| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
уд̣̇агадтагат̇ааван̣н̣анаа
Udakaṭṭhakathāvaṇṇanā
98. уд̣̇агадтагат̇ааяам̣ санд̣̇амаанауд̣̇агз нигкид̇д̇ам̣ на д̇идтад̇ийд̇и ааха ‘‘асанд̣̇анагз уд̣̇агз’’д̇и. анаабад̇д̇ийд̇и хад̇т̇аваарабад̣̇аваарзсу д̣̇уггадаабад̇д̇ияаа абхаавам̣ санд̇хааяа вуд̇д̇ам̣. гад̣дхад̇ийд̇и хздтад̇о осаарзд̇и. сагаламуд̣̇аганд̇и д̣̇ан̣д̣зна пудтогаасаг̇ад̇ам̣ сагаламуд̣̇агам̣. на уд̣̇агам̣ таананд̇и ад̇д̇анаа гад̇адтаанасса адтаанад̇д̇аа. бад̣̇уминияанд̇и бад̣̇умаг̇ажчз. галаабаб̣анд̇ханд̇и хад̇т̇агавасзна куд̣̇д̣̇агам̣ гад̇ваа б̣ад̣̇д̇хам̣ галаабаб̣ад̣̇д̇хам̣. бхаараб̣ад̣̇д̇хам̣ наама сийсабхаараад̣̇ивасзна б̣ад̣̇д̇хам̣. мул̣ааланд̇и ганд̣̇ам̣. бад̇д̇ам̣ ваа бубпам̣ ваад̇и ид̣̇ам̣ гад̣̇д̣̇амасса анд̇о бависид̇ваа тид̇ам̣ санд̇хааяа вуд̇д̇ам̣. нид̣̇д̇хаманад̇умб̣анд̇и ваабияаа уд̣̇агасса нигкамананаал̣ам̣. уд̣̇агаваахаганд̇и махаамаад̇игам̣. авахаарзна со на гаарзд̇аб̣б̣од̇и иминаа баан̣ам̣ ж̇ийвид̇аа воробанз аабад̇д̇ияаа саб̣б̣ад̇т̇а на мужжад̇ийд̇и д̣̇ийбзд̇и. маад̇игам̣ ааробзд̇ваад̇и куд̣̇д̣̇агамаад̇игам̣ ааробзд̇ваа. марид̇ваа…бз… д̇идтанд̇ийд̇и зд̇т̇а мад̇амажчаанам̣язва д̇зсам̣ санд̇агад̇д̇аа амад̇з г̇ан̣ханд̇асса над̇т̇и авахааро.
98. Udakaṭṭhakathāyaṃ sandamānaudake nikkhittaṃ na tiṭṭhatīti āha ‘‘asandanake udake’’ti. Anāpattīti hatthavārapadavāresu dukkaṭāpattiyā abhāvaṃ sandhāya vuttaṃ. Kaḍḍhatīti heṭṭhato osāreti. Sakalamudakanti daṇḍena phuṭṭhokāsagataṃ sakalamudakaṃ. Na udakaṃ ṭhānanti attanā kataṭṭhānassa aṭṭhānattā. Paduminiyanti padumagacche. Kalāpabandhanti hatthakavasena khuddakaṃ katvā baddhaṃ kalāpabaddhaṃ. Bhārabaddhaṃ nāma sīsabhārādivasena baddhaṃ. Muḷālanti kandaṃ. Pattaṃ vā pupphaṃ vāti idaṃ kaddamassa anto pavisitvā ṭhitaṃ sandhāya vuttaṃ. Niddhamanatumbanti vāpiyā udakassa nikkhamananāḷaṃ. Udakavāhakanti mahāmātikaṃ. Avahārena so na kāretabboti iminā pāṇaṃ jīvitā voropane āpattiyā sabbattha na muccatīti dīpeti. Mātikaṃ āropetvāti khuddakamātikaṃ āropetvā. Maritvā…pe… tiṭṭhantīti ettha matamacchānaṃyeva tesaṃ santakattā amate gaṇhantassa natthi avahāro.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. д̣̇уд̇ияабаарааж̇игам̣ • 2. Dutiyapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. д̣̇уд̇ияабаарааж̇игам̣ • 2. Dutiyapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / уд̣̇агадтагат̇ааван̣н̣анаа • Udakaṭṭhakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / бхуумадтагат̇аад̣̇иван̣н̣анаа • Bhūmaṭṭhakathādivaṇṇanā
