ ат̇а сийласам̣яамам̣, гзнуубабаннаа суг̇ад̇им̣ яасассиний;
Dānaṃ suciṇṇaṃ atha sīlasaṃyamaṃ, kenūpapannā sugatiṃ yasassinī;
д̣̇звад̇з бужчид̇аажигка, гисса гаммассид̣̇ам̣ пала’’нд̇и. –
Devate pucchitācikkha, kissa kammassidaṃ phala’’nti. –
имаахи г̇аат̇аахи бужчи.
Imāhi gāthāhi pucchi.
296-7. д̇ад̇т̇а обхаасаяид̇ваа бат̇авим̣ сад̣̇зваганд̇и жанд̣̇имасуурияарасмисаммиссзхи синзрубассавиниг̇г̇ад̇зхи бабхаависарзхи виж̇ж̇од̇аяамаанад̇ааяа д̣̇звзна аагаасзна сахаад̇и сад̣̇звагам̣ убаг̇ад̇абхуумибхааг̇абхууд̇ам̣ имам̣ бат̇авим̣ виж̇ж̇од̇зд̇ваа, згобхаасам̣ згабаж̇ж̇од̇ам̣ гад̇ваад̇и ад̇т̇о. обхаасаяид̇ваа бат̇авим̣ жанд̣̇имасуурияаа вияаад̇и яож̇анаа. ад̇ирожасийд̇и ад̇иггамид̇ваа рожаси. д̇ам̣ бана ад̇ирожанам̣ гзна гим̣ вияа гзна ваад̇и ааха ‘‘сирияаа’’д̇иаад̣̇и. д̇ад̇т̇а сирияаад̇и собхаг̇г̇аад̣̇исобхаависзсзна. д̇зж̇асаад̇и ад̇д̇ано аанубхаавзна. аавзл̣инийд̇и рад̇анамаяабубпаавзл̣авад̇ий.
296-7. Tattha obhāsayitvā pathaviṃ sadevakanti candimasūriyarasmisammissehi sinerupassaviniggatehi pabhāvisarehi vijjotayamānatāya devena ākāsena sahāti sadevakaṃ upagatabhūmibhāgabhūtaṃ imaṃ pathaviṃ vijjotetvā, ekobhāsaṃ ekapajjotaṃ katvāti attho. Obhāsayitvā pathaviṃ candimasūriyā viyāti yojanā. Atirocasīti atikkamitvā rocasi. Taṃ pana atirocanaṃ kena kiṃ viya kena vāti āha ‘‘siriyā’’tiādi. Tattha siriyāti sobhaggādisobhāvisesena. Tejasāti attano ānubhāvena. Āveḷinīti ratanamayapupphāveḷavatī.
звам̣ т̇зрзна бужчид̇аа д̣̇звад̇аа имаахи г̇аат̇аахи виссаж̇ж̇зси –
Evaṃ therena pucchitā devatā imāhi gāthāhi vissajjesi –
299.
299.
‘‘ид̣̇аани бханд̇з имамзва г̇аамам̣, бин̣д̣ааяа амхаагам̣ гхарам̣ убааг̇ами;
‘‘Idāni bhante imameva gāmaṃ, piṇḍāya amhākaṃ gharaṃ upāgami;
д̇ад̇о д̇з ужчусса ад̣̇ааси кан̣д̣игам̣, басаннажид̇д̇аа ад̇улааяа бийд̇ияаа.
Tato te ucchussa adāsi khaṇḍikaṃ, pasannacittā atulāya pītiyā.
300.
300.
‘‘сассу жа бажчаа ануяун̃ж̇ад̇з мамам̣, гахам̣ ну ужчум̣ вад̇хугз аваагири;
‘‘Sassu ca pacchā anuyuñjate mamaṃ, kahaṃ nu ucchuṃ vadhuke avākiri;
на чад̣д̣ид̇ам̣ но бана каад̣̇ид̇ам̣ маяаа, санд̇асса бхигкусса саяам̣ ад̣̇аасахам̣.
Na chaḍḍitaṃ no pana khāditaṃ mayā, santassa bhikkhussa sayaṃ adāsahaṃ.
301.
301.
‘‘д̇уяхам̣ нвид̣̇ам̣ иссарияам̣ ат̇о мама, ид̇иссаа сассу барибхаасад̇з мамам̣;
‘‘Tuyhaṃ nvidaṃ issariyaṃ atho mama, itissā sassu paribhāsate mamaṃ;
бийтам̣ г̇ахзд̇ваа бахаарам̣ ад̣̇ааси мз, д̇ад̇о жуд̇аа гаалагад̇аамхи д̣̇звад̇аа.
Pīṭhaṃ gahetvā pahāraṃ adāsi me, tato cutā kālakatāmhi devatā.
302.
302.
‘‘д̇ад̣̇зва гаммам̣ гусалам̣ гад̇ам̣ маяаа, сукан̃жа гаммам̣ анубхоми ад̇д̇анаа;
‘‘Tadeva kammaṃ kusalaṃ kataṃ mayā, sukhañca kammaṃ anubhomi attanā;
д̣̇звзхи сад̣̇д̇хим̣ барижаараяаамахам̣, мод̣̇аамахам̣ гаамаг̇ун̣зхи бан̃жахи.
Devehi saddhiṃ paricārayāmahaṃ, modāmahaṃ kāmaguṇehi pañcahi.
303.
303.
‘‘д̇ад̣̇зва гаммам̣ гусалам̣ гад̇ам̣ маяаа, сукан̃жа гаммам̣ анубхоми ад̇д̇анаа;
‘‘Tadeva kammaṃ kusalaṃ kataṃ mayā, sukhañca kammaṃ anubhomi attanā;
д̣̇звинд̣̇аг̇уд̇д̇аа д̇ид̣̇асзхи рагкид̇аа, самаббид̇аа гаамаг̇ун̣зхи бан̃жахи.
Devindaguttā tidasehi rakkhitā, samappitā kāmaguṇehi pañcahi.
304.
304.
‘‘зд̇аад̣̇исам̣ бун̃н̃апалам̣ анаббагам̣, махаавибаагаа мама ужчуд̣̇агкин̣аа;
‘‘Etādisaṃ puññaphalaṃ anappakaṃ, mahāvipākā mama ucchudakkhiṇā;
д̣̇звзхи сад̣̇д̇хим̣ барижаараяаамахам̣, мод̣̇аамахам̣ гаамаг̇ун̣зхи бан̃жахи.
Devehi saddhiṃ paricārayāmahaṃ, modāmahaṃ kāmaguṇehi pañcahi.
305.
305.
‘‘зд̇аад̣̇исам̣ бун̃н̃апалам̣ анаббагам̣, махааж̇уд̇игаа мама ужчуд̣̇агкин̣аа;
‘‘Etādisaṃ puññaphalaṃ anappakaṃ, mahājutikā mama ucchudakkhiṇā;
д̣̇звинд̣̇аг̇уд̇д̇аа д̇ид̣̇асзхи рагкид̇аа, сахассанзд̇д̇орива нанд̣̇анз ванз.
Devindaguttā tidasehi rakkhitā, sahassanettoriva nandane vane.
306.
306.
‘‘д̇уван̃жа бханд̇з анугамбагам̣ вид̣̇ум̣, убзжжа ванд̣̇им̣ гусалан̃жа бужчисам̣;
‘‘Tuvañca bhante anukampakaṃ viduṃ, upecca vandiṃ kusalañca pucchisaṃ;
д̇ад̇о д̇з ужчусса ад̣̇ааси кан̣д̣игам̣, басаннажид̇д̇аа ад̇улааяа бийд̇ияаа’’д̇и.
Tato te ucchussa adāsi khaṇḍikaṃ, pasannacittā atulāya pītiyā’’ti.
299. д̇ад̇т̇а ид̣̇аанийд̇и ананд̇араад̇ийд̇ад̣̇ивасад̇д̇аа ааха, ад̇хунаад̇и ад̇т̇о. имамзва г̇ааманд̇и имасмим̣язва г̇аамз, рааж̇аг̇ахам̣ санд̇хааяа вад̣̇ад̇и. вуд̇д̇ан̃хи ‘‘г̇аамоби ниг̇амоби наг̇арамби ‘г̇аамо’ ижжзва вужжад̇ий’’д̇и. бхуммад̇т̇з жзд̇ам̣ убаяог̇аважанам̣. убааг̇амийд̇и убаг̇ад̇о ахоси. ад̇улааяаад̇и анубамааяа, аббамаан̣ааяа ваа.
299. Tattha idānīti anantarātītadivasattā āha, adhunāti attho. Imameva gāmanti imasmiṃyeva gāme, rājagahaṃ sandhāya vadati. Vuttañhi ‘‘gāmopi nigamopi nagarampi ‘gāmo’ icceva vuccatī’’ti. Bhummatthe cetaṃ upayogavacanaṃ. Upāgamīti upagato ahosi. Atulāyāti anupamāya, appamāṇāya vā.
300. аваагирийд̇и абанзси чад̣д̣зси, винаасзси ваа. санд̇ассаад̇и саад̇хуруубасса санд̇агилзсасса бариссамамаббад̇д̇асса ваа.
300.Avākirīti apanesi chaḍḍesi, vināsesi vā. Santassāti sādhurūpassa santakilesassa parissamamappattassa vā.
301. д̇уяхам̣ нууд̇и ну-сад̣̇д̣̇о анад̇д̇аманад̇аасуужанз нибаад̇о, со ‘‘мамаа’’д̇и зд̇т̇ааби аанзд̇ваа яож̇зд̇аб̣б̣о ‘‘мама нуу’’д̇и. ид̣̇ам̣ иссарияанд̇и г̇зхз аад̇хибажжам̣ санд̇хааяааха. д̇ад̇о жуд̇аад̇и д̇ад̇о мануссалогад̇о жуд̇аа. яасмаа тид̇адтаанад̇о абаг̇ад̇ааби ‘‘жуд̇аа’’д̇и вужжад̇и, д̇асмаа жуд̇им̣ висзсзд̇ум̣ ‘‘гаалагад̇аа’’д̇и вуд̇д̇ам̣. гаалагад̇ааби жа на яад̇т̇а гад̇т̇ажи ниб̣б̣ад̇д̇аа, абижа ко д̣̇звад̇д̇ам̣ убаг̇ад̇аад̇и д̣̇ассзнд̇ий ааха ‘‘амхи д̣̇звад̇аа’’д̇и.
301.Tuyhaṃ nūti nu-saddo anattamanatāsūcane nipāto, so ‘‘mamā’’ti etthāpi ānetvā yojetabbo ‘‘mama nū’’ti. Idaṃ issariyanti gehe ādhipaccaṃ sandhāyāha. Tato cutāti tato manussalokato cutā. Yasmā ṭhitaṭṭhānato apagatāpi ‘‘cutā’’ti vuccati, tasmā cutiṃ visesetuṃ ‘‘kālakatā’’ti vuttaṃ. Kālakatāpi ca na yattha katthaci nibbattā, apica kho devattaṃ upagatāti dassentī āha ‘‘amhi devatā’’ti.
302. д̇ад̣̇зва гаммам̣ гусалам̣ гад̇ам̣ маяаад̇и д̇ад̣̇зва ужчукан̣д̣ад̣̇аанамад̇д̇ам̣ гусалам̣ гаммам̣ гад̇ам̣ маяаа, ан̃н̃ам̣ на ж̇аанаамийд̇и ад̇т̇о. сукан̃жа гамманд̇и сукан̃жа гаммапалам̣. гаммапалан̃хи ид̇ха ‘‘гамма’’нд̇и вуд̇д̇ам̣ уд̇д̇арабад̣̇алобзна, гааран̣обажаарзна ваа ‘‘гусалаанам̣, бхигкавз, д̇хаммаанам̣ самаад̣̇аанахзд̇у звамид̣̇ам̣ бун̃н̃ам̣ бавад̣дхад̇и (д̣̇ий. ни. 3.80). анубхоми сагам̣ бун̃н̃а’’нд̇и (ви. ва. 133) жа аад̣̇ийсу вияа. гамманд̇и ваа гаран̣ад̇т̇з убаяог̇аважанам̣, гаммзнаад̇и ад̇т̇о. гаммз ваа бхавам̣ гаммам̣ яат̇аа гамманд̇и. ат̇а ваа гаамзд̇аб̣б̣ад̇ааяа гаммам̣. д̇ан̃хи сукараж̇анийяабхаавад̇о гаамуубасам̣хид̇ам̣ гаамзд̇аб̣б̣анд̇и гаманийяам̣. ад̇д̇анаад̇и ад̇д̇анаа зва, саяам̣васид̇ааяа сзрибхаавзна саяамзваад̇и ад̇т̇о. барижаараяаамахам̣ ад̇д̇аананд̇и буримаг̇аат̇ааяа ‘‘ад̇д̇анаа’’д̇и вуд̇д̇ам̣ бад̣̇ам̣ вибхад̇д̇ивибарин̣аамзна ‘‘ад̇д̇аана’’нд̇и яож̇зд̇аб̣б̣ам̣.
302.Tadevakammaṃ kusalaṃ kataṃ mayāti tadeva ucchukhaṇḍadānamattaṃ kusalaṃ kammaṃ kataṃ mayā, aññaṃ na jānāmīti attho. Sukhañca kammanti sukhañca kammaphalaṃ. Kammaphalañhi idha ‘‘kamma’’nti vuttaṃ uttarapadalopena, kāraṇopacārena vā ‘‘kusalānaṃ, bhikkhave, dhammānaṃ samādānahetu evamidaṃ puññaṃ pavaḍḍhati (dī. ni. 3.80). Anubhomi sakaṃ puñña’’nti (vi. va. 133) ca ādīsu viya. Kammanti vā karaṇatthe upayogavacanaṃ, kammenāti attho. Kamme vā bhavaṃ kammaṃ yathā kammanti. Atha vā kāmetabbatāya kammaṃ. Tañhi sukharajanīyabhāvato kāmūpasaṃhitaṃ kāmetabbanti kamanīyaṃ. Attanāti attanā eva, sayaṃvasitāya seribhāvena sayamevāti attho. Paricārayāmahaṃ attānanti purimagāthāya ‘‘attanā’’ti vuttaṃ padaṃ vibhattivipariṇāmena ‘‘attāna’’nti yojetabbaṃ.
303-5. д̣̇звинд̣̇аг̇уд̇д̇аад̇и д̣̇звинд̣̇зна саггзна г̇уд̇д̇аа, д̣̇звинд̣̇о вияа ваа г̇уд̇д̇аа махаабариваарад̇ааяа. самаббид̇аад̇и судту аббид̇аа саманнааг̇ад̇аа. махаавибаагаад̇и вибулапалаа. махааж̇уд̇игаад̇и махаад̇зж̇аа, махаанубхааваад̇и ад̇т̇о.
303-5.Devindaguttāti devindena sakkena guttā, devindo viya vā guttā mahāparivāratāya. Samappitāti suṭṭhu appitā samannāgatā. Mahāvipākāti vipulaphalā. Mahājutikāti mahātejā, mahānubhāvāti attho.
306. д̇уванд̇и д̇ам̣. анугамбаганд̇и гаарун̣игам̣. вид̣̇унд̇и саббан̃н̃ам̣, саавагабаарамияаа мад̇т̇агам̣ бад̇д̇анд̇и ад̇т̇о. убзжжаад̇и убаг̇анд̇ваа. ванд̣̇инд̇и бан̃жабад̇идтид̇зна абхиваад̣̇аяим̣. гусалан̃жа аарог̇яа бужчисам̣ абужчим̣, ад̇улааяа бийд̇ияаа ид̣̇ан̃жа гусалам̣ ануссараамийд̇и ад̇хиббааяо. сзсам̣ хздтаа вуд̇д̇анаяамзва.
306.Tuvanti taṃ. Anukampakanti kāruṇikaṃ. Vidunti sappaññaṃ, sāvakapāramiyā matthakaṃ pattanti attho. Upeccāti upagantvā. Vandinti pañcapatiṭṭhitena abhivādayiṃ. Kusalañca ārogya pucchisaṃ apucchiṃ, atulāya pītiyā idañca kusalaṃ anussarāmīti adhippāyo. Sesaṃ heṭṭhā vuttanayameva.
ужчуд̣̇ааяигаавимаанаван̣н̣анаа нидтид̇аа.
Ucchudāyikāvimānavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / вимаанавад̇т̇убаал̣и • Vimānavatthupāḷi / 2. ужчуд̣̇ааяигаавимаанавад̇т̇у • 2. Ucchudāyikāvimānavatthu
