| Library / Tipiṭaka / තිපිටක • Tipiṭaka / අපදානපාළි • Apadānapāḷi |
5. උච්‌ඡුඛණ්‌ඩිකත්‌ථෙරඅපදානං
5. Ucchukhaṇḍikattheraapadānaṃ
44.
44.
‘‘නගරෙ බන්‌ධුමතියා, ද්‌වාරපාලො අහොසහං;
‘‘Nagare bandhumatiyā, dvārapālo ahosahaṃ;
අද්‌දසං විරජං බුද්‌ධං, සබ්‌බධම්‌මාන පාරගුං.
Addasaṃ virajaṃ buddhaṃ, sabbadhammāna pāraguṃ.
45.
45.
‘‘උච්‌ඡුඛණ්‌ඩිකමාදාය, බුද්‌ධසෙට්‌ඨස්‌සදාසහං;
‘‘Ucchukhaṇḍikamādāya, buddhaseṭṭhassadāsahaṃ;
පසන්‌නචිත්‌තො සුමනො, විපස්‌සිස්‌ස මහෙසිනො.
Pasannacitto sumano, vipassissa mahesino.
46.
46.
‘‘එකනවුතිතො කප්‌පෙ, යං උච්‌ඡුමදදිං තදා;
‘‘Ekanavutito kappe, yaṃ ucchumadadiṃ tadā;
දුග්‌ගතිං නාභිජානාමි, උච්‌ඡුඛණ්‌ඩස්‌සිදං ඵලං.
Duggatiṃ nābhijānāmi, ucchukhaṇḍassidaṃ phalaṃ.
47.
47.
‘‘කිලෙසා ඣාපිතා මය්‌හං…පෙ.… විහරාමි අනාසවො.
‘‘Kilesā jhāpitā mayhaṃ…pe… viharāmi anāsavo.
48.
48.
‘‘ස්‌වාගතං වත මෙ ආසි…පෙ.… කතං බුද්‌ධස්‌ස සාසනං.
‘‘Svāgataṃ vata me āsi…pe… kataṃ buddhassa sāsanaṃ.
49.
49.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා උච්‌ඡුඛණ්‌ඩිකො ථෙරො ඉමා ගාථායො
Itthaṃ sudaṃ āyasmā ucchukhaṇḍiko thero imā gāthāyo
අභාසිත්‌ථාති.
Abhāsitthāti.
උච්‌ඡුඛණ්‌ඩිකත්‌ථෙරස්‌සාපදානං පඤ්‌චමං.
Ucchukhaṇḍikattherassāpadānaṃ pañcamaṃ.
