| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
2. уд̣̇арасам̣яад̇абан̃хо
2. Udarasaṃyatapañho
2. ‘‘бханд̇з нааг̇асзна, бхаасид̇амбзд̇ам̣ бхаг̇авад̇аа –
2. ‘‘Bhante nāgasena, bhāsitampetaṃ bhagavatā –
‘‘‘уд̇д̇идтз наббамаж̇ж̇зяяа, уд̣̇арз сам̣яад̇о сияаа’д̇и.
‘‘‘Uttiṭṭhe nappamajjeyya, udare saṃyato siyā’ti.
‘‘буна жа бхаг̇авад̇аа бхан̣ид̇ам̣ ‘ахам̣ ко бануд̣̇ааяи, аббзгад̣̇аа иминаа бад̇д̇зна самад̇ид̇д̇игамби бхун̃ж̇аами, бхияяоби бхун̃ж̇аамий’д̇и. яад̣̇и, бханд̇з нааг̇асзна, бхаг̇авад̇аа бхан̣ид̇ам̣ ‘уд̇д̇идтз наббамаж̇ж̇зяяа, уд̣̇арз сам̣яад̇о сияаа’д̇и, д̇зна хи ‘ахам̣ ко бануд̣̇ааяи, аббзгад̣̇аа иминаа бад̇д̇зна самад̇ид̇т̇игамби бхун̃ж̇аами, бхияяоби бхун̃ж̇аамий’д̇и яам̣ важанам̣, д̇ам̣ мижчаа. яад̣̇и д̇ат̇ааг̇ад̇зна бхан̣ид̇ам̣ ‘ахам̣ ко бануд̣̇ааяи, аббзгад̣̇аа иминаа бад̇д̇зна самад̇ид̇т̇игамби бхун̃ж̇аами, бхияяоби бхун̃ж̇аамий’д̇и, д̇зна хи ‘уд̇д̇идтз наббамаж̇ж̇зяяа, уд̣̇арз сам̣яад̇о сияаа’д̇и д̇амби важанам̣ мижчаа. аяамби убхад̇о годиго бан̃хо д̇аваануббад̇д̇о, со д̇аяаа ниб̣б̣аахид̇аб̣б̣о’’д̇и.
‘‘Puna ca bhagavatā bhaṇitaṃ ‘ahaṃ kho panudāyi, appekadā iminā pattena samatittikampi bhuñjāmi, bhiyyopi bhuñjāmī’ti. Yadi, bhante nāgasena, bhagavatā bhaṇitaṃ ‘uttiṭṭhe nappamajjeyya, udare saṃyato siyā’ti, tena hi ‘ahaṃ kho panudāyi, appekadā iminā pattena samatitthikampi bhuñjāmi, bhiyyopi bhuñjāmī’ti yaṃ vacanaṃ, taṃ micchā. Yadi tathāgatena bhaṇitaṃ ‘ahaṃ kho panudāyi, appekadā iminā pattena samatitthikampi bhuñjāmi, bhiyyopi bhuñjāmī’ti, tena hi ‘uttiṭṭhe nappamajjeyya, udare saṃyato siyā’ti tampi vacanaṃ micchā. Ayampi ubhato koṭiko pañho tavānuppatto, so tayā nibbāhitabbo’’ti.
‘‘бхаасид̇амбзд̇ам̣, махаарааж̇а, бхаг̇авад̇аа ‘уд̇д̇идтз наббамаж̇ж̇зяяа, уд̣̇арз сам̣яад̇о сияаа’д̇и, бхан̣ид̇ан̃жа ‘ахам̣ ко бануд̣̇ааяи, аббзгад̣̇аа иминаа бад̇д̇зна самад̇ид̇д̇игамби бхун̃ж̇аами, бхияяоби бхун̃ж̇аамий’д̇и . яам̣, махаарааж̇а, бхаг̇авад̇аа бхан̣ид̇ам̣ ‘уд̇д̇идтз наббамаж̇ж̇зяяа, уд̣̇арз сам̣яад̇о сияаа’д̇и, д̇ам̣ сабхаававажанам̣ асзсаважанам̣ ниссзсаважанам̣ ниббарияааяаважанам̣ бхууд̇аважанам̣ д̇ажчаважанам̣ яаат̇аававажанам̣ авибарийд̇аважанам̣ исиважанам̣ муниважанам̣ бхаг̇аванд̇аважанам̣ араханд̇аважанам̣ бажжзгаб̣уд̣̇д̇хаважанам̣ ж̇инаважанам̣ саб̣б̣ан̃н̃уважанам̣ д̇ат̇ааг̇ад̇асса арахад̇о саммаасамб̣уд̣̇д̇хасса важанам̣.
‘‘Bhāsitampetaṃ, mahārāja, bhagavatā ‘uttiṭṭhe nappamajjeyya, udare saṃyato siyā’ti, bhaṇitañca ‘ahaṃ kho panudāyi, appekadā iminā pattena samatittikampi bhuñjāmi, bhiyyopi bhuñjāmī’ti . Yaṃ, mahārāja, bhagavatā bhaṇitaṃ ‘uttiṭṭhe nappamajjeyya, udare saṃyato siyā’ti, taṃ sabhāvavacanaṃ asesavacanaṃ nissesavacanaṃ nippariyāyavacanaṃ bhūtavacanaṃ tacchavacanaṃ yāthāvavacanaṃ aviparītavacanaṃ isivacanaṃ munivacanaṃ bhagavantavacanaṃ arahantavacanaṃ paccekabuddhavacanaṃ jinavacanaṃ sabbaññuvacanaṃ tathāgatassa arahato sammāsambuddhassa vacanaṃ.
‘‘уд̣̇арз асам̣яад̇о, махаарааж̇а, баан̣амби ханад̇и, ад̣̇иннамби аад̣̇ияад̇и, барад̣̇аарамби г̇ажчад̇и, мусааби бхан̣ад̇и, маж̇ж̇амби бивад̇и, маад̇арамби ж̇ийвид̇аа воробзд̇и, бид̇арамби ж̇ийвид̇аа воробзд̇и, араханд̇амби ж̇ийвид̇аа воробзд̇и, сан̇гхамби бхинд̣̇ад̇и, д̣̇удтзна жид̇д̇зна д̇ат̇ааг̇ад̇асса лохид̇амби уббаад̣̇зд̇и. нану, махаарааж̇а, д̣̇звад̣̇ад̇д̇о уд̣̇арз асам̣яад̇о сан̇гхам̣ бхинд̣̇ид̇ваа габбадтияам̣ гаммам̣ ааяуухи 1. зваруубаани, махаарааж̇а, ан̃н̃ааниби б̣ахувид̇хаани гааран̣аани д̣̇исваа бхаг̇авад̇аа бхан̣ид̇ам̣ ‘уд̇д̇идтз наббамаж̇ж̇зяяа, уд̣̇арз сам̣яад̇о сияаа’д̇и.
‘‘Udare asaṃyato, mahārāja, pāṇampi hanati, adinnampi ādiyati, paradārampi gacchati, musāpi bhaṇati, majjampi pivati, mātarampi jīvitā voropeti, pitarampi jīvitā voropeti, arahantampi jīvitā voropeti, saṅghampi bhindati, duṭṭhena cittena tathāgatassa lohitampi uppādeti. Nanu, mahārāja, devadatto udare asaṃyato saṅghaṃ bhinditvā kappaṭṭhiyaṃ kammaṃ āyūhi 2. Evarūpāni, mahārāja, aññānipi bahuvidhāni kāraṇāni disvā bhagavatā bhaṇitaṃ ‘uttiṭṭhe nappamajjeyya, udare saṃyato siyā’ti.
‘‘уд̣̇арз сам̣яад̇о, махаарааж̇а, жад̇усажжаабхисамаяам̣ абхисамзд̇и, жад̇д̇аари сааман̃н̃апалаани сажчигарод̇и, жад̇уусу бадисамбхид̣̇аасу адтасу самаабад̇д̇ийсу часу абхин̃н̃аасу васийбхаавам̣ баабун̣аад̇и, гзвалан̃жа саман̣ад̇хаммам̣ буурзд̇и. нану, махаарааж̇а, сугабод̇аго уд̣̇арз сам̣яад̇о худ̇ваа яаава д̇аавад̇им̣сабхаванам̣ гамбзд̇ваа саггам̣ д̣̇зваанаминд̣̇ам̣ убадтаанамубанзси, зваруубаани, махаарааж̇а, ан̃н̃ааниби б̣ахувид̇хаани гааран̣аани д̣̇исваа бхаг̇авад̇аа бхан̣ид̇ам̣ ‘уд̇д̇идтз наббамаж̇ж̇зяяа, уд̣̇арз сам̣яад̇о сияаа’д̇и.
‘‘Udare saṃyato, mahārāja, catusaccābhisamayaṃ abhisameti, cattāri sāmaññaphalāni sacchikaroti, catūsu paṭisambhidāsu aṭṭhasu samāpattīsu chasu abhiññāsu vasībhāvaṃ pāpuṇāti, kevalañca samaṇadhammaṃ pūreti. Nanu, mahārāja, sukapotako udare saṃyato hutvā yāva tāvatiṃsabhavanaṃ kampetvā sakkaṃ devānamindaṃ upaṭṭhānamupanesi, evarūpāni, mahārāja, aññānipi bahuvidhāni kāraṇāni disvā bhagavatā bhaṇitaṃ ‘uttiṭṭhe nappamajjeyya, udare saṃyato siyā’ti.
‘‘яам̣ бана, махаарааж̇а, бхаг̇авад̇аа бхан̣ид̇ам̣ ‘ахам̣ ко бануд̣̇ааяи аббзгад̣̇аа иминаа бад̇д̇зна самад̇ид̇д̇игамби бхун̃ж̇аами, бхияяоби бхун̃ж̇аамий’д̇и, д̇ам̣ гад̇агижжзна нидтид̇агириязна сид̣̇д̇хад̇т̇зна вусид̇авосаанзна нирааваран̣зна саб̣б̣ан̃н̃унаа саяамбхунаа д̇ат̇ааг̇ад̇зна ад̇д̇аанам̣ убаад̣̇ааяа бхан̣ид̇ам̣.
‘‘Yaṃ pana, mahārāja, bhagavatā bhaṇitaṃ ‘ahaṃ kho panudāyi appekadā iminā pattena samatittikampi bhuñjāmi, bhiyyopi bhuñjāmī’ti, taṃ katakiccena niṭṭhitakiriyena siddhatthena vusitavosānena nirāvaraṇena sabbaññunā sayambhunā tathāgatena attānaṃ upādāya bhaṇitaṃ.
‘‘яат̇аа, махаарааж̇а, ванд̇асса вирид̇д̇асса ануваасид̇асса аад̇урасса саббааяагирияаа ижчид̇аб̣б̣аа ход̇и, звамзва ко, махаарааж̇а, сагилзсасса ад̣̇идтасажжасса уд̣̇арз сам̣яамо гаран̣ийяо ход̇и. яат̇аа, махаарааж̇а, ман̣ирад̇анасса саббабхаасасса ж̇аад̇иманд̇асса абхиж̇аад̇ибарисуд̣̇д̇хасса маж̇ж̇ананигхам̣санабарисод̇ханзна гаран̣ийяам̣ на ход̇и, звамзва ко, махаарааж̇а, д̇ат̇ааг̇ад̇асса б̣уд̣̇д̇хависаяз баарамим̣ г̇ад̇асса гирияаагаран̣зсу ааваран̣ам̣ на ход̇ий’’д̇и. ‘‘саад̇ху, бханд̇з нааг̇асзна, звамзд̇ам̣ д̇ат̇аа самбадижчаамий’’д̇и.
‘‘Yathā, mahārāja, vantassa virittassa anuvāsitassa āturassa sappāyakiriyā icchitabbā hoti, evameva kho, mahārāja, sakilesassa adiṭṭhasaccassa udare saṃyamo karaṇīyo hoti. Yathā, mahārāja, maṇiratanassa sappabhāsassa jātimantassa abhijātiparisuddhassa majjananighaṃsanaparisodhanena karaṇīyaṃ na hoti, evameva kho, mahārāja, tathāgatassa buddhavisaye pāramiṃ gatassa kiriyākaraṇesu āvaraṇaṃ na hotī’’ti. ‘‘Sādhu, bhante nāgasena, evametaṃ tathā sampaṭicchāmī’’ti.
уд̣̇арасам̣яад̇абан̃хо д̣̇уд̇ияо.
Udarasaṃyatapañho dutiyo.
Footnotes:
