| Library / Tipiṭaka / ਤਿਪਿਟਕ • Tipiṭaka / ਪੇਤવਤ੍ਥੁਪਾਲ਼ਿ • Petavatthupāḷi |
੫. ਉਚ੍ਛੁਪੇਤવਤ੍ਥੁ
5. Ucchupetavatthu
੭੩੭.
737.
‘‘ਇਦਂ ਮਮ ਉਚ੍ਛੁવਨਂ ਮਹਨ੍ਤਂ, ਨਿਬ੍ਬਤ੍ਤਤਿ ਪੁਞ੍ਞਫਲਂ ਅਨਪ੍ਪਕਂ।
‘‘Idaṃ mama ucchuvanaṃ mahantaṃ, nibbattati puññaphalaṃ anappakaṃ;
ਤਂ ਦਾਨਿ ਮੇ ਨ 1 ਪਰਿਭੋਗਮੇਤਿ, ਆਚਿਕ੍ਖ ਭਨ੍ਤੇ ਕਿਸ੍ਸ ਅਯਂ વਿਪਾਕੋ॥
Taṃ dāni me na 2 paribhogameti, ācikkha bhante kissa ayaṃ vipāko.
੭੩੮.
738.
‘‘ਹਞ੍ਞਾਮਿ 3 ਖਜ੍ਜਾਮਿ ਚ વਾਯਮਾਮਿ, ਪਰਿਸਕ੍ਕਾਮਿ ਪਰਿਭੁਞ੍ਜਿਤੁਂ ਕਿਞ੍ਚਿ।
‘‘Haññāmi 4 khajjāmi ca vāyamāmi, parisakkāmi paribhuñjituṃ kiñci;
ਸ੍વਾਹਂ ਛਿਨ੍ਨਥਾਮੋ ਕਪਣੋ ਲਾਲਪਾਮਿ, ਕਿਸ੍ਸ 5 ਕਮ੍ਮਸ੍ਸ ਅਯਂ વਿਪਾਕੋ॥
Svāhaṃ chinnathāmo kapaṇo lālapāmi, kissa 6 kammassa ayaṃ vipāko.
੭੩੯.
739.
‘‘વਿਘਾਤੋ ਚਾਹਂ ਪਰਿਪਤਾਮਿ ਛਮਾਯਂ, ਪਰਿવਤ੍ਤਾਮਿ વਾਰਿਚਰੋવ ਘਮ੍ਮੇ।
‘‘Vighāto cāhaṃ paripatāmi chamāyaṃ, parivattāmi vāricarova ghamme;
ਰੁਦਤੋ ਚ ਮੇ 7 ਅਸ੍ਸੁਕਾ ਨਿਗ੍ਗਲਨ੍ਤਿ, ਆਚਿਕ੍ਖ ਭਨ੍ਤੇ ਕਿਸ੍ਸ ਅਯਂ વਿਪਾਕੋ॥
Rudato ca me 8 assukā niggalanti, ācikkha bhante kissa ayaṃ vipāko.
੭੪੦.
740.
‘‘ਛਾਤੋ ਕਿਲਨ੍ਤੋ ਚ ਪਿਪਾਸਿਤੋ ਚ, ਸਨ੍ਤਸ੍ਸਿਤੋ ਸਾਤਸੁਖਂ ਨ વਿਨ੍ਦੇ।
‘‘Chāto kilanto ca pipāsito ca, santassito sātasukhaṃ na vinde;
ਪੁਚ੍ਛਾਮਿ ਤਂ ਏਤਮਤ੍ਥਂ ਭਦਨ੍ਤੇ, ਕਥਂ ਨੁ ਉਚ੍ਛੁਪਰਿਭੋਗਂ ਲਭੇਯ੍ਯ’’ਨ੍ਤਿ॥
Pucchāmi taṃ etamatthaṃ bhadante, kathaṃ nu ucchuparibhogaṃ labheyya’’nti.
੭੪੧.
741.
‘‘ਪੁਰੇ ਤੁવਂ ਕਮ੍ਮਮਕਾਸਿ ਅਤ੍ਤਨਾ, ਮਨੁਸ੍ਸਭੂਤੋ ਪੁਰਿਮਾਯ ਜਾਤਿਯਾ।
‘‘Pure tuvaṃ kammamakāsi attanā, manussabhūto purimāya jātiyā;
ਅਹਞ੍ਚ ਤਂ ਏਤਮਤ੍ਥਂ વਦਾਮਿ, ਸੁਤ੍વਾਨ ਤ੍વਂ ਏਤਮਤ੍ਥਂ વਿਜਾਨ॥
Ahañca taṃ etamatthaṃ vadāmi, sutvāna tvaṃ etamatthaṃ vijāna.
੭੪੨.
742.
‘‘ਉਚ੍ਛੁਂ ਤੁવਂ ਖਾਦਮਾਨੋ ਪਯਾਤੋ, ਪੁਰਿਸੋ ਚ ਤੇ ਪਿਟ੍ਠਿਤੋ ਅਨ੍વਗਚ੍ਛਿ।
‘‘Ucchuṃ tuvaṃ khādamāno payāto, puriso ca te piṭṭhito anvagacchi;
ਸੋ ਚ ਤਂ ਪਚ੍ਚਾਸਨ੍ਤੋ ਕਥੇਸਿ, ਤਸ੍ਸ ਤੁવਂ ਨ ਕਿਞ੍ਚਿ ਆਲਪਿਤ੍ਥ॥
So ca taṃ paccāsanto kathesi, tassa tuvaṃ na kiñci ālapittha.
੭੪੩.
743.
‘‘ਸੋ ਚ ਤਂ ਅਭਣਨ੍ਤਂ ਅਯਾਚਿ, ‘ਦੇਹਯ੍ਯ ਉਚ੍ਛੁ’ਨ੍ਤਿ ਚ ਤਂ ਅવੋਚ।
‘‘So ca taṃ abhaṇantaṃ ayāci, ‘dehayya ucchu’nti ca taṃ avoca;
ਤਸ੍ਸ ਤੁવਂ ਪਿਟ੍ਠਿਤੋ ਉਚ੍ਛੁਂ ਅਦਾਸਿ, ਤਸ੍ਸੇਤਂ ਕਮ੍ਮਸ੍ਸ ਅਯਂ વਿਪਾਕੋ॥
Tassa tuvaṃ piṭṭhito ucchuṃ adāsi, tassetaṃ kammassa ayaṃ vipāko.
੭੪੪.
744.
‘‘ਇਙ੍ਘ ਤ੍વਂ ਗਨ੍ਤ੍વਾਨ ਪਿਟ੍ਠਿਤੋ ਗਣ੍ਹੇਯ੍ਯਾਸਿ 9, ਗਹੇਤ੍વਾਨ ਤਂ ਖਾਦਸ੍ਸੁ ਯਾવਦਤ੍ਥਂ।
‘‘Iṅgha tvaṃ gantvāna piṭṭhito gaṇheyyāsi 10, gahetvāna taṃ khādassu yāvadatthaṃ;
ਤੇਨੇવ ਤ੍વਂ ਅਤ੍ਤਮਨੋ ਭવਿਸ੍ਸਸਿ, ਹਟ੍ਠੋ ਚੁਦਗ੍ਗੋ ਚ ਪਮੋਦਿਤੋ ਚਾ’’ਤਿ॥
Teneva tvaṃ attamano bhavissasi, haṭṭho cudaggo ca pamodito cā’’ti.
੭੪੫.
745.
ਗਨ੍ਤ੍વਾਨ ਸੋ ਪਿਟ੍ਠਿਤੋ ਅਗ੍ਗਹੇਸਿ, ਗਹੇਤ੍વਾਨ ਤਂ ਖਾਦਿ ਯਾવਦਤ੍ਥਂ।
Gantvāna so piṭṭhito aggahesi, gahetvāna taṃ khādi yāvadatthaṃ;
ਤੇਨੇવ ਸੋ ਅਤ੍ਤਮਨੋ ਅਹੋਸਿ, ਹਟ੍ਠੋ ਚੁਦਗ੍ਗੋ ਚ ਪਮੋਦਿਤੋ ਚਾਤਿ॥
Teneva so attamano ahosi, haṭṭho cudaggo ca pamodito cāti.
ਉਚ੍ਛੁਪੇਤવਤ੍ਥੁ ਪਞ੍ਚਮਂ।
Ucchupetavatthu pañcamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਪੇਤવਤ੍ਥੁ-ਅਟ੍ਠਕਥਾ • Petavatthu-aṭṭhakathā / ੫. ਉਚ੍ਛੁਪੇਤવਤ੍ਥੁવਣ੍ਣਨਾ • 5. Ucchupetavatthuvaṇṇanā
