| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
9. уд̣̇агасад̇д̇аж̇ийвабан̃хо
9. Udakasattajīvapañho
9. ‘‘бханд̇з нааг̇асзна, имам̣ уд̣̇агам̣ аг̇г̇имхи д̇аббамаанам̣ жижжидааяад̇и жидижидааяад̇и сад̣̇д̣̇ааяад̇и б̣ахувид̇хам̣, гим̣ ну ко, бханд̇з нааг̇асзна, уд̣̇агам̣ ж̇ийвад̇и, гим̣ гийл̣амаанам̣ сад̣̇д̣̇ааяад̇и, уд̣̇ааху ан̃н̃зна бадибийл̣ид̇ам̣ сад̣̇д̣̇ааяад̇ий’’д̇и? ‘‘на хи, махаарааж̇а, уд̣̇агам̣ ж̇ийвад̇и, над̇т̇и уд̣̇агз ж̇ийво ваа сад̇д̇о ваа, аби жа, махаарааж̇а, аг̇г̇исанд̇аабавзг̇асса маханд̇ад̇ааяа уд̣̇агам̣ жижжидааяад̇и жидижидааяад̇и сад̣̇д̣̇ааяад̇и б̣ахувид̇ха’’нд̇и.
9. ‘‘Bhante nāgasena, imaṃ udakaṃ aggimhi tappamānaṃ cicciṭāyati ciṭiciṭāyati saddāyati bahuvidhaṃ, kiṃ nu kho, bhante nāgasena, udakaṃ jīvati, kiṃ kīḷamānaṃ saddāyati, udāhu aññena paṭipīḷitaṃ saddāyatī’’ti? ‘‘Na hi, mahārāja, udakaṃ jīvati, natthi udake jīvo vā satto vā, api ca, mahārāja, aggisantāpavegassa mahantatāya udakaṃ cicciṭāyati ciṭiciṭāyati saddāyati bahuvidha’’nti.
‘‘бханд̇з нааг̇асзна, ид̇хзгажжз д̇ид̇т̇ияаа уд̣̇агам̣ ж̇ийвад̇ийд̇и сийд̇од̣̇агам̣ бадигкибид̇ваа уд̣̇агам̣ д̇аабзд̇ваа взгад̇игавзгад̇игам̣ барибхун̃ж̇анд̇и, д̇з д̇умхз г̇араханд̇и барибхаванд̇и ‘згинд̣̇рияам̣ саман̣аа сагяабуд̇д̇ияаа ж̇ийвам̣ вихзтзнд̇ий’д̇и, д̇ам̣ д̇зсам̣ г̇арахам̣ барибхавам̣ винод̣̇зхи абанзхи нижчаарзхий’’д̇и. ‘‘на хи, махаарааж̇а, уд̣̇агам̣ ж̇ийвад̇и, над̇т̇и, махаарааж̇а, уд̣̇агз ж̇ийво ваа сад̇д̇о ваа, аби жа, махаарааж̇а, аг̇г̇исанд̇аабавзг̇асса маханд̇ад̇ааяа уд̣̇агам̣ жижжидааяад̇и жидижидааяад̇и сад̣̇д̣̇ааяад̇и б̣ахувид̇хам̣.
‘‘Bhante nāgasena, idhekacce titthiyā udakaṃ jīvatīti sītodakaṃ paṭikkhipitvā udakaṃ tāpetvā vekatikavekatikaṃ paribhuñjanti, te tumhe garahanti paribhavanti ‘ekindriyaṃ samaṇā sakyaputtiyā jīvaṃ viheṭhentī’ti, taṃ tesaṃ garahaṃ paribhavaṃ vinodehi apanehi nicchārehī’’ti. ‘‘Na hi, mahārāja, udakaṃ jīvati, natthi, mahārāja, udake jīvo vā satto vā, api ca, mahārāja, aggisantāpavegassa mahantatāya udakaṃ cicciṭāyati ciṭiciṭāyati saddāyati bahuvidhaṃ.
‘‘яат̇аа, махаарааж̇а, уд̣̇агам̣ соб̣бхасарасарид̇ад̣̇ахад̇ал̣аагаганд̣̇арабад̣̇арауд̣̇абаананиннабогкаран̣иг̇ад̇ам̣ ваад̇аад̇абавзг̇асса маханд̇ад̇ааяа барияаад̣̇ияад̇и баригкаяам̣ г̇ажчад̇и, аби ну д̇ад̇т̇а уд̣̇агам̣ жижжидааяад̇и жидижидааяад̇и сад̣̇д̣̇ааяад̇и б̣ахувид̇ха’’нд̇и? ‘‘на хи, бханд̇з’’д̇и. ‘‘яад̣̇и, махаарааж̇а, уд̣̇агам̣ ж̇ийвзяяа, д̇ад̇т̇ааби уд̣̇агам̣ сад̣̇д̣̇ааязяяа, иминааби, махаарааж̇а, гааран̣зна ж̇аанаахи ‘над̇т̇и уд̣̇агз ж̇ийво ваа сад̇д̇о ваа, аг̇г̇исанд̇аабавзг̇асса маханд̇ад̇ааяа уд̣̇агам̣ жижжидааяад̇и жидижидааяад̇и сад̣̇д̣̇ааяад̇и б̣ахувид̇ха’нд̇и.
‘‘Yathā, mahārāja, udakaṃ sobbhasarasaritadahataḷākakandarapadaraudapānaninnapokkharaṇigataṃ vātātapavegassa mahantatāya pariyādiyati parikkhayaṃ gacchati, api nu tattha udakaṃ cicciṭāyati ciṭiciṭāyati saddāyati bahuvidha’’nti? ‘‘Na hi, bhante’’ti. ‘‘Yadi, mahārāja, udakaṃ jīveyya, tatthāpi udakaṃ saddāyeyya, imināpi, mahārāja, kāraṇena jānāhi ‘natthi udake jīvo vā satto vā, aggisantāpavegassa mahantatāya udakaṃ cicciṭāyati ciṭiciṭāyati saddāyati bahuvidha’nti.
‘‘абарамби , махаарааж̇а, уд̇д̇арим̣ гааран̣ам̣ сун̣охи ‘над̇т̇и уд̣̇агз ж̇ийво ваа сад̇д̇о ваа, аг̇г̇исанд̇аабавзг̇асса маханд̇ад̇ааяа уд̣̇агам̣ сад̣̇д̣̇ааяад̇ий’д̇и. яад̣̇аа бана, махаарааж̇а, уд̣̇агам̣ д̇ан̣д̣улзхи саммиссид̇ам̣ бхааж̇анаг̇ад̇ам̣ ход̇и бихид̇ам̣ уд̣̇д̇ханз атабид̇ам̣, аби ну д̇ад̇т̇а уд̣̇агам̣ сад̣̇д̣̇ааяад̇ий’’д̇и? ‘‘на хи, бханд̇з, ажалам̣ ход̇и санд̇асанд̇а’’нд̇и. ‘‘д̇ам̣ язва бана, махаарааж̇а, уд̣̇агам̣ бхааж̇анаг̇ад̇ам̣ аг̇г̇им̣ уж̇ж̇аалзд̇ваа уд̣̇д̇ханз табид̇ам̣ ход̇и, аби ну д̇ад̇т̇а уд̣̇агам̣ ажалам̣ ход̇и санд̇асанд̇а’’нд̇и? ‘‘на хи, бханд̇з, жалад̇и куб̣бхад̇и лул̣ад̇и аавилад̇и уумиж̇аад̇ам̣ ход̇и, уд̣̇д̇хамад̇хо д̣̇исаавид̣̇исам̣ г̇ажчад̇и, уд̇д̇арад̇и бад̇арад̇и пзн̣амаалий ход̇ийд̇и. гисса бана д̇ам̣, махаарааж̇а , баагад̇игам̣ уд̣̇агам̣ на жалад̇и санд̇асанд̇ам̣ ход̇и, гисса бана аг̇г̇иг̇ад̇ам̣ жалад̇и куб̣бхад̇и лул̣ад̇и аавилад̇и уумиж̇аад̇ам̣ ход̇и, уд̣̇д̇хамад̇хо д̣̇исаавид̣̇исам̣ г̇ажчад̇и, уд̇д̇арад̇и бад̇арад̇и пзн̣амаалий ход̇ий’’д̇и? ‘‘баагад̇игам̣, бханд̇з, уд̣̇агам̣ на жалад̇и, аг̇г̇игад̇ам̣ бана уд̣̇агам̣ аг̇г̇исанд̇аабавзг̇асса маханд̇ад̇ааяа жижжидааяад̇и жидижидааяад̇и сад̣̇д̣̇ааяад̇и б̣ахувид̇ха’’нд̇и. ‘‘иминааби махаарааж̇а, гааран̣зна ж̇аанаахи ‘над̇т̇и уд̣̇агз ж̇ийво ваа сад̇д̇о ваа, аг̇г̇исанд̇аабавзг̇асса маханд̇ад̇ааяа уд̣̇агам̣ сад̣̇д̣̇ааяад̇ий’д̇и.
‘‘Aparampi , mahārāja, uttariṃ kāraṇaṃ suṇohi ‘natthi udake jīvo vā satto vā, aggisantāpavegassa mahantatāya udakaṃ saddāyatī’ti. Yadā pana, mahārāja, udakaṃ taṇḍulehi sammissitaṃ bhājanagataṃ hoti pihitaṃ uddhane aṭhapitaṃ, api nu tattha udakaṃ saddāyatī’’ti? ‘‘Na hi, bhante, acalaṃ hoti santasanta’’nti. ‘‘Taṃ yeva pana, mahārāja, udakaṃ bhājanagataṃ aggiṃ ujjāletvā uddhane ṭhapitaṃ hoti, api nu tattha udakaṃ acalaṃ hoti santasanta’’nti? ‘‘Na hi, bhante, calati khubbhati luḷati āvilati ūmijātaṃ hoti, uddhamadho disāvidisaṃ gacchati, uttarati patarati pheṇamālī hotīti. Kissa pana taṃ, mahārāja , pākatikaṃ udakaṃ na calati santasantaṃ hoti, kissa pana aggigataṃ calati khubbhati luḷati āvilati ūmijātaṃ hoti, uddhamadho disāvidisaṃ gacchati, uttarati patarati pheṇamālī hotī’’ti? ‘‘Pākatikaṃ, bhante, udakaṃ na calati, aggikataṃ pana udakaṃ aggisantāpavegassa mahantatāya cicciṭāyati ciṭiciṭāyati saddāyati bahuvidha’’nti. ‘‘Imināpi mahārāja, kāraṇena jānāhi ‘natthi udake jīvo vā satto vā, aggisantāpavegassa mahantatāya udakaṃ saddāyatī’ti.
‘‘абарамби, махаарааж̇а, уд̇д̇арам̣ гааран̣ам̣ сун̣охи, над̇т̇и уд̣̇агз ж̇ийво ваа сад̇д̇о ваа, аг̇г̇исанд̇аабавзг̇асса маханд̇ад̇ааяа уд̣̇агам̣ сад̣̇д̣̇ааяад̇и. ход̇и д̇ам̣, махаарааж̇а, уд̣̇агам̣ гхарз гхарз уд̣̇агаваарагаг̇ад̇ам̣ бихид̇а’’нд̇и? ‘‘аама, бханд̇з’’д̇и. ‘‘аби ну д̇ам̣, махаарааж̇а, уд̣̇агам̣ жалад̇и куб̣бхад̇и лул̣ад̇и аавилад̇и уумиж̇аад̇ам̣ ход̇и, уд̣̇д̇хамад̇хо д̣̇исаавид̣̇исам̣ г̇ажчад̇и, уд̇д̇арад̇и бад̇арад̇и пзн̣амаалий ход̇ий’’д̇и. ‘‘на хи, бханд̇з, ажалам̣ д̇ам̣ ход̇и баагад̇игам̣ уд̣̇агаваарагаг̇ад̇ам̣ уд̣̇ага’’нд̇и.
‘‘Aparampi, mahārāja, uttaraṃ kāraṇaṃ suṇohi, natthi udake jīvo vā satto vā, aggisantāpavegassa mahantatāya udakaṃ saddāyati. Hoti taṃ, mahārāja, udakaṃ ghare ghare udakavārakagataṃ pihita’’nti? ‘‘Āma, bhante’’ti. ‘‘Api nu taṃ, mahārāja, udakaṃ calati khubbhati luḷati āvilati ūmijātaṃ hoti, uddhamadho disāvidisaṃ gacchati, uttarati patarati pheṇamālī hotī’’ti. ‘‘Na hi, bhante, acalaṃ taṃ hoti pākatikaṃ udakavārakagataṃ udaka’’nti.
‘‘суд̇абуб̣б̣ам̣ бана д̇аяаа, махаарааж̇а, ‘махаасамуд̣̇д̣̇з уд̣̇агам̣ жалад̇и куб̣бхад̇и лул̣ад̇и аавилад̇и уумиж̇аад̇ам̣ ход̇и, уд̣̇д̇хамад̇хо д̣̇исаавид̣̇исам̣ г̇ажчад̇и, уд̇д̇арад̇и бад̇арад̇и пзн̣амаалий ход̇и, уссаггид̇ваа оссаггид̇ваа 1 взлааяа бахарад̇и сад̣̇д̣̇ааяад̇и б̣ахувид̇ха’’’нд̇и? ‘‘аама, бханд̇з, суд̇абуб̣б̣ам̣ зд̇ам̣ маяаа д̣̇идтабуб̣б̣ан̃жа ‘махаасамуд̣̇д̣̇з уд̣̇агам̣ хад̇т̇асад̇амби д̣̇взби хад̇т̇асад̇аани г̇аг̇анз уссаггад̇ий’’’д̇и. ‘‘гисса, махаарааж̇а, уд̣̇агаваарагаг̇ад̇ам̣ уд̣̇агам̣ на жалад̇и на сад̣̇д̣̇ааяад̇и, гисса бана махаасамуд̣̇д̣̇з уд̣̇агам̣ жалад̇и сад̣̇д̣̇ааяад̇ий’’д̇и? ‘‘ваад̇авзг̇асса маханд̇ад̇ааяа, бханд̇з, махаасамуд̣̇д̣̇з уд̣̇агам̣ жалад̇и сад̣̇д̣̇ааяад̇и, уд̣̇агаваарагаг̇ад̇ам̣ уд̣̇агам̣ агхаддид̇ам̣ гзхижи на жалад̇и на сад̣̇д̣̇ааяад̇ий’’д̇и. ‘‘яат̇аа, махаарааж̇а, ваад̇авзг̇асса маханд̇ад̇ааяа махаасамуд̣̇д̣̇з уд̣̇агам̣ жалад̇и сад̣̇д̣̇ааяад̇и звамзва аг̇г̇исанд̇аабавзг̇асса маханд̇ад̇ааяа уд̣̇агам̣ сад̣̇д̣̇ааяад̇ий’’д̇и.
‘‘Sutapubbaṃ pana tayā, mahārāja, ‘mahāsamudde udakaṃ calati khubbhati luḷati āvilati ūmijātaṃ hoti, uddhamadho disāvidisaṃ gacchati, uttarati patarati pheṇamālī hoti, ussakkitvā ossakkitvā 2 velāya paharati saddāyati bahuvidha’’’nti? ‘‘Āma, bhante, sutapubbaṃ etaṃ mayā diṭṭhapubbañca ‘mahāsamudde udakaṃ hatthasatampi dvepi hatthasatāni gagane ussakkatī’’’ti. ‘‘Kissa, mahārāja, udakavārakagataṃ udakaṃ na calati na saddāyati, kissa pana mahāsamudde udakaṃ calati saddāyatī’’ti? ‘‘Vātavegassa mahantatāya, bhante, mahāsamudde udakaṃ calati saddāyati, udakavārakagataṃ udakaṃ aghaṭṭitaṃ kehici na calati na saddāyatī’’ti. ‘‘Yathā, mahārāja, vātavegassa mahantatāya mahāsamudde udakaṃ calati saddāyati evameva aggisantāpavegassa mahantatāya udakaṃ saddāyatī’’ti.
‘‘нану, махаарааж̇а, бхзрибогкарам̣ сугкам̣ сугкзна г̇ожаммзна онанд̇ханд̇ий’’д̇и? ‘‘аама, бханд̇з’’. ‘‘аби ну, махаарааж̇а, бхзрияаа ж̇ийво ваа сад̇д̇о ваа ад̇т̇ий’’д̇и. ‘‘на хи, бханд̇з’’д̇и. ‘‘гисса бана, махаарааж̇а, бхзрий сад̣̇д̣̇ааяад̇ий’’д̇и? ‘‘ид̇т̇ияаа ваа, бханд̇з, бурисасса ваа д̇аж̇ж̇зна вааяаамзнаа’’д̇и. ‘‘яат̇аа, махаарааж̇а, ид̇т̇ияаа ваа бурисасса ваа д̇аж̇ж̇зна вааяаамзна бхзрий сад̣̇д̣̇ааяад̇и, звамзва аг̇г̇исанд̇аабавзг̇асса маханд̇ад̇ааяа уд̣̇агам̣ сад̣̇д̣̇ааяад̇и. иминааби, махаарааж̇а , гааран̣зна ж̇аанаахи ‘над̇т̇и уд̣̇агз ж̇ийво ваа сад̇д̇о ваа, аг̇г̇исанд̇аабавзг̇асса маханд̇ад̇ааяа уд̣̇агам̣ сад̣̇д̣̇ааяад̇ий’д̇и.
‘‘Nanu, mahārāja, bheripokkharaṃ sukkhaṃ sukkhena gocammena onandhantī’’ti? ‘‘Āma, bhante’’. ‘‘Api nu, mahārāja, bheriyā jīvo vā satto vā atthī’’ti. ‘‘Na hi, bhante’’ti. ‘‘Kissa pana, mahārāja, bherī saddāyatī’’ti? ‘‘Itthiyā vā, bhante, purisassa vā tajjena vāyāmenā’’ti. ‘‘Yathā, mahārāja, itthiyā vā purisassa vā tajjena vāyāmena bherī saddāyati, evameva aggisantāpavegassa mahantatāya udakaṃ saddāyati. Imināpi, mahārāja , kāraṇena jānāhi ‘natthi udake jīvo vā satto vā, aggisantāpavegassa mahantatāya udakaṃ saddāyatī’ti.
‘‘маяхамби д̇аава, махаарааж̇а, д̇ава бужчид̇аб̣б̣ам̣ ад̇т̇и, звамзсо бан̃хо сувинижчид̇о ход̇и, гим̣ ну ко, махаарааж̇а, саб̣б̣зхиби бхааж̇анзхи уд̣̇агам̣ д̇аббамаанам̣ сад̣̇д̣̇ааяад̇и, уд̣̇ааху згажжзхи язва бхааж̇анзхи д̇аббамаанам̣ сад̣̇д̣̇ааяад̇ий’’д̇и? ‘‘на хи, бханд̇з, саб̣б̣зхиби бхааж̇анзхи уд̣̇агам̣ д̇аббамаанам̣ сад̣̇д̣̇ааяад̇и, згажжзхи язва бхааж̇анзхи уд̣̇агам̣ д̇аббамаанам̣ сад̣̇д̣̇ааяад̇ий’’д̇и. ‘‘д̇зна хи, махаарааж̇а, ж̇ахид̇оси сагасамаяам̣, бажжааг̇ад̇оси мама висаяам̣, над̇т̇и уд̣̇агз ж̇ийво ваа сад̇д̇о ваа. яад̣̇и, махаарааж̇а, саб̣б̣зхиби бхааж̇анзхи уд̣̇агам̣ д̇аббамаанам̣ сад̣̇д̣̇ааязяяа, яуд̇д̇амид̣̇ам̣ ‘уд̣̇агам̣ ж̇ийвад̇ий’д̇и вад̇д̇ум̣. на хи, махаарааж̇а, уд̣̇агам̣ д̣̇ваяам̣ ход̇и, яам̣ сад̣̇д̣̇ааяад̇и, д̇ам̣ ж̇ийвад̇и, яам̣ на сад̣̇д̣̇ааяад̇и, д̇ам̣ на ж̇ийвад̇ийд̇и. яад̣̇и, махаарааж̇а, уд̣̇агам̣ ж̇ийвзяяа, маханд̇аанам̣ хад̇т̇инааг̇аанам̣ уссаннагааяаанам̣ бабхиннаанам̣ сон̣д̣ааяа уссин̃жид̇ваа мукз багкибид̇ваа гужчим̣ бавзсаяанд̇аанам̣, д̇амби уд̣̇агам̣ д̇зсам̣ д̣̇анд̇анд̇арз жиббияамаанам̣ сад̣̇д̣̇ааязяяа. хад̇т̇асад̇игааби махаанааваа г̇аругаа бхааригаа анзгасад̇асахассабхаарабарибуураа махаасамуд̣̇д̣̇з вижаранд̇и, д̇аахиби жиббияамаанам̣ уд̣̇агам̣ сад̣̇д̣̇ааязяяа. махад̇имаханд̇ааби мажчаа анзгасад̇аяож̇анигагааяаа д̇имий д̇имин̇г̇алаа д̇имирабин̇г̇алаа аб̣бханд̇арз нимуг̇г̇аа махаасамуд̣̇д̣̇з ниваасадтаанад̇ааяа бадивасанд̇аа махаауд̣̇агад̇хаараа аажаманд̇и д̇хаманд̇и жа, д̇зсамби д̇ам̣ д̣̇анд̇анд̇арзби уд̣̇аранд̇арзби жиббияамаанам̣ уд̣̇агам̣ сад̣̇д̣̇ааязяяа. яасмаа жа ко, махаарааж̇а, зваруубзхи зваруубзхи маханд̇зхи бадибийл̣анзхи бадибийл̣ид̇ам̣ уд̣̇агам̣ на сад̣̇д̣̇ааяад̇и д̇асмааби над̇т̇и уд̣̇агз ж̇ийво ваа сад̇д̇о ваад̇и, звамзд̇ам̣, махаарааж̇а, д̇хаарзхий’’д̇и.
‘‘Mayhampi tāva, mahārāja, tava pucchitabbaṃ atthi, evameso pañho suvinicchito hoti, kiṃ nu kho, mahārāja, sabbehipi bhājanehi udakaṃ tappamānaṃ saddāyati, udāhu ekaccehi yeva bhājanehi tappamānaṃ saddāyatī’’ti? ‘‘Na hi, bhante, sabbehipi bhājanehi udakaṃ tappamānaṃ saddāyati, ekaccehi yeva bhājanehi udakaṃ tappamānaṃ saddāyatī’’ti. ‘‘Tena hi, mahārāja, jahitosi sakasamayaṃ, paccāgatosi mama visayaṃ, natthi udake jīvo vā satto vā. Yadi, mahārāja, sabbehipi bhājanehi udakaṃ tappamānaṃ saddāyeyya, yuttamidaṃ ‘udakaṃ jīvatī’ti vattuṃ. Na hi, mahārāja, udakaṃ dvayaṃ hoti, yaṃ saddāyati, taṃ jīvati, yaṃ na saddāyati, taṃ na jīvatīti. Yadi, mahārāja, udakaṃ jīveyya, mahantānaṃ hatthināgānaṃ ussannakāyānaṃ pabhinnānaṃ soṇḍāya ussiñcitvā mukhe pakkhipitvā kucchiṃ pavesayantānaṃ, tampi udakaṃ tesaṃ dantantare cippiyamānaṃ saddāyeyya. Hatthasatikāpi mahānāvā garukā bhārikā anekasatasahassabhāraparipūrā mahāsamudde vicaranti, tāhipi cippiyamānaṃ udakaṃ saddāyeyya. Mahatimahantāpi macchā anekasatayojanikakāyā timī timiṅgalā timirapiṅgalā abbhantare nimuggā mahāsamudde nivāsaṭṭhānatāya paṭivasantā mahāudakadhārā ācamanti dhamanti ca, tesampi taṃ dantantarepi udarantarepi cippiyamānaṃ udakaṃ saddāyeyya. Yasmā ca kho, mahārāja, evarūpehi evarūpehi mahantehi paṭipīḷanehi paṭipīḷitaṃ udakaṃ na saddāyati tasmāpi natthi udake jīvo vā satto vāti, evametaṃ, mahārāja, dhārehī’’ti.
‘‘саад̇ху , бханд̇з нааг̇асзна, д̣̇осааг̇ад̇о бан̃хо анужчавигааяа вибхад̇д̇ияаа вибхад̇д̇о, яат̇аа наама, бханд̇з нааг̇асзна, махаг̇гхам̣ ман̣ирад̇анам̣ чзгам̣ аажарияам̣ гусалам̣ сигкид̇ам̣ ман̣игаарам̣ баабун̣ид̇ваа гид̇д̇им̣ лабхзяяа т̇оманам̣ басам̣сам̣, муд̇д̇аарад̇анам̣ ваа муд̇д̇игам̣ д̣̇уссарад̇анам̣ ваа д̣̇уссигам̣, лохид̇ажанд̣̇анам̣ ваа г̇анд̇хигам̣ баабун̣ид̇ваа гид̇д̇им̣ лабхзяяа т̇оманам̣ басам̣сам̣. звамзва ко, бханд̇з нааг̇асзна, д̣̇осааг̇ад̇о 3 бан̃хо анужчавигааяа вибхад̇д̇ияаа вибхад̇д̇о, звамзд̇ам̣ д̇ат̇аа самбадижчаамий’’д̇и.
‘‘Sādhu , bhante nāgasena, dosāgato pañho anucchavikāya vibhattiyā vibhatto, yathā nāma, bhante nāgasena, mahagghaṃ maṇiratanaṃ chekaṃ ācariyaṃ kusalaṃ sikkhitaṃ maṇikāraṃ pāpuṇitvā kittiṃ labheyya thomanaṃ pasaṃsaṃ, muttāratanaṃ vā muttikaṃ dussaratanaṃ vā dussikaṃ, lohitacandanaṃ vā gandhikaṃ pāpuṇitvā kittiṃ labheyya thomanaṃ pasaṃsaṃ. Evameva kho, bhante nāgasena, dosāgato 4 pañho anucchavikāya vibhattiyā vibhatto, evametaṃ tathā sampaṭicchāmī’’ti.
уд̣̇агасад̇д̇аж̇ийвабан̃хо навамо.
Udakasattajīvapañho navamo.
б̣уд̣̇д̇хаваг̇г̇о батамо.
Buddhavaggo paṭhamo.
имасмим̣ ваг̇г̇з нава бан̃хаа.
Imasmiṃ vagge nava pañhā.
Footnotes:
