| Library / Tipiṭaka / তিপিটক • Tipiṭaka / অপদান-অট্ঠকথা • Apadāna-aṭṭhakathā |
৪. উদপানদাযকত্থেরঅপদানৰণ্ণনা
4. Udapānadāyakattheraapadānavaṇṇanā
ৰিপস্সিনো ভগৰতোতিআদিকং আযস্মতো উদপানদাযকত্থেরস্স অপদানং। অযম্পি থেরো পুরিমমুনিৰরেসু কতাধিকারো অনেকেসু ভৰেসু কতপুঞ্ঞসঞ্চযো ৰিপস্সিস্স ভগৰতো কালে কুলগেহে নিব্বত্তো ৰুদ্ধিপ্পত্তো ‘‘পানীযদানং মযা দাতব্বং, তঞ্চ নিরন্তরং কত্ৰা পৰত্তেতুং ৰট্টতী’’তি চিন্তেত্ৰা একং কূপং খনাপেত্ৰা উদকসম্পত্তকালে ইট্ঠকাহি চিনাপেত্ৰা থিরং কত্ৰা তত্থ উট্ঠিতেন উদকেন পুণ্ণং তং উদপানং ৰিপস্সিস্স ভগৰতো নিয্যাদেসি। ভগৰা পানীযদানানিসংসদীপকং অনুমোদনং অকাসি । সো তেন পুঞ্ঞেন দেৰমনুস্সেসু সংসরন্তো নিব্বত্তনিব্বত্তট্ঠানে পোক্খরণীউদপানপানীযাদিসম্পন্নো সুখমনুভৰিত্ৰা ইমস্মিং বুদ্ধুপ্পাদে একস্মিং কুলে নিব্বত্তো ৰুদ্ধিমন্ৰায সদ্ধো পসন্নো পব্বজিত্ৰা নচিরস্সেৰ অরহা অহোসি।
Vipassino bhagavatotiādikaṃ āyasmato udapānadāyakattherassa apadānaṃ. Ayampi thero purimamunivaresu katādhikāro anekesu bhavesu katapuññasañcayo vipassissa bhagavato kāle kulagehe nibbatto vuddhippatto ‘‘pānīyadānaṃ mayā dātabbaṃ, tañca nirantaraṃ katvā pavattetuṃ vaṭṭatī’’ti cintetvā ekaṃ kūpaṃ khanāpetvā udakasampattakāle iṭṭhakāhi cināpetvā thiraṃ katvā tattha uṭṭhitena udakena puṇṇaṃ taṃ udapānaṃ vipassissa bhagavato niyyādesi. Bhagavā pānīyadānānisaṃsadīpakaṃ anumodanaṃ akāsi . So tena puññena devamanussesu saṃsaranto nibbattanibbattaṭṭhāne pokkharaṇīudapānapānīyādisampanno sukhamanubhavitvā imasmiṃ buddhuppāde ekasmiṃ kule nibbatto vuddhimanvāya saddho pasanno pabbajitvā nacirasseva arahā ahosi.
১৮. সো অপরভাগে অত্তনো পুব্বকম্মং সরিত্ৰা সোমনস্সজাতো পুব্বচরিতাপদানং পকাসেন্তো ৰিপস্সিনো ভগৰতোতিআদিমাহ। তত্থ উদপানো কতো মযাতি উদকং পিৰন্তি এত্থাতি উদপানো, কূপপোক্খরণীতল়াকানমেতং অধিৰচনং। সো উদপানো কূপো ৰিপস্সিস্স ভগৰতো অত্থায কতো খনিতোতি অত্থো। সেসং উত্তানত্থমেৰাতি।
18. So aparabhāge attano pubbakammaṃ saritvā somanassajāto pubbacaritāpadānaṃ pakāsento vipassino bhagavatotiādimāha. Tattha udapāno kato mayāti udakaṃ pivanti etthāti udapāno, kūpapokkharaṇītaḷākānametaṃ adhivacanaṃ. So udapāno kūpo vipassissa bhagavato atthāya kato khanitoti attho. Sesaṃ uttānatthamevāti.
উদপানদাযকত্থেরঅপদানৰণ্ণনা সমত্তা।
Udapānadāyakattheraapadānavaṇṇanā samattā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / খুদ্দকনিকায • Khuddakanikāya / অপদানপাল়ি • Apadānapāḷi / ৪. উদপানদাযকত্থেরঅপদানং • 4. Udapānadāyakattheraapadānaṃ
