| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੪. ਉਦਪਾਨਦਾਯਕਤ੍ਥੇਰਅਪਦਾਨવਣ੍ਣਨਾ
4. Udapānadāyakattheraapadānavaṇṇanā
વਿਪਸ੍ਸਿਨੋ ਭਗવਤੋਤਿਆਦਿਕਂ ਆਯਸ੍ਮਤੋ ਉਦਪਾਨਦਾਯਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਥੇਰੋ ਪੁਰਿਮਮੁਨਿવਰੇਸੁ ਕਤਾਧਿਕਾਰੋ ਅਨੇਕੇਸੁ ਭવੇਸੁ ਕਤਪੁਞ੍ਞਸਞ੍ਚਯੋ વਿਪਸ੍ਸਿਸ੍ਸ ਭਗવਤੋ ਕਾਲੇ ਕੁਲਗੇਹੇ ਨਿਬ੍ਬਤ੍ਤੋ વੁਦ੍ਧਿਪ੍ਪਤ੍ਤੋ ‘‘ਪਾਨੀਯਦਾਨਂ ਮਯਾ ਦਾਤਬ੍ਬਂ, ਤਞ੍ਚ ਨਿਰਨ੍ਤਰਂ ਕਤ੍વਾ ਪવਤ੍ਤੇਤੁਂ વਟ੍ਟਤੀ’’ਤਿ ਚਿਨ੍ਤੇਤ੍વਾ ਏਕਂ ਕੂਪਂ ਖਨਾਪੇਤ੍વਾ ਉਦਕਸਮ੍ਪਤ੍ਤਕਾਲੇ ਇਟ੍ਠਕਾਹਿ ਚਿਨਾਪੇਤ੍વਾ ਥਿਰਂ ਕਤ੍વਾ ਤਤ੍ਥ ਉਟ੍ਠਿਤੇਨ ਉਦਕੇਨ ਪੁਣ੍ਣਂ ਤਂ ਉਦਪਾਨਂ વਿਪਸ੍ਸਿਸ੍ਸ ਭਗવਤੋ ਨਿਯ੍ਯਾਦੇਸਿ। ਭਗવਾ ਪਾਨੀਯਦਾਨਾਨਿਸਂਸਦੀਪਕਂ ਅਨੁਮੋਦਨਂ ਅਕਾਸਿ । ਸੋ ਤੇਨ ਪੁਞ੍ਞੇਨ ਦੇવਮਨੁਸ੍ਸੇਸੁ ਸਂਸਰਨ੍ਤੋ ਨਿਬ੍ਬਤ੍ਤਨਿਬ੍ਬਤ੍ਤਟ੍ਠਾਨੇ ਪੋਕ੍ਖਰਣੀਉਦਪਾਨਪਾਨੀਯਾਦਿਸਮ੍ਪਨ੍ਨੋ ਸੁਖਮਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਏਕਸ੍ਮਿਂ ਕੁਲੇ ਨਿਬ੍ਬਤ੍ਤੋ વੁਦ੍ਧਿਮਨ੍વਾਯ ਸਦ੍ਧੋ ਪਸਨ੍ਨੋ ਪਬ੍ਬਜਿਤ੍વਾ ਨਚਿਰਸ੍ਸੇવ ਅਰਹਾ ਅਹੋਸਿ।
Vipassino bhagavatotiādikaṃ āyasmato udapānadāyakattherassa apadānaṃ. Ayampi thero purimamunivaresu katādhikāro anekesu bhavesu katapuññasañcayo vipassissa bhagavato kāle kulagehe nibbatto vuddhippatto ‘‘pānīyadānaṃ mayā dātabbaṃ, tañca nirantaraṃ katvā pavattetuṃ vaṭṭatī’’ti cintetvā ekaṃ kūpaṃ khanāpetvā udakasampattakāle iṭṭhakāhi cināpetvā thiraṃ katvā tattha uṭṭhitena udakena puṇṇaṃ taṃ udapānaṃ vipassissa bhagavato niyyādesi. Bhagavā pānīyadānānisaṃsadīpakaṃ anumodanaṃ akāsi . So tena puññena devamanussesu saṃsaranto nibbattanibbattaṭṭhāne pokkharaṇīudapānapānīyādisampanno sukhamanubhavitvā imasmiṃ buddhuppāde ekasmiṃ kule nibbatto vuddhimanvāya saddho pasanno pabbajitvā nacirasseva arahā ahosi.
੧੮. ਸੋ ਅਪਰਭਾਗੇ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ વਿਪਸ੍ਸਿਨੋ ਭਗવਤੋਤਿਆਦਿਮਾਹ। ਤਤ੍ਥ ਉਦਪਾਨੋ ਕਤੋ ਮਯਾਤਿ ਉਦਕਂ ਪਿવਨ੍ਤਿ ਏਤ੍ਥਾਤਿ ਉਦਪਾਨੋ, ਕੂਪਪੋਕ੍ਖਰਣੀਤਲ਼ਾਕਾਨਮੇਤਂ ਅਧਿવਚਨਂ। ਸੋ ਉਦਪਾਨੋ ਕੂਪੋ વਿਪਸ੍ਸਿਸ੍ਸ ਭਗવਤੋ ਅਤ੍ਥਾਯ ਕਤੋ ਖਨਿਤੋਤਿ ਅਤ੍ਥੋ। ਸੇਸਂ ਉਤ੍ਤਾਨਤ੍ਥਮੇવਾਤਿ।
18. So aparabhāge attano pubbakammaṃ saritvā somanassajāto pubbacaritāpadānaṃ pakāsento vipassino bhagavatotiādimāha. Tattha udapāno kato mayāti udakaṃ pivanti etthāti udapāno, kūpapokkharaṇītaḷākānametaṃ adhivacanaṃ. So udapāno kūpo vipassissa bhagavato atthāya kato khanitoti attho. Sesaṃ uttānatthamevāti.
ਉਦਪਾਨਦਾਯਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Udapānadāyakattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੪. ਉਦਪਾਨਦਾਯਕਤ੍ਥੇਰਅਪਦਾਨਂ • 4. Udapānadāyakattheraapadānaṃ
