| Library / Tipiṭaka / තිපිටක • Tipiṭaka / අපදානපාළි • Apadānapāḷi |
2. උදකපූජකත්‌ථෙරඅපදානං
2. Udakapūjakattheraapadānaṃ
7.
7.
‘‘සුවණ්‌ණවණ්‌ණං සම්‌බුද්‌ධං, ගච්‌ඡන්‌තං අනිලඤ්‌ජසෙ;
‘‘Suvaṇṇavaṇṇaṃ sambuddhaṃ, gacchantaṃ anilañjase;
ඝතාසනංව ජලිතං, ආදිත්‌තංව හුතාසනං.
Ghatāsanaṃva jalitaṃ, ādittaṃva hutāsanaṃ.
8.
8.
‘‘පාණිනා උදකං ගය්‌හ, ආකාසෙ උක්‌ඛිපිං අහං;
‘‘Pāṇinā udakaṃ gayha, ākāse ukkhipiṃ ahaṃ;
සම්‌පටිච්‌ඡි මහාවීරො, බුද්‌ධො කාරුණිකො ඉසි.
Sampaṭicchi mahāvīro, buddho kāruṇiko isi.
9.
9.
‘‘අන්‌තලික්‌ඛෙ ඨිතො සත්‌ථා, පදුමුත්‌තරනාමකො;
‘‘Antalikkhe ṭhito satthā, padumuttaranāmako;
මම සඞ්‌කප්‌පමඤ්‌ඤාය, ඉමං ගාථමභාසථ.
Mama saṅkappamaññāya, imaṃ gāthamabhāsatha.
10.
10.
‘‘‘ඉමිනා දකදානෙන, පීතිඋප්‌පාදනෙන ච;
‘‘‘Iminā dakadānena, pītiuppādanena ca;
කප්‌පසතසහස්‌සම්‌පි, දුග්‌ගතිං නුපපජ්‌ජසි’.
Kappasatasahassampi, duggatiṃ nupapajjasi’.
11.
11.
‘‘තෙන කම්‌මෙන ද්‌විපදින්‌ද, ලොකජෙට්‌ඨ නරාසභ;
‘‘Tena kammena dvipadinda, lokajeṭṭha narāsabha;
පත්‌තොම්‌හි අචලං ඨානං, හිත්‌වා ජයපරාජයං.
Pattomhi acalaṃ ṭhānaṃ, hitvā jayaparājayaṃ.
12.
12.
‘‘සහස්‌සරාජනාමෙන, තයො ච චක්‌කවත්‌තිනො;
‘‘Sahassarājanāmena, tayo ca cakkavattino;
පඤ්‌චසට්‌ඨිකප්‌පසතෙ, චාතුරන්‌තා ජනාධිපා.
Pañcasaṭṭhikappasate, cāturantā janādhipā.
13.
13.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා උදකපූජකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā udakapūjako thero imā gāthāyo abhāsitthāti.
උදකපූජකත්‌ථෙරස්‌සාපදානං දුතියං.
Udakapūjakattherassāpadānaṃ dutiyaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 1-10. ථොමකත්‌ථෙරඅපදානාදිවණ්‌ණනා • 1-10. Thomakattheraapadānādivaṇṇanā
