| Library / Tipiṭaka / д̇ибидага • Tipiṭaka / бзд̇авад̇т̇у-адтагат̇аа • Petavatthu-aṭṭhakathā |
5. ужчубзд̇авад̇т̇уван̣н̣анаа
5. Ucchupetavatthuvaṇṇanā
ид̣̇ам̣ мама ужчуванам̣ маханд̇анд̇и ид̣̇ам̣ ужчубзд̇авад̇т̇у. д̇асса гаа уббад̇д̇и? бхаг̇авад̇и взл̣уванз вихаранд̇з ан̃н̃ад̇аро бурисо ужчугалаабам̣ канд̇хз гад̇ваа згам̣ ужчум̣ каад̣̇анд̇о г̇ажчад̇и. ат̇а ан̃н̃ад̇аро убаасаго сийлаваа галяаан̣ад̇хаммо б̣аалад̣̇аарагзна сад̣̇д̇хим̣ д̇асса бидтид̇о бидтид̇о г̇ажчад̇и. д̣̇аараго ужчум̣ бассид̇ваа ‘‘д̣̇зхий’’д̇и барод̣̇ад̇и. убаасаго д̣̇аарагам̣ барод̣̇анд̇ам̣ д̣̇исваа д̇ам̣ бурисам̣ сан̇г̇ан̣ханд̇о д̇зна сад̣̇д̇хим̣ саллаабамагааси. со бана бурисо д̇зна сад̣̇д̇хим̣ на гин̃жи аалаби, д̣̇аарагасса ужчукан̣д̣амби наад̣̇ааси. убаасаго д̇ам̣ д̣̇аарагам̣ д̣̇ассзд̇ваа ‘‘аяам̣ д̣̇аараго ад̇ивияа род̣̇ад̇и, имасса згам̣ ужчукан̣д̣ам̣ д̣̇зхий’’д̇и ааха. д̇ам̣ суд̇ваа со бурисо асаханд̇о бадихад̇ажид̇д̇ам̣ убадтабзд̇ваа анаад̣̇аравасзна згам̣ ужчуладтим̣ бидтид̇о киби.
Idaṃ mama ucchuvanaṃ mahantanti idaṃ ucchupetavatthu. Tassa kā uppatti? Bhagavati veḷuvane viharante aññataro puriso ucchukalāpaṃ khandhe katvā ekaṃ ucchuṃ khādanto gacchati. Atha aññataro upāsako sīlavā kalyāṇadhammo bāladārakena saddhiṃ tassa piṭṭhito piṭṭhito gacchati. Dārako ucchuṃ passitvā ‘‘dehī’’ti parodati. Upāsako dārakaṃ parodantaṃ disvā taṃ purisaṃ saṅgaṇhanto tena saddhiṃ sallāpamakāsi. So pana puriso tena saddhiṃ na kiñci ālapi, dārakassa ucchukhaṇḍampi nādāsi. Upāsako taṃ dārakaṃ dassetvā ‘‘ayaṃ dārako ativiya rodati, imassa ekaṃ ucchukhaṇḍaṃ dehī’’ti āha. Taṃ sutvā so puriso asahanto paṭihatacittaṃ upaṭṭhapetvā anādaravasena ekaṃ ucchulaṭṭhiṃ piṭṭhito khipi.
со абарзна самаязна гаалам̣ гад̇ваа жирам̣ барибхаавид̇асса лобхасса васзна бзд̇зсу ниб̣б̣ад̇д̇и, д̇асса палам̣ наама сагагаммасаригкагам̣ ход̇ийд̇и адтагарийсамад̇д̇ам̣ таанам̣ авад̇т̇аранд̇ам̣ ан̃ж̇анаван̣н̣ам̣ мусалад̣̇ан̣д̣абаримаан̣зхи ужчуухи гханасан̃чаннам̣ маханд̇ам̣ ужчуванам̣ ниб̣б̣ад̇д̇и. д̇асмим̣ каад̣̇ид̇угаамад̇ааяа ‘‘ужчум̣ г̇ахзссаамий’’д̇и убаг̇ад̇амад̇д̇з д̇ам̣ ужчуу абхихананд̇и, со д̇зна бужчид̇о бад̇ад̇и.
So aparena samayena kālaṃ katvā ciraṃ paribhāvitassa lobhassa vasena petesu nibbatti, tassa phalaṃ nāma sakakammasarikkhakaṃ hotīti aṭṭhakarīsamattaṃ ṭhānaṃ avattharantaṃ añjanavaṇṇaṃ musaladaṇḍaparimāṇehi ucchūhi ghanasañchannaṃ mahantaṃ ucchuvanaṃ nibbatti. Tasmiṃ khāditukāmatāya ‘‘ucchuṃ gahessāmī’’ti upagatamatte taṃ ucchū abhihananti, so tena pucchito patati.
ат̇згад̣̇ивасам̣ ааяасмаа махаамог̇г̇аллаано рааж̇аг̇ахам̣ бин̣д̣ааяа г̇ажчанд̇о анд̇араамаг̇г̇з д̇ам̣ бзд̇ам̣ ад̣̇д̣̇аса. со т̇зрам̣ д̣̇исваа ад̇д̇анаа гад̇агаммам̣ бужчи –
Athekadivasaṃ āyasmā mahāmoggallāno rājagahaṃ piṇḍāya gacchanto antarāmagge taṃ petaṃ addasa. So theraṃ disvā attanā katakammaṃ pucchi –
737.
737.
‘‘ид̣̇ам̣ мама ужчуванам̣ маханд̇ам̣, ниб̣б̣ад̇д̇ад̇и бун̃н̃апалам̣ анаббагам̣;
‘‘Idaṃ mama ucchuvanaṃ mahantaṃ, nibbattati puññaphalaṃ anappakaṃ;
д̇ам̣ д̣̇аани мз на барибхог̇амзд̇и, аажигка бханд̇з гисса аяам̣ вибааго.
Taṃ dāni me na paribhogameti, ācikkha bhante kissa ayaṃ vipāko.
738.
738.
‘‘хан̃н̃аами каж̇ж̇аами жа вааяамаами, барисаггаами барибхун̃ж̇ид̇ум̣ гин̃жи;
‘‘Haññāmi khajjāmi ca vāyamāmi, parisakkāmi paribhuñjituṃ kiñci;
сваахам̣ чиннат̇аамо габан̣о лаалабаами, гисса гаммасса аяам̣ вибааго.
Svāhaṃ chinnathāmo kapaṇo lālapāmi, kissa kammassa ayaṃ vipāko.
739.
739.
‘‘вигхаад̇о жаахам̣ барибад̇аами чамааяам̣,
‘‘Vighāto cāhaṃ paripatāmi chamāyaṃ,
баривад̇д̇аами ваарижарова гхаммз;
Parivattāmi vāricarova ghamme;
руд̣̇ад̇о жа мз ассугаа ниг̇г̇аланд̇и,
Rudato ca me assukā niggalanti,
аажигка бханд̇з гисса аяам̣ вибааго.
Ācikkha bhante kissa ayaṃ vipāko.
740.
740.
‘‘чаад̇о гиланд̇о жа бибаасид̇о жа, санд̇ассид̇о саад̇асукам̣ на винд̣̇з;
‘‘Chāto kilanto ca pipāsito ca, santassito sātasukhaṃ na vinde;
бужчаами д̇ам̣ зд̇амад̇т̇ам̣ бхад̣̇анд̇з, гат̇ам̣ ну ужчубарибхог̇ам̣ лабхзяяа’’нд̇и.
Pucchāmi taṃ etamatthaṃ bhadante, kathaṃ nu ucchuparibhogaṃ labheyya’’nti.
741.
741.
‘‘бурз д̇увам̣ гаммамагааси ад̇д̇анаа, мануссабхууд̇о буримааяа ж̇аад̇ияаа;
‘‘Pure tuvaṃ kammamakāsi attanā, manussabhūto purimāya jātiyā;
ахан̃жа д̇ам̣ зд̇амад̇т̇ам̣ вад̣̇аами, суд̇ваана д̇вам̣ зд̇амад̇т̇ам̣ виж̇аана.
Ahañca taṃ etamatthaṃ vadāmi, sutvāna tvaṃ etamatthaṃ vijāna.
742.
742.
‘‘ужчум̣ д̇увам̣ каад̣̇амаано баяаад̇о, бурисо жа д̇з бидтид̇о анваг̇ажчи;
‘‘Ucchuṃ tuvaṃ khādamāno payāto, puriso ca te piṭṭhito anvagacchi;
со жа д̇ам̣ бажжаасанд̇о гат̇зси, д̇асса д̇увам̣ на гин̃жи аалабид̇т̇а.
So ca taṃ paccāsanto kathesi, tassa tuvaṃ na kiñci ālapittha.
743.
743.
‘‘со жа д̇ам̣ абхан̣анд̇ам̣ аяаажи, д̣̇зхаяяа ужчунд̇и жа д̇ам̣ авожа;
‘‘So ca taṃ abhaṇantaṃ ayāci, dehayya ucchunti ca taṃ avoca;
д̇асса д̇увам̣ бидтид̇о ужчум̣ ад̣̇ааси, д̇ассзд̇ам̣ гаммасса аяам̣ вибааго.
Tassa tuvaṃ piṭṭhito ucchuṃ adāsi, tassetaṃ kammassa ayaṃ vipāko.
744.
744.
‘‘ин̇гха д̇вам̣ г̇анд̇ваана бидтид̇о г̇ан̣хзяяааси, г̇ахзд̇ваана д̇ам̣ каад̣̇ассу яаавад̣̇ад̇т̇ам̣;
‘‘Iṅgha tvaṃ gantvāna piṭṭhito gaṇheyyāsi, gahetvāna taṃ khādassu yāvadatthaṃ;
д̇знзва д̇вам̣ ад̇д̇амано бхависсаси, хадто жуд̣̇аг̇г̇о жа бамод̣̇ид̇о жаад̇и.
Teneva tvaṃ attamano bhavissasi, haṭṭho cudaggo ca pamodito cāti.
745.
745.
‘‘г̇анд̇ваана со бидтид̇о аг̇г̇ахзси, г̇ахзд̇ваана д̇ам̣ каад̣̇и яаавад̣̇ад̇т̇ам̣;
‘‘Gantvāna so piṭṭhito aggahesi, gahetvāna taṃ khādi yāvadatthaṃ;
д̇знзва со ад̇д̇амано ахоси, хадто жуд̣̇аг̇г̇о жа бамод̣̇ид̇о жаа’’д̇и. –
Teneva so attamano ahosi, haṭṭho cudaggo ca pamodito cā’’ti. –
важанабадиважанаг̇аат̇аа бзд̇зна т̇зрзна жа вуд̇д̇аа.
Vacanapaṭivacanagāthā petena therena ca vuttā.
737-8. д̇ад̇т̇а гиссаад̇и гийд̣̇исасса, гаммассаад̇и ад̇хиббааяо. хан̃н̃аамийд̇и вихан̃н̃аами вигхаад̇ам̣ аабаж̇ж̇аами. вихан̃н̃аамийд̇и ваа виб̣аад̇хияаами, висзсад̇о бийл̣ияаамийд̇и ад̇т̇о. каж̇ж̇аамийд̇и каад̣̇ияаами, асибад̇д̇асад̣̇исзхи нисид̇зхи каад̣̇анд̇зхи вияа ужчубад̇д̇зхи ганд̇ияаамийд̇и ад̇т̇о. вааяамаамийд̇и ужчум̣ каад̣̇ид̇ум̣ вааяаамам̣ гароми. барисаггаамийд̇и баяог̇ам̣ гароми. барибхун̃ж̇ид̇унд̇и ужчурасам̣ барибхун̃ж̇ид̇ум̣, ужчум̣ каад̣̇ид̇унд̇и ад̇т̇о. чиннат̇аамод̇и чиннасахо убажчиннат̇аамо, баригкийн̣аб̣алод̇и ад̇т̇о. габан̣од̇и д̣̇ийно. лаалабаамийд̇и д̣̇угкзна аддид̇о ад̇ивияа вилабаами.
737-8. Tattha kissāti kīdisassa, kammassāti adhippāyo. Haññāmīti vihaññāmi vighātaṃ āpajjāmi. Vihaññāmīti vā vibādhiyāmi, visesato pīḷiyāmīti attho. Khajjāmīti khādiyāmi, asipattasadisehi nisitehi khādantehi viya ucchupattehi kantiyāmīti attho. Vāyamāmīti ucchuṃ khādituṃ vāyāmaṃ karomi. Parisakkāmīti payogaṃ karomi. Paribhuñjitunti ucchurasaṃ paribhuñjituṃ, ucchuṃ khāditunti attho. Chinnathāmoti chinnasaho upacchinnathāmo, parikkhīṇabaloti attho. Kapaṇoti dīno. Lālapāmīti dukkhena aṭṭito ativiya vilapāmi.
739. вигхаад̇од̇и вигхаад̇аваа, вихад̇аб̣ало ваа. барибад̇аами чамааяанд̇и таад̇ум̣ асаггонд̇о бхуумияам̣ бабад̇аами. баривад̇д̇аамийд̇и бариб̣бхамаами. ваарижароваад̇и мажчо вияа. гхаммзд̇и гхаммасанд̇ад̇д̇з т̇алз.
739.Vighātoti vighātavā, vihatabalo vā. Paripatāmi chamāyanti ṭhātuṃ asakkonto bhūmiyaṃ papatāmi. Parivattāmīti paribbhamāmi. Vāricarovāti maccho viya. Ghammeti ghammasantatte thale.
740-4. санд̇ассид̇од̇и одтаган̣тад̇аалуунам̣ сосаббад̇д̇ияаа судту д̇асид̇о. саад̇асуканд̇и саад̇абхууд̇ам̣ сукам̣. на винд̣̇зд̇и на лабхаами. д̇анд̇и д̇увам̣. виж̇аанаад̇и виж̇аанаахи. баяаад̇од̇и г̇анд̇ум̣ аарад̣̇д̇хо. анваг̇ажчийд̇и ануб̣анд̇хи. бажжаасанд̇од̇и бажжаасийсамаано. д̇ассзд̇ам̣ гаммассаад̇и зд̇т̇а зд̇анд̇и нибаад̇амад̇д̇ам̣, д̇асса гаммассаад̇и ад̇т̇о. бидтид̇о г̇ан̣хзяяаасийд̇и ад̇д̇ано бидтибассзнзва ужчум̣ г̇ан̣хзяяааси. бамод̣̇ид̇од̇и бамуд̣̇ид̇о.
740-4.Santassitoti oṭṭhakaṇṭhatālūnaṃ sosappattiyā suṭṭhu tasito. Sātasukhanti sātabhūtaṃ sukhaṃ. Na vindeti na labhāmi. Tanti tuvaṃ. Vijānāti vijānāhi. Payātoti gantuṃ āraddho. Anvagacchīti anubandhi. Paccāsantoti paccāsīsamāno. Tassetaṃ kammassāti ettha etanti nipātamattaṃ, tassa kammassāti attho. Piṭṭhito gaṇheyyāsīti attano piṭṭhipasseneva ucchuṃ gaṇheyyāsi. Pamoditoti pamudito.
745. г̇ахзд̇ваана д̇ам̣ каад̣̇и яаавад̣̇ад̇т̇анд̇и т̇зрзна аан̣ад̇д̇инияаамзна ужчум̣ г̇ахзд̇ваа яат̇ааружи каад̣̇ид̇ваа маханд̇ам̣ ужчугалаабам̣ г̇ахзд̇ваа т̇зрасса убанзси, т̇зро д̇ам̣ ануг̇г̇ан̣ханд̇о д̇знзва д̇ам̣ ужчугалаабам̣ г̇аахаабзд̇ваа взл̣уванам̣ г̇анд̇ваа бхаг̇авад̇о ад̣̇ааси, бхаг̇аваа бхигкусан̇гхзна сад̣̇д̇хим̣ д̇ам̣ барибхун̃ж̇ид̇ваа анумод̣̇анам̣ агааси, бзд̇о басаннажид̇д̇о ванд̣̇ид̇ваа г̇ад̇о, д̇ад̇о бадтааяа яат̇аасукам̣ ужчум̣ барибхун̃ж̇и.
745.Gahetvāna taṃ khādi yāvadatthanti therena āṇattiniyāmena ucchuṃ gahetvā yathāruci khāditvā mahantaṃ ucchukalāpaṃ gahetvā therassa upanesi, thero taṃ anuggaṇhanto teneva taṃ ucchukalāpaṃ gāhāpetvā veḷuvanaṃ gantvā bhagavato adāsi, bhagavā bhikkhusaṅghena saddhiṃ taṃ paribhuñjitvā anumodanaṃ akāsi, peto pasannacitto vanditvā gato, tato paṭṭhāya yathāsukhaṃ ucchuṃ paribhuñji.
со абарзна самаязна гаалам̣ гад̇ваа д̇аавад̇им̣сзсу уббаж̇ж̇и. саа банзсаа бзд̇асса бавад̇д̇и мануссалогз баагадаа ахоси. ат̇а мануссаа сад̇т̇аарам̣ убасан̇гамид̇ваа д̇ам̣ бавад̇д̇им̣ бужчим̣су. сад̇т̇аа д̇зсам̣ д̇амад̇т̇ам̣ вид̇т̇аарад̇о гат̇зд̇ваа д̇хаммам̣ д̣̇зсзси, д̇ам̣ суд̇ваа мануссаа мажчзрамалад̇о бадивирад̇аа ахзсунд̇и.
So aparena samayena kālaṃ katvā tāvatiṃsesu uppajji. Sā panesā petassa pavatti manussaloke pākaṭā ahosi. Atha manussā satthāraṃ upasaṅkamitvā taṃ pavattiṃ pucchiṃsu. Satthā tesaṃ tamatthaṃ vitthārato kathetvā dhammaṃ desesi, taṃ sutvā manussā maccheramalato paṭiviratā ahesunti.
ужчубзд̇авад̇т̇уван̣н̣анаа нидтид̇аа.
Ucchupetavatthuvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бзд̇авад̇т̇убаал̣и • Petavatthupāḷi / 5. ужчубзд̇авад̇т̇у • 5. Ucchupetavatthu
