| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
уд̣̇агагат̇ааван̣н̣анаа
Udakakathāvaṇṇanā
108. уд̣̇агагат̇ааяам̣ махаагужчигаа уд̣̇агажаади уд̣̇агаман̣иго. ‘‘самзкалаа жаади уд̣̇агаман̣иго’’д̇иби вад̣̇анд̇и. д̇ад̇т̇аад̇и д̇зсу бхааж̇анзсу. ниб̣б̣аханауд̣̇аганд̇и ‘‘маход̣̇агам̣ ааг̇анд̇ваа д̇ал̣аагамарияаад̣̇ам̣ маа чинд̣̇ий’’д̇и д̇ал̣аагарагкан̣ад̇т̇ам̣ д̇асса згабассзна виссаж̇ж̇ид̇ауд̣̇агам̣. нид̣̇д̇хаманад̇умб̣анд̇и сассаад̣̇ийнам̣ ад̇т̇ааяа уд̣̇аганигкаманамаг̇г̇ам̣. марияаад̣̇ам̣ д̣̇уб̣б̣алам̣ гад̇ваад̇и ид̣̇ам̣ авассам̣ чиннасабхаавад̣̇ассанад̇т̇ам̣ бхан̣д̣ад̣̇зяяависаяад̣̇ассанад̇т̇ан̃жа вуд̇д̇ам̣. марияаад̣̇ам̣ д̣̇уб̣б̣алам̣ агад̇вааби яат̇аавуд̇д̇аббаяог̇з гад̇з марияаад̣̇ам̣ чинд̣̇ид̇ваа нигканд̇ауд̣̇агаг̇гхаануруубзна авахаарзна гаарзд̇аб̣б̣амзва.
108. Udakakathāyaṃ mahākucchikā udakacāṭi udakamaṇiko. ‘‘Samekhalā cāṭi udakamaṇiko’’tipi vadanti. Tatthāti tesu bhājanesu. Nibbahanaudakanti ‘‘mahodakaṃ āgantvā taḷākamariyādaṃ mā chindī’’ti taḷākarakkhaṇatthaṃ tassa ekapassena vissajjitaudakaṃ. Niddhamanatumbanti sassādīnaṃ atthāya udakanikkhamanamaggaṃ. Mariyādaṃ dubbalaṃ katvāti idaṃ avassaṃ chinnasabhāvadassanatthaṃ bhaṇḍadeyyavisayadassanatthañca vuttaṃ. Mariyādaṃ dubbalaṃ akatvāpi yathāvuttappayoge kate mariyādaṃ chinditvā nikkhantaudakagghānurūpena avahārena kāretabbameva.
аниг̇г̇ад̇зд̇и анигкамид̇ваа д̇ал̣аагасмим̣язва уд̣̇агз тид̇з. асамбад̇д̇зваад̇и д̇ал̣аагад̇о нигкамид̇ваа махаамаад̇игааяа зва тид̇з. анигканд̇зд̇и д̇ал̣аагад̇о анигканд̇з уд̣̇агз. суб̣ад̣̇д̇хаад̇и бхан̣д̣ад̣̇зяяамби на ход̇ийд̇и ад̇хиббааяо. д̇знааха ‘‘нигканд̇з б̣ад̣̇д̇хаа бхан̣д̣ад̣̇зяяа’’нд̇и, д̇ал̣аагад̇о нигкамид̇ваа барзсам̣ куд̣̇д̣̇агамаад̇игаамукам̣ абаабун̣ид̇ваа махаамаад̇игааяам̣язва тид̇з б̣ад̣̇д̇хаа жз, бхан̣д̣ад̣̇зяяанд̇и ад̇т̇о. ‘‘анигканд̇з б̣ад̣̇д̇хаа суб̣ад̣̇д̇хаа, нигканд̇з б̣ад̣̇д̇хаа бхан̣д̣ад̣̇зяяа’’нд̇и хи ид̣̇ам̣ д̣̇ваяам̣ хздтаа вуд̇д̇авигаббад̣̇ваяасса яат̇ааггамзна вуд̇д̇ам̣. над̇т̇и авахаарод̇и зд̇т̇а ‘‘авахааро над̇т̇и, бхан̣д̣ад̣̇зяяам̣ бана ход̇ий’’д̇и гзжи вад̣̇анд̇и, д̇ал̣аагаг̇ад̇ауд̣̇агасса саб̣б̣асаад̇хааран̣ад̇д̇аа д̇ам̣ аяуд̇д̇ам̣ вияа д̣̇иссад̇и, ‘‘анигканд̇з б̣ад̣̇д̇хаа суб̣ад̣̇д̇хаа’’д̇и иминаа жа адтагат̇ааважанзна на самзд̇и. вад̇т̇ум̣…бз… на самзд̇ийд̇и зд̇т̇а д̇ал̣аагаг̇ад̇ауд̣̇агасса саб̣б̣асаад̇хааран̣ад̇д̇аа абариг̇г̇ахид̇ам̣ ид̇ха вад̇т̇унд̇и ад̇хиббааяо.
Aniggateti anikkhamitvā taḷākasmiṃyeva udake ṭhite. Asampattevāti taḷākato nikkhamitvā mahāmātikāya eva ṭhite. Anikkhanteti taḷākato anikkhante udake. Subaddhāti bhaṇḍadeyyampi na hotīti adhippāyo. Tenāha ‘‘nikkhante baddhā bhaṇḍadeyya’’nti, taḷākato nikkhamitvā paresaṃ khuddakamātikāmukhaṃ apāpuṇitvā mahāmātikāyaṃyeva ṭhite baddhā ce, bhaṇḍadeyyanti attho. ‘‘Anikkhante baddhā subaddhā, nikkhante baddhā bhaṇḍadeyya’’nti hi idaṃ dvayaṃ heṭṭhā vuttavikappadvayassa yathākkamena vuttaṃ. Natthi avahāroti ettha ‘‘avahāro natthi, bhaṇḍadeyyaṃ pana hotī’’ti keci vadanti, taḷākagataudakassa sabbasādhāraṇattā taṃ ayuttaṃ viya dissati, ‘‘anikkhante baddhā subaddhā’’ti iminā ca aṭṭhakathāvacanena na sameti. Vatthuṃ…pe… na sametīti ettha taḷākagataudakassa sabbasādhāraṇattā apariggahitaṃ idha vatthunti adhippāyo.
уд̣̇агагат̇ааван̣н̣анаа нидтид̇аа.
Udakakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. д̣̇уд̇ияабаарааж̇игам̣ • 2. Dutiyapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. д̣̇уд̇ияабаарааж̇игам̣ • 2. Dutiyapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / бхуумадтагат̇аад̣̇иван̣н̣анаа • Bhūmaṭṭhakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / уд̣̇агагат̇ааван̣н̣анаа • Udakakathāvaṇṇanā
