| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๒. อุทกปูชกเตฺถรอปทานํ
2. Udakapūjakattheraapadānaṃ
๗.
7.
‘‘สุวณฺณวณฺณํ สมฺพุทฺธํ, คจฺฉนฺตํ อนิลญฺชเส;
‘‘Suvaṇṇavaṇṇaṃ sambuddhaṃ, gacchantaṃ anilañjase;
ฆตาสนํว ชลิตํ, อาทิตฺตํว หุตาสนํฯ
Ghatāsanaṃva jalitaṃ, ādittaṃva hutāsanaṃ.
๘.
8.
‘‘ปาณินา อุทกํ คยฺห, อากาเส อุกฺขิปิํ อหํ;
‘‘Pāṇinā udakaṃ gayha, ākāse ukkhipiṃ ahaṃ;
สมฺปฎิจฺฉิ มหาวีโร, พุโทฺธ การุณิโก อิสิฯ
Sampaṭicchi mahāvīro, buddho kāruṇiko isi.
๙.
9.
‘‘อนฺตลิเกฺข ฐิโต สตฺถา, ปทุมุตฺตรนามโก;
‘‘Antalikkhe ṭhito satthā, padumuttaranāmako;
มม สงฺกปฺปมญฺญาย, อิมํ คาถมภาสถฯ
Mama saṅkappamaññāya, imaṃ gāthamabhāsatha.
๑๐.
10.
‘‘‘อิมินา ทกทาเนน, ปีติอุปฺปาทเนน จ;
‘‘‘Iminā dakadānena, pītiuppādanena ca;
กปฺปสตสหสฺสมฺปิ, ทุคฺคติํ นุปปชฺชสิ’ฯ
Kappasatasahassampi, duggatiṃ nupapajjasi’.
๑๑.
11.
‘‘เตน กเมฺมน ทฺวิปทินฺท, โลกเชฎฺฐ นราสภ;
‘‘Tena kammena dvipadinda, lokajeṭṭha narāsabha;
ปโตฺตมฺหิ อจลํ ฐานํ, หิตฺวา ชยปราชยํฯ
Pattomhi acalaṃ ṭhānaṃ, hitvā jayaparājayaṃ.
๑๒.
12.
‘‘สหสฺสราชนาเมน, ตโย จ จกฺกวตฺติโน;
‘‘Sahassarājanāmena, tayo ca cakkavattino;
ปญฺจสฎฺฐิกปฺปสเต, จาตุรนฺตา ชนาธิปาฯ
Pañcasaṭṭhikappasate, cāturantā janādhipā.
๑๓.
13.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา อุทกปูชโก เถโร อิมา คาถาโย อภาสิตฺถาติฯ
Itthaṃ sudaṃ āyasmā udakapūjako thero imā gāthāyo abhāsitthāti.
อุทกปูชกเตฺถรสฺสาปทานํ ทุติยํฯ
Udakapūjakattherassāpadānaṃ dutiyaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๑-๑๐. โถมกเตฺถรอปทานาทิวณฺณนา • 1-10. Thomakattheraapadānādivaṇṇanā
