| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
6. уд̣̇аяаб̣б̣аяан̃аан̣анид̣̇д̣̇зсаван̣н̣анаа
6. Udayabbayañāṇaniddesavaṇṇanā
49. ид̣̇аани ананд̇арам̣ вуд̇д̇асса саммасанан̃аан̣асса наанаанаязхи бхааванаат̇ирагаран̣зна баарам̣ г̇анд̇ваа тид̇зна анижжаад̣̇ид̇о д̣̇идтз сан̇каарз уд̣̇аяаб̣б̣аязна барижчинд̣̇ид̇ваа анижжаад̣̇ид̇о вибассанад̇т̇ам̣ вуд̇д̇асса уд̣̇аяаб̣б̣аяаанубассанаан̃аан̣асса нид̣̇д̣̇зсз ж̇аад̇ам̣ руубанд̇иаад̣̇ийсу санд̇ад̇ивасзна яат̇аасагам̣ бажжаязхи ниб̣б̣ад̇д̇ам̣ руубам̣. д̇асса ж̇аад̇асса руубасса ниб̣б̣ад̇д̇илагкан̣ам̣ ж̇аад̇им̣ уббаад̣̇ам̣ абхинаваагаарам̣ уд̣̇аяод̇и, вибарин̣аамалагкан̣ам̣ каяам̣ бхан̇г̇ам̣ ваяод̇и, анубассанаа бунаббунам̣ нисааманаа, уд̣̇аяаб̣б̣аяа анубассанаан̃аан̣анд̇и ад̇т̇о. взд̣̇анаад̣̇ийсуби зсзва наяо. ж̇аад̇иж̇араамаран̣аванд̇аанам̣язва уд̣̇аяаб̣б̣аяасса бариг̇г̇ахзд̇аб̣б̣ад̇д̇аа ж̇аад̇иж̇араамаран̣аанам̣ уд̣̇аяаб̣б̣аяаабхаавад̇о ж̇аад̇иж̇араамаран̣ам̣ анаамасид̇ваа ж̇аад̇ам̣ жагку…бз… ж̇аад̇о бхавод̇и бзяяаалам̣ гад̇ам̣. со звам̣ бан̃жаннам̣ канд̇хаанам̣ уд̣̇аяаб̣б̣аяам̣ бассанд̇о звам̣ ж̇аанаад̇и ‘‘имзсам̣ канд̇хаанам̣ уббад̇д̇ид̇о буб̣б̣з ануббаннаанам̣ рааси ваа нижаяо ваа над̇т̇и, уббаж̇ж̇амаанаанамби раасид̇о ваа нижаяад̇о ваа ааг̇аманам̣ наама над̇т̇и, нируж̇жхамаанаанамби д̣̇исаавид̣̇исааг̇аманам̣ наама над̇т̇и, нируд̣̇д̇хаанамби згасмим̣ таанз раасид̇о нижаяад̇о нид̇хаанад̇о авадтаанам̣ наама над̇т̇и. яат̇аа бана вийн̣ааяа ваад̣̇ияамаанааяа уббаннасса сад̣̇д̣̇асса нзва уббад̇д̇ид̇о буб̣б̣з саннижаяо ад̇т̇и, на уббаж̇ж̇амаано саннижаяад̇о ааг̇ад̇о, на нируж̇жхамаанасса д̣̇исаавид̣̇исааг̇аманам̣ ад̇т̇и, на нируд̣̇д̇хо гад̇т̇ажи саннижид̇о д̇идтад̇и, ат̇а ко вийн̣ан̃жа убавийн̣ан̃жа бурисасса жа д̇аж̇ж̇ам̣ вааяаамам̣ бадижжа ахуд̇ваа самбход̇и, худ̇ваа бадивзд̇и, звам̣ саб̣б̣зби руубааруубино д̇хаммаа ахуд̇ваа самбхонд̇и, худ̇ваа бадивзнд̇ий’’д̇и.
49. Idāni anantaraṃ vuttassa sammasanañāṇassa nānānayehi bhāvanāthirakaraṇena pāraṃ gantvā ṭhitena aniccādito diṭṭhe saṅkhāre udayabbayena paricchinditvā aniccādito vipassanatthaṃ vuttassa udayabbayānupassanāñāṇassa niddese jātaṃ rūpantiādīsu santativasena yathāsakaṃ paccayehi nibbattaṃ rūpaṃ. Tassa jātassa rūpassa nibbattilakkhaṇaṃ jātiṃ uppādaṃ abhinavākāraṃ udayoti, vipariṇāmalakkhaṇaṃ khayaṃ bhaṅgaṃ vayoti, anupassanā punappunaṃ nisāmanā, udayabbaya anupassanāñāṇanti attho. Vedanādīsupi eseva nayo. Jātijarāmaraṇavantānaṃyeva udayabbayassa pariggahetabbattā jātijarāmaraṇānaṃ udayabbayābhāvato jātijarāmaraṇaṃ anāmasitvā jātaṃ cakkhu…pe… jāto bhavoti peyyālaṃ kataṃ. So evaṃ pañcannaṃ khandhānaṃ udayabbayaṃ passanto evaṃ jānāti ‘‘imesaṃ khandhānaṃ uppattito pubbe anuppannānaṃ rāsi vā nicayo vā natthi, uppajjamānānampi rāsito vā nicayato vā āgamanaṃ nāma natthi, nirujjhamānānampi disāvidisāgamanaṃ nāma natthi, niruddhānampi ekasmiṃ ṭhāne rāsito nicayato nidhānato avaṭṭhānaṃ nāma natthi. Yathā pana vīṇāya vādiyamānāya uppannassa saddassa neva uppattito pubbe sannicayo atthi, na uppajjamāno sannicayato āgato, na nirujjhamānassa disāvidisāgamanaṃ atthi, na niruddho katthaci sannicito tiṭṭhati, atha kho vīṇañca upavīṇañca purisassa ca tajjaṃ vāyāmaṃ paṭicca ahutvā sambhoti, hutvā paṭiveti, evaṃ sabbepi rūpārūpino dhammā ahutvā sambhonti, hutvā paṭiventī’’ti.
50. звам̣ сан̇кзбад̇о уд̣̇аяаб̣б̣аяад̣̇ассанам̣ д̣̇ассзд̇ваа ид̣̇аани вид̇т̇аарад̇о д̣̇ассзд̇ум̣ бан̃жаннам̣ канд̇хаанам̣ уд̣̇аяам̣ бассанд̇о гад̇и лагкан̣аани бассад̇ийд̇иаад̣̇ийхи раасид̇о г̇ан̣анам̣ бужчид̇ваа, бан̃жаннам̣ канд̇хаанам̣ уд̣̇аяам̣ бассанд̇о бан̃жавийсад̇и лагкан̣аани бассад̇ийд̇иаад̣̇ийхи раасид̇ова г̇ан̣анам̣ виссаж̇ж̇зд̇ваа, буна руубагканд̇хасса уд̣̇аяам̣ бассанд̇о гад̇и лагкан̣аани бассад̇ийд̇иаад̣̇ийхи вибхааг̇ад̇о г̇ан̣анам̣ бужчид̇ваа руубагканд̇хасса уд̣̇аяам̣ бассанд̇о бан̃жа лагкан̣аани бассад̇ийд̇иаад̣̇ийхи вибхааг̇ад̇о г̇ан̣анам̣ виссаж̇ж̇зд̇ваа, буна руубагканд̇хасса уд̣̇аяам̣ бассанд̇о гад̇амаани бан̃жа лагкан̣аани бассад̇ийд̇иаад̣̇ийхи лагкан̣авибхааг̇ам̣ бужчид̇ваа виссаж̇ж̇анам̣ гад̇ам̣.
50. Evaṃ saṅkhepato udayabbayadassanaṃ dassetvā idāni vitthārato dassetuṃ pañcannaṃ khandhānaṃ udayaṃ passanto kati lakkhaṇāni passatītiādīhi rāsito gaṇanaṃ pucchitvā, pañcannaṃ khandhānaṃ udayaṃ passanto pañcavīsati lakkhaṇāni passatītiādīhi rāsitova gaṇanaṃ vissajjetvā, puna rūpakkhandhassa udayaṃ passanto kati lakkhaṇāni passatītiādīhi vibhāgato gaṇanaṃ pucchitvā rūpakkhandhassa udayaṃ passanto pañca lakkhaṇāni passatītiādīhi vibhāgato gaṇanaṃ vissajjetvā, puna rūpakkhandhassa udayaṃ passanto katamāni pañca lakkhaṇāni passatītiādīhi lakkhaṇavibhāgaṃ pucchitvā vissajjanaṃ kataṃ.
д̇ад̇т̇а авиж̇ж̇аасамуд̣̇аяаа руубасамуд̣̇аяод̇и ‘‘буримагаммабхавасмим̣ мохо авиж̇ж̇аа’’д̇и вуд̇д̇ааяа авиж̇ж̇ааяа сад̇и имасмим̣ бхавз руубасса уббаад̣̇о ход̇ийд̇и ад̇т̇о. бажжаяасамуд̣̇аяадтзнаад̇и бажжаяасса уббаннабхаавзнаад̇и ад̇т̇о. авиж̇ж̇аад̇ан̣хаагаммаани жзд̇т̇а ид̇ха бадисанд̇хихзд̇убхууд̇аа ад̇ийд̇абажжаяаа . имзсу жа д̇ийсу г̇ахид̇зсу сан̇каарубаад̣̇аанаани г̇ахид̇аанзва хонд̇и. аахаарасамуд̣̇аяаад̇и бавад̇д̇ибажжаязсу габ̣ал̣ийгаараахаарасса б̣алавад̇д̇аа соязва г̇ахид̇о. д̇асмим̣ бана г̇ахид̇з бавад̇д̇ихзд̇убхууд̇аани уд̇ужид̇д̇ааниби г̇ахид̇аанзва хонд̇и. ниб̣б̣ад̇д̇илагкан̣анд̇и ад̣̇д̇хаасанд̇ад̇икан̣авасзна руубасса уббаад̣̇ам̣, уббаад̣̇оязва сан̇кад̇алагкан̣ад̇д̇аа лагкан̣анд̇и жа вуд̇д̇о. бан̃жа лагкан̣аанийд̇и авиж̇ж̇аа д̇ан̣хаа гаммаахаараа ниб̣б̣ад̇д̇и жаад̇и имаани бан̃жа лагкан̣аани. авиж̇ж̇аад̣̇аяоби хи руубасса уд̣̇аяо лагкийяад̇и зд̇зхийд̇и лагкан̣аани. ниб̣б̣ад̇д̇и бана сан̇кад̇алагкан̣амзва, д̇амби сан̇кад̇анд̇и лагкийяад̇и зд̇знаад̇и лагкан̣ам̣.
Tattha avijjāsamudayā rūpasamudayoti ‘‘purimakammabhavasmiṃ moho avijjā’’ti vuttāya avijjāya sati imasmiṃ bhave rūpassa uppādo hotīti attho. Paccayasamudayaṭṭhenāti paccayassa uppannabhāvenāti attho. Avijjātaṇhākammāni cettha idha paṭisandhihetubhūtā atītapaccayā . Imesu ca tīsu gahitesu saṅkhārupādānāni gahitāneva honti. Āhārasamudayāti pavattipaccayesu kabaḷīkārāhārassa balavattā soyeva gahito. Tasmiṃ pana gahite pavattihetubhūtāni utucittānipi gahitāneva honti. Nibbattilakkhaṇanti addhāsantatikhaṇavasena rūpassa uppādaṃ, uppādoyeva saṅkhatalakkhaṇattā lakkhaṇanti ca vutto. Pañca lakkhaṇānīti avijjā taṇhā kammāhārā nibbatti cāti imāni pañca lakkhaṇāni. Avijjādayopi hi rūpassa udayo lakkhīyati etehīti lakkhaṇāni. Nibbatti pana saṅkhatalakkhaṇameva, tampi saṅkhatanti lakkhīyati etenāti lakkhaṇaṃ.
авиж̇ж̇аанирод̇хаа руубанирод̇ход̇и анааг̇ад̇абхавасса бажжаяабхууд̇ааяа имасмим̣ бхавз авиж̇ж̇ааяа арахад̇д̇амаг̇г̇ан̃аан̣зна нирод̇хз гад̇з бажжаяаабхааваа анааг̇ад̇асса руубасса ануббаад̣̇о нирод̇хо ход̇ийд̇и ад̇т̇о. бажжаяанирод̇хадтзнаад̇и бажжаяасса нируд̣̇д̇хабхаавзнаад̇и ад̇т̇о. нирод̇хо жзд̇т̇а анааг̇ад̇абадисанд̇хибажжаяаанам̣ ид̇ха авиж̇ж̇аад̇ан̣хаагаммаанам̣язва нирод̇хо. аахааранирод̇хаа руубанирод̇ход̇и бавад̇д̇ибажжаяасса габ̣ал̣ийгаараахаарасса абхаавз д̇ам̣самудтаанаруубаабхааво ход̇и. вибарин̣аамалагкан̣анд̇и ад̣̇д̇хаасанд̇ад̇икан̣авасзна руубасса бхан̇г̇ам̣, бхан̇г̇оязва сан̇кад̇алагкан̣ад̇д̇аа лагкан̣анд̇и вуд̇д̇о. ид̇ха бан̃жа лагкан̣аанийд̇и авиж̇ж̇аад̇ан̣хаагаммаахаараанам̣ абхааванирод̇хаа жад̇д̇аари, вибарин̣аамо зганд̇и бан̃жа. зса наяо взд̣̇анаагкант̇аад̣̇ийсу. аяам̣ бана висзсо – аруубагканд̇хаанам̣ уд̣̇аяаб̣б̣аяад̣̇ассанам̣ ад̣̇д̇хаасанд̇ад̇ивасзна, на кан̣авасзна. пассо взд̣̇анаасан̃н̃аасан̇каарагканд̇хаанам̣ бавад̇д̇ибажжаяо, д̇ам̣нирод̇хаа жа д̇зсам̣ нирод̇хо. наамаруубам̣ вин̃н̃аан̣агканд̇хасса бавад̇д̇ибажжаяо, д̇ам̣нирод̇хаа жа д̇асса нирод̇ход̇и.
Avijjānirodhā rūpanirodhoti anāgatabhavassa paccayabhūtāya imasmiṃ bhave avijjāya arahattamaggañāṇena nirodhe kate paccayābhāvā anāgatassa rūpassa anuppādo nirodho hotīti attho. Paccayanirodhaṭṭhenāti paccayassa niruddhabhāvenāti attho. Nirodho cettha anāgatapaṭisandhipaccayānaṃ idha avijjātaṇhākammānaṃyeva nirodho. Āhāranirodhā rūpanirodhoti pavattipaccayassa kabaḷīkārāhārassa abhāve taṃsamuṭṭhānarūpābhāvo hoti. Vipariṇāmalakkhaṇanti addhāsantatikhaṇavasena rūpassa bhaṅgaṃ, bhaṅgoyeva saṅkhatalakkhaṇattā lakkhaṇanti vutto. Idha pañca lakkhaṇānīti avijjātaṇhākammāhārānaṃ abhāvanirodhā cattāri, vipariṇāmo ekanti pañca. Esa nayo vedanākkhanthādīsu. Ayaṃ pana viseso – arūpakkhandhānaṃ udayabbayadassanaṃ addhāsantativasena, na khaṇavasena. Phasso vedanāsaññāsaṅkhārakkhandhānaṃ pavattipaccayo, taṃnirodhā ca tesaṃ nirodho. Nāmarūpaṃ viññāṇakkhandhassa pavattipaccayo, taṃnirodhā ca tassa nirodhoti.
гзжи банааху – ‘‘жад̇уд̇хаа бажжаяад̇о уд̣̇аяаб̣б̣аяад̣̇ассанз ад̇ийд̇аад̣̇ивибхааг̇ам̣ анаамасид̇ваава саб̣б̣асааман̃н̃авасзна авиж̇ж̇аад̣̇ийхи уд̣̇зд̇ийд̇и уббаж̇ж̇амаанабхаавамад̇д̇ам̣ г̇ан̣хаад̇и, на уббаад̣̇ам̣. авиж̇ж̇аад̣̇инирод̇хаа нируж̇ж̇ад̇ийд̇и ануббаж̇ж̇амаанабхаавамад̇д̇ам̣ г̇ан̣хаад̇и, на бхан̇г̇ам̣. кан̣ад̇о уд̣̇аяаб̣б̣аяад̣̇ассанз бажжуббаннаанам̣ уббаад̣̇ам̣ бхан̇г̇ам̣ г̇ан̣хаад̇ий’’д̇и.
Keci panāhu – ‘‘catudhā paccayato udayabbayadassane atītādivibhāgaṃ anāmasitvāva sabbasāmaññavasena avijjādīhi udetīti uppajjamānabhāvamattaṃ gaṇhāti, na uppādaṃ. Avijjādinirodhā nirujjatīti anuppajjamānabhāvamattaṃ gaṇhāti, na bhaṅgaṃ. Khaṇato udayabbayadassane paccuppannānaṃ uppādaṃ bhaṅgaṃ gaṇhātī’’ti.
вибассамаано бана вибассаго батамам̣ бажжаяад̇о уд̣̇аяаб̣б̣аяам̣ манасигарид̇ваа вибассанаагаалз авиж̇ж̇аад̣̇игз жад̇уро д̇хаммз виссаж̇ж̇зд̇ваа уд̣̇аяаб̣б̣аяаванд̇зязва канд̇хз г̇ахзд̇ваа д̇зсам̣ уд̣̇аяаб̣б̣аяам̣ бассад̇и, зван̃жа д̇асса вибассагасса ‘‘звам̣ руубаад̣̇ийнам̣ уд̣̇аяо, звам̣ ваяо, звам̣ руубаад̣̇аяо уд̣̇знд̇и, звам̣ взнд̇ий’’д̇и бажжаяад̇о жа кан̣ад̇о жа вид̇т̇аарзна уд̣̇аяаб̣б̣аяам̣ бассад̇о ‘‘ид̇и гира имз д̇хаммаа ахуд̇ваа самбхонд̇и, худ̇ваа бадивзнд̇ий’’д̇и н̃аан̣ам̣ висад̣̇ад̇арам̣ ход̇и, сажжабадижжасамуббаад̣̇анаяалагкан̣абхзд̣̇аа баагадаа хонд̇и . яан̃хи со авиж̇ж̇аад̣̇исамуд̣̇аяаа канд̇хаанам̣ самуд̣̇аяам̣ авиж̇ж̇аад̣̇инирод̇хаа жа канд̇хаанам̣ нирод̇хам̣ бассад̇и, ид̣̇амасса бажжаяад̇о уд̣̇аяаб̣б̣аяад̣̇ассанам̣. яам̣ бана ниб̣б̣ад̇д̇илагкан̣авибарин̣аамалагкан̣аани бассанд̇о канд̇хаанам̣ уд̣̇аяаб̣б̣аяам̣ бассад̇и, ид̣̇амасса кан̣ад̇о уд̣̇аяаб̣б̣аяад̣̇ассанам̣. уббад̇д̇игкан̣зязва хи ниб̣б̣ад̇д̇илагкан̣ам̣, бхан̇г̇агкан̣з жа вибарин̣аамалагкан̣ам̣.
Vipassamāno pana vipassako paṭhamaṃ paccayato udayabbayaṃ manasikaritvā vipassanākāle avijjādike caturo dhamme vissajjetvā udayabbayavanteyeva khandhe gahetvā tesaṃ udayabbayaṃ passati, evañca tassa vipassakassa ‘‘evaṃ rūpādīnaṃ udayo, evaṃ vayo, evaṃ rūpādayo udenti, evaṃ ventī’’ti paccayato ca khaṇato ca vitthārena udayabbayaṃ passato ‘‘iti kira ime dhammā ahutvā sambhonti, hutvā paṭiventī’’ti ñāṇaṃ visadataraṃ hoti, saccapaṭiccasamuppādanayalakkhaṇabhedā pākaṭā honti . Yañhi so avijjādisamudayā khandhānaṃ samudayaṃ avijjādinirodhā ca khandhānaṃ nirodhaṃ passati, idamassa paccayato udayabbayadassanaṃ. Yaṃ pana nibbattilakkhaṇavipariṇāmalakkhaṇāni passanto khandhānaṃ udayabbayaṃ passati, idamassa khaṇato udayabbayadassanaṃ. Uppattikkhaṇeyeva hi nibbattilakkhaṇaṃ, bhaṅgakkhaṇe ca vipariṇāmalakkhaṇaṃ.
ижжассзвам̣ бажжаяад̇о жзва кан̣ад̇о жа д̣̇взд̇хаа уд̣̇аяаб̣б̣аяам̣ бассад̇о бажжаяад̇о уд̣̇аяад̣̇ассанзна самуд̣̇аяасажжам̣ баагадам̣ ход̇и ж̇анагааваб̣од̇хад̇о. кан̣ад̇о уд̣̇аяад̣̇ассанзна д̣̇угкасажжам̣ баагадам̣ ход̇и ж̇аад̇ид̣̇угкааваб̣од̇хад̇о. бажжаяад̇о ваяад̣̇ассанзна нирод̇хасажжам̣ баагадам̣ ход̇и бажжаяаануббаад̣̇зна бажжаяавад̇ам̣ ануббаад̣̇ааваб̣од̇хад̇о. кан̣ад̇о ваяад̣̇ассанзна д̣̇угкасажжамзва баагадам̣ ход̇и маран̣ад̣̇угкааваб̣од̇хад̇о. яан̃жасса уд̣̇аяаб̣б̣аяад̣̇ассанам̣, маг̇г̇овааяам̣ логигод̇и маг̇г̇асажжам̣ баагадам̣ ход̇и д̇ад̇ра саммохавигхаад̇ад̇о.
Iccassevaṃ paccayato ceva khaṇato ca dvedhā udayabbayaṃ passato paccayato udayadassanena samudayasaccaṃ pākaṭaṃ hoti janakāvabodhato. Khaṇato udayadassanena dukkhasaccaṃ pākaṭaṃ hoti jātidukkhāvabodhato. Paccayato vayadassanena nirodhasaccaṃ pākaṭaṃ hoti paccayānuppādena paccayavataṃ anuppādāvabodhato. Khaṇato vayadassanena dukkhasaccameva pākaṭaṃ hoti maraṇadukkhāvabodhato. Yañcassa udayabbayadassanaṃ, maggovāyaṃ lokikoti maggasaccaṃ pākaṭaṃ hoti tatra sammohavighātato.
бажжаяад̇о жасса уд̣̇аяад̣̇ассанзна ануломо бадижжасамуббаад̣̇о баагадо ход̇и ‘‘имасмим̣ сад̇и ид̣̇ам̣ ход̇ий’’д̇и (ма. ни. 1.404; сам̣. ни. 2.21; уд̣̇аа. 1) аваб̣од̇хад̇о. бажжаяад̇о ваяад̣̇ассанзна бадиломо бадижжасамуббаад̣̇о баагадо ход̇и ‘‘имасса нирод̇хаа ид̣̇ам̣ нируж̇жхад̇ий’’д̇и (ма. ни. 1.406; сам̣. ни. 2.21; уд̣̇аа. 2) аваб̣од̇хад̇о. кан̣ад̇о бана уд̣̇аяаб̣б̣аяад̣̇ассанзна бадижжасамуббаннаа д̇хаммаа баагадаа хонд̇и сан̇кад̇алагкан̣ааваб̣од̇хад̇о. уд̣̇аяаб̣б̣аяаванд̇о хи сан̇кад̇аа, д̇з жа бадижжасамуббаннаад̇и.
Paccayato cassa udayadassanena anulomo paṭiccasamuppādo pākaṭo hoti ‘‘imasmiṃ sati idaṃ hotī’’ti (ma. ni. 1.404; saṃ. ni. 2.21; udā. 1) avabodhato. Paccayato vayadassanena paṭilomo paṭiccasamuppādo pākaṭo hoti ‘‘imassa nirodhā idaṃ nirujjhatī’’ti (ma. ni. 1.406; saṃ. ni. 2.21; udā. 2) avabodhato. Khaṇato pana udayabbayadassanena paṭiccasamuppannā dhammā pākaṭā honti saṅkhatalakkhaṇāvabodhato. Udayabbayavanto hi saṅkhatā, te ca paṭiccasamuppannāti.
бажжаяад̇о жасса уд̣̇аяад̣̇ассанзна згад̇д̇анаяо баагадо ход̇и хзд̇упаласамб̣анд̇хзна санд̇аанасса анубажчзд̣̇ааваб̣од̇хад̇о. ат̇а судтуд̇арам̣ ужчзд̣̇ад̣̇идтим̣ баж̇ахад̇и. кан̣ад̇о уд̣̇аяад̣̇ассанзна наанад̇д̇анаяо баагадо ход̇и наванаваанам̣ уббаад̣̇ааваб̣од̇хад̇о. ат̇а судтуд̇арам̣ сассад̇ад̣̇идтим̣ баж̇ахад̇и. бажжаяад̇о жасса уд̣̇аяаб̣б̣аяад̣̇ассанзна аб̣яаабааранаяо баагадо ход̇и д̇хаммаанам̣ авасавад̇д̇ибхаавааваб̣од̇хад̇о. ат̇а судтуд̇арам̣ ад̇д̇ад̣̇идтим̣ баж̇ахад̇и. бажжаяад̇о бана уд̣̇аяад̣̇ассанзна звам̣д̇хаммад̇аанаяо баагадо ход̇и бажжаяаануруубзна палассуббаад̣̇ааваб̣од̇хад̇о. ат̇а судтуд̇арам̣ агирияад̣̇идтим̣ баж̇ахад̇и.
Paccayato cassa udayadassanena ekattanayo pākaṭo hoti hetuphalasambandhena santānassa anupacchedāvabodhato. Atha suṭṭhutaraṃ ucchedadiṭṭhiṃ pajahati. Khaṇato udayadassanena nānattanayo pākaṭo hoti navanavānaṃ uppādāvabodhato. Atha suṭṭhutaraṃ sassatadiṭṭhiṃ pajahati. Paccayato cassa udayabbayadassanena abyāpāranayo pākaṭo hoti dhammānaṃ avasavattibhāvāvabodhato. Atha suṭṭhutaraṃ attadiṭṭhiṃ pajahati. Paccayato pana udayadassanena evaṃdhammatānayo pākaṭo hoti paccayānurūpena phalassuppādāvabodhato. Atha suṭṭhutaraṃ akiriyadiṭṭhiṃ pajahati.
бажжаяад̇о жасса уд̣̇аяад̣̇ассанзна анад̇д̇алагкан̣ам̣ баагадам̣ ход̇и д̇хаммаанам̣ нирийхагад̇д̇абажжаяабадиб̣ад̣̇д̇хавуд̇д̇ид̇ааваб̣од̇хад̇о. кан̣ад̇о уд̣̇аяаб̣б̣аяад̣̇ассанзна анижжалагкан̣ам̣ баагадам̣ ход̇и худ̇ваа абхаавааваб̣од̇хад̇о, буб̣б̣анд̇аабаранд̇авивзгааваб̣од̇хад̇о жа. д̣̇угкалагкан̣амби баагадам̣ ход̇и уд̣̇аяаб̣б̣аязхи бадибийл̣анааваб̣од̇хад̇о. сабхаавалагкан̣амби баагадам̣ ход̇и уд̣̇аяаб̣б̣аяабарижчиннааваб̣од̇хад̇о . сабхаавалагкан̣з сан̇кад̇алагкан̣асса д̇аавагаалигад̇д̇амби баагадам̣ ход̇и, уд̣̇аяагкан̣з ваяасса, ваяагкан̣з жа уд̣̇аяасса абхаавааваб̣од̇хад̇од̇и.
Paccayato cassa udayadassanena anattalakkhaṇaṃ pākaṭaṃ hoti dhammānaṃ nirīhakattapaccayapaṭibaddhavuttitāvabodhato. Khaṇato udayabbayadassanena aniccalakkhaṇaṃ pākaṭaṃ hoti hutvā abhāvāvabodhato, pubbantāparantavivekāvabodhato ca. Dukkhalakkhaṇampi pākaṭaṃ hoti udayabbayehi paṭipīḷanāvabodhato. Sabhāvalakkhaṇampi pākaṭaṃ hoti udayabbayaparicchinnāvabodhato . Sabhāvalakkhaṇe saṅkhatalakkhaṇassa tāvakālikattampi pākaṭaṃ hoti, udayakkhaṇe vayassa, vayakkhaṇe ca udayassa abhāvāvabodhatoti.
д̇ассзвам̣ баагадийбхууд̇асажжабадижжасамуббаад̣̇анаяалагкан̣абхзд̣̇асса ‘‘звам̣ гира наамимз д̇хаммаа ануббаннабуб̣б̣аа уббаж̇ж̇анд̇и, уббаннаа нируж̇жханд̇ий’’д̇и нижжанаваава худ̇ваа сан̇каараа убадтаханд̇и. на гзвалан̃жа нижжанаваава, суурияуг̇г̇аманз уссааваб̣инд̣̇у вияа уд̣̇агабуб̣б̣ул̣о вияа уд̣̇агз д̣̇ан̣д̣арааж̇и вияа аараг̇г̇з саасабо вияа виж̇ж̇уббаад̣̇о вияа жа барид̇д̇адтааяино мааяаамарийжисубинанд̇аалаад̇ажаггаг̇анд̇хаб̣б̣анаг̇арапзн̣агад̣̇алиаад̣̇аяо вияа асаараа ниссаараад̇и жааби убадтаханд̇и. зд̇д̇аавад̇аа д̇зна ‘‘ваяад̇хаммамзва уббаж̇ж̇ад̇и, уббаннан̃жа ваяам̣ убзд̇ий’’д̇и иминаа аагаарзна самабан̃н̃ааса лагкан̣аани бадивиж̇жхид̇ваа тид̇ам̣ уд̣̇аяаб̣б̣аяаанубассанаа наама батамам̣ д̇арун̣авибассанаан̃аан̣ам̣ ад̇хиг̇ад̇ам̣ ход̇и, яассаад̇хиг̇амаа ‘‘аарад̣̇д̇хавибассаго’’д̇и сан̇кам̣ г̇ажчад̇и. имасмим̣ н̃аан̣з тид̇асса обхаасаад̣̇аяо д̣̇аса вибассануубаггилзсаа уббаж̇ж̇анд̇и, язсам̣ уббад̇д̇ияаа агусало яог̇ааважаро д̇зсу маг̇г̇ан̃аан̣асан̃н̃ий худ̇ваа амаг̇г̇амзва ‘‘маг̇г̇о’’д̇и г̇ан̣хаад̇и, убаггилзсаж̇адааж̇адид̇о жа ход̇и. гусало бана яог̇ааважаро д̇зсу вибассанам̣ ааробзнд̇о убаггилзсаж̇адам̣ виж̇адзд̇ваа ‘‘зд̇з д̇хаммаа на маг̇г̇о, убаггилзсавимуд̇д̇ам̣ бана вийт̇ибадибаннам̣ вибассанаан̃аан̣ам̣ маг̇г̇о’’д̇и маг̇г̇ан̃жа амаг̇г̇ан̃жа вавад̇т̇абзд̇и. д̇ассзвам̣ маг̇г̇ан̃жа амаг̇г̇ан̃жа н̃ад̇ваа тид̇ам̣ н̃аан̣ам̣ маг̇г̇аамаг̇г̇ан̃аан̣ад̣̇ассанависуд̣̇д̇хи наама.
Tassevaṃ pākaṭībhūtasaccapaṭiccasamuppādanayalakkhaṇabhedassa ‘‘evaṃ kira nāmime dhammā anuppannapubbā uppajjanti, uppannā nirujjhantī’’ti niccanavāva hutvā saṅkhārā upaṭṭhahanti. Na kevalañca niccanavāva, sūriyuggamane ussāvabindu viya udakapubbuḷo viya udake daṇḍarāji viya āragge sāsapo viya vijjuppādo viya ca parittaṭṭhāyino māyāmarīcisupinantaalātacakkagandhabbanagarapheṇakadaliādayo viya asārā nissārāti cāpi upaṭṭhahanti. Ettāvatā tena ‘‘vayadhammameva uppajjati, uppannañca vayaṃ upetī’’ti iminā ākārena samapaññāsa lakkhaṇāni paṭivijjhitvā ṭhitaṃ udayabbayānupassanā nāma paṭhamaṃ taruṇavipassanāñāṇaṃ adhigataṃ hoti, yassādhigamā ‘‘āraddhavipassako’’ti saṅkhaṃ gacchati. Imasmiṃ ñāṇe ṭhitassa obhāsādayo dasa vipassanūpakkilesā uppajjanti, yesaṃ uppattiyā akusalo yogāvacaro tesu maggañāṇasaññī hutvā amaggameva ‘‘maggo’’ti gaṇhāti, upakkilesajaṭājaṭito ca hoti. Kusalo pana yogāvacaro tesu vipassanaṃ āropento upakkilesajaṭaṃ vijaṭetvā ‘‘ete dhammā na maggo, upakkilesavimuttaṃ pana vīthipaṭipannaṃ vipassanāñāṇaṃ maggo’’ti maggañca amaggañca vavatthapeti. Tassevaṃ maggañca amaggañca ñatvā ṭhitaṃ ñāṇaṃ maggāmaggañāṇadassanavisuddhi nāma.
зд̇д̇аавад̇аа жа бана д̇зна жад̇уннам̣ сажжаанам̣ вавад̇т̇аанам̣ гад̇ам̣ ход̇и. гат̇ам̣? наамаруубабариг̇г̇ахз сад̇и бажжаяабариг̇г̇ахасамбхавад̇о д̇хаммадтид̇ин̃аан̣аважанзнзва вуд̇д̇зна д̣̇идтивисуд̣̇д̇хисан̇каад̇зна наамаруубававад̇т̇аабанзна д̣̇угкасажжасса вавад̇т̇аанам̣ гад̇ам̣ ход̇и, ган̇каавид̇аран̣ависуд̣̇д̇хисан̇каад̇зна бажжаяабариг̇г̇ахан̣зна самуд̣̇аяасажжасса вавад̇т̇аанам̣, уд̣̇аяаб̣б̣аяаанубассанзна жа кан̣ад̇о уд̣̇аяаб̣б̣аяад̣̇ассанзна д̣̇угкасажжасса вавад̇т̇аанам̣ гад̇ам̣, бажжаяад̇о уд̣̇аяад̣̇ассанзна самуд̣̇аяасажжасса вавад̇т̇аанам̣, бажжаяад̇о ваяад̣̇ассанзна нирод̇хасажжасса вавад̇т̇аанам̣, яан̃жасса уд̣̇аяаб̣б̣аяад̣̇ассанам̣, маг̇г̇овааяам̣ логигод̇и д̇ад̇ра саммохавигхаад̇ад̇о имиссан̃жа маг̇г̇аамаг̇г̇ан̃аан̣ад̣̇ассанависуд̣̇д̇хияам̣ вибассад̇о саммаа маг̇г̇асса авад̇хааран̣зна маг̇г̇асажжасса вавад̇т̇аанам̣ гад̇ам̣. звам̣ логиязна д̇аава н̃аан̣зна жад̇уннам̣ сажжаанам̣ вавад̇т̇аанам̣ гад̇ам̣ ход̇ийд̇и.
Ettāvatā ca pana tena catunnaṃ saccānaṃ vavatthānaṃ kataṃ hoti. Kathaṃ? Nāmarūpapariggahe sati paccayapariggahasambhavato dhammaṭṭhitiñāṇavacaneneva vuttena diṭṭhivisuddhisaṅkhātena nāmarūpavavatthāpanena dukkhasaccassa vavatthānaṃ kataṃ hoti, kaṅkhāvitaraṇavisuddhisaṅkhātena paccayapariggahaṇena samudayasaccassa vavatthānaṃ, udayabbayānupassanena ca khaṇato udayabbayadassanena dukkhasaccassa vavatthānaṃ kataṃ, paccayato udayadassanena samudayasaccassa vavatthānaṃ, paccayato vayadassanena nirodhasaccassa vavatthānaṃ, yañcassa udayabbayadassanaṃ, maggovāyaṃ lokikoti tatra sammohavighātato imissañca maggāmaggañāṇadassanavisuddhiyaṃ vipassato sammā maggassa avadhāraṇena maggasaccassa vavatthānaṃ kataṃ. Evaṃ lokiyena tāva ñāṇena catunnaṃ saccānaṃ vavatthānaṃ kataṃ hotīti.
уд̣̇аяаб̣б̣аяан̃аан̣анид̣̇д̣̇зсаван̣н̣анаа нидтид̇аа.
Udayabbayañāṇaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 6. уд̣̇аяаб̣б̣аяан̃аан̣анид̣̇д̣̇зсо • 6. Udayabbayañāṇaniddeso
