| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
5. уд̣̇агуубамаасуд̇д̇ам̣
5. Udakūpamāsuttaṃ
15. ‘‘сад̇д̇имз, бхигкавз, уд̣̇агуубамаа буг̇г̇алаа санд̇о сам̣виж̇ж̇амаанаа логасмим̣. гад̇амз сад̇д̇а? 1 ид̇ха, бхигкавз, згажжо буг̇г̇ало сагим̣ нимуг̇г̇о нимуг̇г̇ова ход̇и; ид̇ха бана, бхигкавз, згажжо буг̇г̇ало уммуж̇ж̇ид̇ваа нимуж̇ж̇ад̇и; ид̇ха бана, бхигкавз, згажжо буг̇г̇ало уммуж̇ж̇ид̇ваа тид̇о ход̇и; ид̇ха бана, бхигкавз, згажжо буг̇г̇ало уммуж̇ж̇ид̇ваа вибассад̇и вилогзд̇и; ид̇ха бана, бхигкавз, згажжо буг̇г̇ало уммуж̇ж̇ид̇ваа бад̇арад̇и; ид̇ха бана, бхигкавз, згажжо буг̇г̇ало уммуж̇ж̇ид̇ваа бад̇иг̇аад̇хаббад̇д̇о ход̇и; ид̇ха бана, бхигкавз, згажжо буг̇г̇ало уммуж̇ж̇ид̇ваа д̇ин̣н̣о ход̇и бааран̇г̇ад̇о 2 т̇алз д̇идтад̇и б̣раахман̣о.
15. ‘‘Sattime, bhikkhave, udakūpamā puggalā santo saṃvijjamānā lokasmiṃ. Katame satta? 3 Idha, bhikkhave, ekacco puggalo sakiṃ nimuggo nimuggova hoti; idha pana, bhikkhave, ekacco puggalo ummujjitvā nimujjati; idha pana, bhikkhave, ekacco puggalo ummujjitvā ṭhito hoti; idha pana, bhikkhave, ekacco puggalo ummujjitvā vipassati viloketi; idha pana, bhikkhave, ekacco puggalo ummujjitvā patarati; idha pana, bhikkhave, ekacco puggalo ummujjitvā patigādhappatto hoti; idha pana, bhikkhave, ekacco puggalo ummujjitvā tiṇṇo hoti pāraṅgato 4 thale tiṭṭhati brāhmaṇo.
‘‘гат̇ан̃жа, бхигкавз, буг̇г̇ало сагим̣ нимуг̇г̇о нимуг̇г̇ова ход̇и? ид̇ха бхигкавз, згажжо буг̇г̇ало саманнааг̇ад̇о ход̇и зганд̇агаал̣агзхи агусалзхи д̇хаммзхи. звам̣ ко, бхигкавз, буг̇г̇ало сагим̣ нимуг̇г̇о нимуг̇г̇ова ход̇и.
‘‘Kathañca, bhikkhave, puggalo sakiṃ nimuggo nimuggova hoti? Idha bhikkhave, ekacco puggalo samannāgato hoti ekantakāḷakehi akusalehi dhammehi. Evaṃ kho, bhikkhave, puggalo sakiṃ nimuggo nimuggova hoti.
‘‘гат̇ан̃жа, бхигкавз, буг̇г̇ало уммуж̇ж̇ид̇ваа нимуж̇ж̇ад̇и? ид̇ха, бхигкавз, згажжо буг̇г̇ало уммуж̇ж̇ад̇и саад̇ху сад̣̇д̇хаа гусалзсу д̇хаммзсу, саад̇ху хирий…бз… саад̇ху од̇д̇аббам̣… саад̇ху вийрияам̣ 5 … саад̇ху бан̃н̃аа гусалзсу д̇хаммзсууд̇и. д̇асса саа сад̣̇д̇хаа нзва д̇идтад̇и но вад̣дхад̇и хааяад̇иязва, д̇асса саа хирий…бз… д̇асса д̇ам̣ од̇д̇аббам̣… д̇асса д̇ам̣ вийрияам̣… д̇асса саа бан̃н̃аа нзва д̇идтад̇и но вад̣дхад̇и хааяад̇иязва. звам̣ ко, бхигкавз, буг̇г̇ало уммуж̇ж̇ид̇ваа нимуж̇ж̇ад̇и.
‘‘Kathañca, bhikkhave, puggalo ummujjitvā nimujjati? Idha, bhikkhave, ekacco puggalo ummujjati sādhu saddhā kusalesu dhammesu, sādhu hirī…pe… sādhu ottappaṃ… sādhu vīriyaṃ 6 … sādhu paññā kusalesu dhammesūti. Tassa sā saddhā neva tiṭṭhati no vaḍḍhati hāyatiyeva, tassa sā hirī…pe… tassa taṃ ottappaṃ… tassa taṃ vīriyaṃ… tassa sā paññā neva tiṭṭhati no vaḍḍhati hāyatiyeva. Evaṃ kho, bhikkhave, puggalo ummujjitvā nimujjati.
‘‘гат̇ан̃жа , бхигкавз, буг̇г̇ало уммуж̇ж̇ид̇ваа тид̇о ход̇и? ид̇ха , бхигкавз, згажжо буг̇г̇ало уммуж̇ж̇ад̇и саад̇ху сад̣̇д̇хаа гусалзсу д̇хаммзсу, саад̇ху хирий…бз… саад̇ху од̇д̇аббам̣… саад̇ху вийрияам̣… саад̇ху бан̃н̃аа гусалзсу д̇хаммзсууд̇и. д̇асса саа сад̣̇д̇хаа нзва хааяад̇и но вад̣дхад̇и тид̇аа ход̇и. д̇асса саа хирий…бз… д̇асса д̇ам̣ од̇д̇аббам̣… д̇асса д̇ам̣ вийрияам̣… д̇асса саа бан̃н̃аа нзва хааяад̇и но вад̣дхад̇и тид̇аа ход̇и. звам̣ ко, бхигкавз, буг̇г̇ало уммуж̇ж̇ид̇ваа тид̇о ход̇и.
‘‘Kathañca , bhikkhave, puggalo ummujjitvā ṭhito hoti? Idha , bhikkhave, ekacco puggalo ummujjati sādhu saddhā kusalesu dhammesu, sādhu hirī…pe… sādhu ottappaṃ… sādhu vīriyaṃ… sādhu paññā kusalesu dhammesūti. Tassa sā saddhā neva hāyati no vaḍḍhati ṭhitā hoti. Tassa sā hirī…pe… tassa taṃ ottappaṃ… tassa taṃ vīriyaṃ… tassa sā paññā neva hāyati no vaḍḍhati ṭhitā hoti. Evaṃ kho, bhikkhave, puggalo ummujjitvā ṭhito hoti.
‘‘гат̇ан̃жа, бхигкавз, буг̇г̇ало уммуж̇ж̇ид̇ваа вибассад̇и вилогзд̇и? ид̇ха, бхигкавз, згажжо буг̇г̇ало уммуж̇ж̇ад̇и саад̇ху сад̣̇д̇хаа гусалзсу д̇хаммзсу, саад̇ху хирий…бз… саад̇ху од̇д̇аббам̣… саад̇ху вийрияам̣… саад̇ху бан̃н̃аа гусалзсу д̇хаммзсууд̇и. со д̇ин̣н̣ам̣ сам̣яож̇анаанам̣ баригкаяаа сод̇аабанно ход̇и авинибаад̇ад̇хаммо нияад̇о самб̣од̇хибарааяан̣о. звам̣ ко, бхигкавз, буг̇г̇ало уммуж̇ж̇ид̇ваа вибассад̇и вилогзд̇и.
‘‘Kathañca, bhikkhave, puggalo ummujjitvā vipassati viloketi? Idha, bhikkhave, ekacco puggalo ummujjati sādhu saddhā kusalesu dhammesu, sādhu hirī…pe… sādhu ottappaṃ… sādhu vīriyaṃ… sādhu paññā kusalesu dhammesūti. So tiṇṇaṃ saṃyojanānaṃ parikkhayā sotāpanno hoti avinipātadhammo niyato sambodhiparāyaṇo. Evaṃ kho, bhikkhave, puggalo ummujjitvā vipassati viloketi.
‘‘гат̇ан̃жа, бхигкавз, буг̇г̇ало уммуж̇ж̇ид̇ваа бад̇арад̇и? ид̇ха, бхигкавз, згажжо буг̇г̇ало уммуж̇ж̇ад̇и саад̇ху сад̣̇д̇хаа гусалзсу д̇хаммзсу, саад̇ху хирий…бз… саад̇ху од̇д̇аббам̣… саад̇ху вийрияам̣… саад̇ху бан̃н̃аа гусалзсу д̇хаммзсууд̇и. со д̇ин̣н̣ам̣ сам̣яож̇анаанам̣ баригкаяаа рааг̇ад̣̇осамохаанам̣ д̇ануд̇д̇аа сагад̣̇ааг̇аамий ход̇и, сагид̣̇зва 7 имам̣ логам̣ ааг̇анд̇ваа д̣̇угкассанд̇ам̣ гарод̇и 8. звам̣ ко, бхигкавз, буг̇г̇ало уммуж̇ж̇ид̇ваа бад̇арад̇и.
‘‘Kathañca, bhikkhave, puggalo ummujjitvā patarati? Idha, bhikkhave, ekacco puggalo ummujjati sādhu saddhā kusalesu dhammesu, sādhu hirī…pe… sādhu ottappaṃ… sādhu vīriyaṃ… sādhu paññā kusalesu dhammesūti. So tiṇṇaṃ saṃyojanānaṃ parikkhayā rāgadosamohānaṃ tanuttā sakadāgāmī hoti, sakideva 9 imaṃ lokaṃ āgantvā dukkhassantaṃ karoti 10. Evaṃ kho, bhikkhave, puggalo ummujjitvā patarati.
‘‘гат̇ан̃жа, бхигкавз, буг̇г̇ало уммуж̇ж̇ид̇ваа бад̇иг̇аад̇хаббад̇д̇о ход̇и? ид̇ха, бхигкавз, згажжо буг̇г̇ало уммуж̇ж̇ад̇и саад̇ху сад̣̇д̇хаа гусалзсу д̇хаммзсу, саад̇ху хирий…бз… саад̇ху од̇д̇аббам̣… саад̇ху вийрияам̣… саад̇ху бан̃н̃аа гусалзсу д̇хаммзсууд̇и. со бан̃жаннам̣ орамбхааг̇ияаанам̣ сам̣яож̇анаанам̣ баригкаяаа обабаад̇иго ход̇и д̇ад̇т̇а бариниб̣б̣ааяий анаавад̇д̇ид̇хаммо д̇асмаа логаа. звам̣ ко, бхигкавз, буг̇г̇ало уммуж̇ж̇ид̇ваа бад̇иг̇аад̇хаббад̇д̇о ход̇и.
‘‘Kathañca, bhikkhave, puggalo ummujjitvā patigādhappatto hoti? Idha, bhikkhave, ekacco puggalo ummujjati sādhu saddhā kusalesu dhammesu, sādhu hirī…pe… sādhu ottappaṃ… sādhu vīriyaṃ… sādhu paññā kusalesu dhammesūti. So pañcannaṃ orambhāgiyānaṃ saṃyojanānaṃ parikkhayā opapātiko hoti tattha parinibbāyī anāvattidhammo tasmā lokā. Evaṃ kho, bhikkhave, puggalo ummujjitvā patigādhappatto hoti.
‘‘гат̇ан̃жа, бхигкавз, буг̇г̇ало уммуж̇ж̇ид̇ваа д̇ин̣н̣о ход̇и бааран̇г̇ад̇о т̇алз д̇идтад̇и б̣раахман̣о. ид̇ха , бхигкавз, згажжо буг̇г̇ало уммуж̇ж̇ад̇и саад̇ху сад̣̇д̇хаа гусалзсу д̇хаммзсу, саад̇ху хирий…бз… саад̇ху од̇д̇аббам̣… саад̇ху вийрияам̣… саад̇ху бан̃н̃аа гусалзсу д̇хаммзсууд̇и. со аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇и. звам̣ ко, бхигкавз, буг̇г̇ало уммуж̇ж̇ид̇ваа д̇ин̣н̣о ход̇и бааран̇г̇ад̇о т̇алз д̇идтад̇и б̣раахман̣о.
‘‘Kathañca, bhikkhave, puggalo ummujjitvā tiṇṇo hoti pāraṅgato thale tiṭṭhati brāhmaṇo. Idha , bhikkhave, ekacco puggalo ummujjati sādhu saddhā kusalesu dhammesu, sādhu hirī…pe… sādhu ottappaṃ… sādhu vīriyaṃ… sādhu paññā kusalesu dhammesūti. So āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati. Evaṃ kho, bhikkhave, puggalo ummujjitvā tiṇṇo hoti pāraṅgato thale tiṭṭhati brāhmaṇo.
‘‘имз ко, бхигкавз, сад̇д̇а уд̣̇агуубамаа буг̇г̇алаа санд̇о сам̣виж̇ж̇амаанаа логасми’’нд̇и. бан̃жамам̣.
‘‘Ime kho, bhikkhave, satta udakūpamā puggalā santo saṃvijjamānā lokasmi’’nti. Pañcamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 5. уд̣̇агуубамаасуд̇д̇аван̣н̣анаа • 5. Udakūpamāsuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 5. уд̣̇агуубамаасуд̇д̇аван̣н̣анаа • 5. Udakūpamāsuttavaṇṇanā
