| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
6. уд̣̇агабууж̇агад̇т̇зраабад̣̇аанаван̣н̣анаа
6. Udakapūjakattheraapadānavaṇṇanā
суван̣н̣аван̣н̣ам̣ самб̣уд̣̇д̇ханд̇иаад̣̇игам̣ ааяасмад̇о уд̣̇агабууж̇агад̇т̇зрасса абад̣̇аанам̣. аяамби буримаж̇инаварзсу буурид̇агусаласан̃жаяо д̇ад̇т̇а д̇ад̇т̇а бхавз виваддуубаниссаяаани бун̃н̃аани барибуурияамаано буд̣̇умуд̇д̇арасса бхаг̇авад̇о гаалз згасмим̣ гулаг̇зхз ниб̣б̣ад̇д̇о вуд̣̇д̇химанвааяа гусалаагусалам̣ ж̇аананд̇о бад̣̇умуд̇д̇арасса бхаг̇авад̇о аагаасз г̇ажчад̇о нигканд̇ачаб̣б̣ан̣н̣аб̣уд̣̇д̇харам̣сийсу басанно убхохи хад̇т̇зхи уд̣̇агам̣ г̇ахзд̇ваа бууж̇зси. д̇зна бууж̇ид̇ам̣ уд̣̇агам̣ раж̇ад̇аб̣уб̣б̣улам̣ вияа аагаасз адтааси. со абхиббасанно д̇знзва соманассзна д̇усид̇аад̣̇ийсу ниб̣б̣ад̇д̇о д̣̇иб̣б̣асамбад̇д̇ияо анубхавид̇ваа абарабхааг̇з мануссасамбад̇д̇ияо жа анубхавид̇ваа имасмим̣ б̣уд̣̇д̇хуббаад̣̇з гулаг̇зхз ниб̣б̣ад̇д̇о вин̃н̃уд̇ам̣ бад̇д̇о сад̇т̇ари басийд̣̇ид̇ваа баб̣б̣аж̇ид̇о нажирассзва арахаа ахоси.
Suvaṇṇavaṇṇaṃsambuddhantiādikaṃ āyasmato udakapūjakattherassa apadānaṃ. Ayampi purimajinavaresu pūritakusalasañcayo tattha tattha bhave vivaṭṭūpanissayāni puññāni paripūriyamāno pudumuttarassa bhagavato kāle ekasmiṃ kulagehe nibbatto vuddhimanvāya kusalākusalaṃ jānanto padumuttarassa bhagavato ākāse gacchato nikkhantachabbaṇṇabuddharaṃsīsu pasanno ubhohi hatthehi udakaṃ gahetvā pūjesi. Tena pūjitaṃ udakaṃ rajatabubbulaṃ viya ākāse aṭṭhāsi. So abhippasanno teneva somanassena tusitādīsu nibbatto dibbasampattiyo anubhavitvā aparabhāge manussasampattiyo ca anubhavitvā imasmiṃ buddhuppāde kulagehe nibbatto viññutaṃ patto satthari pasīditvā pabbajito nacirasseva arahā ahosi.
29. со абарабхааг̇з ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о суван̣н̣аван̣н̣ам̣ самб̣уд̣̇д̇ханд̇иаад̣̇имааха. д̇ам̣ хздтаа вуд̇д̇амзва. гхад̇аасанам̣ва ж̇алид̇анд̇и гхад̇ам̣ вужжад̇и сабби, гхад̇асса аасанам̣ аад̇хааранд̇и гхад̇аасанам̣, аг̇г̇и, ат̇а ваа д̇ам̣ асад̇и бхун̃ж̇ад̇ийд̇и гхад̇аасанам̣ , аг̇г̇иязва. яат̇аа гхад̇з аасид̇д̇з аг̇г̇имхи аг̇г̇исикаа ад̇ийва ж̇алад̇и, звам̣ аг̇г̇игканд̇хам̣ ива ж̇аламаанам̣ бхаг̇аванд̇анд̇и ад̇т̇о. аад̣̇ид̇д̇ам̣ва худ̇аасананд̇и худ̇ам̣ вужжад̇и бууж̇аасаггаарз, худ̇асса бууж̇аасаггаарасса аасананд̇и худ̇аасанам̣, ж̇аламаанам̣ суурияам̣ ива д̣̇вад̇д̇им̣самахаабурисалагкан̣зхи б̣яаамаббабхааман̣д̣алзхи виж̇ж̇од̇амаанам̣ суван̣н̣аван̣н̣ам̣ самб̣уд̣̇д̇хам̣ анилан̃ж̇асз аагаасз г̇ажчанд̇ам̣ ад̣̇д̣̇асанд̇и самб̣анд̇хо. сзсам̣ саб̣б̣ад̇т̇а уд̇д̇аанамзваад̇и.
29. So aparabhāge attano pubbakammaṃ saritvā somanassajāto pubbacaritāpadānaṃ pakāsento suvaṇṇavaṇṇaṃ sambuddhantiādimāha. Taṃ heṭṭhā vuttameva. Ghatāsanaṃva jalitanti ghataṃ vuccati sappi, ghatassa āsanaṃ ādhāranti ghatāsanaṃ, aggi, atha vā taṃ asati bhuñjatīti ghatāsanaṃ , aggiyeva. Yathā ghate āsitte aggimhi aggisikhā atīva jalati, evaṃ aggikkhandhaṃ iva jalamānaṃ bhagavantanti attho. Ādittaṃva hutāsananti hutaṃ vuccati pūjāsakkāre, hutassa pūjāsakkārassa āsananti hutāsanaṃ, jalamānaṃ sūriyaṃ iva dvattiṃsamahāpurisalakkhaṇehi byāmappabhāmaṇḍalehi vijjotamānaṃ suvaṇṇavaṇṇaṃ sambuddhaṃ anilañjase ākāse gacchantaṃ addasanti sambandho. Sesaṃ sabbattha uttānamevāti.
уд̣̇агабууж̇агад̇т̇зраабад̣̇аанаван̣н̣анаа самад̇д̇аа.
Udakapūjakattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 6. уд̣̇агабууж̇агад̇т̇зраабад̣̇аанам̣ • 6. Udakapūjakattheraapadānaṃ
