| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੧੦. ਉਦਕਸੁਤ੍ਤવਣ੍ਣਨਾ
10. Udakasuttavaṇṇanā
੧੦੩. ਦਸਮੇ ਉਦਕੋ ਸੁਦਨ੍ਤਿ ਏਤ੍ਥ ਸੁਦਨ੍ਤਿ ਨਿਪਾਤਮਤ੍ਤਂ। ਉਦਕੋਤਿ ਤਸ੍ਸ ਨਾਮਂ। ਇਦਂ ਜਾਤੁ વੇਦਗੂਤਿ ਏਤ੍ਥ ਇਦਨ੍ਤਿ ਨਿਪਾਤਮਤ੍ਤਂ। ਅਥ વਾ ਇਦਂ ਮਮ વਚਨਂ ਸੁਣਾਥਾਤਿ ਦੀਪੇਨ੍ਤੋ ਏવਮਾਹ। ਜਾਤੁ વੇਦਗੂਤਿ ਅਹਂ ਏਕਂਸੇਨੇવ વੇਦਗੂ, વੇਦਸਙ੍ਖਾਤੇਨ ਞਾਣੇਨ ਨੇਯ੍ਯੇਸੁ ਗਤੋ, વੇਦਂ વਾ ਗਤੋ ਅਧਿਗਤੋ, ਪਣ੍ਡਿਤੋਹਮਸ੍ਮੀਤਿ ਅਤ੍ਥੋ। ਸਬ੍ਬਜੀਤਿ ਏਕਂਸੇਨ ਸਬ੍ਬવਟ੍ਟਂ ਜਿਨਿਤ੍વਾ ਅਭਿਭવਿਤ੍વਾ ਠਿਤੋਸ੍ਮੀਤਿ વਦਤਿ। ਅਪਲਿਖਤਂ ਗਣ੍ਡਮੂਲਨ੍ਤਿ ਅਪਲਿਖਤਂ ਦੁਕ੍ਖਮੂਲਂ। ਪਲਿਖਣਿਨ੍ਤਿ ਪਲਿਖਤਂ ਮਯਾ, ਖਨਿਤ੍વਾ ਠਿਤੋਸ੍ਮੀਤਿ ਦੀਪੇਤਿ।
103. Dasame udako sudanti ettha sudanti nipātamattaṃ. Udakoti tassa nāmaṃ. Idaṃ jātu vedagūti ettha idanti nipātamattaṃ. Atha vā idaṃ mama vacanaṃ suṇāthāti dīpento evamāha. Jātu vedagūti ahaṃ ekaṃseneva vedagū, vedasaṅkhātena ñāṇena neyyesu gato, vedaṃ vā gato adhigato, paṇḍitohamasmīti attho. Sabbajīti ekaṃsena sabbavaṭṭaṃ jinitvā abhibhavitvā ṭhitosmīti vadati. Apalikhataṃ gaṇḍamūlanti apalikhataṃ dukkhamūlaṃ. Palikhaṇinti palikhataṃ mayā, khanitvā ṭhitosmīti dīpeti.
ਮਾਤਾਪੇਤ੍ਤਿਕਸਮ੍ਭવਸ੍ਸਾਤਿ ਮਾਤਿਤੋ ਚ ਪਿਤਿਤੋ ਚ ਨਿਬ੍ਬਤ੍ਤੇਨ ਮਾਤਾਪੇਤ੍ਤਿਕੇਨ ਸੁਕ੍ਕਸੋਣਿਤੇਨ ਸਮ੍ਭੂਤਸ੍ਸ। ਓਦਨਕੁਮ੍ਮਾਸੂਪਚਯਸ੍ਸਾਤਿ ਓਦਨੇਨ ਚੇવ ਕੁਮ੍ਮਾਸੇਨ ਚ ਉਪਚਿਤਸ੍ਸ વਡ੍ਢਿਤਸ੍ਸ। ਅਨਿਚ੍ਚੁਚ੍ਛਾਦਨਪਰਿਮਦ੍ਦਨਭੇਦਨવਿਦ੍ਧਂਸਨਧਮ੍ਮਸ੍ਸਾਤਿ ਏਤ੍ਥ ਅਯਂ ਕਾਯੋ ਹੁਤ੍વਾ ਅਭਾવਟ੍ਠੇਨ ਅਨਿਚ੍ਚਧਮ੍ਮੋ , ਦੁਗ੍ਗਨ੍ਧવਿਘਾਤਤ੍ਥਾਯ ਤਨੁવਿਲੇਪਨੇਨ ਉਚ੍ਛਾਦਨਧਮ੍ਮੋ, ਅਙ੍ਗਪਚ੍ਚਙ੍ਗਾਬਾਧવਿਨੋਦਨਤ੍ਥਾਯ ਖੁਦ੍ਦਕਸਮ੍ਬਾਹਨੇਨ ਪਰਿਮਦ੍ਦਨਧਮ੍ਮੋ, ਦਹਰਕਾਲੇ વਾ ਊਰੂਸੁ ਸਯਾਪੇਤ੍વਾ ਗਬ੍ਭવਾਸੇਨ ਦੁਸ੍ਸਣ੍ਠਿਤਾਨਂ ਤੇਸਂ ਤੇਸਂ ਅਙ੍ਗਾਨਂ ਸਣ੍ਠਾਨਸਮ੍ਪਾਦਨਤ੍ਥਂ ਅਞ੍ਛਨਪੀਲ਼ਨਾਦੀਨਂ વਸੇਨ ਪਰਿਮਦ੍ਦਨਧਮ੍ਮੋ, ਏવਂ ਪਰਿਹਰਿਤੋਪਿ ਚ ਭੇਦਨવਿਦ੍ਧਂਸਨਧਮ੍ਮੋ ਭਿਜ੍ਜਤਿ ਚੇવ વਿਕਿਰਤਿ ਚ, ਏવਂ ਸਭਾવੋਤਿ ਅਤ੍ਥੋ।
Mātāpettikasambhavassāti mātito ca pitito ca nibbattena mātāpettikena sukkasoṇitena sambhūtassa. Odanakummāsūpacayassāti odanena ceva kummāsena ca upacitassa vaḍḍhitassa. Aniccucchādanaparimaddanabhedanaviddhaṃsanadhammassāti ettha ayaṃ kāyo hutvā abhāvaṭṭhena aniccadhammo , duggandhavighātatthāya tanuvilepanena ucchādanadhammo, aṅgapaccaṅgābādhavinodanatthāya khuddakasambāhanena parimaddanadhammo, daharakāle vā ūrūsu sayāpetvā gabbhavāsena dussaṇṭhitānaṃ tesaṃ tesaṃ aṅgānaṃ saṇṭhānasampādanatthaṃ añchanapīḷanādīnaṃ vasena parimaddanadhammo, evaṃ pariharitopi ca bhedanaviddhaṃsanadhammo bhijjati ceva vikirati ca, evaṃ sabhāvoti attho.
ਤਤ੍ਥ ਮਾਤਾਪੇਤ੍ਤਿਕਸਮ੍ਭવਓਦਨਕੁਮ੍ਮਾਸੂਪਚਯਪਰਿਮਦ੍ਦਨਪਦੇਹਿ વਡ੍ਢਿ ਕਥਿਤਾ, ਅਨਿਚ੍ਚਭੇਦਨવਿਦ੍ਧਂਸਨਪਦੇਹਿ ਪਰਿਹਾਨਿ। ਪੁਰਿਮੇਹਿ વਾ ਤੀਹਿ ਸਮੁਦਯੋ, ਪਚ੍ਛਿਮੇਹਿ ਅਤ੍ਥਙ੍ਗਮੋਤਿ। ਏવਂ ਚਾਤੁਮਹਾਭੂਤਿਕਸ੍ਸ ਕਾਯਸ੍ਸ વਡ੍ਢਿਪਰਿਹਾਨਿਨਿਬ੍ਬਤ੍ਤਿਭੇਦਾ ਦਸ੍ਸਿਤਾ। ਸੇਸਂ ਉਤ੍ਤਾਨਤ੍ਥਮੇવਾਤਿ।
Tattha mātāpettikasambhavaodanakummāsūpacayaparimaddanapadehi vaḍḍhi kathitā, aniccabhedanaviddhaṃsanapadehi parihāni. Purimehi vā tīhi samudayo, pacchimehi atthaṅgamoti. Evaṃ cātumahābhūtikassa kāyassa vaḍḍhiparihāninibbattibhedā dassitā. Sesaṃ uttānatthamevāti.
ਸਲ਼વਗ੍ਗੋ ਦਸਮੋ।
Saḷavaggo dasamo.
ਦੁਤਿਯੋ ਪਣ੍ਣਾਸਕੋ।
Dutiyo paṇṇāsako.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧੦. ਉਦਕਸੁਤ੍ਤਂ • 10. Udakasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧੦. ਉਦਕਸੁਤ੍ਤવਣ੍ਣਨਾ • 10. Udakasuttavaṇṇanā
