| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇абаал̣и • Paṭisambhidāmaggapāḷi |
6. уд̣̇аяаб̣б̣аяан̃аан̣анид̣̇д̣̇зсо
6. Udayabbayañāṇaniddeso
49. гат̇ам̣ бажжуббаннаанам̣ д̇хаммаанам̣ вибарин̣аамаанубассанз бан̃н̃аа уд̣̇аяаб̣б̣аяаанубассанз н̃аан̣ам̣? ж̇аад̇ам̣ руубам̣ бажжуббаннам̣, д̇асса ниб̣б̣ад̇д̇илагкан̣ам̣ уд̣̇аяо, вибарин̣аамалагкан̣ам̣ ваяо, анубассанаа н̃аан̣ам̣. ж̇аад̇аа взд̣̇анаа…бз… ж̇аад̇аа сан̃н̃аа… ж̇аад̇аа сан̇каараа… ж̇аад̇ам̣ вин̃н̃аан̣ам̣… ж̇аад̇ам̣ жагку…бз… ж̇аад̇о бхаво бажжуббанно, д̇асса ниб̣б̣ад̇д̇илагкан̣ам̣ уд̣̇аяо, вибарин̣аамалагкан̣ам̣ ваяо, анубассанаа н̃аан̣ам̣.
49. Kathaṃ paccuppannānaṃ dhammānaṃ vipariṇāmānupassane paññā udayabbayānupassane ñāṇaṃ? Jātaṃ rūpaṃ paccuppannaṃ, tassa nibbattilakkhaṇaṃ udayo, vipariṇāmalakkhaṇaṃ vayo, anupassanā ñāṇaṃ. Jātā vedanā…pe… jātā saññā… jātā saṅkhārā… jātaṃ viññāṇaṃ… jātaṃ cakkhu…pe… jāto bhavo paccuppanno, tassa nibbattilakkhaṇaṃ udayo, vipariṇāmalakkhaṇaṃ vayo, anupassanā ñāṇaṃ.
50. бан̃жаннам̣ канд̇хаанам̣ уд̣̇аяам̣ бассанд̇о гад̇и лагкан̣аани бассад̇и, ваяам̣ бассанд̇о гад̇и лагкан̣аани бассад̇и, уд̣̇аяаб̣б̣аяам̣ бассанд̇о гад̇и лагкан̣аани бассад̇и? бан̃жаннам̣ канд̇хаанам̣ уд̣̇аяам̣ бассанд̇о бан̃жавийсад̇и лагкан̣аани бассад̇и, ваяам̣ бассанд̇о бан̃жавийсад̇и лагкан̣аани бассад̇и ; уд̣̇аяаб̣б̣аяам̣ бассанд̇о бан̃н̃ааса лагкан̣аани бассад̇и.
50. Pañcannaṃ khandhānaṃ udayaṃ passanto kati lakkhaṇāni passati, vayaṃ passanto kati lakkhaṇāni passati, udayabbayaṃ passanto kati lakkhaṇāni passati? Pañcannaṃ khandhānaṃ udayaṃ passanto pañcavīsati lakkhaṇāni passati, vayaṃ passanto pañcavīsati lakkhaṇāni passati ; udayabbayaṃ passanto paññāsa lakkhaṇāni passati.
руубагканд̇хасса уд̣̇аяам̣ бассанд̇о гад̇и лагкан̣аани бассад̇и, ваяам̣ бассанд̇о гад̇и лагкан̣аани бассад̇и, уд̣̇аяаб̣б̣аяам̣ бассанд̇о гад̇и лагкан̣аани бассад̇и? взд̣̇анаагканд̇хасса…бз… сан̃н̃аагканд̇хасса…бз… сан̇каарагканд̇хасса…бз… вин̃н̃аан̣агканд̇хасса уд̣̇аяам̣ бассанд̇о гад̇и лагкан̣аани бассад̇и, ваяам̣ бассанд̇о гад̇и лагкан̣аани бассад̇и, уд̣̇аяаб̣б̣аяам̣ бассанд̇о гад̇и лагкан̣аани бассад̇и? руубагканд̇хасса уд̣̇аяам̣ бассанд̇о бан̃жа лагкан̣аани бассад̇и, ваяам̣ бассанд̇о бан̃жа лагкан̣аани бассад̇и; уд̣̇аяаб̣б̣аяам̣ бассанд̇о д̣̇аса лагкан̣аани бассад̇и. взд̣̇анаагканд̇хасса…бз… сан̃н̃аагканд̇хасса… сан̇каарагканд̇хасса… вин̃н̃аан̣агканд̇хасса уд̣̇аяам̣ бассанд̇о бан̃жа лагкан̣аани бассад̇и, ваяам̣ бассанд̇о бан̃жа лагкан̣аани бассад̇и; уд̣̇аяаб̣б̣аяам̣ бассанд̇о д̣̇аса лагкан̣аани бассад̇и.
Rūpakkhandhassa udayaṃ passanto kati lakkhaṇāni passati, vayaṃ passanto kati lakkhaṇāni passati, udayabbayaṃ passanto kati lakkhaṇāni passati? Vedanākkhandhassa…pe… saññākkhandhassa…pe… saṅkhārakkhandhassa…pe… viññāṇakkhandhassa udayaṃ passanto kati lakkhaṇāni passati, vayaṃ passanto kati lakkhaṇāni passati, udayabbayaṃ passanto kati lakkhaṇāni passati? Rūpakkhandhassa udayaṃ passanto pañca lakkhaṇāni passati, vayaṃ passanto pañca lakkhaṇāni passati; udayabbayaṃ passanto dasa lakkhaṇāni passati. Vedanākkhandhassa…pe… saññākkhandhassa… saṅkhārakkhandhassa… viññāṇakkhandhassa udayaṃ passanto pañca lakkhaṇāni passati, vayaṃ passanto pañca lakkhaṇāni passati; udayabbayaṃ passanto dasa lakkhaṇāni passati.
руубагканд̇хасса уд̣̇аяам̣ бассанд̇о гад̇амаани бан̃жа лагкан̣аани бассад̇и? авиж̇ж̇аасамуд̣̇аяаа руубасамуд̣̇аяод̇и – бажжаяасамуд̣̇аяадтзна руубагканд̇хасса уд̣̇аяам̣ бассад̇и. д̇ан̣хаасамуд̣̇аяаа руубасамуд̣̇аяод̇и – бажжаяасамуд̣̇аяадтзна руубагканд̇хасса уд̣̇аяам̣ бассад̇и. гаммасамуд̣̇аяаа руубасамуд̣̇аяод̇и – бажжаяасамуд̣̇аяадтзна руубагканд̇хасса уд̣̇аяам̣ бассад̇и. аахаарасамуд̣̇аяаа руубасамуд̣̇аяод̇и – бажжаяасамуд̣̇аяадтзна руубагканд̇хасса уд̣̇аяам̣ бассад̇и. ниб̣б̣ад̇д̇илагкан̣ам̣ бассанд̇оби руубагканд̇хасса уд̣̇аяам̣ бассад̇и. руубагканд̇хасса уд̣̇аяам̣ бассанд̇о имаани бан̃жа лагкан̣аани бассад̇и.
Rūpakkhandhassa udayaṃ passanto katamāni pañca lakkhaṇāni passati? Avijjāsamudayā rūpasamudayoti – paccayasamudayaṭṭhena rūpakkhandhassa udayaṃ passati. Taṇhāsamudayā rūpasamudayoti – paccayasamudayaṭṭhena rūpakkhandhassa udayaṃ passati. Kammasamudayā rūpasamudayoti – paccayasamudayaṭṭhena rūpakkhandhassa udayaṃ passati. Āhārasamudayā rūpasamudayoti – paccayasamudayaṭṭhena rūpakkhandhassa udayaṃ passati. Nibbattilakkhaṇaṃ passantopi rūpakkhandhassa udayaṃ passati. Rūpakkhandhassa udayaṃ passanto imāni pañca lakkhaṇāni passati.
ваяам̣ бассанд̇о гад̇амаани бан̃жа лагкан̣аани бассад̇и? авиж̇ж̇аанирод̇хаа руубанирод̇ход̇и – бажжаяанирод̇хадтзна руубагканд̇хасса ваяам̣ бассад̇и. д̇ан̣хаанирод̇хаа руубанирод̇ход̇и – бажжаяанирод̇хадтзна руубагканд̇хасса ваяам̣ бассад̇и. гамманирод̇хаа руубанирод̇ход̇и – бажжаяанирод̇хадтзна руубагканд̇хасса ваяам̣ бассад̇и. аахааранирод̇хаа руубанирод̇ход̇и – бажжаяанирод̇хадтзна руубагканд̇хасса ваяам̣ бассад̇и . вибарин̣аамалагкан̣ам̣ бассанд̇оби руубагканд̇хасса ваяам̣ бассад̇и. руубагканд̇хасса ваяам̣ бассанд̇о имаани бан̃жа лагкан̣аани бассад̇и. уд̣̇аяаб̣б̣аяам̣ бассанд̇о имаани д̣̇аса лагкан̣аани бассад̇и.
Vayaṃ passanto katamāni pañca lakkhaṇāni passati? Avijjānirodhā rūpanirodhoti – paccayanirodhaṭṭhena rūpakkhandhassa vayaṃ passati. Taṇhānirodhā rūpanirodhoti – paccayanirodhaṭṭhena rūpakkhandhassa vayaṃ passati. Kammanirodhā rūpanirodhoti – paccayanirodhaṭṭhena rūpakkhandhassa vayaṃ passati. Āhāranirodhā rūpanirodhoti – paccayanirodhaṭṭhena rūpakkhandhassa vayaṃ passati . Vipariṇāmalakkhaṇaṃ passantopi rūpakkhandhassa vayaṃ passati. Rūpakkhandhassa vayaṃ passanto imāni pañca lakkhaṇāni passati. Udayabbayaṃ passanto imāni dasa lakkhaṇāni passati.
взд̣̇анаагканд̇хасса уд̣̇аяам̣ бассанд̇о гад̇амаани бан̃жа лагкан̣аани бассад̇и? авиж̇ж̇аасамуд̣̇аяаа взд̣̇анаасамуд̣̇аяод̇и – бажжаяасамуд̣̇аяадтзна взд̣̇анаагканд̇хасса уд̣̇аяам̣ бассад̇и. д̇ан̣хаасамуд̣̇аяаа взд̣̇анаасамуд̣̇аяод̇и – бажжаяасамуд̣̇аяадтзна взд̣̇анаагканд̇хасса уд̣̇аяам̣ бассад̇и. гаммасамуд̣̇аяаа взд̣̇анаасамуд̣̇аяод̇и – бажжаяасамуд̣̇аяадтзна взд̣̇анаагканд̇хасса уд̣̇аяам̣ бассад̇и. пассасамуд̣̇аяаа взд̣̇анаасамуд̣̇аяод̇и – бажжаяасамуд̣̇аяадтзна взд̣̇анаагканд̇хасса уд̣̇аяам̣ бассад̇и. ниб̣б̣ад̇д̇илагкан̣ам̣ бассанд̇оби взд̣̇анаагканд̇хасса уд̣̇аяам̣ бассад̇и. взд̣̇анаагканд̇хасса уд̣̇аяам̣ бассанд̇о имаани бан̃жа лагкан̣аани бассад̇и.
Vedanākkhandhassa udayaṃ passanto katamāni pañca lakkhaṇāni passati? Avijjāsamudayā vedanāsamudayoti – paccayasamudayaṭṭhena vedanākkhandhassa udayaṃ passati. Taṇhāsamudayā vedanāsamudayoti – paccayasamudayaṭṭhena vedanākkhandhassa udayaṃ passati. Kammasamudayā vedanāsamudayoti – paccayasamudayaṭṭhena vedanākkhandhassa udayaṃ passati. Phassasamudayā vedanāsamudayoti – paccayasamudayaṭṭhena vedanākkhandhassa udayaṃ passati. Nibbattilakkhaṇaṃ passantopi vedanākkhandhassa udayaṃ passati. Vedanākkhandhassa udayaṃ passanto imāni pañca lakkhaṇāni passati.
ваяам̣ бассанд̇о гад̇амаани бан̃жа лагкан̣аани бассад̇и? авиж̇ж̇аанирод̇хаа взд̣̇анаанирод̇ход̇и – бажжаяанирод̇хадтзна взд̣̇анаагканд̇хасса ваяам̣ бассад̇и. д̇ан̣хаанирод̇хаа взд̣̇анаанирод̇ход̇и – бажжаяанирод̇хадтзна взд̣̇анаагканд̇хасса ваяам̣ бассад̇и. гамманирод̇хаа взд̣̇анаанирод̇ход̇и – бажжаяанирод̇хадтзна взд̣̇анаагканд̇хасса ваяам̣ бассад̇и. пассанирод̇хаа взд̣̇анаанирод̇ход̇и – бажжаяанирод̇хадтзна взд̣̇анаагканд̇хасса ваяам̣ бассад̇и. вибарин̣аамалагкан̣ам̣ бассанд̇оби взд̣̇анаагканд̇хасса ваяам̣ бассад̇и. взд̣̇анаагканд̇хасса ваяам̣ бассанд̇о имаани бан̃жа лагкан̣аани бассад̇и. уд̣̇аяаб̣б̣аяам̣ бассанд̇о имаани д̣̇аса лагкан̣аани бассад̇и.
Vayaṃ passanto katamāni pañca lakkhaṇāni passati? Avijjānirodhā vedanānirodhoti – paccayanirodhaṭṭhena vedanākkhandhassa vayaṃ passati. Taṇhānirodhā vedanānirodhoti – paccayanirodhaṭṭhena vedanākkhandhassa vayaṃ passati. Kammanirodhā vedanānirodhoti – paccayanirodhaṭṭhena vedanākkhandhassa vayaṃ passati. Phassanirodhā vedanānirodhoti – paccayanirodhaṭṭhena vedanākkhandhassa vayaṃ passati. Vipariṇāmalakkhaṇaṃ passantopi vedanākkhandhassa vayaṃ passati. Vedanākkhandhassa vayaṃ passanto imāni pañca lakkhaṇāni passati. Udayabbayaṃ passanto imāni dasa lakkhaṇāni passati.
сан̃н̃аагканд̇хасса…бз… сан̇каарагканд̇хасса…бз… вин̃н̃аан̣агканд̇хасса уд̣̇аяам̣ бассанд̇о гад̇амаани бан̃жа лагкан̣аани бассад̇и? авиж̇ж̇аасамуд̣̇аяаа вин̃н̃аан̣асамуд̣̇аяод̇и – бажжаяасамуд̣̇аяадтзна вин̃н̃аан̣агканд̇хасса уд̣̇аяам̣ бассад̇и. д̇ан̣хаасамуд̣̇аяаа вин̃н̃аан̣асамуд̣̇аяод̇ибажжаяасамуд̣̇аяадтзна вин̃н̃аан̣агканд̇хасса уд̣̇аяам̣ бассад̇и. гаммасамуд̣̇аяаа вин̃н̃аан̣асамуд̣̇аяод̇и – бажжаяасамуд̣̇аяадтзна вин̃н̃аан̣агканд̇хасса уд̣̇аяам̣ бассад̇и. наамаруубасамуд̣̇аяаа вин̃н̃аан̣асамуд̣̇аяод̇и – бажжаяасамуд̣̇аяадтзна вин̃н̃аан̣агканд̇хасса уд̣̇аяам̣ бассад̇и. ниб̣б̣ад̇д̇илагкан̣ам̣ бассанд̇оби вин̃н̃аан̣агканд̇хасса уд̣̇аяам̣ бассад̇и. вин̃н̃аан̣агканд̇хасса уд̣̇аяам̣ бассанд̇о имаани бан̃жа лагкан̣аани бассад̇и.
Saññākkhandhassa…pe… saṅkhārakkhandhassa…pe… viññāṇakkhandhassa udayaṃ passanto katamāni pañca lakkhaṇāni passati? Avijjāsamudayā viññāṇasamudayoti – paccayasamudayaṭṭhena viññāṇakkhandhassa udayaṃ passati. Taṇhāsamudayā viññāṇasamudayotipaccayasamudayaṭṭhena viññāṇakkhandhassa udayaṃ passati. Kammasamudayā viññāṇasamudayoti – paccayasamudayaṭṭhena viññāṇakkhandhassa udayaṃ passati. Nāmarūpasamudayā viññāṇasamudayoti – paccayasamudayaṭṭhena viññāṇakkhandhassa udayaṃ passati. Nibbattilakkhaṇaṃ passantopi viññāṇakkhandhassa udayaṃ passati. Viññāṇakkhandhassa udayaṃ passanto imāni pañca lakkhaṇāni passati.
ваяам̣ бассанд̇о гад̇амаани бан̃жа лагкан̣аани бассад̇и? авиж̇ж̇аанирод̇хаа вин̃н̃аан̣анирод̇ход̇и – бажжаяанирод̇хадтзна вин̃н̃аан̣агканд̇хасса ваяам̣ бассад̇и. д̇ан̣хаанирод̇хаа вин̃н̃аан̣анирод̇ход̇и – бажжаяанирод̇хадтзна вин̃н̃аан̣агканд̇хасса ваяам̣ бассад̇и. гамманирод̇хаа вин̃н̃аан̣анирод̇ход̇и – бажжаяанирод̇хадтзна вин̃н̃аан̣агканд̇хасса ваяам̣ бассад̇и. наамаруубанирод̇хаа вин̃н̃аан̣анирод̇ход̇и – бажжаяанирод̇хадтзна вин̃н̃аан̣агканд̇хасса ваяам̣ бассад̇и. вибарин̣аамалагкан̣ам̣ бассанд̇оби вин̃н̃аан̣агканд̇хасса ваяам̣ бассад̇и. вин̃н̃аан̣агканд̇хасса ваяам̣ бассанд̇о имаани бан̃жа лагкан̣аани бассад̇и. уд̣̇аяаб̣б̣аяам̣ бассанд̇о имаани д̣̇аса лагкан̣аани бассад̇и.
Vayaṃ passanto katamāni pañca lakkhaṇāni passati? Avijjānirodhā viññāṇanirodhoti – paccayanirodhaṭṭhena viññāṇakkhandhassa vayaṃ passati. Taṇhānirodhā viññāṇanirodhoti – paccayanirodhaṭṭhena viññāṇakkhandhassa vayaṃ passati. Kammanirodhā viññāṇanirodhoti – paccayanirodhaṭṭhena viññāṇakkhandhassa vayaṃ passati. Nāmarūpanirodhā viññāṇanirodhoti – paccayanirodhaṭṭhena viññāṇakkhandhassa vayaṃ passati. Vipariṇāmalakkhaṇaṃ passantopi viññāṇakkhandhassa vayaṃ passati. Viññāṇakkhandhassa vayaṃ passanto imāni pañca lakkhaṇāni passati. Udayabbayaṃ passanto imāni dasa lakkhaṇāni passati.
бан̃жаннам̣ канд̇хаанам̣ уд̣̇аяам̣ бассанд̇о имаани бан̃жавийсад̇и лагкан̣аани бассад̇и, ваяам̣ бассанд̇о имаани бан̃жавийсад̇и лагкан̣аани бассад̇и, уд̣̇аяаб̣б̣аяам̣ бассанд̇о имаани бан̃н̃ааса лагкан̣аани бассад̇и. д̇ам̣ н̃аад̇адтзна н̃аан̣ам̣, баж̇аананадтзна бан̃н̃аа. д̇зна вужжад̇и – ‘‘бажжуббаннаанам̣ д̇хаммаанам̣ вибарин̣аамаанубассанз бан̃н̃аа уд̣̇аяаб̣б̣аяаанубассанз н̃аан̣ам̣’’. руубагканд̇хо 1 аахаарасамуд̣̇аяо . взд̣̇анаа, сан̃н̃аа, сан̇каараа – д̇аяо 2 канд̇хаа пассасамуд̣̇аяаа. вин̃н̃аан̣агканд̇хо наамаруубасамуд̣̇аяо.
Pañcannaṃ khandhānaṃ udayaṃ passanto imāni pañcavīsati lakkhaṇāni passati, vayaṃ passanto imāni pañcavīsati lakkhaṇāni passati, udayabbayaṃ passanto imāni paññāsa lakkhaṇāni passati. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘paccuppannānaṃ dhammānaṃ vipariṇāmānupassane paññā udayabbayānupassane ñāṇaṃ’’. Rūpakkhandho 3 āhārasamudayo . Vedanā, saññā, saṅkhārā – tayo 4 khandhā phassasamudayā. Viññāṇakkhandho nāmarūpasamudayo.
уд̣̇аяаб̣б̣аяан̃аан̣анид̣̇д̣̇зсо чадто.
Udayabbayañāṇaniddeso chaṭṭho.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā / 6. уд̣̇аяаб̣б̣аяан̃аан̣анид̣̇д̣̇зсаван̣н̣анаа • 6. Udayabbayañāṇaniddesavaṇṇanā
