| Library / Tipiṭaka / ติปิฎก • Tipiṭaka / กงฺขาวิตรณี-อภินว-ฎีกา • Kaṅkhāvitaraṇī-abhinava-ṭīkā |
๗๕. อุทเกอุจฺจารสิกฺขาปทวณฺณนา
75. Udakeuccārasikkhāpadavaṇṇanā
ปกิณฺณกนฺติ โวมิสฺสกนยํฯ สจิตฺตกนฺติ (สารตฺถ. ฎี. ปาจิตฺติย ๓.๕๗๖) วตฺถุวิชานนจิเตฺตน, ปณฺณตฺติวิชานนจิเตฺตน จ สจิตฺตกํฯ ‘‘อนาทริยํ ปฎิจฺจา’’ติ (ปาจิ. ๖๕๔) วุตฺตตฺตา ยสฺมา อนาทริยวเสเนว อาปชฺชิตพฺพโต อิทํ สพฺพํ เกวลํ อกุสลเมว, ตญฺจ ปกติยา วชฺชํ, สญฺจิจฺจ วีติกฺกมนญฺจ โทมนสฺสิกเสฺสว โหติ, ตสฺมา ‘‘โลกวชฺชํ อกุสลจิตฺตํ ทุกฺขเวทน’’นฺติ วุตฺตํฯ เสเสสุปิ เอเสว นโยฯ
Pakiṇṇakanti vomissakanayaṃ. Sacittakanti (sārattha. ṭī. pācittiya 3.576) vatthuvijānanacittena, paṇṇattivijānanacittena ca sacittakaṃ. ‘‘Anādariyaṃ paṭiccā’’ti (pāci. 654) vuttattā yasmā anādariyavaseneva āpajjitabbato idaṃ sabbaṃ kevalaṃ akusalameva, tañca pakatiyā vajjaṃ, sañcicca vītikkamanañca domanassikasseva hoti, tasmā ‘‘lokavajjaṃ akusalacittaṃ dukkhavedana’’nti vuttaṃ. Sesesupi eseva nayo.
เอกูนวีสติธมฺมเทสนาปฎิสํยุตฺตสิกฺขาปทวณฺณนา นิฎฺฐิตาฯ
Ekūnavīsatidhammadesanāpaṭisaṃyuttasikkhāpadavaṇṇanā niṭṭhitā.
อิติ กงฺขาวิตรณิยา ปาติโมกฺขวณฺณนาย
Iti kaṅkhāvitaraṇiyā pātimokkhavaṇṇanāya
วินยตฺถมญฺชูสายํ ลีนตฺถปฺปกาสนิยํ
Vinayatthamañjūsāyaṃ līnatthappakāsaniyaṃ
เสขิยวณฺณนา นิฎฺฐิตาฯ
Sekhiyavaṇṇanā niṭṭhitā.
