| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
уд̣̇агадтагат̇ааван̣н̣анаа
Udakaṭṭhakathāvaṇṇanā
98. уд̣̇агадтагат̇ааяам̣ санд̣̇амаанауд̣̇агз нигкид̇д̇ам̣ на д̇идтад̇ийд̇и ааха ‘‘асанд̣̇анагз уд̣̇агз’’д̇и. анаабад̇д̇ийд̇и хад̇т̇аваарабад̣̇аваарзсу д̣̇уггадаабад̇д̇ияаа абхаавам̣ санд̇хааяа вуд̇д̇ам̣. гад̣дхад̇ийд̇и хздтад̇о осаарзд̇и. уббалаад̣̇ийсууд̇и аад̣̇и-сад̣̇д̣̇зна бад̣̇умабун̣д̣арийгаад̣̇им̣ сан̇г̇ан̣хаад̇и. рад̇д̇ам̣ бад̣̇умам̣, сзд̇ам̣ бун̣д̣арийгам̣. сзд̇ам̣ ваа бад̣̇умам̣, рад̇д̇ам̣ бун̣д̣арийгам̣. ат̇а ваа рад̇д̇ам̣ ваа ход̇у сзд̇ам̣ ваа сад̇абад̇д̇ам̣ бад̣̇умам̣, уунасад̇абад̇д̇ам̣ бун̣д̣арийгам̣. вад̇т̇у буурад̇ийд̇и баарааж̇игавад̇т̇у баход̇и. д̇асмим̣ чиннамад̇д̇з баарааж̇иганд̇и уд̣̇агад̇о ажжуг̇г̇ад̇асса уд̣̇агавинимуд̇д̇адтаанад̇о чзд̣̇анам̣ санд̇хааяа вуд̇д̇ам̣. яам̣ вад̇т̇ум̣ буурзд̇ийд̇и яам̣ бубпам̣ баарааж̇игавад̇т̇ум̣ буурзд̇и. д̣̇асахи бубпзхи гад̇агалаабо хад̇т̇аго, маханд̇ам̣ галаабам̣ гад̇ваа б̣ад̣̇д̇хам̣ бхаараб̣ад̣̇д̇хам̣. раж̇ж̇угзсу д̇ин̣аани сант̇арид̇ваад̇и зд̇т̇а ‘‘д̣̇вз раж̇ж̇угаани уд̣̇агабидтз табзд̇ваа д̇зсам̣ убари д̇ирияад̇о д̇ин̣аани сант̇арид̇ваа д̇зсам̣ убари б̣анд̇хид̇ваа ваа аб̣анд̇хид̇ваа ваа д̇ирияад̇оязва бубпаани табзд̇ваа хздтад̇о г̇ад̇аани д̣̇вз раж̇ж̇угаани угкибид̇ваа бубпамад̇т̇агз табзнд̇ий’’д̇и вад̣̇анд̇и.
98. Udakaṭṭhakathāyaṃ sandamānaudake nikkhittaṃ na tiṭṭhatīti āha ‘‘asandanake udake’’ti. Anāpattīti hatthavārapadavāresu dukkaṭāpattiyā abhāvaṃ sandhāya vuttaṃ. Kaḍḍhatīti heṭṭhato osāreti. Uppalādīsūti ādi-saddena padumapuṇḍarīkādiṃ saṅgaṇhāti. Rattaṃ padumaṃ, setaṃ puṇḍarīkaṃ. Setaṃ vā padumaṃ, rattaṃ puṇḍarīkaṃ. Atha vā rattaṃ vā hotu setaṃ vā satapattaṃ padumaṃ, ūnasatapattaṃ puṇḍarīkaṃ. Vatthu pūratīti pārājikavatthu pahoti. Tasmiṃ chinnamatte pārājikanti udakato accuggatassa udakavinimuttaṭṭhānato chedanaṃ sandhāya vuttaṃ. Yaṃ vatthuṃ pūretīti yaṃ pupphaṃ pārājikavatthuṃ pūreti. Dasahi pupphehi katakalāpo hatthako, mahantaṃ kalāpaṃ katvā baddhaṃ bhārabaddhaṃ. Rajjukesu tiṇāni santharitvāti ettha ‘‘dve rajjukāni udakapiṭṭhe ṭhapetvā tesaṃ upari tiriyato tiṇāni santharitvā tesaṃ upari bandhitvā vā abandhitvā vā tiriyatoyeva pupphāni ṭhapetvā heṭṭhato gatāni dve rajjukāni ukkhipitvā pupphamatthake ṭhapentī’’ti vadanti.
гзсаг̇г̇амад̇д̇амби яат̇аатид̇адтаанад̇о жаавзд̇ийд̇и баариманд̇зна пудтогаасам̣, ориманд̇зна гзсаг̇г̇амад̇д̇ам̣ жаавзд̇и. сагаламуд̣̇аганд̇и д̣̇ан̣д̣зна пудтогаасаг̇ад̇ам̣ сагаламуд̣̇агам̣. на уд̣̇агам̣ таананд̇и ад̇д̇анаа гад̇адтаанасса адтаанад̇д̇аа. ид̣̇ам̣ убхаяанд̇и зд̇т̇а ‘‘б̣анд̇ханам̣ аможзд̇ваа…бз… баарааж̇ига’’нд̇и ид̣̇амзвзгам̣, ‘‘батамам̣ б̣анд̇ханам̣…бз… таанабарижчзд̣̇о’’д̇и ид̣̇ам̣ д̣̇уд̇ияам̣. бад̣̇уминияанд̇и бад̣̇умаг̇ажчз. уббаадид̇ааяаад̇и барзхи ад̇д̇ано ад̇т̇ааяа уббаадид̇ааяа.
Kesaggamattampi yathāṭhitaṭṭhānato cāvetīti pārimantena phuṭṭhokāsaṃ, orimantena kesaggamattaṃ cāveti. Sakalamudakanti daṇḍena phuṭṭhokāsagataṃ sakalamudakaṃ. Na udakaṃ ṭhānanti attanā kataṭṭhānassa aṭṭhānattā. Idaṃ ubhayanti ettha ‘‘bandhanaṃ amocetvā…pe… pārājika’’nti idamevekaṃ, ‘‘paṭhamaṃ bandhanaṃ…pe… ṭhānaparicchedo’’ti idaṃ dutiyaṃ. Paduminiyanti padumagacche. Uppāṭitāyāti parehi attano atthāya uppāṭitāya.
б̣ахи табид̇зд̇и уд̣̇агад̇о б̣ахи табид̇з. хад̇т̇агавасзна куд̣̇д̣̇агам̣ гад̇ваа
Bahiṭhapiteti udakato bahi ṭhapite. Hatthakavasena khuddakaṃ katvā
б̣ад̣̇д̇хам̣ галаабаб̣ад̣̇д̇хам̣. мул̣ааланд̇и ганд̣̇ам̣. бад̇д̇ам̣ ваа бубпам̣ ваад̇и ид̣̇ам̣ гад̣̇д̣̇амасса анд̇о бависид̇ваа тид̇ам̣ санд̇хааяа вуд̇д̇ам̣. сагаламуд̣̇аганд̇и ваабиаад̣̇ийсу барияаабаннам̣ сагаламуд̣̇агам̣. нид̣̇д̇хаманад̇умб̣анд̇и ваабияаа уд̣̇агасса нигкаманамаг̇г̇ам̣. уд̣̇агаваахаганд̇и махаамаад̇игам̣. на авахаарод̇и ид̣̇ам̣ буб̣б̣асад̣̇исам̣ на ход̇ийд̇и ааха – ‘‘гасмаа…бз… зваруубаа хи д̇ад̇т̇а гад̇игаа’’д̇и. авахааро над̇т̇ийд̇и саб̣б̣асаад̇хааран̣з абариг̇г̇ахадтаанз г̇ахид̇ад̇д̇аа. маад̇игам̣ ааробзд̇ваад̇и куд̣̇д̣̇агамаад̇игам̣ ааробзд̇ваа. марид̇ваа…бз… д̇идтанд̇ийд̇и зд̇т̇а ‘‘мад̇амажчаанам̣язва д̇зсам̣ санд̇агад̇д̇аа амад̇з г̇ан̣ханд̇асса над̇т̇и авахааро’’д̇и вад̣̇анд̇и.
Baddhaṃ kalāpabaddhaṃ. Muḷālanti kandaṃ. Pattaṃ vā pupphaṃ vāti idaṃ kaddamassa anto pavisitvā ṭhitaṃ sandhāya vuttaṃ. Sakalamudakanti vāpiādīsu pariyāpannaṃ sakalamudakaṃ. Niddhamanatumbanti vāpiyā udakassa nikkhamanamaggaṃ. Udakavāhakanti mahāmātikaṃ. Na avahāroti idaṃ pubbasadisaṃ na hotīti āha – ‘‘kasmā…pe… evarūpā hi tattha katikā’’ti. Avahāro natthīti sabbasādhāraṇe apariggahaṭṭhāne gahitattā. Mātikaṃ āropetvāti khuddakamātikaṃ āropetvā. Maritvā…pe… tiṭṭhantīti ettha ‘‘matamacchānaṃyeva tesaṃ santakattā amate gaṇhantassa natthi avahāro’’ti vadanti.
уд̣̇агадтагат̇ааван̣н̣анаа нидтид̇аа.
Udakaṭṭhakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. д̣̇уд̇ияабаарааж̇игам̣ • 2. Dutiyapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. д̣̇уд̇ияабаарааж̇игам̣ • 2. Dutiyapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / бхуумадтагат̇аад̣̇иван̣н̣анаа • Bhūmaṭṭhakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / уд̣̇агадтагат̇ааван̣н̣анаа • Udakaṭṭhakathāvaṇṇanā
