| Library / Tipiṭaka / තිපිටක • Tipiṭaka / අපදානපාළි • Apadānapāḷi |
6. උදකපූජකත්‌ථෙරඅපදානං
6. Udakapūjakattheraapadānaṃ
29.
29.
‘‘සුවණ්‌ණවණ්‌ණං සම්‌බුද්‌ධං, ගච්‌ඡන්‌තං අනිලඤ්‌ජසෙ;
‘‘Suvaṇṇavaṇṇaṃ sambuddhaṃ, gacchantaṃ anilañjase;
ඝතාසනංව ජලිතං, ආදිත්‌තංව හුතාසනං.
Ghatāsanaṃva jalitaṃ, ādittaṃva hutāsanaṃ.
30.
30.
‘‘පාණිනා උදකං ගය්‌හ, ආකාසෙ උක්‌ඛිපිං අහං;
‘‘Pāṇinā udakaṃ gayha, ākāse ukkhipiṃ ahaṃ;
31.
31.
‘‘අන්‌තලික්‌ඛෙ ඨිතො සත්‌ථා, පදුමුත්‌තරනාමකො;
‘‘Antalikkhe ṭhito satthā, padumuttaranāmako;
මම සඞ්‌කප්‌පමඤ්‌ඤාය, ඉමං ගාථං අභාසථ.
Mama saṅkappamaññāya, imaṃ gāthaṃ abhāsatha.
32.
32.
‘‘‘ඉමිනා දකදානෙන, පීතිඋප්‌පාදනෙන ච;
‘‘‘Iminā dakadānena, pītiuppādanena ca;
33.
33.
‘‘තෙන කම්‌මෙන ද්‌විපදින්‌ද, ලොකජෙට්‌ඨ නරාසභ;
‘‘Tena kammena dvipadinda, lokajeṭṭha narāsabha;
පත්‌තොම්‌හි අචලං ඨානං, හිත්‌වා ජයපරාජයං.
Pattomhi acalaṃ ṭhānaṃ, hitvā jayaparājayaṃ.
34.
34.
‘‘සහස්‌සරාජනාමෙන , තයො තෙ චක්‌කවත්‌තිනො;
‘‘Sahassarājanāmena , tayo te cakkavattino;
පඤ්‌චසට්‌ඨිකප්‌පසතෙ, චාතුරන්‌තා ජනාධිපා.
Pañcasaṭṭhikappasate, cāturantā janādhipā.
35.
35.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා උදකපූජකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā udakapūjako thero imā gāthāyo abhāsitthāti.
උදකපූජකත්‌ථෙරස්‌සාපදානං ඡට්‌ඨං.
Udakapūjakattherassāpadānaṃ chaṭṭhaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 6. උදකපූජකත්‌ථෙරඅපදානවණ්‌ණනා • 6. Udakapūjakattheraapadānavaṇṇanā
