| Library / Tipiṭaka / তিপিটক • Tipiṭaka / অপদানপাল়ি • Apadānapāḷi |
৬. উদকপূজকত্থেরঅপদানং
6. Udakapūjakattheraapadānaṃ
২৯.
29.
‘‘সুৰণ্ণৰণ্ণং সম্বুদ্ধং, গচ্ছন্তং অনিলঞ্জসে।
‘‘Suvaṇṇavaṇṇaṃ sambuddhaṃ, gacchantaṃ anilañjase;
ঘতাসনংৰ জলিতং, আদিত্তংৰ হুতাসনং॥
Ghatāsanaṃva jalitaṃ, ādittaṃva hutāsanaṃ.
৩০.
30.
‘‘পাণিনা উদকং গয্হ, আকাসে উক্খিপিং অহং।
‘‘Pāṇinā udakaṃ gayha, ākāse ukkhipiṃ ahaṃ;
৩১.
31.
‘‘অন্তলিক্খে ঠিতো সত্থা, পদুমুত্তরনামকো।
‘‘Antalikkhe ṭhito satthā, padumuttaranāmako;
মম সঙ্কপ্পমঞ্ঞায, ইমং গাথং অভাসথ॥
Mama saṅkappamaññāya, imaṃ gāthaṃ abhāsatha.
৩২.
32.
‘‘‘ইমিনা দকদানেন, পীতিউপ্পাদনেন চ।
‘‘‘Iminā dakadānena, pītiuppādanena ca;
৩৩.
33.
‘‘তেন কম্মেন দ্ৰিপদিন্দ, লোকজেট্ঠ নরাসভ।
‘‘Tena kammena dvipadinda, lokajeṭṭha narāsabha;
পত্তোম্হি অচলং ঠানং, হিত্ৰা জযপরাজযং॥
Pattomhi acalaṃ ṭhānaṃ, hitvā jayaparājayaṃ.
৩৪.
34.
‘‘সহস্সরাজনামেন , তযো তে চক্কৰত্তিনো।
‘‘Sahassarājanāmena , tayo te cakkavattino;
পঞ্চসট্ঠিকপ্পসতে, চাতুরন্তা জনাধিপা॥
Pañcasaṭṭhikappasate, cāturantā janādhipā.
৩৫.
35.
‘‘পটিসম্ভিদা চতস্সো…পে॰… কতং বুদ্ধস্স সাসনং’’॥
‘‘Paṭisambhidā catasso…pe… kataṃ buddhassa sāsanaṃ’’.
ইত্থং সুদং আযস্মা উদকপূজকো থেরো ইমা গাথাযো অভাসিত্থাতি।
Itthaṃ sudaṃ āyasmā udakapūjako thero imā gāthāyo abhāsitthāti.
উদকপূজকত্থেরস্সাপদানং ছট্ঠং।
Udakapūjakattherassāpadānaṃ chaṭṭhaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / অপদান-অট্ঠকথা • Apadāna-aṭṭhakathā / ৬. উদকপূজকত্থেরঅপদানৰণ্ণনা • 6. Udakapūjakattheraapadānavaṇṇanā
