| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
4. உத³கரஹத³ஸுத்தவண்ணனா
4. Udakarahadasuttavaṇṇanā
104. சதுத்தே² உத³கரஹதோ³ ஜண்ணுகமத்தேபி உத³கே ஸதி பண்ணரஸஸம்பி⁴ன்னவண்ணத்தா வா ப³ஹலத்தா வா உத³கஸ்ஸ அபஞ்ஞாயமானதலோ உத்தானோ க³ம்பீ⁴ரோபா⁴ஸோ நாம ஹோதீதி ஆஹ ‘‘புராணபண்ணரஸ…பே॰… க³ம்பீ⁴ரோபா⁴ஸோ நாமா’’தி. திபோரிஸசதுபோரிஸே பன உத³கே ஸதி அச்ச²த்தா உத³கஸ்ஸ பஞ்ஞாயமானதலோ க³ம்பீ⁴ரோ உத்தானோபா⁴ஸோ நாம ஹோதீதி ஆஹ ‘‘அச்ச²விப்பஸன்னமணிவண்ணஉத³கோ உத்தானோபா⁴ஸோ நாமா’’தி. உப⁴யகாரணஸம்ப⁴வதோ பன இதரே த்³வே வேதி³தப்³பா³. புக்³க³லேபி கிலேஸுஸ்ஸத³பா⁴வதோ கு³ணக³ம்பீ⁴ரதாய ச அபா⁴வதோ கு³ணக³ம்பீ⁴ரானங் ஸதி³ஸேஹி அபி⁴க்கமனாதீ³ஹி யுத்தோ உத்தானோ க³ம்பீ⁴ரோபா⁴ஸோ நாம. இமினா நயேன ஸேஸா வேதி³தப்³பா³.
104. Catutthe udakarahado jaṇṇukamattepi udake sati paṇṇarasasambhinnavaṇṇattā vā bahalattā vā udakassa apaññāyamānatalo uttāno gambhīrobhāso nāma hotīti āha ‘‘purāṇapaṇṇarasa…pe… gambhīrobhāso nāmā’’ti. Tiporisacatuporise pana udake sati acchattā udakassa paññāyamānatalo gambhīro uttānobhāso nāma hotīti āha ‘‘acchavippasannamaṇivaṇṇaudako uttānobhāso nāmā’’ti. Ubhayakāraṇasambhavato pana itare dve veditabbā. Puggalepi kilesussadabhāvato guṇagambhīratāya ca abhāvato guṇagambhīrānaṃ sadisehi abhikkamanādīhi yutto uttāno gambhīrobhāso nāma. Iminā nayena sesā veditabbā.
உத³கரஹத³ஸுத்தவண்ணனா நிட்டி²தா.
Udakarahadasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 4. உத³கரஹத³ஸுத்தங் • 4. Udakarahadasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 4. உத³கரஹத³ஸுத்தவண்ணனா • 4. Udakarahadasuttavaṇṇanā
