| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
3. уд̣̇аанасуд̇д̇ам̣
3. Udānasuttaṃ
55. саавад̇т̇инид̣̇аанам̣ . д̇ад̇ра ко бхаг̇аваа уд̣̇аанам̣ уд̣̇аанзси – ‘‘‘но жассам̣, но жа мз сияаа, наабхависса, на мз бхависсад̇ий’д̇и – звам̣ ад̇химужжамаано бхигку чинд̣̇зяяа орамбхааг̇ияаани сам̣яож̇анааний’’д̇и. звам̣ вуд̇д̇з, ан̃н̃ад̇аро бхигку бхаг̇аванд̇ам̣ зд̇ад̣̇авожа – ‘‘яат̇аа гат̇ам̣ бана, бханд̇з, ‘но жассам̣, но жа мз сияаа, наабхависса, на мз бхависсад̇ий’д̇и – звам̣ ад̇химужжамаано бхигку чинд̣̇зяяа орамбхааг̇ияаани сам̣яож̇анааний’’д̇и?
55. Sāvatthinidānaṃ . Tatra kho bhagavā udānaṃ udānesi – ‘‘‘no cassaṃ, no ca me siyā, nābhavissa, na me bhavissatī’ti – evaṃ adhimuccamāno bhikkhu chindeyya orambhāgiyāni saṃyojanānī’’ti. Evaṃ vutte, aññataro bhikkhu bhagavantaṃ etadavoca – ‘‘yathā kathaṃ pana, bhante, ‘no cassaṃ, no ca me siyā, nābhavissa, na me bhavissatī’ti – evaṃ adhimuccamāno bhikkhu chindeyya orambhāgiyāni saṃyojanānī’’ti?
‘‘ид̇ха, бхигку, ассуд̇аваа бут̇уж̇ж̇ано арияаанам̣ ад̣̇ассаавий…бз… саббурисад̇хаммз авинийд̇о руубам̣ ад̇д̇ад̇о саманубассад̇и, руубаванд̇ам̣ ваа ад̇д̇аанам̣; ад̇д̇ани ваа руубам̣, руубасмим̣ ваа ад̇д̇аанам̣. взд̣̇анам̣… сан̃н̃ам̣… сан̇каарз… вин̃н̃аан̣ам̣ ад̇д̇ад̇о саманубассад̇и, вин̃н̃аан̣аванд̇ам̣ ваа ад̇д̇аанам̣; ад̇д̇ани ваа вин̃н̃аан̣ам̣, вин̃н̃аан̣асмим̣ ваа ад̇д̇аанам̣.
‘‘Idha, bhikkhu, assutavā puthujjano ariyānaṃ adassāvī…pe… sappurisadhamme avinīto rūpaṃ attato samanupassati, rūpavantaṃ vā attānaṃ; attani vā rūpaṃ, rūpasmiṃ vā attānaṃ. Vedanaṃ… saññaṃ… saṅkhāre… viññāṇaṃ attato samanupassati, viññāṇavantaṃ vā attānaṃ; attani vā viññāṇaṃ, viññāṇasmiṃ vā attānaṃ.
‘‘со анижжам̣ руубам̣ ‘анижжам̣ рууба’нд̇и яат̇аабхууд̇ам̣ наббаж̇аанаад̇и, анижжам̣ взд̣̇анам̣ ‘анижжаа взд̣̇анаа’д̇и яат̇аабхууд̇ам̣ наббаж̇аанаад̇и, анижжам̣ сан̃н̃ам̣ ‘анижжаа сан̃н̃аа’д̇и яат̇аабхууд̇ам̣ наббаж̇аанаад̇и, анижжз сан̇каарз ‘анижжаа сан̇каараа’д̇и яат̇аабхууд̇ам̣ наббаж̇аанаад̇и, анижжам̣ вин̃н̃аан̣ам̣ ‘анижжам̣ вин̃н̃аан̣а’нд̇и яат̇аабхууд̇ам̣ наббаж̇аанаад̇и.
‘‘So aniccaṃ rūpaṃ ‘aniccaṃ rūpa’nti yathābhūtaṃ nappajānāti, aniccaṃ vedanaṃ ‘aniccā vedanā’ti yathābhūtaṃ nappajānāti, aniccaṃ saññaṃ ‘aniccā saññā’ti yathābhūtaṃ nappajānāti, anicce saṅkhāre ‘aniccā saṅkhārā’ti yathābhūtaṃ nappajānāti, aniccaṃ viññāṇaṃ ‘aniccaṃ viññāṇa’nti yathābhūtaṃ nappajānāti.
‘‘д̣̇угкам̣ руубам̣ ‘д̣̇угкам̣ рууба’нд̇и яат̇аабхууд̇ам̣ наббаж̇аанаад̇и, д̣̇угкам̣ взд̣̇анам̣… д̣̇угкам̣ сан̃н̃ам̣… д̣̇угкз сан̇каарз… д̣̇угкам̣ вин̃н̃аан̣ам̣ ‘д̣̇угкам̣ вин̃н̃аан̣а’нд̇и яат̇аабхууд̇ам̣ наббаж̇аанаад̇и.
‘‘Dukkhaṃ rūpaṃ ‘dukkhaṃ rūpa’nti yathābhūtaṃ nappajānāti, dukkhaṃ vedanaṃ… dukkhaṃ saññaṃ… dukkhe saṅkhāre… dukkhaṃ viññāṇaṃ ‘dukkhaṃ viññāṇa’nti yathābhūtaṃ nappajānāti.
‘‘анад̇д̇ам̣ руубам̣ ‘анад̇д̇аа рууба’нд̇и яат̇аабхууд̇ам̣ наббаж̇аанаад̇и, анад̇д̇ам̣ взд̣̇анам̣ ‘анад̇д̇аа взд̣̇анаа’д̇и яат̇аабхууд̇ам̣ наббаж̇аанаад̇и, анад̇д̇ам̣ сан̃н̃ам̣ ‘анад̇д̇аа сан̃н̃аа’д̇и яат̇аабхууд̇ам̣ наббаж̇аанаад̇и, анад̇д̇з сан̇каарз ‘анад̇д̇аа сан̇каараа’д̇и яат̇аабхууд̇ам̣ наббаж̇аанаад̇и, анад̇д̇ам̣ вин̃н̃аан̣ам̣ ‘анад̇д̇аа вин̃н̃аан̣а’нд̇и яат̇аабхууд̇ам̣ наббаж̇аанаад̇и.
‘‘Anattaṃ rūpaṃ ‘anattā rūpa’nti yathābhūtaṃ nappajānāti, anattaṃ vedanaṃ ‘anattā vedanā’ti yathābhūtaṃ nappajānāti, anattaṃ saññaṃ ‘anattā saññā’ti yathābhūtaṃ nappajānāti, anatte saṅkhāre ‘anattā saṅkhārā’ti yathābhūtaṃ nappajānāti, anattaṃ viññāṇaṃ ‘anattā viññāṇa’nti yathābhūtaṃ nappajānāti.
‘‘сан̇кад̇ам̣ руубам̣ ‘сан̇кад̇ам̣ рууба’нд̇и яат̇аабхууд̇ам̣ наббаж̇аанаад̇и, сан̇кад̇ам̣ взд̣̇анам̣… сан̇кад̇ам̣ сан̃н̃ам̣… сан̇кад̇з сан̇каарз… сан̇кад̇ам̣ вин̃н̃аан̣ам̣ ‘сан̇кад̇ам̣ вин̃н̃аан̣а’нд̇и яат̇аабхууд̇ам̣ наббаж̇аанаад̇и. руубам̣ вибхависсад̇ийд̇и яат̇аабхууд̇ам̣ наббаж̇аанаад̇и. взд̣̇анаа вибхависсад̇и… сан̃н̃аа вибхависсад̇и… сан̇каараа вибхависсанд̇и… вин̃н̃аан̣ам̣ вибхависсад̇ийд̇и яат̇аабхууд̇ам̣ наббаж̇аанаад̇и.
‘‘Saṅkhataṃ rūpaṃ ‘saṅkhataṃ rūpa’nti yathābhūtaṃ nappajānāti, saṅkhataṃ vedanaṃ… saṅkhataṃ saññaṃ… saṅkhate saṅkhāre… saṅkhataṃ viññāṇaṃ ‘saṅkhataṃ viññāṇa’nti yathābhūtaṃ nappajānāti. Rūpaṃ vibhavissatīti yathābhūtaṃ nappajānāti. Vedanā vibhavissati… saññā vibhavissati… saṅkhārā vibhavissanti… viññāṇaṃ vibhavissatīti yathābhūtaṃ nappajānāti.
‘‘суд̇аваа жа ко, бхигку, арияасааваго арияаанам̣ д̣̇ассаавий арияад̇хаммасса говид̣̇о арияад̇хаммз сувинийд̇о саббурисаанам̣ д̣̇ассаавий саббурисад̇хаммасса говид̣̇о саббурисад̇хаммз сувинийд̇о на руубам̣ ад̇д̇ад̇о саманубассад̇и…бз… на взд̣̇анам̣… на сан̃н̃ам̣… на сан̇каарз… на вин̃н̃аан̣ам̣ ад̇д̇ад̇о саманубассад̇и.
‘‘Sutavā ca kho, bhikkhu, ariyasāvako ariyānaṃ dassāvī ariyadhammassa kovido ariyadhamme suvinīto sappurisānaṃ dassāvī sappurisadhammassa kovido sappurisadhamme suvinīto na rūpaṃ attato samanupassati…pe… na vedanaṃ… na saññaṃ… na saṅkhāre… na viññāṇaṃ attato samanupassati.
‘‘со анижжам̣ руубам̣ ‘анижжам̣ рууба’нд̇и яат̇аабхууд̇ам̣ баж̇аанаад̇и. анижжам̣ взд̣̇анам̣… анижжам̣ сан̃н̃ам̣… анижжз сан̇каарз… анижжам̣ вин̃н̃аан̣ам̣ ‘анижжам̣ вин̃н̃аан̣а’нд̇и яат̇аабхууд̇ам̣ баж̇аанаад̇и. д̣̇угкам̣ руубам̣…бз… д̣̇угкам̣ вин̃н̃аан̣ам̣… анад̇д̇ам̣ руубам̣…бз… анад̇д̇ам̣ вин̃н̃аан̣ам̣… сан̇кад̇ам̣ руубам̣…бз… сан̇кад̇ам̣ вин̃н̃аан̣ам̣ ‘сан̇кад̇ам̣ вин̃н̃аан̣а’нд̇и яат̇аабхууд̇ам̣ баж̇аанаад̇и. руубам̣ вибхависсад̇ийд̇и яат̇аабхууд̇ам̣ баж̇аанаад̇и. взд̣̇анаа… сан̃н̃аа… сан̇каараа… вин̃н̃аан̣ам̣ вибхависсад̇ийд̇и яат̇аабхууд̇ам̣ баж̇аанаад̇и.
‘‘So aniccaṃ rūpaṃ ‘aniccaṃ rūpa’nti yathābhūtaṃ pajānāti. Aniccaṃ vedanaṃ… aniccaṃ saññaṃ… anicce saṅkhāre… aniccaṃ viññāṇaṃ ‘aniccaṃ viññāṇa’nti yathābhūtaṃ pajānāti. Dukkhaṃ rūpaṃ…pe… dukkhaṃ viññāṇaṃ… anattaṃ rūpaṃ…pe… anattaṃ viññāṇaṃ… saṅkhataṃ rūpaṃ…pe… saṅkhataṃ viññāṇaṃ ‘saṅkhataṃ viññāṇa’nti yathābhūtaṃ pajānāti. Rūpaṃ vibhavissatīti yathābhūtaṃ pajānāti. Vedanā… saññā… saṅkhārā… viññāṇaṃ vibhavissatīti yathābhūtaṃ pajānāti.
‘‘со руубасса вибхаваа, взд̣̇анааяа вибхаваа, сан̃н̃аа вибхаваа, сан̇каараанам̣ вибхаваа, вин̃н̃аан̣асса вибхаваа, звам̣ ко, бхигку, ‘но жассам̣, но жа мз сияаа, наабхависса, на мз бхависсад̇ий’д̇и – звам̣ ад̇химужжамаано бхигку чинд̣̇зяяа орамбхааг̇ияаани сам̣яож̇анааний’’д̇и. ‘‘звам̣ ад̇химужжамаано, бханд̇з, бхигку чинд̣̇зяяа орамбхааг̇ияаани сам̣яож̇анааний’’д̇и.
‘‘So rūpassa vibhavā, vedanāya vibhavā, saññā vibhavā, saṅkhārānaṃ vibhavā, viññāṇassa vibhavā, evaṃ kho, bhikkhu, ‘no cassaṃ, no ca me siyā, nābhavissa, na me bhavissatī’ti – evaṃ adhimuccamāno bhikkhu chindeyya orambhāgiyāni saṃyojanānī’’ti. ‘‘Evaṃ adhimuccamāno, bhante, bhikkhu chindeyya orambhāgiyāni saṃyojanānī’’ti.
‘‘гат̇ам̣ бана, бханд̇з, ж̇аанад̇о гат̇ам̣ бассад̇о ананд̇араа аасаваанам̣ каяо ход̇ий’’д̇и? ‘‘ид̇ха, бхигку, ассуд̇аваа бут̇уж̇ж̇ано ад̇асид̇ааяз таанз д̇аасам̣ аабаж̇ж̇ад̇и. д̇аасо хзсо 1 бхигку ассуд̇авад̇о бут̇уж̇ж̇анасса – ‘но жассам̣, но жа мз сияаа, наабхависса, на мз бхависсад̇ий’’’д̇и.
‘‘Kathaṃ pana, bhante, jānato kathaṃ passato anantarā āsavānaṃ khayo hotī’’ti? ‘‘Idha, bhikkhu, assutavā puthujjano atasitāye ṭhāne tāsaṃ āpajjati. Tāso heso 2 bhikkhu assutavato puthujjanassa – ‘no cassaṃ, no ca me siyā, nābhavissa, na me bhavissatī’’’ti.
‘‘суд̇аваа жа ко, бхигку, арияасааваго ад̇асид̇ааяз таанз на д̇аасам̣ аабаж̇ж̇ад̇и. на хзсо 3, бхигку, д̇аасо суд̇авад̇о арияасаавагасса – ‘но жассам̣, но жа мз сияаа, наабхависса, на мз бхависсад̇ий’д̇и. руубубаяам̣ ваа, бхигку, вин̃н̃аан̣ам̣ д̇идтамаанам̣ д̇идтзяяа, руубаарамман̣ам̣ руубаббад̇идтам̣ нанд̣̇уубасзжанам̣ вуд̣̇д̇хим̣ вируул̣хим̣ взбуллам̣ аабаж̇ж̇зяяа. взд̣̇анубаяам̣ ваа, бхигку… сан̃н̃убаяам̣ ваа, бхигку… сан̇каарубаяам̣ ваа, бхигку, вин̃н̃аан̣ам̣ д̇идтамаанам̣ д̇идтзяяа, сан̇каараарамман̣ам̣ сан̇каараббад̇идтам̣ нанд̣̇уубасзжанам̣ вуд̣̇д̇хим̣ вируул̣хим̣ взбуллам̣ аабаж̇ж̇зяяа.
‘‘Sutavā ca kho, bhikkhu, ariyasāvako atasitāye ṭhāne na tāsaṃ āpajjati. Na heso 4, bhikkhu, tāso sutavato ariyasāvakassa – ‘no cassaṃ, no ca me siyā, nābhavissa, na me bhavissatī’ti. Rūpupayaṃ vā, bhikkhu, viññāṇaṃ tiṭṭhamānaṃ tiṭṭheyya, rūpārammaṇaṃ rūpappatiṭṭhaṃ nandūpasecanaṃ vuddhiṃ virūḷhiṃ vepullaṃ āpajjeyya. Vedanupayaṃ vā, bhikkhu… saññupayaṃ vā, bhikkhu… saṅkhārupayaṃ vā, bhikkhu, viññāṇaṃ tiṭṭhamānaṃ tiṭṭheyya, saṅkhārārammaṇaṃ saṅkhārappatiṭṭhaṃ nandūpasecanaṃ vuddhiṃ virūḷhiṃ vepullaṃ āpajjeyya.
‘‘яо 5 бхигку звам̣ вад̣̇зяяа – ‘ахаман̃н̃ад̇ра руубаа, ан̃н̃ад̇ра взд̣̇анааяа, ан̃н̃ад̇ра сан̃н̃ааяа, ан̃н̃ад̇ра сан̇каарзхи вин̃н̃аан̣асса ааг̇ад̇им̣ ваа г̇ад̇им̣ ваа жуд̇им̣ ваа убабад̇д̇им̣ ваа вуд̣̇д̇хим̣ ваа вируул̣хим̣ ваа взбуллам̣ ваа бан̃н̃аабзссаамий’д̇и, нзд̇ам̣ таанам̣ виж̇ж̇ад̇и.
‘‘Yo 6 bhikkhu evaṃ vadeyya – ‘ahamaññatra rūpā, aññatra vedanāya, aññatra saññāya, aññatra saṅkhārehi viññāṇassa āgatiṃ vā gatiṃ vā cutiṃ vā upapattiṃ vā vuddhiṃ vā virūḷhiṃ vā vepullaṃ vā paññāpessāmī’ti, netaṃ ṭhānaṃ vijjati.
‘‘руубад̇хаад̇уяаа жз, бхигку, бхигкуно рааг̇о бахийно ход̇и. рааг̇асса бахаанаа вожчиж̇ж̇ад̇аарамман̣ам̣ бад̇идтаа вин̃н̃аан̣асса на ход̇и. взд̣̇анаад̇хаад̇уяаа жз, бхигку, бхигкуно… сан̃н̃аад̇хаад̇уяаа жз, бхигку, бхигкуно… сан̇каарад̇хаад̇уяаа жз, бхигку, бхигкуно… вин̃н̃аан̣ад̇хаад̇уяаа жз, бхигку, бхигкуно рааг̇о бахийно ход̇и. рааг̇асса бахаанаа вожчиж̇ж̇ад̇аарамман̣ам̣ бад̇идтаа вин̃н̃аан̣асса на ход̇и. д̇ад̣̇аббад̇идтид̇ам̣ вин̃н̃аан̣ам̣ авируул̣хам̣ анабхисан̇кааран̃жа вимуд̇д̇ам̣. вимуд̇д̇ад̇д̇аа тид̇ам̣. тид̇ад̇д̇аа санд̇усид̇ам̣. санд̇усид̇ад̇д̇аа на барид̇ассад̇и. абарид̇ассам̣ бажжад̇д̇ан̃н̃зва бариниб̣б̣ааяад̇и. ‘кийн̣аа ж̇аад̇и…бз… наабарам̣ ид̇т̇ад̇д̇ааяаа’д̇и баж̇аанаад̇и. звам̣ ко, бхигку, ж̇аанад̇о звам̣ бассад̇о ананд̇араа аасаваанам̣ каяо ход̇ий’’д̇и. д̇ад̇ияам̣.
‘‘Rūpadhātuyā ce, bhikkhu, bhikkhuno rāgo pahīno hoti. Rāgassa pahānā vocchijjatārammaṇaṃ patiṭṭhā viññāṇassa na hoti. Vedanādhātuyā ce, bhikkhu, bhikkhuno… saññādhātuyā ce, bhikkhu, bhikkhuno… saṅkhāradhātuyā ce, bhikkhu, bhikkhuno… viññāṇadhātuyā ce, bhikkhu, bhikkhuno rāgo pahīno hoti. Rāgassa pahānā vocchijjatārammaṇaṃ patiṭṭhā viññāṇassa na hoti. Tadappatiṭṭhitaṃ viññāṇaṃ avirūḷhaṃ anabhisaṅkhārañca vimuttaṃ. Vimuttattā ṭhitaṃ. Ṭhitattā santusitaṃ. Santusitattā na paritassati. Aparitassaṃ paccattaññeva parinibbāyati. ‘Khīṇā jāti…pe… nāparaṃ itthattāyā’ti pajānāti. Evaṃ kho, bhikkhu, jānato evaṃ passato anantarā āsavānaṃ khayo hotī’’ti. Tatiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. уд̣̇аанасуд̇д̇аван̣н̣анаа • 3. Udānasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. уд̣̇аанасуд̇д̇аван̣н̣анаа • 3. Udānasuttavaṇṇanā
