| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
3. уд̣̇абаанаваг̇г̇о
3. Udapānavaggo
[271] 1. уд̣̇абаанад̣̇уусагаж̇аад̇агаван̣н̣анаа
[271] 1. Udapānadūsakajātakavaṇṇanā
ааран̃н̃игасса исинод̇и ид̣̇ам̣ сад̇т̇аа ж̇зд̇аванз вихаранд̇о згам̣ уд̣̇абаанад̣̇уусагасин̇г̇аалам̣ аараб̣бха гат̇зси. зго гира син̇г̇аало бхигкусан̇гхасса баанийяауд̣̇абаанам̣ ужжаарабассаавагаран̣зна д̣̇уусзд̇ваа баггаами. ат̇а нам̣ згад̣̇ивасам̣ уд̣̇абаанасамийбам̣ ааг̇ад̇ам̣ сааман̣зраа лзд̣д̣уухи бахарид̇ваа гиламзсум̣, со д̇ад̇о бадтааяа д̇ам̣ таанам̣ буна нивад̇д̇ид̇вааби на ологзси. бхигкуу д̇ам̣ бавад̇д̇им̣ н̃ад̇ваа д̇хаммасабхааяам̣ гат̇ам̣ самудтаабзсум̣ – ‘‘аавусо, уд̣̇абаанад̣̇уусагасин̇г̇аало гира сааман̣зрзхи гиламид̇агаалад̇о бадтааяа буна нивад̇д̇ид̇вааби на ологзсий’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва, буб̣б̣збзса син̇г̇аало уд̣̇абаанад̣̇уусагоязваа’’д̇и вад̇ваа ад̇ийд̇ам̣ аахари.
Āraññikassaisinoti idaṃ satthā jetavane viharanto ekaṃ udapānadūsakasiṅgālaṃ ārabbha kathesi. Eko kira siṅgālo bhikkhusaṅghassa pānīyaudapānaṃ uccārapassāvakaraṇena dūsetvā pakkāmi. Atha naṃ ekadivasaṃ udapānasamīpaṃ āgataṃ sāmaṇerā leḍḍūhi paharitvā kilamesuṃ, so tato paṭṭhāya taṃ ṭhānaṃ puna nivattitvāpi na olokesi. Bhikkhū taṃ pavattiṃ ñatvā dhammasabhāyaṃ kathaṃ samuṭṭhāpesuṃ – ‘‘āvuso, udapānadūsakasiṅgālo kira sāmaṇerehi kilamitakālato paṭṭhāya puna nivattitvāpi na olokesī’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva, pubbepesa siṅgālo udapānadūsakoyevā’’ti vatvā atītaṃ āhari.
ад̇ийд̇з б̣аараан̣асияам̣ ид̣̇амзва исибад̇анам̣ аяамзва уд̣̇абаано ахоси. д̇ад̣̇аа б̣од̇хисад̇д̇о б̣аараан̣асияам̣ гулагхарз ниб̣б̣ад̇д̇ид̇ваа ваяаббад̇д̇о исибаб̣б̣аж̇ж̇ам̣ баб̣б̣аж̇ид̇ваа исиг̇ан̣абаривуд̇о исибад̇анз ваасам̣ габбзси. д̇ад̣̇аа зго син̇г̇аало ид̣̇амзва уд̣̇абаанам̣ д̣̇уусзд̇ваа баггамад̇и. ат̇а нам̣ згад̣̇ивасам̣ д̇аабасаа бариваарзд̇ваа тид̇аа згзнубааязна г̇ахзд̇ваа б̣од̇хисад̇д̇асса санд̇игам̣ аанаяим̣су. б̣од̇хисад̇д̇о син̇г̇аалзна сад̣̇д̇хим̣ саллабанд̇о батамам̣ г̇аат̇амааха –
Atīte bārāṇasiyaṃ idameva isipatanaṃ ayameva udapāno ahosi. Tadā bodhisatto bārāṇasiyaṃ kulaghare nibbattitvā vayappatto isipabbajjaṃ pabbajitvā isigaṇaparivuto isipatane vāsaṃ kappesi. Tadā eko siṅgālo idameva udapānaṃ dūsetvā pakkamati. Atha naṃ ekadivasaṃ tāpasā parivāretvā ṭhitā ekenupāyena gahetvā bodhisattassa santikaṃ ānayiṃsu. Bodhisatto siṅgālena saddhiṃ sallapanto paṭhamaṃ gāthamāha –
61.
61.
‘‘ааран̃н̃игасса исино, жирарад̇д̇ад̇абассино;
‘‘Āraññikassa isino, cirarattatapassino;
гижчаагад̇ам̣ уд̣̇абаанам̣, гат̇ам̣ самма аваахаяий’’д̇и.
Kicchākataṃ udapānaṃ, kathaṃ samma avāhayī’’ti.
д̇ассад̇т̇о – аран̃н̃з васанад̇ааяа ааран̃н̃игасса, зсид̇аг̇ун̣ад̇д̇аа исино, жирарад̇д̇ам̣ д̇абам̣ ниссааяа вуд̇т̇ад̇д̇аа жирарад̇д̇ад̇абассино гижчаагад̇ам̣ гижчзна д̣̇угкзна нибпаад̣̇ид̇ам̣ уд̣̇абаанам̣ гат̇ам̣ гимад̇т̇ааяа самма син̇г̇аала, д̇вам̣ аваахаяи муд̇д̇агарийсзна аж̇жход̇т̇ари д̣̇уусзси, д̇ам̣ ваа муд̇д̇агарийсам̣ зд̇т̇а аваахаяи баад̇зсийд̇и.
Tassattho – araññe vasanatāya āraññikassa, esitaguṇattā isino, cirarattaṃ tapaṃ nissāya vutthattā cirarattatapassino kicchākataṃ kicchena dukkhena nipphāditaṃ udapānaṃ kathaṃ kimatthāya samma siṅgāla, tvaṃ avāhayi muttakarīsena ajjhotthari dūsesi, taṃ vā muttakarīsaṃ ettha avāhayi pātesīti.
д̇ам̣ суд̇ваа син̇г̇аало д̣̇уд̇ияам̣ г̇аат̇амааха –
Taṃ sutvā siṅgālo dutiyaṃ gāthamāha –
62.
62.
‘‘зса д̇хаммо син̇г̇аалаанам̣, яам̣ бид̇ваа охад̣̇аамасз;
‘‘Esa dhammo siṅgālānaṃ, yaṃ pitvā ohadāmase;
бид̇убид̇аамахам̣ д̇хаммо, на д̇ам̣ уж̇жхаад̇умарахасий’’д̇и.
Pitupitāmahaṃ dhammo, na taṃ ujjhātumarahasī’’ti.
д̇ад̇т̇а зса д̇хаммод̇и зса сабхааво. яам̣ бид̇ваа охад̣̇аамасзд̇и, самма, яам̣ маяам̣ яад̇т̇а баанийяам̣ биваама, д̇амзва уухад̣̇аамаби омуд̇д̇змаби, зса амхаагам̣ син̇г̇аалаанам̣ д̇хаммод̇и д̣̇ассзд̇и. бид̇убид̇аамаханд̇и бид̇уунан̃жа бид̇аамахаанан̃жа но зса д̇хаммо. на д̇ам̣ уж̇жхаад̇умарахасийд̇и д̇ам̣ амхаагам̣ бавзн̣иааг̇ад̇ам̣ д̇хаммам̣ сабхаавам̣ д̇вам̣ уж̇жхаад̇ум̣ на арахаси, на яуд̇д̇ам̣ д̇з зд̇т̇а гуж̇жхид̇унд̇и.
Tattha esa dhammoti esa sabhāvo. Yaṃ pitvā ohadāmaseti, samma, yaṃ mayaṃ yattha pānīyaṃ pivāma, tameva ūhadāmapi omuttemapi, esa amhākaṃ siṅgālānaṃ dhammoti dasseti. Pitupitāmahanti pitūnañca pitāmahānañca no esa dhammo. Na taṃ ujjhātumarahasīti taṃ amhākaṃ paveṇiāgataṃ dhammaṃ sabhāvaṃ tvaṃ ujjhātuṃ na arahasi, na yuttaṃ te ettha kujjhitunti.
ат̇асса б̣од̇хисад̇д̇о д̇ад̇ияам̣ г̇аат̇амааха –
Athassa bodhisatto tatiyaṃ gāthamāha –
63.
63.
‘‘язсам̣ во зд̣̇исо д̇хаммо, ад̇хаммо бана гийд̣̇исо;
‘‘Yesaṃ vo ediso dhammo, adhammo pana kīdiso;
маа во д̇хаммам̣ ад̇хаммам̣ ваа, ад̣̇д̣̇асаама гуд̣̇аажана’’нд̇и.
Mā vo dhammaṃ adhammaṃ vā, addasāma kudācana’’nti.
д̇ад̇т̇а маа вод̇и д̇умхаагам̣ д̇хаммам̣ ваа ад̇хаммам̣ ваа на маяам̣ гад̣̇аажи ад̣̇д̣̇асаамаад̇и.
Tattha mā voti tumhākaṃ dhammaṃ vā adhammaṃ vā na mayaṃ kadāci addasāmāti.
звам̣ б̣од̇хисад̇д̇о д̇асса оваад̣̇ам̣ д̣̇ад̇ваа ‘‘маа буна ааг̇ажчаа’’д̇и ааха. со д̇ад̇о бадтааяа буна нивад̇д̇ид̇вааби на ологзси.
Evaṃ bodhisatto tassa ovādaṃ datvā ‘‘mā puna āgacchā’’ti āha. So tato paṭṭhāya puna nivattitvāpi na olokesi.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси – ‘‘д̇ад̣̇аа уд̣̇абаанад̣̇уусаго аяамзва син̇г̇аало ахоси, г̇ан̣асад̇т̇аа бана ахамзва ахоси’’нд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi – ‘‘tadā udapānadūsako ayameva siṅgālo ahosi, gaṇasatthā pana ahameva ahosi’’nti.
уд̣̇абаанад̣̇уусагаж̇аад̇агаван̣н̣анаа батамаа.
Udapānadūsakajātakavaṇṇanā paṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 271. уд̣̇абаанад̣̇уусагаж̇аад̇агам̣ • 271. Udapānadūsakajātakaṃ
