| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
4. уд̣̇абаанад̣̇ааяагад̇т̇зраабад̣̇аанаван̣н̣анаа
4. Udapānadāyakattheraapadānavaṇṇanā
вибассино бхаг̇авад̇од̇иаад̣̇игам̣ ааяасмад̇о уд̣̇абаанад̣̇ааяагад̇т̇зрасса абад̣̇аанам̣. аяамби т̇зро буримамуниварзсу гад̇аад̇хигааро анзгзсу бхавзсу гад̇абун̃н̃асан̃жаяо вибассисса бхаг̇авад̇о гаалз гулаг̇зхз ниб̣б̣ад̇д̇о вуд̣̇д̇хиббад̇д̇о ‘‘баанийяад̣̇аанам̣ маяаа д̣̇аад̇аб̣б̣ам̣, д̇ан̃жа ниранд̇арам̣ гад̇ваа бавад̇д̇зд̇ум̣ ваддад̇ий’’д̇и жинд̇зд̇ваа згам̣ гуубам̣ канаабзд̇ваа уд̣̇агасамбад̇д̇агаалз идтагаахи жинаабзд̇ваа т̇ирам̣ гад̇ваа д̇ад̇т̇а удтид̇зна уд̣̇агзна бун̣н̣ам̣ д̇ам̣ уд̣̇абаанам̣ вибассисса бхаг̇авад̇о нияяаад̣̇зси. бхаг̇аваа баанийяад̣̇аанаанисам̣сад̣̇ийбагам̣ анумод̣̇анам̣ агааси . со д̇зна бун̃н̃зна д̣̇звамануссзсу сам̣саранд̇о ниб̣б̣ад̇д̇аниб̣б̣ад̇д̇адтаанз богкаран̣ийуд̣̇абаанабаанийяаад̣̇исамбанно сукаманубхавид̇ваа имасмим̣ б̣уд̣̇д̇хуббаад̣̇з згасмим̣ гулз ниб̣б̣ад̇д̇о вуд̣̇д̇химанвааяа сад̣̇д̇хо басанно баб̣б̣аж̇ид̇ваа нажирассзва арахаа ахоси.
Vipassino bhagavatotiādikaṃ āyasmato udapānadāyakattherassa apadānaṃ. Ayampi thero purimamunivaresu katādhikāro anekesu bhavesu katapuññasañcayo vipassissa bhagavato kāle kulagehe nibbatto vuddhippatto ‘‘pānīyadānaṃ mayā dātabbaṃ, tañca nirantaraṃ katvā pavattetuṃ vaṭṭatī’’ti cintetvā ekaṃ kūpaṃ khanāpetvā udakasampattakāle iṭṭhakāhi cināpetvā thiraṃ katvā tattha uṭṭhitena udakena puṇṇaṃ taṃ udapānaṃ vipassissa bhagavato niyyādesi. Bhagavā pānīyadānānisaṃsadīpakaṃ anumodanaṃ akāsi . So tena puññena devamanussesu saṃsaranto nibbattanibbattaṭṭhāne pokkharaṇīudapānapānīyādisampanno sukhamanubhavitvā imasmiṃ buddhuppāde ekasmiṃ kule nibbatto vuddhimanvāya saddho pasanno pabbajitvā nacirasseva arahā ahosi.
18. со абарабхааг̇з ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о вибассино бхаг̇авад̇од̇иаад̣̇имааха. д̇ад̇т̇а уд̣̇абаано гад̇о маяаад̇и уд̣̇агам̣ биванд̇и зд̇т̇аад̇и уд̣̇абаано, гуубабогкаран̣ийд̇ал̣аагаанамзд̇ам̣ ад̇хиважанам̣. со уд̣̇абаано гуубо вибассисса бхаг̇авад̇о ад̇т̇ааяа гад̇о канид̇од̇и ад̇т̇о. сзсам̣ уд̇д̇аанад̇т̇амзваад̇и.
18. So aparabhāge attano pubbakammaṃ saritvā somanassajāto pubbacaritāpadānaṃ pakāsento vipassino bhagavatotiādimāha. Tattha udapāno kato mayāti udakaṃ pivanti etthāti udapāno, kūpapokkharaṇītaḷākānametaṃ adhivacanaṃ. So udapāno kūpo vipassissa bhagavato atthāya kato khanitoti attho. Sesaṃ uttānatthamevāti.
уд̣̇абаанад̣̇ааяагад̇т̇зраабад̣̇аанаван̣н̣анаа самад̇д̇аа.
Udapānadāyakattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 4. уд̣̇абаанад̣̇ааяагад̇т̇зраабад̣̇аанам̣ • 4. Udapānadāyakattheraapadānaṃ
