| Library / Tipiṭaka / තිපිටක • Tipiṭaka / කඞ්‌ඛාවිතරණී-අභිනව-ටීකා • Kaṅkhāvitaraṇī-abhinava-ṭīkā |
5. උදකසුද්‌ධිකසික්‌ඛාපදවණ්‌ණනා
5. Udakasuddhikasikkhāpadavaṇṇanā
ආදාතබ්‌බන්‌ති පවෙසෙතබ්‌බං. අග්‌ගපබ්‌බන්‌ති කෙසග්‌ගමත්‌තම්‌පි අග්‌ගපබ්‌බං. තතියං පබ්‌බං පවෙසෙතීති කෙසග්‌ගමත්‌තම්‌පි තතියං පබ්‌බං පවෙසෙති. වුත්‌තඤ්‌හෙතං සමන්‌තපාසාදිකායං (පාචි. අට්‌ඨ. 812) ‘‘ගම්‌භීරතො ද්‌වින්‌නං පබ්‌බානං උපරි කෙසග්‌ගමත්‌තම්‌පි පවෙසෙන්‌තියා පාචිත්‌තිය’’න්‌ති.
Ādātabbanti pavesetabbaṃ. Aggapabbanti kesaggamattampi aggapabbaṃ. Tatiyaṃ pabbaṃ pavesetīti kesaggamattampi tatiyaṃ pabbaṃ paveseti. Vuttañhetaṃ samantapāsādikāyaṃ (pāci. aṭṭha. 812) ‘‘gambhīrato dvinnaṃ pabbānaṃ upari kesaggamattampi pavesentiyā pācittiya’’nti.
අතිගම්‌භීරං උදකසුද්‌ධිකං ආදියනවත්‌ථුස්‌මින්‌ති අතිඅන්‌තො පවෙසෙත්‌වා උදකධොවනකරණවත්‌ථුස්‌මිං. උදකසුද්‌ධිපච්‌චයෙන (සාරත්‌ථ. ටී. පාචිත්‌තිය 3.812) පන සතිපි ඵස්‌සස්‌සාදියනෙ යථාවුත්‌තපරිච්‌ඡෙදෙ අනාපත්‌ති.
Atigambhīraṃudakasuddhikaṃ ādiyanavatthusminti atianto pavesetvā udakadhovanakaraṇavatthusmiṃ. Udakasuddhipaccayena (sārattha. ṭī. pācittiya 3.812) pana satipi phassassādiyane yathāvuttaparicchede anāpatti.
උදකසුද්‌ධිකසික්‌ඛාපදවණ්‌ණනා නිට්‌ඨිතා.
Udakasuddhikasikkhāpadavaṇṇanā niṭṭhitā.
