| Library / Tipiṭaka / তিপিটক • Tipiṭaka / পেতৰত্থুপাল়ি • Petavatthupāḷi |
৫. উচ্ছুপেতৰত্থু
5. Ucchupetavatthu
৭৩৭.
737.
‘‘ইদং মম উচ্ছুৰনং মহন্তং, নিব্বত্ততি পুঞ্ঞফলং অনপ্পকং।
‘‘Idaṃ mama ucchuvanaṃ mahantaṃ, nibbattati puññaphalaṃ anappakaṃ;
তং দানি মে ন 1 পরিভোগমেতি, আচিক্খ ভন্তে কিস্স অযং ৰিপাকো॥
Taṃ dāni me na 2 paribhogameti, ācikkha bhante kissa ayaṃ vipāko.
৭৩৮.
738.
‘‘হঞ্ঞামি 3 খজ্জামি চ ৰাযমামি, পরিসক্কামি পরিভুঞ্জিতুং কিঞ্চি।
‘‘Haññāmi 4 khajjāmi ca vāyamāmi, parisakkāmi paribhuñjituṃ kiñci;
স্ৰাহং ছিন্নথামো কপণো লালপামি, কিস্স 5 কম্মস্স অযং ৰিপাকো॥
Svāhaṃ chinnathāmo kapaṇo lālapāmi, kissa 6 kammassa ayaṃ vipāko.
৭৩৯.
739.
‘‘ৰিঘাতো চাহং পরিপতামি ছমাযং, পরিৰত্তামি ৰারিচরোৰ ঘম্মে।
‘‘Vighāto cāhaṃ paripatāmi chamāyaṃ, parivattāmi vāricarova ghamme;
রুদতো চ মে 7 অস্সুকা নিগ্গলন্তি, আচিক্খ ভন্তে কিস্স অযং ৰিপাকো॥
Rudato ca me 8 assukā niggalanti, ācikkha bhante kissa ayaṃ vipāko.
৭৪০.
740.
‘‘ছাতো কিলন্তো চ পিপাসিতো চ, সন্তস্সিতো সাতসুখং ন ৰিন্দে।
‘‘Chāto kilanto ca pipāsito ca, santassito sātasukhaṃ na vinde;
পুচ্ছামি তং এতমত্থং ভদন্তে, কথং নু উচ্ছুপরিভোগং লভেয্য’’ন্তি॥
Pucchāmi taṃ etamatthaṃ bhadante, kathaṃ nu ucchuparibhogaṃ labheyya’’nti.
৭৪১.
741.
‘‘পুরে তুৰং কম্মমকাসি অত্তনা, মনুস্সভূতো পুরিমায জাতিযা।
‘‘Pure tuvaṃ kammamakāsi attanā, manussabhūto purimāya jātiyā;
অহঞ্চ তং এতমত্থং ৰদামি, সুত্ৰান ত্ৰং এতমত্থং ৰিজান॥
Ahañca taṃ etamatthaṃ vadāmi, sutvāna tvaṃ etamatthaṃ vijāna.
৭৪২.
742.
‘‘উচ্ছুং তুৰং খাদমানো পযাতো, পুরিসো চ তে পিট্ঠিতো অন্ৰগচ্ছি।
‘‘Ucchuṃ tuvaṃ khādamāno payāto, puriso ca te piṭṭhito anvagacchi;
সো চ তং পচ্চাসন্তো কথেসি, তস্স তুৰং ন কিঞ্চি আলপিত্থ॥
So ca taṃ paccāsanto kathesi, tassa tuvaṃ na kiñci ālapittha.
৭৪৩.
743.
‘‘সো চ তং অভণন্তং অযাচি, ‘দেহয্য উচ্ছু’ন্তি চ তং অৰোচ।
‘‘So ca taṃ abhaṇantaṃ ayāci, ‘dehayya ucchu’nti ca taṃ avoca;
তস্স তুৰং পিট্ঠিতো উচ্ছুং অদাসি, তস্সেতং কম্মস্স অযং ৰিপাকো॥
Tassa tuvaṃ piṭṭhito ucchuṃ adāsi, tassetaṃ kammassa ayaṃ vipāko.
৭৪৪.
744.
‘‘ইঙ্ঘ ত্ৰং গন্ত্ৰান পিট্ঠিতো গণ্হেয্যাসি 9, গহেত্ৰান তং খাদস্সু যাৰদত্থং।
‘‘Iṅgha tvaṃ gantvāna piṭṭhito gaṇheyyāsi 10, gahetvāna taṃ khādassu yāvadatthaṃ;
তেনেৰ ত্ৰং অত্তমনো ভৰিস্সসি, হট্ঠো চুদগ্গো চ পমোদিতো চা’’তি॥
Teneva tvaṃ attamano bhavissasi, haṭṭho cudaggo ca pamodito cā’’ti.
৭৪৫.
745.
গন্ত্ৰান সো পিট্ঠিতো অগ্গহেসি, গহেত্ৰান তং খাদি যাৰদত্থং।
Gantvāna so piṭṭhito aggahesi, gahetvāna taṃ khādi yāvadatthaṃ;
তেনেৰ সো অত্তমনো অহোসি, হট্ঠো চুদগ্গো চ পমোদিতো চাতি॥
Teneva so attamano ahosi, haṭṭho cudaggo ca pamodito cāti.
উচ্ছুপেতৰত্থু পঞ্চমং।
Ucchupetavatthu pañcamaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / পেতৰত্থু-অট্ঠকথা • Petavatthu-aṭṭhakathā / ৫. উচ্ছুপেতৰত্থুৰণ্ণনা • 5. Ucchupetavatthuvaṇṇanā
