| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
3. уд̣̇аанасуд̇д̇аван̣н̣анаа
3. Udānasuttavaṇṇanā
55. уд̣̇аанам̣ уд̣̇аахарийд̇и ад̇д̇аманаваажам̣ нижчаарзси. зса вуд̇д̇аббагааро уд̣̇аахааро. бхусо ниссаяо убаниссаяо, д̣̇аанамзва убаниссаяо д̣̇аануубаниссаяо. зса наяо сзсзсуби. д̇ад̇т̇а д̣̇аануубаниссаяо аннаад̣̇ивад̇т̇уусу б̣алаваад̇и б̣алавабхаавзна ход̇и, д̇асмаа убаниссаяаб̣ахуло гаамарааг̇аббахаанзнзва гад̇абарижаяад̇д̇аа вибассанамануяун̃ж̇анд̇о на жирассзва анааг̇аамипалам̣ баабун̣аад̇и, д̇ат̇аа сувисуд̣̇д̇хасийлуубаниссаяо гаамад̣̇осаж̇иг̇ужчанзна. яад̣̇и звам̣ гасмаа имз д̣̇вз убаниссаяаа д̣̇уб̣б̣алаад̇и вуд̇д̇аа ? виж̇ж̇уубаман̃н̃аан̣ассзва бажжаяабхаавад̇о. соби бхаавануубаниссаяасахааяалаабхзнзва, на гзвалам̣. бхааванаа бана бадивзд̇хасса висзсахзд̇убхаавад̇о б̣алаваа убаниссаяо. д̇ат̇аа хи саа важ̇ируубаман̃аан̣асса висзсабажжаяо. д̇знааха ‘‘бхаавануубаниссаяо арахад̇д̇ам̣ баабзд̇ий’’д̇и.
55.Udānaṃ udāharīti attamanavācaṃ nicchāresi. Esa vuttappakāro udāhāro. Bhuso nissayo upanissayo, dānameva upanissayo dānūpanissayo. Esa nayo sesesupi. Tattha dānūpanissayo annādivatthūsu balavāti balavabhāvena hoti, tasmā upanissayabahulo kāmarāgappahāneneva kataparicayattā vipassanamanuyuñjanto na cirasseva anāgāmiphalaṃ pāpuṇāti, tathā suvisuddhasīlūpanissayo kāmadosajigucchanena. Yadi evaṃ kasmā ime dve upanissayā dubbalāti vuttā ? Vijjūpamaññāṇasseva paccayabhāvato. Sopi bhāvanūpanissayasahāyalābheneva, na kevalaṃ. Bhāvanā pana paṭivedhassa visesahetubhāvato balavā upanissayo. Tathā hi sā vajirūpamañāṇassa visesapaccayo. Tenāha ‘‘bhāvanūpanissayo arahattaṃ pāpetī’’ti.
сод̇и милагад̇т̇зро. вихааранд̇и васанадтаанам̣. вихаарабажжанд̇з хи бан̣н̣асаалааяа т̇зро вихарад̇и. убадтаад̇и згалагкан̣зна. гуудаг̇он̣о вияа г̇аманавийт̇им̣. д̇ад̇т̇аад̇и аллагадтараасимхи. уд̣̇агаман̣игаананд̇и уд̣̇агат̇зваанам̣.
Soti milakatthero. Vihāranti vasanaṭṭhānaṃ. Vihārapaccante hi paṇṇasālāya thero viharati. Upaṭṭhāti ekalakkhaṇena. Kūṭagoṇo viya gamanavīthiṃ. Tatthāti allakaṭṭharāsimhi. Udakamaṇikānanti udakathevānaṃ.
ад̇д̇аниязва убанзси уд̣̇аанагат̇ааяа вуд̇д̇ад̇хаммаанам̣ барибун̣н̣аанам̣ ад̇д̇ани сам̣виж̇ж̇амаанад̇д̇аа. д̇знааха ‘‘удтаанавад̇аа’’д̇иаад̣̇и. аяан̃хи милагад̇т̇зро сигкааяа г̇аараво саббад̇иссо вад̇д̇абадивад̇д̇ам̣ буурзнд̇о висуд̣̇д̇хасийло худ̇ваа тид̇о, д̇асмаа ‘‘д̣̇уб̣б̣алуубаниссаяз’’д̇и вуд̇д̇ам̣. д̇знааха бхаг̇аваа уд̣̇аанзнд̇о ‘‘но жассам̣…бз… сан̃н̃ож̇анааний’’д̇и.
Attaniyevaupanesi udānakathāya vuttadhammānaṃ paripuṇṇānaṃ attani saṃvijjamānattā. Tenāha ‘‘uṭṭhānavatā’’tiādi. Ayañhi milakatthero sikkhāya gāravo sappatisso vattapaṭivattaṃ pūrento visuddhasīlo hutvā ṭhito, tasmā ‘‘dubbalūpanissaye’’ti vuttaṃ. Tenāha bhagavā udānento ‘‘no cassaṃ…pe… saññojanānī’’ti.
сажз ахам̣ на бхавзяяанд̇и яад̣̇и ахам̣ наама гожи на бхавзяяам̣ д̇аад̣̇исасса ахам̣сад̣̇д̣̇аважанийяасса гассажи ад̇т̇асса абхаавад̇о. д̇ад̇о зва мама баригкаароби на бхавзяяад̇асса жа бабхан̇г̇убхаавзна анавадтид̇абхаавад̇о. звам̣ ад̇д̇уд̣̇д̣̇зсигабхаавзна бад̣̇ад̣̇ваяасса ад̇т̇ам̣ вад̇ваа ид̣̇аани гаммапалавасзна вад̇д̇ум̣ ‘‘сажз ваа банаа’’д̇иаад̣̇и вуд̇д̇ам̣. ад̇ийд̇абажжуббаннавасзна сун̃н̃ад̇ам̣ д̣̇ассзд̇ваа ид̣̇аани бажжуббаннаанааг̇ад̇авасзна д̇ам̣ д̣̇ассзнд̇о ‘‘ид̣̇аани банаа’’д̇иаад̣̇и вуд̇д̇ам̣. звам̣ ад̇химужжанд̇од̇и зд̣̇исам̣ ад̇химуд̇д̇им̣ бавад̇д̇знд̇о. вибхависсад̇ийд̇и винассиссад̇и. вибхаво хи винаасо. д̇знааха ‘‘бхиж̇ж̇иссад̇ий’’д̇и. вибхавад̣̇ассанам̣ вибхавод̇и уд̇д̇арабад̣̇алобзна вуд̇д̇анд̇и ааха ‘‘вибхавад̣̇ассанзнаа’’д̇и. вибхавад̣̇ассанам̣ наама ажжанд̇ааяа винаасасса д̣̇ассанам̣. д̇анд̇и арияамаг̇г̇ам̣. сааман̃н̃аж̇од̇анаа хзсаа висзсанидтаа ход̇ийд̇и д̇ад̇ияамаг̇г̇авасзна ад̇т̇о взд̣̇ид̇аб̣б̣о.
Sace ahaṃ na bhaveyyanti yadi ahaṃ nāma koci na bhaveyyaṃ tādisassa ahaṃsaddavacanīyassa kassaci atthassa abhāvato. Tato eva mama parikkhāropi na bhaveyyatassa ca pabhaṅgubhāvena anavaṭṭhitabhāvato. Evaṃ attuddesikabhāvena padadvayassa atthaṃ vatvā idāni kammaphalavasena vattuṃ ‘‘sace vā panā’’tiādi vuttaṃ. Atītapaccuppannavasena suññataṃ dassetvā idāni paccuppannānāgatavasena taṃ dassento ‘‘idāni panā’’tiādi vuttaṃ. Evaṃ adhimuccantoti edisaṃ adhimuttiṃ pavattento. Vibhavissatīti vinassissati. Vibhavo hi vināso. Tenāha ‘‘bhijjissatī’’ti. Vibhavadassanaṃ vibhavoti uttarapadalopena vuttanti āha ‘‘vibhavadassanenā’’ti. Vibhavadassanaṃ nāma accantāya vināsassa dassanaṃ. Tanti ariyamaggaṃ. Sāmaññajotanā hesā visesaniṭṭhā hotīti tatiyamaggavasena attho veditabbo.
убари маг̇г̇апаланд̇и аг̇г̇амаг̇г̇апалам̣. над̇т̇и зд̇иссаа ж̇аад̇ияаа анд̇аранд̇и ананд̇араа, ананд̇араа вибассанаа маг̇г̇асса. г̇од̇рабхуу бана ануломавийт̇ибарияаабаннад̇д̇аа вибассанааг̇ад̇игам̣ ваа сияаа, ниб̣б̣аанаарамман̣ад̇д̇аа маг̇г̇аг̇ад̇игам̣ ваад̇и на д̇зна маг̇г̇о анд̇ариго наама ход̇и. д̇знааха ‘‘вибассанаа маг̇г̇асса аасаннаананд̇арам̣ наамаа’’д̇и . палам̣ бана ниб̣б̣аанаарамман̣ад̇д̇аа гилзсаанам̣ баж̇аханавасзна бавад̇д̇анад̇о логуд̇д̇арабхаавад̇о жа гаммамаг̇г̇аг̇ад̇игамзва, гусалавибаагабхаавзна бана нзсам̣ ад̇т̇о бабхзд̣̇од̇и вибассанааяа паласса сияаа ананд̇арад̇аад̇и вуд̇д̇ам̣ ‘‘паласса д̣̇уураананд̇арам̣ наамаа’’д̇и. ‘‘аасаваанам̣ каяо’’д̇и бана аг̇г̇амаг̇г̇з вужжамаанз вибассанаанам̣ аасаннад̇ааяа вад̇д̇аб̣б̣амзва над̇т̇и. ад̇асид̇ааязд̇и на д̇асид̇аб̣б̣з д̇аасам̣ анаабаж̇ж̇ид̇аб̣б̣з. д̇аасод̇и д̇аасахзд̇у ‘‘д̇асад̇и зд̇асмаа’’д̇и гад̇ваа. сод̇и ассуд̇аваа бут̇уж̇ж̇ано. д̇илагкан̣аахад̇анд̇и анижжад̇аад̣̇илагкан̣ад̇д̇аяалагкид̇ам̣. манамхи надтод̇и ийсагам̣ надтомхи, д̇ад̇о барамби д̇ад̇т̇зва тад̇ваа гин̃жи абуурид̇ад̇д̇аа зва муд̇д̇од̇и ад̇хиббааяо. ‘‘на д̇аасо наама ход̇ий’’д̇и вад̇ваа д̇асса ад̇аасабхаавам̣ д̣̇ассзд̇ум̣ ‘‘на хий’’д̇иаад̣̇и вуд̇д̇ам̣. галяаан̣абут̇уж̇ж̇ано хи бхаяад̇убадтаанан̃аан̣зна ‘‘сабхаяаа сан̇каараа’’д̇и вибассанд̇о на уд̇д̇асад̇и.
Upari maggaphalanti aggamaggaphalaṃ. Natthi etissā jātiyā antaranti anantarā, anantarā vipassanā maggassa. Gotrabhū pana anulomavīthipariyāpannattā vipassanāgatikaṃ vā siyā, nibbānārammaṇattā maggagatikaṃ vāti na tena maggo antariko nāma hoti. Tenāha ‘‘vipassanā maggassa āsannānantaraṃ nāmā’’ti . Phalaṃ pana nibbānārammaṇattā kilesānaṃ pajahanavasena pavattanato lokuttarabhāvato ca kammamaggagatikameva, kusalavipākabhāvena pana nesaṃ attho pabhedoti vipassanāya phalassa siyā anantaratāti vuttaṃ ‘‘phalassa dūrānantaraṃ nāmā’’ti. ‘‘Āsavānaṃ khayo’’ti pana aggamagge vuccamāne vipassanānaṃ āsannatāya vattabbameva natthi. Atasitāyeti na tasitabbe tāsaṃ anāpajjitabbe. Tāsoti tāsahetu ‘‘tasati etasmā’’ti katvā. Soti assutavā puthujjano. Tilakkhaṇāhatanti aniccatādilakkhaṇattayalakkhitaṃ. Manamhi naṭṭhoti īsakaṃ naṭṭhomhi, tato parampi tattheva ṭhatvā kiñci apūritattā eva muttoti adhippāyo. ‘‘Na tāso nāma hotī’’ti vatvā tassa atāsabhāvaṃ dassetuṃ ‘‘na hī’’tiādi vuttaṃ. Kalyāṇaputhujjano hi bhayatupaṭṭhānañāṇena ‘‘sabhayā saṅkhārā’’ti vipassanto na uttasati.
уд̣̇аанасуд̇д̇аван̣н̣анаа нидтид̇аа.
Udānasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. уд̣̇аанасуд̇д̇ам̣ • 3. Udānasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. уд̣̇аанасуд̇д̇аван̣н̣анаа • 3. Udānasuttavaṇṇanā
