| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
5. уд̣̇агуубамаасуд̇д̇аван̣н̣анаа
5. Udakūpamāsuttavaṇṇanā
15. бан̃жамз зганд̇агаал̣агзхийд̇и над̇т̇игаваад̣̇аахзд̇угаваад̣̇аагирияаваад̣̇асан̇каад̇зхи нияад̇амижчаад̣̇идтид̇хаммзхи. д̇знааха ‘‘нияад̇амижчаад̣̇идтим̣ санд̇хааяа вуд̇д̇а’’нд̇и. звам̣ буг̇г̇алод̇и иминаа гааран̣зна згаваарам̣ нимуг̇г̇о нимуг̇г̇оязва со ход̇и. зд̇асса хи буна бхавад̇о вудтаанам̣ наама над̇т̇ийд̇и вад̣̇анд̇и магкалиг̇осаалаад̣̇аяо вияа. хздтаа хздтаа нарагаг̇г̇ийнам̣язва аахааро. саад̇ху сад̣̇д̇хаа гусалзсууд̇и гусалад̇хаммзсу сад̣̇д̇хаа наама сааху лад̣̇д̇хагаад̇и уммуж̇ж̇ад̇и, со д̇аавад̇д̇агзнзва гусалзна уммуж̇ж̇ад̇и наама. саад̇ху хирийд̇иаад̣̇ийсуби зсзва наяо. жан̇гаваарзд̇и раж̇агаанам̣ каарабариссааванз, сураабариссааванз ваа. звам̣ буг̇г̇алод̇и ‘‘звам̣ саад̇ху сад̣̇д̇хаа’’д̇и имзсам̣ сад̣̇д̇хаад̣̇ийнам̣ васзна згаваарам̣ уммуж̇ж̇ид̇ваа д̇зсам̣ барихаанияаа буна нимуж̇ж̇ад̇иязва д̣̇звад̣̇ад̇д̇аад̣̇аяо вияа. д̣̇звад̣̇ад̇д̇о хи адта самаабад̇д̇ияо бан̃жа жа абхин̃н̃ааяо ниб̣б̣ад̇д̇зд̇вааби буна б̣уд̣̇д̇хаанам̣ бадибагкад̇ааяа д̇зхи г̇ун̣зхи барихийно рухируббаад̣̇агаммам̣ сан̇гхабхзд̣̇агамман̃жа гад̇ваа гааяасса бхзд̣̇аа д̣̇уд̇ияажид̇д̇аваарзна жуд̇ижид̇д̇амананд̇араа нираяз ниб̣б̣ад̇д̇о. гогаалиго д̣̇вз аг̇г̇асаавагз убавад̣̇ид̇ваа бад̣̇уманираяз ниб̣б̣ад̇д̇о.
15. Pañcame ekantakāḷakehīti natthikavādaahetukavādaakiriyavādasaṅkhātehi niyatamicchādiṭṭhidhammehi. Tenāha ‘‘niyatamicchādiṭṭhiṃ sandhāya vutta’’nti. Evaṃ puggaloti iminā kāraṇena ekavāraṃ nimuggo nimuggoyeva so hoti. Etassa hi puna bhavato vuṭṭhānaṃ nāma natthīti vadanti makkhaligosālādayo viya. Heṭṭhā heṭṭhā narakaggīnaṃyeva āhāro. Sādhu saddhā kusalesūti kusaladhammesu saddhā nāma sāhu laddhakāti ummujjati, so tāvattakeneva kusalena ummujjati nāma. Sādhu hirītiādīsupi eseva nayo. Caṅkavāreti rajakānaṃ khāraparissāvane, surāparissāvane vā. Evaṃ puggaloti ‘‘evaṃ sādhu saddhā’’ti imesaṃ saddhādīnaṃ vasena ekavāraṃ ummujjitvā tesaṃ parihāniyā puna nimujjatiyeva devadattādayo viya. Devadatto hi aṭṭha samāpattiyo pañca ca abhiññāyo nibbattetvāpi puna buddhānaṃ paṭipakkhatāya tehi guṇehi parihīno ruhiruppādakammaṃ saṅghabhedakammañca katvā kāyassa bhedā dutiyacittavārena cuticittamanantarā niraye nibbatto. Kokāliko dve aggasāvake upavaditvā padumaniraye nibbatto.
нзва хааяад̇и но вад̣дхад̇ийд̇и аббахонагагаалзби на хааяад̇и, бахонагагаалзби на вад̣дхад̇и. убхаяамби банзд̇ам̣ аг̇ааригзнаби анаг̇ааригзнаби д̣̇ийбзд̇аб̣б̣ам̣. згажжо хи аг̇аариго аббахонагагаалз багкигабхад̇д̇ам̣ вассигам̣ ваа убаниб̣анд̇хаабзси, со бажчаа бахонагагаалзби багкигабхад̇д̇аад̣̇имад̇д̇амзва бавад̇д̇зд̇и. анаг̇ааригоби аад̣̇имхи аббахонагагаалз уд̣̇д̣̇зсам̣ д̇худ̇ан̇г̇ам̣ ваа г̇ан̣хаад̇и, мзд̇хаавий б̣алавийрияасамбад̇д̇ияаа бахонагагаалз д̇ад̇о уд̇д̇арим̣ на гарод̇и. звам̣ буг̇г̇алод̇и звам̣ имааяа сад̣̇д̇хаад̣̇ийнам̣ тид̇ияаа буг̇г̇ало уммуж̇ж̇ид̇ваа тид̇о наама ход̇и. уммуж̇ж̇ид̇ваа бад̇арад̇ийд̇и сагад̣̇ааг̇аамибуг̇г̇ало гилзсад̇ануд̇ааяа удтахид̇ваа г̇анд̇аб̣б̣ад̣̇исаабхимуко д̇арад̇и наама.
Neva hāyati no vaḍḍhatīti appahonakakālepi na hāyati, pahonakakālepi na vaḍḍhati. Ubhayampi panetaṃ agārikenapi anagārikenapi dīpetabbaṃ. Ekacco hi agāriko appahonakakāle pakkhikabhattaṃ vassikaṃ vā upanibandhāpesi, so pacchā pahonakakālepi pakkhikabhattādimattameva pavatteti. Anagārikopi ādimhi appahonakakāle uddesaṃ dhutaṅgaṃ vā gaṇhāti, medhāvī balavīriyasampattiyā pahonakakāle tato uttariṃ na karoti. Evaṃ puggaloti evaṃ imāya saddhādīnaṃ ṭhitiyā puggalo ummujjitvā ṭhito nāma hoti. Ummujjitvā pataratīti sakadāgāmipuggalo kilesatanutāya uṭṭhahitvā gantabbadisābhimukho tarati nāma.
бадиг̇аад̇хаббад̇д̇о ход̇ийд̇и анааг̇аамибуг̇г̇алам̣ санд̇хааяа вад̣̇ад̇и. имз бана сад̇д̇а буг̇г̇алаа уд̣̇агобамзна д̣̇ийбид̇аа. сад̇д̇а гира ж̇ан̇гхаваан̣иж̇аа ад̣̇д̇хаанамаг̇г̇аббадибаннаа анд̇араамаг̇г̇з згам̣ бун̣н̣анад̣̇им̣ баабун̣им̣су. д̇зсу батамам̣ од̇ин̣н̣о уд̣̇агабхийруго бурисо од̇ин̣н̣адтаанзязва нимуж̇ж̇ид̇ваа буна сан̣таад̇ум̣ наасагки, авассам̣ва мажчагажчабабхад̇д̇ам̣ ж̇аад̇о. д̣̇уд̇ияо од̇ин̣н̣адтаанз нимуж̇ж̇ид̇ваа сагим̣ удтахид̇ваа буна нимуг̇г̇о удтаад̇ум̣ наасагки, анд̇оязва мажчагажчабабхад̇д̇ам̣ ж̇аад̇о. д̇ад̇ияо нимуж̇ж̇ид̇ваа удтид̇о маж̇жхз над̣̇ияаа тад̇ваа нзва орад̇о ааг̇анд̇ум̣, на баарам̣ г̇анд̇ум̣ асагки. жад̇уд̇т̇о удтааяа тид̇о уд̇д̇аран̣ад̇ид̇т̇ам̣ ологзси. бан̃жамо уд̇д̇аран̣ад̇ид̇т̇ам̣ ологзд̇ваа бад̇арад̇и. чадто д̇ам̣ д̣̇исваа бааримад̇ийрам̣ г̇анд̇ваа гадиббамаан̣з уд̣̇агз тид̇о. сад̇д̇амо бааримад̇ийрам̣ г̇анд̇ваа г̇анд̇хажун̣н̣аад̣̇ийхи нхад̇ваа варавад̇т̇аад̣̇ийни ниваасзд̇ваа сурабхивилзбанам̣ вилимбид̇ваа нийлуббаламаалаад̣̇ийни биланд̇хид̇ваа наанаалан̇гаараббадиман̣д̣ид̇о махаанаг̇арам̣ бависид̇ваа баасаад̣̇амаарухид̇ваа уд̇д̇амабхож̇анам̣ бхун̃ж̇ад̇и.
Paṭigādhappatto hotīti anāgāmipuggalaṃ sandhāya vadati. Ime pana satta puggalā udakopamena dīpitā. Satta kira jaṅghavāṇijā addhānamaggappaṭipannā antarāmagge ekaṃ puṇṇanadiṃ pāpuṇiṃsu. Tesu paṭhamaṃ otiṇṇo udakabhīruko puriso otiṇṇaṭṭhāneyeva nimujjitvā puna saṇṭhātuṃ nāsakkhi, avassaṃva macchakacchapabhattaṃ jāto. Dutiyo otiṇṇaṭṭhāne nimujjitvā sakiṃ uṭṭhahitvā puna nimuggo uṭṭhātuṃ nāsakkhi, antoyeva macchakacchapabhattaṃ jāto. Tatiyo nimujjitvā uṭṭhito majjhe nadiyā ṭhatvā neva orato āgantuṃ, na pāraṃ gantuṃ asakkhi. Catuttho uṭṭhāya ṭhito uttaraṇatitthaṃ olokesi. Pañcamo uttaraṇatitthaṃ oloketvā patarati. Chaṭṭho taṃ disvā pārimatīraṃ gantvā kaṭippamāṇe udake ṭhito. Sattamo pārimatīraṃ gantvā gandhacuṇṇādīhi nhatvā varavatthādīni nivāsetvā surabhivilepanaṃ vilimpitvā nīluppalamālādīni pilandhitvā nānālaṅkārappaṭimaṇḍito mahānagaraṃ pavisitvā pāsādamāruhitvā uttamabhojanaṃ bhuñjati.
д̇ад̇т̇а ж̇ан̇гхаваан̣иж̇аа вияа имз сад̇д̇а буг̇г̇алаа, над̣̇ий вияа ваддам̣, батамасса уд̣̇агабхийругасса бурисасса од̇ин̣н̣адтаанзязва нимуж̇ж̇анам̣ вияа мижчаад̣̇идтигасса ваддз нимуж̇ж̇анам̣, уммуж̇ж̇ид̇ваа нимуж̇ж̇анабурисо вияа сад̣̇д̇хаад̣̇ийнам̣ уббад̇д̇имад̇т̇агзна уммуж̇ж̇ид̇ваа д̇аасам̣ хаанияаа нимуг̇г̇абуг̇г̇ало, маж̇жхз над̣̇ияаа тад̇ваа вияа сад̣̇д̇хаад̣̇ийнам̣ тид̇ияаа тид̇ибуг̇г̇ало, уд̇д̇аран̣ад̇ид̇т̇ам̣ ологзнд̇о вияа сод̇аабанно, бад̇аранд̇абурисо вияа гилзсагаамааваддад̇ааяа бад̇аранд̇о сагад̣̇ааг̇аамий, д̇арид̇ваа гадимад̇д̇з уд̣̇агз тид̇абурисо вияа анааваддад̇хаммад̇д̇аа анааг̇аамий, нхад̇ваа бааримад̇ийрам̣ уд̇д̇арид̇ваа т̇алз тид̇абурисо вияа жад̇д̇ааро огхз ад̇иггамид̇ваа ниб̣б̣аанат̇алз тид̇о кийн̣аасаваб̣раахман̣о, т̇алз тид̇абурисасса наг̇арам̣ бависид̇ваа баасаад̣̇ам̣ ааруяха уд̇д̇амабхож̇анабхун̃ж̇анам̣ вияа кийн̣аасавасса ниб̣б̣аанаарамман̣асамаабад̇д̇им̣ аббзд̇ваа вийд̇инааманам̣ взд̣̇ид̇аб̣б̣ам̣.
Tattha jaṅghavāṇijā viya ime satta puggalā, nadī viya vaṭṭaṃ, paṭhamassa udakabhīrukassa purisassa otiṇṇaṭṭhāneyeva nimujjanaṃ viya micchādiṭṭhikassa vaṭṭe nimujjanaṃ, ummujjitvā nimujjanapuriso viya saddhādīnaṃ uppattimatthakena ummujjitvā tāsaṃ hāniyā nimuggapuggalo, majjhe nadiyā ṭhatvā viya saddhādīnaṃ ṭhitiyā ṭhitipuggalo, uttaraṇatitthaṃ olokento viya sotāpanno, patarantapuriso viya kilesakāmāvaṭṭatāya pataranto sakadāgāmī, taritvā kaṭimatte udake ṭhitapuriso viya anāvaṭṭadhammattā anāgāmī, nhatvā pārimatīraṃ uttaritvā thale ṭhitapuriso viya cattāro oghe atikkamitvā nibbānathale ṭhito khīṇāsavabrāhmaṇo, thale ṭhitapurisassa nagaraṃ pavisitvā pāsādaṃ āruyha uttamabhojanabhuñjanaṃ viya khīṇāsavassa nibbānārammaṇasamāpattiṃ appetvā vītināmanaṃ veditabbaṃ.
уд̣̇агуубамаасуд̇д̇аван̣н̣анаа нидтид̇аа.
Udakūpamāsuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 5. уд̣̇агуубамаасуд̇д̇ам̣ • 5. Udakūpamāsuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 5. уд̣̇агуубамаасуд̇д̇аван̣н̣анаа • 5. Udakūpamāsuttavaṇṇanā
