| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (ටීකා) • Aṅguttaranikāya (ṭīkā) |
4. උදකරහදසුත්‌තවණ්‌ණනා
4. Udakarahadasuttavaṇṇanā
104. චතුත්‌ථෙ උදකරහදො ජණ්‌ණුකමත්‌තෙපි උදකෙ සති පණ්‌ණරසසම්‌භින්‌නවණ්‌ණත්‌තා වා බහලත්‌තා වා උදකස්‌ස අපඤ්‌ඤායමානතලො උත්‌තානො ගම්‌භීරොභාසො නාම හොතීති ආහ ‘‘පුරාණපණ්‌ණරස…පෙ.… ගම්‌භීරොභාසො නාමා’’ති. තිපොරිසචතුපොරිසෙ පන උදකෙ සති අච්‌ඡත්‌තා උදකස්‌ස පඤ්‌ඤායමානතලො ගම්‌භීරො උත්‌තානොභාසො නාම හොතීති ආහ ‘‘අච්‌ඡවිප්‌පසන්‌නමණිවණ්‌ණඋදකො උත්‌තානොභාසො නාමා’’ති. උභයකාරණසම්‌භවතො පන ඉතරෙ ද්‌වෙ වෙදිතබ්‌බා. පුග්‌ගලෙපි කිලෙසුස්‌සදභාවතො ගුණගම්‌භීරතාය ච අභාවතො ගුණගම්‌භීරානං සදිසෙහි අභික්‌කමනාදීහි යුත්‌තො උත්‌තානො ගම්‌භීරොභාසො නාම. ඉමිනා නයෙන සෙසා වෙදිතබ්‌බා.
104. Catutthe udakarahado jaṇṇukamattepi udake sati paṇṇarasasambhinnavaṇṇattā vā bahalattā vā udakassa apaññāyamānatalo uttāno gambhīrobhāso nāma hotīti āha ‘‘purāṇapaṇṇarasa…pe… gambhīrobhāso nāmā’’ti. Tiporisacatuporise pana udake sati acchattā udakassa paññāyamānatalo gambhīro uttānobhāso nāma hotīti āha ‘‘acchavippasannamaṇivaṇṇaudako uttānobhāso nāmā’’ti. Ubhayakāraṇasambhavato pana itare dve veditabbā. Puggalepi kilesussadabhāvato guṇagambhīratāya ca abhāvato guṇagambhīrānaṃ sadisehi abhikkamanādīhi yutto uttāno gambhīrobhāso nāma. Iminā nayena sesā veditabbā.
උදකරහදසුත්‌තවණ්‌ණනා නිට්‌ඨිතා.
Udakarahadasuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 4. උදකරහදසුත්‌තං • 4. Udakarahadasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 4. උදකරහදසුත්‌තවණ්‌ණනා • 4. Udakarahadasuttavaṇṇanā
