| Library / Tipiṭaka / д̇ибидага • Tipiṭaka / уд̣̇аана-адтагат̇аа • Udāna-aṭṭhakathā |
9. уд̣̇абаанасуд̇д̇аван̣н̣анаа
9. Udapānasuttavaṇṇanā
69. навамз маллзсууд̇и маллаа наама ж̇аанабад̣̇ино рааж̇агумаараа, д̇зсам̣ ниваасо згоби ж̇анабад̣̇о рул̣хийвасзна ‘‘маллаа’’д̇и вужжад̇и, д̇зсу маллзсу, яам̣ логз ‘‘малло’’д̇и вужжад̇и. гзжи бана ‘‘маалзсуу’’д̇и батанд̇и. жаарияам̣ жарамаанод̇и ад̇урид̇ажааригаавасзна махааман̣д̣алаж̇анабад̣̇ажааригам̣ жарамаано. махад̇аа бхигкусан̇гхзнаад̇и абарижчзд̣̇аг̇ун̣зна маханд̇зна саман̣аг̇ан̣зна. д̇ад̣̇аа хи бхаг̇авад̇о махаабхигкубаривааро ахоси. т̇уун̣ам̣ наама маллаанам̣ б̣раахман̣аг̇аамод̇и бурад̇т̇имад̣̇агкин̣ааяа д̣̇исааяа маж̇жхимад̣̇зсасса авад̇хидтаанз маллад̣̇зсз т̇уун̣анаамаго б̣раахман̣аб̣ахулад̇ааяа б̣раахман̣аг̇аамо. д̇ад̣̇авасарийд̇и д̇ам̣ авасари, т̇уун̣аг̇аамамаг̇г̇ам̣ баабун̣ийд̇и ад̇т̇о. ассосунд̇и сун̣им̣су, сод̇ад̣̇ваарасамбад̇д̇аважананиг̇гхосаанусаарзна ж̇ааним̣сууд̇и ад̇т̇о. код̇и бад̣̇абууран̣з, авад̇хааран̣ад̇т̇з ваа нибаад̇о. д̇ад̇т̇а авад̇хааран̣ад̇т̇зна ассосум̣язва, на д̇зсам̣ савананд̇арааяо ахосийд̇и вуд̇д̇ам̣ ход̇и. бад̣̇абууран̣зна бад̣̇аб̣яан̃ж̇анасилидтад̇д̇амад̇д̇амзва. т̇уун̣зяяагаад̇и т̇уун̣аг̇аамаваасино. б̣раахман̣аг̇ахабад̇игаад̇и зд̇т̇а б̣рахмам̣ ан̣анд̇ийд̇и б̣раахман̣аа, манд̇з саж̇жхааяанд̇ийд̇и ад̇т̇о. ид̣̇амзва хи ж̇аад̇иб̣раахман̣аанам̣ ниб̣б̣ажанам̣, арияаа бана б̣аахид̇абаабад̇д̇аа ‘‘б̣раахман̣аа’’д̇и вужжанд̇и. г̇ахабад̇игаад̇и кад̇д̇ияаб̣раахман̣з важ̇ж̇зд̇ваа яз гзжи аг̇аарам̣ аж̇жхаавасанд̇аа вужжанд̇и, висзсад̇о взссаа. б̣раахман̣аа жа г̇ахабад̇игаа жа б̣раахман̣аг̇ахабад̇игаа.
69. Navame mallesūti mallā nāma jānapadino rājakumārā, tesaṃ nivāso ekopi janapado ruḷhīvasena ‘‘mallā’’ti vuccati, tesu mallesu, yaṃ loke ‘‘mallo’’ti vuccati. Keci pana ‘‘mālesū’’ti paṭhanti. Cāriyaṃ caramānoti aturitacārikāvasena mahāmaṇḍalajanapadacārikaṃ caramāno. Mahatā bhikkhusaṅghenāti aparicchedaguṇena mahantena samaṇagaṇena. Tadā hi bhagavato mahābhikkhuparivāro ahosi. Thūṇaṃ nāma mallānaṃ brāhmaṇagāmoti puratthimadakkhiṇāya disāya majjhimadesassa avadhiṭṭhāne malladese thūṇanāmako brāhmaṇabahulatāya brāhmaṇagāmo. Tadavasarīti taṃ avasari, thūṇagāmamaggaṃ pāpuṇīti attho. Assosunti suṇiṃsu, sotadvārasampattavacananigghosānusārena jāniṃsūti attho. Khoti padapūraṇe, avadhāraṇatthe vā nipāto. Tattha avadhāraṇatthena assosuṃyeva, na tesaṃ savanantarāyo ahosīti vuttaṃ hoti. Padapūraṇena padabyañjanasiliṭṭhattamattameva. Thūṇeyyakāti thūṇagāmavāsino. Brāhmaṇagahapatikāti ettha brahmaṃ aṇantīti brāhmaṇā, mante sajjhāyantīti attho. Idameva hi jātibrāhmaṇānaṃ nibbacanaṃ, ariyā pana bāhitapāpattā ‘‘brāhmaṇā’’ti vuccanti. Gahapatikāti khattiyabrāhmaṇe vajjetvā ye keci agāraṃ ajjhāvasantā vuccanti, visesato vessā. Brāhmaṇā ca gahapatikā ca brāhmaṇagahapatikā.
ид̣̇аани яамад̇т̇ам̣ д̇з ассосум̣, д̇ам̣ д̣̇ассзд̇ум̣ ‘‘саман̣о калу, бхо, г̇од̇амо’’д̇иаад̣̇и вуд̇д̇ам̣. д̇ад̇т̇а самид̇абаабад̇д̇аа ‘‘саман̣о’’д̇и взд̣̇ид̇аб̣б̣о. вуд̇д̇ан̃хзд̇ам̣ – ‘‘самид̇аасса хонд̇и баабагаа агусалаа д̇хаммаа’’д̇иаад̣̇и (ма. ни. 1.434). бхаг̇аваа жа ануд̇д̇арзна арияамаг̇г̇зна саб̣б̣асо самид̇абаабо. д̇знасса яат̇аабхужжаг̇ун̣аад̇хиг̇ад̇амзд̇ам̣ наамам̣, яад̣̇ид̣̇ам̣ саман̣од̇и. калууд̇и ануссавад̇т̇з нибаад̇о. бход̇и б̣раахман̣аж̇аад̇игаанам̣ ж̇аад̇исамуд̣̇ааг̇ад̇ам̣ аалабанамад̇д̇ам̣. вуд̇д̇амби жзд̇ам̣ ‘‘бховаад̣̇и наама со ход̇и, сажз ход̇и сагин̃жано’’д̇и (д̇ха. ба. 396). г̇од̇амод̇и г̇од̇д̇авасзна бхаг̇авад̇о баригид̇д̇анам̣. д̇асмаа ‘‘саман̣о калу, бхо, г̇од̇амо’’д̇и саман̣о гира, бхо, г̇од̇амаг̇од̇д̇од̇и аяамзд̇т̇а ад̇т̇о. сагяабуд̇д̇од̇и ид̣̇ам̣ бана бхаг̇авад̇о ужжаагулабарид̣̇ийбанам̣. сагяагулаа баб̣б̣аж̇ид̇од̇и сад̣̇д̇хаабаб̣б̣аж̇ид̇абхаавабарид̣̇ийбанам̣. гзнажи баариж̇ун̃н̃зна анабхибхууд̇о абаригкийн̣ам̣язва д̇ам̣ гулам̣ бахааяа нзгкаммаад̇хиг̇амасад̣̇д̇хааяа баб̣б̣аж̇ид̇од̇и вуд̇д̇ам̣ ход̇и. уд̣̇абаанам̣ д̇ин̣асса жа бхусасса жа яаава мукад̇о буурзсунд̇и баанийяагуубам̣ д̇ин̣зна жа бхусзна жа мукаббамаан̣зна вад̣дхзсум̣, д̇ин̣аад̣̇ийни багкибид̇ваа гуубам̣ бид̣̇ахим̣сууд̇и ад̇т̇о.
Idāni yamatthaṃ te assosuṃ, taṃ dassetuṃ ‘‘samaṇo khalu, bho, gotamo’’tiādi vuttaṃ. Tattha samitapāpattā ‘‘samaṇo’’ti veditabbo. Vuttañhetaṃ – ‘‘samitāssa honti pāpakā akusalā dhammā’’tiādi (ma. ni. 1.434). Bhagavā ca anuttarena ariyamaggena sabbaso samitapāpo. Tenassa yathābhuccaguṇādhigatametaṃ nāmaṃ, yadidaṃ samaṇoti. Khalūti anussavatthe nipāto. Bhoti brāhmaṇajātikānaṃ jātisamudāgataṃ ālapanamattaṃ. Vuttampi cetaṃ ‘‘bhovādi nāma so hoti, sace hoti sakiñcano’’ti (dha. pa. 396). Gotamoti gottavasena bhagavato parikittanaṃ. Tasmā ‘‘samaṇo khalu, bho, gotamo’’ti samaṇo kira, bho, gotamagottoti ayamettha attho. Sakyaputtoti idaṃ pana bhagavato uccākulaparidīpanaṃ. Sakyakulā pabbajitoti saddhāpabbajitabhāvaparidīpanaṃ. Kenaci pārijuññena anabhibhūto aparikkhīṇaṃyeva taṃ kulaṃ pahāya nekkhammādhigamasaddhāya pabbajitoti vuttaṃ hoti. Udapānaṃ tiṇassa ca bhusassa ca yāva mukhato pūresunti pānīyakūpaṃ tiṇena ca bhusena ca mukhappamāṇena vaḍḍhesuṃ, tiṇādīni pakkhipitvā kūpaṃ pidahiṃsūti attho.
д̇асса гира г̇аамасса б̣ахи бхаг̇авад̇о ааг̇аманамаг̇г̇з б̣раахман̣аанам̣ барибхог̇абхууд̇о зго уд̣̇абаано ахоси. д̇ам̣ табзд̇ваа д̇ад̇т̇а саб̣б̣аани гуубад̇ал̣аагаад̣̇ийни уд̣̇агадтаанаани д̇ад̣̇аа висугкаани нируд̣̇агаани ахзсум̣. ат̇а т̇уун̣зяяагаа рад̇анад̇д̇аяз аббасаннаа мажчзрабагад̇аа бхаг̇авад̇о ааг̇аманам̣ суд̇ваа ‘‘сажз саман̣о г̇од̇амо сасааваго имам̣ г̇аамам̣ бависид̇ваа д̣̇вийхад̇ийхам̣ васзяяа, саб̣б̣ам̣ имам̣ ж̇анам̣ ад̇д̇ано важанз табзяяа, д̇ад̇о б̣раахман̣ад̇хаммо бад̇идтам̣ на лабхзяяаа’’д̇и д̇ад̇т̇а бхаг̇авад̇о аваасааяа барисагганд̇аа ‘‘имасмим̣ г̇аамз ан̃н̃ад̇т̇а уд̣̇агам̣ над̇т̇и, амум̣ уд̣̇абаанам̣ абарибхог̇ам̣ гариссаама, звам̣ саман̣о г̇од̇амо сасааваго имам̣ г̇аамам̣ на бависиссад̇ий’’д̇и самманд̇аяид̇ваа саб̣б̣з г̇аамаваасино сад̇д̇аахасса уд̣̇агам̣ г̇ахзд̇ваа жаадиаад̣̇ийни буурзд̇ваа уд̣̇абаанам̣ д̇ин̣зна жа бхусзна жа бид̣̇ахим̣су. д̇зна вуд̇д̇ам̣ – ‘‘уд̣̇абаанам̣ д̇ин̣асса жа бхусасса жа яаава мукад̇о буурзсум̣, ‘маа д̇з мун̣д̣агаа саман̣агаа баанийяам̣ абам̣суу’’’д̇и.
Tassa kira gāmassa bahi bhagavato āgamanamagge brāhmaṇānaṃ paribhogabhūto eko udapāno ahosi. Taṃ ṭhapetvā tattha sabbāni kūpataḷākādīni udakaṭṭhānāni tadā visukkhāni nirudakāni ahesuṃ. Atha thūṇeyyakā ratanattaye appasannā maccherapakatā bhagavato āgamanaṃ sutvā ‘‘sace samaṇo gotamo sasāvako imaṃ gāmaṃ pavisitvā dvīhatīhaṃ vaseyya, sabbaṃ imaṃ janaṃ attano vacane ṭhapeyya, tato brāhmaṇadhammo patiṭṭhaṃ na labheyyā’’ti tattha bhagavato avāsāya parisakkantā ‘‘imasmiṃ gāme aññattha udakaṃ natthi, amuṃ udapānaṃ aparibhogaṃ karissāma, evaṃ samaṇo gotamo sasāvako imaṃ gāmaṃ na pavisissatī’’ti sammantayitvā sabbe gāmavāsino sattāhassa udakaṃ gahetvā cāṭiādīni pūretvā udapānaṃ tiṇena ca bhusena ca pidahiṃsu. Tena vuttaṃ – ‘‘udapānaṃ tiṇassa ca bhusassa ca yāva mukhato pūresuṃ, ‘mā te muṇḍakā samaṇakā pānīyaṃ apaṃsū’’’ti.
д̇ад̇т̇а мун̣д̣агаа саман̣агаад̇и мун̣д̣з ‘‘мун̣д̣аа’’д̇и саман̣з ‘‘саман̣аа’’д̇и вад̇д̇ум̣ ваддзяяа, д̇з бана кум̣санаад̇хиббааязна хийл̣знд̇аа звамаахам̣су. маад̇и бадисзд̇хз, маа абам̣су маа бивим̣сууд̇и ад̇т̇о. маг̇г̇аа оггаммаад̇и маг̇г̇ад̇о абасаггид̇ваа. зд̇амхаад̇и яо уд̣̇абаано д̇зхи д̇ат̇аа гад̇о, д̇амзва нид̣̇д̣̇исанд̇о ааха. гим̣ бана бхаг̇аваа д̇зсам̣ б̣раахман̣аанам̣ виббагаарам̣ анааваж̇ж̇ид̇ваа звамааха – ‘‘зд̇амхаа уд̣̇абаанаа баанийяам̣ аахараа’’д̇и, уд̣̇ааху ааваж̇ж̇ид̇ваа ж̇аананд̇од̇и? ж̇аананд̇о зва бхаг̇аваа ад̇д̇ано б̣уд̣̇д̇хаанубхаавам̣ багаасзд̇ваа д̇з д̣̇амзд̇ваа ниб̣б̣исзванз гаад̇ум̣ звамааха, на баанийяам̣ баад̇угаамо. д̇знзвзд̇т̇а махаабариниб̣б̣аанасуд̇д̇з вияа ‘‘бибаасид̇осмий’’д̇и (д̣̇ий. ни. 2.191) на вуд̇д̇ам̣. д̇хаммабхан̣д̣ааг̇аариго бана сад̇т̇у аж̇жхаасаяам̣ аж̇аананд̇о т̇уун̣зяяагзхи гад̇ам̣ виббагаарам̣ аажигканд̇о ‘‘ид̣̇аани со, бханд̇з’’д̇иаад̣̇имааха.
Tattha muṇḍakā samaṇakāti muṇḍe ‘‘muṇḍā’’ti samaṇe ‘‘samaṇā’’ti vattuṃ vaṭṭeyya, te pana khuṃsanādhippāyena hīḷentā evamāhaṃsu. Māti paṭisedhe, mā apaṃsu mā piviṃsūti attho. Maggā okkammāti maggato apasakkitvā. Etamhāti yo udapāno tehi tathā kato, tameva niddisanto āha. Kiṃ pana bhagavā tesaṃ brāhmaṇānaṃ vippakāraṃ anāvajjitvā evamāha – ‘‘etamhā udapānā pānīyaṃ āharā’’ti, udāhu āvajjitvā jānantoti? Jānanto eva bhagavā attano buddhānubhāvaṃ pakāsetvā te dametvā nibbisevane kātuṃ evamāha, na pānīyaṃ pātukāmo. Tenevettha mahāparinibbānasutte viya ‘‘pipāsitosmī’’ti (dī. ni. 2.191) na vuttaṃ. Dhammabhaṇḍāgāriko pana satthu ajjhāsayaṃ ajānanto thūṇeyyakehi kataṃ vippakāraṃ ācikkhanto ‘‘idāni so, bhante’’tiādimāha.
д̇ад̇т̇а ид̣̇аанийд̇и ад̇хунаа, амхаагам̣ ааг̇аманавзлааяамзваад̇и ад̇т̇о. зсо, бханд̇з, уд̣̇абаанод̇и батанд̇и. т̇зро д̣̇вигкад̇д̇ум̣ бадигкибид̇ваа д̇ад̇ияаваарз ‘‘на ко д̇ат̇ааг̇ад̇аа д̇игкад̇д̇ум̣ бажжанийгаа гаад̇аб̣б̣аа, гааран̣ам̣ д̣̇идтам̣ бхависсад̇и д̣̇ийгхад̣̇ассинаа’’д̇и махаарааж̇ад̣̇ад̇д̇ияам̣ бхаг̇авад̇о бад̇д̇ам̣ г̇ахзд̇ваа уд̣̇абаанам̣ аг̇амааси. г̇ажчанд̇з т̇зрз уд̣̇абаанз уд̣̇агам̣ барибун̣н̣ам̣ худ̇ваа уд̇д̇арид̇ваа саманд̇ад̇о санд̣̇ад̇и, саб̣б̣ам̣ д̇ин̣ам̣ бхусан̃жа ублавид̇ваа саяамзва абаг̇ажчи. д̇зна жа санд̣̇амаанзна салилзна убаруубари вад̣дханд̇зна д̇асмим̣ г̇аамз саб̣б̣зва богкаран̣ийаад̣̇аяо ж̇алаасаяаа висугкаа барибуурим̣су, д̇ат̇аа барикаагусуб̣бханиннаад̣̇ийни жа. саб̣б̣о г̇аамаббад̣̇зсо махогхзна аж̇жход̇т̇адо махаавассагаалз вияа ахоси. гумуд̣̇уббалабад̣̇умабун̣д̣арийгаад̣̇ийни ж̇алаж̇абубпаани д̇ад̇т̇а д̇ад̇т̇а уб̣бхиж̇ж̇ид̇ваа вигасамаанаани уд̣̇агам̣ сан̃чаад̣̇им̣су. сарзсу хам̣сагон̃жажаггаваагагааран̣д̣аваб̣агаад̣̇аяаа з уд̣̇агасагун̣игаа вассамаанаа д̇ад̇т̇а д̇ад̇т̇а вижарим̣су. т̇уун̣зяяагаа д̇ам̣ махогхам̣ д̇ат̇аа уд̇д̇аранд̇ам̣ саманд̇ад̇о вийжид̇аран̇г̇асамаагулам̣ барияанд̇ад̇о самудтахамаанам̣ ружирам̣ пзн̣аб̣уб̣б̣ул̣агам̣ д̣̇исваа ажчарияаб̣бхуд̇ажид̇д̇аж̇аад̇аа звам̣ самманд̇зсум̣ ‘‘маяам̣ саман̣асса г̇од̇амасса уд̣̇агубажчзд̣̇ам̣ гаад̇ум̣ вааяамимхаа, аяам̣ бана махогхо д̇асса ааг̇аманагаалад̇о бадтааяа звам̣ абхивад̣дхад̇и, ниссам̣саяам̣ ко аяам̣ д̇асса ид̣̇д̇хаанубхааво. махид̣̇д̇хиго хи со махаанубхааво. таанам̣ ко банзд̇ам̣ виж̇ж̇ад̇и, яат̇аа яам̣ махогхо удтахид̇ваа амхаагам̣ г̇аамамби од̇т̇арзяяа. ханд̣̇а маяам̣ саман̣ам̣ г̇од̇амам̣ убасан̇гамид̇ваа баяирубаасид̇ваа ажжаяам̣ д̣̇зсзнд̇аа камаабзяяаамаа’’д̇и.
Tattha idānīti adhunā, amhākaṃ āgamanavelāyamevāti attho. Eso, bhante, udapānoti paṭhanti. Thero dvikkhattuṃ paṭikkhipitvā tatiyavāre ‘‘na kho tathāgatā tikkhattuṃ paccanīkā kātabbā, kāraṇaṃ diṭṭhaṃ bhavissati dīghadassinā’’ti mahārājadattiyaṃ bhagavato pattaṃ gahetvā udapānaṃ agamāsi. Gacchante there udapāne udakaṃ paripuṇṇaṃ hutvā uttaritvā samantato sandati, sabbaṃ tiṇaṃ bhusañca uplavitvā sayameva apagacchi. Tena ca sandamānena salilena uparūpari vaḍḍhantena tasmiṃ gāme sabbeva pokkharaṇīādayo jalāsayā visukkhā paripūriṃsu, tathā parikhākusubbhaninnādīni ca. Sabbo gāmappadeso mahoghena ajjhotthaṭo mahāvassakāle viya ahosi. Kumuduppalapadumapuṇḍarīkādīni jalajapupphāni tattha tattha ubbhijjitvā vikasamānāni udakaṃ sañchādiṃsu. Saresu haṃsakoñcacakkavākakāraṇḍavabakādayā e udakasakuṇikā vassamānā tattha tattha vicariṃsu. Thūṇeyyakā taṃ mahoghaṃ tathā uttarantaṃ samantato vīcitaraṅgasamākulaṃ pariyantato samuṭṭhahamānaṃ ruciraṃ pheṇabubbuḷakaṃ disvā acchariyabbhutacittajātā evaṃ sammantesuṃ ‘‘mayaṃ samaṇassa gotamassa udakupacchedaṃ kātuṃ vāyamimhā, ayaṃ pana mahogho tassa āgamanakālato paṭṭhāya evaṃ abhivaḍḍhati, nissaṃsayaṃ kho ayaṃ tassa iddhānubhāvo. Mahiddhiko hi so mahānubhāvo. Ṭhānaṃ kho panetaṃ vijjati, yathā yaṃ mahogho uṭṭhahitvā amhākaṃ gāmampi otthareyya. Handa mayaṃ samaṇaṃ gotamaṃ upasaṅkamitvā payirupāsitvā accayaṃ desentā khamāpeyyāmā’’ti.
д̇з саб̣б̣зва згаж̇жхаасаяаа худ̇ваа сан̇гхасан̇гхий г̇ан̣ийбхууд̇аа г̇аамад̇о нигкамид̇ваа язна бхаг̇аваа д̇знубасан̇гамим̣су. убасан̇гамид̇ваа аббзгажжз бхаг̇авад̇о баад̣̇з сирасаа ванд̣̇им̣су, аббзгажжз ан̃ж̇алим̣ бан̣аамзсум̣, аббзгажжз бхаг̇авад̇аа сад̣̇д̇хим̣ саммод̣̇им̣су, аббзгажжз д̇ун̣хийбхууд̇аа нисийд̣̇им̣су, аббзгажжз наамаг̇од̇д̇ам̣ саавзсум̣. звам̣ бана гад̇ваа саб̣б̣зва згаманд̇ам̣ нисийд̣̇ид̇ваа ‘‘ид̇ха маяам̣, бхо г̇од̇ама, бход̇о жзва г̇од̇амасса г̇од̇амасаавагаанан̃жа уд̣̇агаббадисзд̇хам̣ гаараяимха, амугасмим̣ уд̣̇абаанз д̇ин̣ан̃жа бхусан̃жа багкибимха. со бана уд̣̇абаано ажзд̇аноби самаано сажзд̇ано вияа бход̇о г̇ун̣ам̣ ж̇аананд̇о вияа саяамзва саб̣б̣ам̣ д̇ин̣ам̣ бхусам̣ абанзд̇ваа сувисуд̣̇д̇хо ж̇аад̇о, саб̣б̣оби жзд̇т̇а ниннаббад̣̇зсо махад̇аа уд̣̇агогхзна барибун̣н̣о раман̣ийяова ж̇аад̇о, уд̣̇агуубаж̇ийвино сад̇д̇аа барид̇удтаа. маяам̣ бана мануссааби самаанаа бход̇о г̇ун̣з на ж̇аанимха, яз маяам̣ звам̣ агаримха, саад̇ху но бхавам̣ г̇од̇амо д̇ат̇аа гарод̇у, яат̇ааяам̣ махогхо имам̣ г̇аамам̣ на од̇т̇арзяяа, ажжаяо но ажжаг̇амаа яат̇ааб̣аалам̣, д̇ам̣ но бхавам̣ г̇од̇амо ажжаяам̣ бадиг̇г̇ан̣хаад̇у анугамбам̣ убаад̣̇ааяаа’’д̇и ажжаяам̣ д̣̇зсзсум̣. бхаг̇авааби ‘‘д̇аг̇гха д̇умхз ажжаяо ажжаг̇амаа яат̇ааб̣аалам̣, д̇ам̣ во маяам̣ бадиг̇г̇ан̣хаама ааяад̇им̣ сам̣варааяаа’’д̇и д̇зсам̣ ажжаяам̣ бадиг̇г̇ахзд̇ваа басаннажид̇д̇ад̇ам̣ н̃ад̇ваа уд̇д̇ари аж̇жхаасаяаануруубам̣ д̇хаммам̣ д̣̇зсзси. д̇з бхаг̇авад̇о д̇хаммад̣̇зсанам̣ суд̇ваа басаннажид̇д̇аа саран̣аад̣̇ийсу бад̇идтид̇аа бхаг̇аванд̇ам̣ ванд̣̇ид̇ваа бад̣̇агкин̣ам̣ гад̇ваа баггамим̣су. д̇зсам̣ бана ааг̇аманад̇о бурзд̇арам̣язва ааяасмаа аананд̣̇о д̇ам̣ баадихаарияам̣ д̣̇исваа ажчарияаб̣бхуд̇ажид̇д̇аж̇аад̇о бад̇д̇зна баанийяам̣ аад̣̇ааяа бхаг̇авад̇о убанаамзд̇ваа д̇ам̣ бавад̇д̇им̣ аарожзси. д̇зна вуд̇д̇ам̣ – ‘‘звам̣, бханд̇зд̇и ко ааяасмаа аананд̣̇о’’д̇иаад̣̇и.
Te sabbeva ekajjhāsayā hutvā saṅghasaṅghī gaṇībhūtā gāmato nikkhamitvā yena bhagavā tenupasaṅkamiṃsu. Upasaṅkamitvā appekacce bhagavato pāde sirasā vandiṃsu, appekacce añjaliṃ paṇāmesuṃ, appekacce bhagavatā saddhiṃ sammodiṃsu, appekacce tuṇhībhūtā nisīdiṃsu, appekacce nāmagottaṃ sāvesuṃ. Evaṃ pana katvā sabbeva ekamantaṃ nisīditvā ‘‘idha mayaṃ, bho gotama, bhoto ceva gotamassa gotamasāvakānañca udakappaṭisedhaṃ kārayimha, amukasmiṃ udapāne tiṇañca bhusañca pakkhipimha. So pana udapāno acetanopi samāno sacetano viya bhoto guṇaṃ jānanto viya sayameva sabbaṃ tiṇaṃ bhusaṃ apanetvā suvisuddho jāto, sabbopi cettha ninnappadeso mahatā udakoghena paripuṇṇo ramaṇīyova jāto, udakūpajīvino sattā parituṭṭhā. Mayaṃ pana manussāpi samānā bhoto guṇe na jānimha, ye mayaṃ evaṃ akarimha, sādhu no bhavaṃ gotamo tathā karotu, yathāyaṃ mahogho imaṃ gāmaṃ na otthareyya, accayo no accagamā yathābālaṃ, taṃ no bhavaṃ gotamo accayaṃ paṭiggaṇhātu anukampaṃ upādāyā’’ti accayaṃ desesuṃ. Bhagavāpi ‘‘taggha tumhe accayo accagamā yathābālaṃ, taṃ vo mayaṃ paṭiggaṇhāma āyatiṃ saṃvarāyā’’ti tesaṃ accayaṃ paṭiggahetvā pasannacittataṃ ñatvā uttari ajjhāsayānurūpaṃ dhammaṃ desesi. Te bhagavato dhammadesanaṃ sutvā pasannacittā saraṇādīsu patiṭṭhitā bhagavantaṃ vanditvā padakkhiṇaṃ katvā pakkamiṃsu. Tesaṃ pana āgamanato puretaraṃyeva āyasmā ānando taṃ pāṭihāriyaṃ disvā acchariyabbhutacittajāto pattena pānīyaṃ ādāya bhagavato upanāmetvā taṃ pavattiṃ ārocesi. Tena vuttaṃ – ‘‘evaṃ, bhanteti kho āyasmā ānando’’tiādi.
д̇ад̇т̇а мукад̇о овамид̇ваад̇и саб̣б̣ам̣ д̇ам̣ д̇ин̣аад̣̇им̣ мукзна чад̣д̣зд̇ваа. виссанд̣̇анд̇о ман̃н̃зд̇и буб̣б̣з д̣̇ийгхараж̇ж̇угзна уд̣̇абаанзна уссин̃жид̇ваа г̇ахзд̇аб̣б̣ауд̣̇агогхо бхаг̇авад̇о бад̇д̇ам̣ г̇ахзд̇ваа т̇зрасса г̇ад̇агаалз мукзна виссанд̣̇анд̇о вияа самад̇ид̇д̇иго гаагабзяяо худ̇ваа адтааси. ид̣̇ан̃жа т̇зрасса г̇ад̇агаалз уд̣̇агаббавад̇д̇им̣ санд̇хааяа вуд̇д̇ам̣. д̇ад̇о барам̣ бана буб̣б̣з вуд̇д̇анаязна д̇асмим̣ г̇аамз сагалам̣ ниннадтаанам̣ уд̣̇агзна барибун̣н̣ам̣ ахосийд̇и. аяам̣ банид̣̇д̇хи на б̣уд̣̇д̇хаанам̣ ад̇хидтаанзна, нааби д̣̇зваанубхаавзна, ат̇а ко бхаг̇авад̇о бун̃н̃аанубхаавзна барид̇д̇ад̣̇зсанад̇т̇ам̣ рааж̇аг̇ахад̇о взсаалиг̇аманз вияа. гзжи бана ‘‘т̇уун̣зяяагаанам̣ бхаг̇авад̇и басаад̣̇аж̇ананад̇т̇ам̣ д̇зсам̣ ад̇т̇агаамаахи д̣̇звад̇аахи гад̇а’’нд̇и. абарз ‘‘уд̣̇абаанасса хздтаа васанаганааг̇арааж̇аа звамагаасий’’д̇и. саб̣б̣ам̣ д̇ам̣ агааран̣ам̣, яат̇аа бхаг̇авад̇о бун̃н̃аанубхаавзнаязва д̇ат̇аа уд̣̇агуббад̇д̇ияаа барид̣̇ийбид̇ад̇д̇аа.
Tattha mukhato ovamitvāti sabbaṃ taṃ tiṇādiṃ mukhena chaḍḍetvā. Vissandanto maññeti pubbe dīgharajjukena udapānena ussiñcitvā gahetabbaudakogho bhagavato pattaṃ gahetvā therassa gatakāle mukhena vissandanto viya samatittiko kākapeyyo hutvā aṭṭhāsi. Idañca therassa gatakāle udakappavattiṃ sandhāya vuttaṃ. Tato paraṃ pana pubbe vuttanayena tasmiṃ gāme sakalaṃ ninnaṭṭhānaṃ udakena paripuṇṇaṃ ahosīti. Ayaṃ paniddhi na buddhānaṃ adhiṭṭhānena, nāpi devānubhāvena, atha kho bhagavato puññānubhāvena parittadesanatthaṃ rājagahato vesāligamane viya. Keci pana ‘‘thūṇeyyakānaṃ bhagavati pasādajananatthaṃ tesaṃ atthakāmāhi devatāhi kata’’nti. Apare ‘‘udapānassa heṭṭhā vasanakanāgarājā evamakāsī’’ti. Sabbaṃ taṃ akāraṇaṃ, yathā bhagavato puññānubhāvenayeva tathā udakuppattiyā paridīpitattā.
зд̇амад̇т̇ам̣ вид̣̇ид̇ваад̇и зд̇ам̣ ад̇хидтаанзна винаа ад̇д̇анаа ижчид̇анибпад̇д̇исан̇каад̇ам̣ ад̇т̇ам̣ саб̣б̣аагаарад̇о вид̣̇ид̇ваа д̇ад̣̇ад̇т̇ад̣̇ийбанам̣ имам̣ уд̣̇аанам̣ уд̣̇аанзси.
Etamatthaṃ viditvāti etaṃ adhiṭṭhānena vinā attanā icchitanipphattisaṅkhātaṃ atthaṃ sabbākārato viditvā tadatthadīpanaṃ imaṃ udānaṃ udānesi.
д̇ад̇т̇а гим̣ гаяираа уд̣̇абаанзна, аабаа жз саб̣б̣ад̣̇аа сияунд̇и яасса саб̣б̣агаалам̣ саб̣б̣ад̇т̇а жа аабаа жз яад̣̇и сияум̣ яад̣̇и убалаб̣бхзяяум̣ яад̣̇и ааган̇каамад̇д̇абадиб̣ад̣̇д̇хо, д̇зсам̣ лаабхо, д̇зна уд̣̇абаанзна гим̣ гаяираа гим̣ гарзяяа, гим̣ баяож̇ананд̇и ад̇т̇о. д̇ан̣хааяа муулад̇о чзд̇ваа, гисса бариязсанам̣ жарзд̇и яааяа д̇ан̣хааяа виниб̣ад̣̇д̇хаа сад̇д̇аа агад̇абун̃н̃аа худ̇ваа ижчид̇аалаабхад̣̇угкзна вихан̃н̃анд̇и, д̇ассаа д̇ан̣хааяа муулам̣, муулз ваа чинд̣̇ид̇ваа тид̇о маад̣̇исо саб̣б̣ан̃н̃уб̣уд̣̇д̇хо гисса гзна гааран̣зна баанийяабариязсанам̣, ан̃н̃ам̣ ваа бажжаяабариязсанам̣ жарзяяа. ‘‘муулад̇о чзд̇д̇аа’’д̇иби батанд̇и, д̇ан̣хааяа муулам̣ муулзязва ваа чзд̣̇агод̇и ад̇т̇о. ат̇а ваа муулад̇о чзд̇д̇аад̇и муулад̇о бадтааяа д̇ан̣хааяа чзд̣̇аго. ид̣̇ам̣ вуд̇д̇ам̣ ход̇и – яо б̣од̇хияаа муулабхууд̇амахаабан̣ид̇хаанад̇о бадтааяа абаримид̇ам̣ сагалам̣ бун̃н̃асамбхаарам̣ ад̇д̇ано ажинд̇зд̇ваа логахид̇ад̇т̇амзва барин̣ааманавасзна барибуурзнд̇о муулад̇о бабхуд̇и д̇ан̣хааяа чзд̇д̇аа, со д̇ан̣хаахзд̇угасса ижчид̇аалаабхасса абхаавад̇о гисса гзна гааран̣зна уд̣̇агабариязсанам̣ жарзяяа, имз бана т̇уун̣зяяагаа анд̇хаб̣аалаа имам̣ гааран̣ам̣ аж̇аананд̇аа звамагам̣сууд̇и.
Tattha kiṃ kayirā udapānena, āpā ce sabbadā siyunti yassa sabbakālaṃ sabbattha ca āpā ce yadi siyuṃ yadi upalabbheyyuṃ yadi ākaṅkhāmattapaṭibaddho, tesaṃ lābho, tena udapānena kiṃ kayirā kiṃ kareyya, kiṃ payojananti attho. Taṇhāya mūlato chetvā, kissa pariyesanaṃ careti yāya taṇhāya vinibaddhā sattā akatapuññā hutvā icchitālābhadukkhena vihaññanti, tassā taṇhāya mūlaṃ, mūle vā chinditvā ṭhito mādiso sabbaññubuddho kissa kena kāraṇena pānīyapariyesanaṃ, aññaṃ vā paccayapariyesanaṃ careyya. ‘‘Mūlato chettā’’tipi paṭhanti, taṇhāya mūlaṃ mūleyeva vā chedakoti attho. Atha vā mūlato chettāti mūlato paṭṭhāya taṇhāya chedako. Idaṃ vuttaṃ hoti – yo bodhiyā mūlabhūtamahāpaṇidhānato paṭṭhāya aparimitaṃ sakalaṃ puññasambhāraṃ attano acintetvā lokahitatthameva pariṇāmanavasena paripūrento mūlato pabhuti taṇhāya chettā, so taṇhāhetukassa icchitālābhassa abhāvato kissa kena kāraṇena udakapariyesanaṃ careyya, ime pana thūṇeyyakā andhabālā imaṃ kāraṇaṃ ajānantā evamakaṃsūti.
навамасуд̇д̇аван̣н̣анаа нидтид̇аа.
Navamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / уд̣̇аанабаал̣и • Udānapāḷi / 9. уд̣̇абаанасуд̇д̇ам̣ • 9. Udapānasuttaṃ
