| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[458] 4. уд̣̇аяаж̇аад̇агаван̣н̣анаа
[458] 4. Udayajātakavaṇṇanā
згаа нисиннаад̇и ид̣̇ам̣ сад̇т̇аа ж̇зд̇аванз вихаранд̇о згам̣ угган̣тид̇абхигкум̣ аараб̣бха гат̇зси. вад̇т̇у гусаж̇аад̇агз (ж̇аа. 2.20.1 аад̣̇аяо) аави бхависсад̇и. сад̇т̇аа бана д̇ам̣ бхигкум̣ ‘‘сажжам̣ гира д̇вам̣ угган̣тид̇осий’’д̇и бужчид̇ваа ‘‘сажжам̣, бханд̇з’’д̇и вуд̇д̇з ‘‘бхигку гасмаа гилзсавасзна зваруубз нияяаанигасаасанз баб̣б̣аж̇ид̇ваа угган̣тид̇оси? бораан̣агабан̣д̣ид̇аа самид̣̇д̇хз д̣̇ваад̣̇асаяож̇анигз сурунд̇хананаг̇арз раж̇ж̇ам̣ гаарзнд̇аа д̣̇зважчарабадибхааг̇ааяа ид̇т̇ияаа сад̣̇д̇хим̣ сад̇д̇а вассасад̇аани згаг̇аб̣бхз васанд̇ааби инд̣̇рияаани бхинд̣̇ид̇ваа лобхавасзна на ологзсу’’нд̇и вад̇ваа ад̇ийд̇ам̣ аахари.
Ekā nisinnāti idaṃ satthā jetavane viharanto ekaṃ ukkaṇṭhitabhikkhuṃ ārabbha kathesi. Vatthu kusajātake (jā. 2.20.1 ādayo) āvi bhavissati. Satthā pana taṃ bhikkhuṃ ‘‘saccaṃ kira tvaṃ ukkaṇṭhitosī’’ti pucchitvā ‘‘saccaṃ, bhante’’ti vutte ‘‘bhikkhu kasmā kilesavasena evarūpe niyyānikasāsane pabbajitvā ukkaṇṭhitosi? Porāṇakapaṇḍitā samiddhe dvādasayojanike surundhananagare rajjaṃ kārentā devaccharapaṭibhāgāya itthiyā saddhiṃ satta vassasatāni ekagabbhe vasantāpi indriyāni bhinditvā lobhavasena na olokesu’’nti vatvā atītaṃ āhari.
ад̇ийд̇з гаасирадтз сурунд̇хананаг̇арз гаасирааж̇аа раж̇ж̇ам̣ гаарзси, д̇асса нзва буд̇д̇о, на д̇хийд̇аа ахоси. со ад̇д̇ано д̣̇звияо ‘‘буд̇д̇з бад̇т̇зт̇аа’’д̇и ааха. аг̇г̇амахзсийби ран̃н̃о важанам̣ самбадижчид̇ваа д̇ат̇аа агааси. д̇ад̣̇аа б̣од̇хисад̇д̇о б̣рахмалогаа жавид̇ваа д̇ассзва ран̃н̃о аг̇г̇амахзсияаа гужчимхи ниб̣б̣ад̇д̇и. ат̇асса махааж̇анасса хад̣̇аяам̣ вад̣дхзд̇ваа ж̇аад̇абхаавзна ‘‘уд̣̇аяабхад̣̇д̣̇о’’д̇и наамам̣ гарим̣су. гумаарасса бад̣̇асаа жаран̣агаалз ан̃н̃оби сад̇д̇о б̣рахмалогаа жавид̇ваа д̇ассзва ран̃н̃о ан̃н̃ад̇арааяа д̣̇звияаа гужчимхи гумааригаа худ̇ваа ниб̣б̣ад̇д̇и, д̇ассааби ‘‘уд̣̇аяабхад̣̇д̣̇аа’’д̇и наамам̣ гарим̣су. гумааро ваяаббад̇д̇о саб̣б̣асиббанибпад̇д̇им̣ баабун̣и , ж̇аад̇аб̣рахмажаарий бана ахоси, субинанд̇знаби мзт̇унад̇хаммам̣ на ж̇аанаад̇и, на д̇асса гилзсзсу жид̇д̇ам̣ аллийяи. рааж̇аа буд̇д̇ам̣ раж̇ж̇з абхисин̃жид̇угаамо ‘‘гумаарасса ид̣̇аани раж̇ж̇асукасзванагаало, наадагаабисса бажжубадтаабзссаамий’’д̇и саасанам̣ бзсзси. б̣од̇хисад̇д̇о ‘‘на маяхам̣ раж̇ж̇знад̇т̇о, гилзсзсу мз жид̇д̇ам̣ на аллийяад̇ий’’д̇и бадигкибид̇ваа бунаббунам̣ вужжамаано рад̇д̇аж̇амб̣унад̣̇амаяам̣ ид̇т̇ируубам̣ гаарзд̇ваа ‘‘зваруубам̣ ид̇т̇им̣ лабхамаано раж̇ж̇ам̣ самбадижчиссаамий’’д̇и маад̇аабид̇уунам̣ бзсзси. д̇з д̇ам̣ суван̣н̣аруубагам̣ сагалаж̇амб̣уд̣̇ийбам̣ барихаараабзд̇ваа д̇ат̇ааруубам̣ ид̇т̇им̣ алабханд̇аа уд̣̇аяабхад̣̇д̣̇ам̣ алан̇гаарзд̇ваа д̇асса санд̇игз табзсум̣. саа д̇ам̣ суван̣н̣аруубагам̣ абхибхавид̇ваа адтааси. ат̇а нзсам̣ анижчамаанаанан̃н̃зва взмаад̇игам̣ бхаг̇иним̣ уд̣̇аяабхад̣̇д̣̇агумаарим̣ аг̇г̇амахзсим̣ гад̇ваа б̣од̇хисад̇д̇ам̣ раж̇ж̇з абхисин̃жим̣су. д̇з бана д̣̇взби б̣рахмажарияаваасамзва васим̣су.
Atīte kāsiraṭṭhe surundhananagare kāsirājā rajjaṃ kāresi, tassa neva putto, na dhītā ahosi. So attano deviyo ‘‘putte patthethā’’ti āha. Aggamahesīpi rañño vacanaṃ sampaṭicchitvā tathā akāsi. Tadā bodhisatto brahmalokā cavitvā tasseva rañño aggamahesiyā kucchimhi nibbatti. Athassa mahājanassa hadayaṃ vaḍḍhetvā jātabhāvena ‘‘udayabhaddo’’ti nāmaṃ kariṃsu. Kumārassa padasā caraṇakāle aññopi satto brahmalokā cavitvā tasseva rañño aññatarāya deviyā kucchimhi kumārikā hutvā nibbatti, tassāpi ‘‘udayabhaddā’’ti nāmaṃ kariṃsu. Kumāro vayappatto sabbasippanipphattiṃ pāpuṇi , jātabrahmacārī pana ahosi, supinantenapi methunadhammaṃ na jānāti, na tassa kilesesu cittaṃ allīyi. Rājā puttaṃ rajje abhisiñcitukāmo ‘‘kumārassa idāni rajjasukhasevanakālo, nāṭakāpissa paccupaṭṭhāpessāmī’’ti sāsanaṃ pesesi. Bodhisatto ‘‘na mayhaṃ rajjenattho, kilesesu me cittaṃ na allīyatī’’ti paṭikkhipitvā punappunaṃ vuccamāno rattajambunadamayaṃ itthirūpaṃ kāretvā ‘‘evarūpaṃ itthiṃ labhamāno rajjaṃ sampaṭicchissāmī’’ti mātāpitūnaṃ pesesi. Te taṃ suvaṇṇarūpakaṃ sakalajambudīpaṃ parihārāpetvā tathārūpaṃ itthiṃ alabhantā udayabhaddaṃ alaṅkāretvā tassa santike ṭhapesuṃ. Sā taṃ suvaṇṇarūpakaṃ abhibhavitvā aṭṭhāsi. Atha nesaṃ anicchamānānaññeva vemātikaṃ bhaginiṃ udayabhaddakumāriṃ aggamahesiṃ katvā bodhisattaṃ rajje abhisiñciṃsu. Te pana dvepi brahmacariyavāsameva vasiṃsu.
абарабхааг̇з маад̇аабид̇уунам̣ ажжаязна б̣од̇хисад̇д̇о раж̇ж̇ам̣ гаарзси. убхо згаг̇аб̣бхз васамаанааби лобхавасзна инд̣̇рияаани бхинд̣̇ид̇ваа ан̃н̃аман̃н̃ам̣ на ологзсум̣, абижа ко бана ‘‘яо амхзсу батамад̇арам̣ гаалам̣ гарод̇и, со ниб̣б̣ад̇д̇адтаанад̇о ааг̇анд̇ваа ‘асугадтаанз ниб̣б̣ад̇д̇осмий’д̇и аарожзд̇уу’’д̇и сан̇г̇арамагам̣су. ат̇а ко б̣од̇хисад̇д̇о абхисзгад̇о сад̇д̇авассасад̇ажжаязна гааламагааси. ан̃н̃о рааж̇аа наахоси, уд̣̇аяабхад̣̇д̣̇ааяаязва аан̣аа бавад̇д̇и. амажжаа раж̇ж̇ам̣ анусаасим̣су. б̣од̇хисад̇д̇оби жуд̇игкан̣з д̇аавад̇им̣сабхаванз саггад̇д̇ам̣ бад̇ваа яасамаханд̇ад̇ааяа сад̇д̇аахам̣ ануссарид̇ум̣ наасагки. ид̇и со мануссаг̇ан̣анааяа сад̇д̇авассасад̇ажжаязна ааваж̇ж̇зд̇ваа ‘‘уд̣̇аяабхад̣̇д̣̇ам̣ рааж̇ад̇хийд̇арам̣ д̇ханзна виймам̣сид̇ваа сийханаад̣̇ам̣ над̣̇аабзд̇ваа д̇хаммам̣ д̣̇зсзд̇ваа сан̇г̇арам̣ можзд̇ваа ааг̇амиссаамий’’д̇и жинд̇зси. д̇ад̣̇аа гира мануссаанам̣ д̣̇асавассасахассааяугагаало ход̇и. рааж̇ад̇хийд̇ааби д̇ам̣ д̣̇ивасам̣ рад̇д̇ибхааг̇з бихид̇зсу д̣̇ваарзсу табид̇ааарагкз сад̇д̇абхуумигабаасаад̣̇аварад̇алз алан̇гад̇асириг̇аб̣бхз згигаава нижжалаа ад̇д̇ано сийлам̣ ааваж̇ж̇амаанаа нисийд̣̇и. ат̇а сагго суван̣н̣амаасагабуурам̣ згам̣ суван̣н̣абаад̇им̣ аад̣̇ааяа ааг̇анд̇ваа саяанаг̇аб̣бхзязва баад̇убхавид̇ваа згаманд̇ам̣ тид̇о д̇ааяа сад̣̇д̇хим̣ саллабанд̇о батамам̣ г̇аат̇амааха –
Aparabhāge mātāpitūnaṃ accayena bodhisatto rajjaṃ kāresi. Ubho ekagabbhe vasamānāpi lobhavasena indriyāni bhinditvā aññamaññaṃ na olokesuṃ, apica kho pana ‘‘yo amhesu paṭhamataraṃ kālaṃ karoti, so nibbattaṭṭhānato āgantvā ‘asukaṭṭhāne nibbattosmī’ti ārocetū’’ti saṅgaramakaṃsu. Atha kho bodhisatto abhisekato sattavassasataccayena kālamakāsi. Añño rājā nāhosi, udayabhaddāyayeva āṇā pavatti. Amaccā rajjaṃ anusāsiṃsu. Bodhisattopi cutikkhaṇe tāvatiṃsabhavane sakkattaṃ patvā yasamahantatāya sattāhaṃ anussarituṃ nāsakkhi. Iti so manussagaṇanāya sattavassasataccayena āvajjetvā ‘‘udayabhaddaṃ rājadhītaraṃ dhanena vīmaṃsitvā sīhanādaṃ nadāpetvā dhammaṃ desetvā saṅgaraṃ mocetvā āgamissāmī’’ti cintesi. Tadā kira manussānaṃ dasavassasahassāyukakālo hoti. Rājadhītāpi taṃ divasaṃ rattibhāge pihitesu dvāresu ṭhapitaārakkhe sattabhūmikapāsādavaratale alaṅkatasirigabbhe ekikāva niccalā attano sīlaṃ āvajjamānā nisīdi. Atha sakko suvaṇṇamāsakapūraṃ ekaṃ suvaṇṇapātiṃ ādāya āgantvā sayanagabbheyeva pātubhavitvā ekamantaṃ ṭhito tāya saddhiṃ sallapanto paṭhamaṃ gāthamāha –
37.
37.
‘‘згаа нисиннаа сужи сан̃н̃ад̇ууруу, баасаад̣̇амааруяха анинд̣̇ид̇ан̇г̇ий;
‘‘Ekā nisinnā suci saññatūrū, pāsādamāruyha aninditaṅgī;
яаажаами д̇ам̣ гиннаранзд̇д̇ажагку, имзгарад̇д̇им̣ убхаяо васзмаа’’д̇и.
Yācāmi taṃ kinnaranettacakkhu, imekarattiṃ ubhayo vasemā’’ti.
д̇ад̇т̇а сужийд̇и суживад̇т̇анивад̇т̇аа. сан̃н̃ад̇уурууд̇и судту табид̇аууруу, ирияаабат̇ам̣ сан̣табзд̇ваа суживад̇т̇аа згигаава нисиннаасийд̇и вуд̇д̇ам̣ ход̇и. анинд̣̇ид̇ан̇г̇ийд̇и баад̣̇анд̇ад̇о яаава гзсаг̇г̇аа анинд̣̇ид̇асарийраа барамасобхаг̇г̇аббад̇д̇асарийраа. гиннаранзд̇д̇ажагкууд̇и д̇ийхи ман̣д̣алзхи бан̃жахи жа басаад̣̇зхи убасобхид̇ад̇д̇аа гиннараанам̣ нзд̇д̇асад̣̇исзхи жагкуухи саманнааг̇ад̇з. имзгарад̇д̇инд̇и имам̣ згарад̇д̇ам̣ аж̇ж̇а имасмим̣ алан̇гад̇асаяанаг̇аб̣бхз згад̇о васзяяаамаад̇и яаажад̇и.
Tattha sucīti sucivatthanivatthā. Saññatūrūti suṭṭhu ṭhapitaūrū, iriyāpathaṃ saṇṭhapetvā sucivatthā ekikāva nisinnāsīti vuttaṃ hoti. Aninditaṅgīti pādantato yāva kesaggā aninditasarīrā paramasobhaggappattasarīrā. Kinnaranettacakkhūti tīhi maṇḍalehi pañcahi ca pasādehi upasobhitattā kinnarānaṃ nettasadisehi cakkhūhi samannāgate. Imekarattinti imaṃ ekarattaṃ ajja imasmiṃ alaṅkatasayanagabbhe ekato vaseyyāmāti yācati.
д̇ад̇о рааж̇ад̇хийд̇аа д̣̇вз г̇аат̇аа абхааси –
Tato rājadhītā dve gāthā abhāsi –
38.
38.
‘‘огин̣н̣анд̇арабарикам̣, д̣̇ал̣хамаддаалагодтагам̣;
‘‘Okiṇṇantaraparikhaṃ, daḷhamaṭṭālakoṭṭhakaṃ;
рагкид̇ам̣ каг̇г̇ахад̇т̇зхи, д̣̇уббавзсамид̣̇ам̣ бурам̣.
Rakkhitaṃ khaggahatthehi, duppavesamidaṃ puraṃ.
39.
39.
‘‘д̣̇ахарасса яувино жааби, ааг̇амо жа на виж̇ж̇ад̇и;
‘‘Daharassa yuvino cāpi, āgamo ca na vijjati;
ат̇а гзна ну ван̣н̣зна, сан̇г̇амам̣ ижчасз маяаа’’д̇и.
Atha kena nu vaṇṇena, saṅgamaṃ icchase mayā’’ti.
д̇ад̇т̇а огин̣н̣анд̇арабариканд̇и ид̣̇ам̣ д̣̇ваад̣̇асаяож̇анигам̣ сурунд̇ханабурам̣ анд̇аранд̇араа уд̣̇агабарикаанам̣ гад̣̇д̣̇амабарикаанам̣ сугкабарикаанам̣ огин̣н̣ад̇д̇аа огин̣н̣анд̇арабарикам̣. д̣̇ал̣хамаддаалагодтаганд̇и т̇ирад̇арзхи аддаалагзхи д̣̇ваарагодтагзхи жа саманнааг̇ад̇ам̣. каг̇г̇ахад̇т̇зхийд̇и аавуд̇хахад̇т̇зхи д̣̇асахи яод̇хасахассзхи рагкид̇ам̣. д̣̇уббавзсамид̣̇ам̣ буранд̇и ид̣̇ам̣ сагалабурамби д̇асса анд̇о маабид̇ам̣ маяхам̣ ниваасабурамби убхаяам̣ гассажи бависид̇ум̣ на саггаа. ааг̇амо жаад̇и ид̇ха имааяа взлааяа д̇арун̣асса ваа яоб̣б̣анаббад̇д̇асса ваа т̇аамасамбаннаяод̇хасса ваа ан̃н̃асса ваа маханд̇амби бан̣н̣аагаарам̣ г̇ахзд̇ваа ааг̇ажчанд̇асса ааг̇амо наама над̇т̇и. сан̇г̇аманд̇и ат̇а д̇вам̣ гзна гааран̣зна имааяа взлааяа маяаа саха самааг̇амам̣ ижчасийд̇и.
Tattha okiṇṇantaraparikhanti idaṃ dvādasayojanikaṃ surundhanapuraṃ antarantarā udakaparikhānaṃ kaddamaparikhānaṃ sukkhaparikhānaṃ okiṇṇattā okiṇṇantaraparikhaṃ. Daḷhamaṭṭālakoṭṭhakanti thiratarehi aṭṭālakehi dvārakoṭṭhakehi ca samannāgataṃ. Khaggahatthehīti āvudhahatthehi dasahi yodhasahassehi rakkhitaṃ. Duppavesamidaṃ puranti idaṃ sakalapurampi tassa anto māpitaṃ mayhaṃ nivāsapurampi ubhayaṃ kassaci pavisituṃ na sakkā. Āgamo cāti idha imāya velāya taruṇassa vā yobbanappattassa vā thāmasampannayodhassa vā aññassa vā mahantampi paṇṇākāraṃ gahetvā āgacchantassa āgamo nāma natthi. Saṅgamanti atha tvaṃ kena kāraṇena imāya velāya mayā saha samāgamaṃ icchasīti.
ат̇а сагго жад̇уд̇т̇ам̣ г̇аат̇амааха –
Atha sakko catutthaṃ gāthamāha –
40.
40.
‘‘яагкохамасми галяаан̣и, ааг̇ад̇осми д̇аванд̇игз;
‘‘Yakkhohamasmi kalyāṇi, āgatosmi tavantike;
д̇вам̣ мам̣ нанд̣̇аяа бхад̣̇д̣̇анд̇з, бун̣н̣агам̣сам̣ д̣̇ад̣̇аами д̇з’’д̇и.
Tvaṃ maṃ nandaya bhaddante, puṇṇakaṃsaṃ dadāmi te’’ti.
д̇ассад̇т̇о – галяаан̣и, сунд̣̇арад̣̇ассанз ахамзго д̣̇звабуд̇д̇о д̣̇звад̇аанубхаавзна ид̇хааг̇ад̇о, д̇вам̣ аж̇ж̇а мам̣ нанд̣̇аяа д̇осзхи, ахам̣ д̇з имам̣ суван̣н̣амаасагабун̣н̣ам̣ суван̣н̣абаад̇им̣ д̣̇ад̣̇аамийд̇и.
Tassattho – kalyāṇi, sundaradassane ahameko devaputto devatānubhāvena idhāgato, tvaṃ ajja maṃ nandaya tosehi, ahaṃ te imaṃ suvaṇṇamāsakapuṇṇaṃ suvaṇṇapātiṃ dadāmīti.
д̇ам̣ суд̇ваа рааж̇ад̇хийд̇аа бан̃жамам̣ г̇аат̇амааха –
Taṃ sutvā rājadhītā pañcamaṃ gāthamāha –
41.
41.
‘‘д̣̇звам̣ва яагкам̣ ат̇а ваа мануссам̣, на бад̇т̇аяз уд̣̇аяамад̇ижжа ан̃н̃ам̣;
‘‘Devaṃva yakkhaṃ atha vā manussaṃ, na patthaye udayamaticca aññaṃ;
г̇ажчзва д̇вам̣ яагка махаанубхаава, маа жассу г̇анд̇ваа бунарааваж̇ид̇т̇аа’’д̇и.
Gaccheva tvaṃ yakkha mahānubhāva, mā cassu gantvā punarāvajitthā’’ti.
д̇ассад̇т̇о – ахам̣ д̣̇зварааж̇а, д̣̇звам̣ ваа яагкам̣ ваа уд̣̇аяам̣ ад̇иггамид̇ваа ан̃н̃ам̣ на бад̇т̇зми, со д̇вам̣ г̇ажчзва, маа ид̇ха адтааси, на мз д̇аяаа аабхад̇зна бан̣н̣аагаарзна ад̇т̇о, г̇анд̇ваа жа маа имам̣ таанам̣ бунарааваж̇ид̇т̇аад̇и.
Tassattho – ahaṃ devarāja, devaṃ vā yakkhaṃ vā udayaṃ atikkamitvā aññaṃ na patthemi, so tvaṃ gaccheva, mā idha aṭṭhāsi, na me tayā ābhatena paṇṇākārena attho, gantvā ca mā imaṃ ṭhānaṃ punarāvajitthāti.
со д̇ассаа сийханаад̣̇ам̣ суд̇ваа адтад̇ваа г̇ад̇асад̣̇исо худ̇ваа д̇ад̇т̇зва анд̇арахид̇о адтааси. со бунад̣̇ивасз д̇ааяа взлааяамзва суван̣н̣амаасагабуурам̣ раж̇ад̇абаад̇им̣ аад̣̇ааяа д̇ааяа сад̣̇д̇хим̣ саллабанд̇о чадтам̣ г̇аат̇амааха –
So tassā sīhanādaṃ sutvā aṭṭhatvā gatasadiso hutvā tattheva antarahito aṭṭhāsi. So punadivase tāya velāyameva suvaṇṇamāsakapūraṃ rajatapātiṃ ādāya tāya saddhiṃ sallapanto chaṭṭhaṃ gāthamāha –
42.
42.
‘‘яаа саа рад̇и уд̇д̇амаа гаамабхог̇инам̣, яам̣хзд̇у сад̇д̇аа висамам̣ жаранд̇и;
‘‘Yā sā rati uttamā kāmabhoginaṃ, yaṃhetu sattā visamaṃ caranti;
маа д̇ам̣ рад̇им̣ ж̇ийяи д̇увам̣ сужимхид̇з, д̣̇ад̣̇аами д̇з руубияам̣ гам̣сабуура’’нд̇и.
Mā taṃ ratiṃ jīyi tuvaṃ sucimhite, dadāmi te rūpiyaṃ kaṃsapūra’’nti.
д̇ассад̇т̇о – бхад̣̇д̣̇з, рааж̇ад̇хийд̇з яаа зсаа гаамабхог̇исад̇д̇аанам̣ рад̇ийсу мзт̇унагаамарад̇и наама уд̇д̇амаа рад̇и, яассаа рад̇ияаа гааран̣аа сад̇д̇аа гааяад̣̇ужжарид̇аад̣̇ивисамам̣ жаранд̇и, д̇ам̣ рад̇им̣ д̇вам̣ бхад̣̇д̣̇з, сужимхид̇з манаабахасид̇з маа ж̇ийяи, ахамби ааг̇ажчанд̇о на д̇ужчахад̇т̇о ааг̇ад̇о, хияяо суван̣н̣амаасагабуурам̣ суван̣н̣абаад̇им̣ аахарим̣, аж̇ж̇а руубияабаад̇им̣, имам̣ д̇з ахам̣ руубияабаад̇им̣ суван̣н̣абуурам̣ д̣̇ад̣̇аамийд̇и.
Tassattho – bhadde, rājadhīte yā esā kāmabhogisattānaṃ ratīsu methunakāmarati nāma uttamā rati, yassā ratiyā kāraṇā sattā kāyaduccaritādivisamaṃ caranti, taṃ ratiṃ tvaṃ bhadde, sucimhite manāpahasite mā jīyi, ahampi āgacchanto na tucchahattho āgato, hiyyo suvaṇṇamāsakapūraṃ suvaṇṇapātiṃ āhariṃ, ajja rūpiyapātiṃ, imaṃ te ahaṃ rūpiyapātiṃ suvaṇṇapūraṃ dadāmīti.
рааж̇ад̇хийд̇аа жинд̇зси ‘‘аяам̣ гат̇аасаллаабам̣ лабханд̇о бунаббунам̣ ааг̇амиссад̇и, на д̣̇аани д̇зна сад̣̇д̇хим̣ гат̇зссаамий’’д̇и. саа гин̃жи на гат̇зси.
Rājadhītā cintesi ‘‘ayaṃ kathāsallāpaṃ labhanto punappunaṃ āgamissati, na dāni tena saddhiṃ kathessāmī’’ti. Sā kiñci na kathesi.
сагго д̇ассаа агат̇ид̇абхаавам̣ н̃ад̇ваа д̇ад̇т̇зва анд̇арахид̇о худ̇ваа бунад̣̇ивасз д̇ааяамзва взлааяа лохабаад̇им̣ гахаабан̣абуурам̣ аад̣̇ааяа ‘‘бхад̣̇д̣̇з, д̇вам̣ мам̣ гаамарад̇ияаа санд̇аббзхи, имам̣ д̇з гахаабан̣абуурам̣ лохабаад̇им̣ д̣̇ассаамий’’д̇и ааха. д̇ам̣ д̣̇исваа рааж̇ад̇хийд̇аа сад̇д̇амам̣ г̇аат̇амааха –
Sakko tassā akathitabhāvaṃ ñatvā tattheva antarahito hutvā punadivase tāyameva velāya lohapātiṃ kahāpaṇapūraṃ ādāya ‘‘bhadde, tvaṃ maṃ kāmaratiyā santappehi, imaṃ te kahāpaṇapūraṃ lohapātiṃ dassāmī’’ti āha. Taṃ disvā rājadhītā sattamaṃ gāthamāha –
43.
43.
‘‘наарим̣ наро ниж̇жхабаяам̣ д̇ханзна, уггам̣сад̇ий яад̇т̇а гарод̇и чанд̣̇ам̣;
‘‘Nāriṃ naro nijjhapayaṃ dhanena, ukkaṃsatī yattha karoti chandaṃ;
вибажжанийго д̇ава д̣̇звад̇хаммо, бажжагкад̇о т̇огад̇арзна зсий’’д̇и.
Vipaccanīko tava devadhammo, paccakkhato thokatarena esī’’ti.
д̇ассад̇т̇о – бхо буриса, д̇вам̣ ж̇ал̣о. наро хи наама наарим̣ гилзсарад̇игааран̣аа д̇ханзна ниж̇жхаабзнд̇о сан̃н̃аабзнд̇о яад̇т̇а наарияаа чанд̣̇ам̣ гарод̇и, д̇ам̣ уггам̣сад̇и ван̣н̣зд̇ваа т̇омзд̇ваа б̣ахуд̇арзна д̇ханзна балобхзд̇и, д̇уяхам̣ банзсо д̣̇звасабхааво вибажжанийго, д̇ван̃хи маяаа бажжагкад̇о т̇огад̇арзна зси, батамад̣̇ивасз суван̣н̣абуурам̣ суван̣н̣абаад̇им̣ аахарид̇ваа, д̣̇уд̇ияад̣̇ивасз суван̣н̣абуурам̣ руубияабаад̇им̣, д̇ад̇ияад̣̇ивасз гахаабан̣абуурам̣ лохабаад̇им̣ аахарасийд̇и.
Tassattho – bho purisa, tvaṃ jaḷo. Naro hi nāma nāriṃ kilesaratikāraṇā dhanena nijjhāpento saññāpento yattha nāriyā chandaṃ karoti, taṃ ukkaṃsati vaṇṇetvā thometvā bahutarena dhanena palobheti, tuyhaṃ paneso devasabhāvo vipaccanīko, tvañhi mayā paccakkhato thokatarena esi, paṭhamadivase suvaṇṇapūraṃ suvaṇṇapātiṃ āharitvā, dutiyadivase suvaṇṇapūraṃ rūpiyapātiṃ, tatiyadivase kahāpaṇapūraṃ lohapātiṃ āharasīti.
д̇ам̣ суд̇ваа сагго ‘‘бхад̣̇д̣̇з рааж̇агумаари, ахам̣ чзгаваан̣иж̇о на нирад̇т̇агзна ад̇т̇ам̣ наасзми, сажз д̇вам̣ ааяунаа ваа ван̣н̣зна ваа вад̣дхзяяааси, ахам̣ д̇з бан̣н̣аагаарам̣ вад̣дхзд̇ваа аахарзяяам̣, д̇вам̣ бана барихааяасзва, д̇знаахамби д̇ханам̣ барихаабзмий’’д̇и вад̇ваа д̇иссо г̇аат̇аа абхааси –
Taṃ sutvā sakko ‘‘bhadde rājakumāri, ahaṃ chekavāṇijo na niratthakena atthaṃ nāsemi, sace tvaṃ āyunā vā vaṇṇena vā vaḍḍheyyāsi, ahaṃ te paṇṇākāraṃ vaḍḍhetvā āhareyyaṃ, tvaṃ pana parihāyaseva, tenāhampi dhanaṃ parihāpemī’’ti vatvā tisso gāthā abhāsi –
44.
44.
‘‘ааяу жа ван̣н̣о жа мануссалогз, нихийяад̇и мануж̇аанам̣ суг̇ад̇д̇з;
‘‘Āyu ca vaṇṇo ca manussaloke, nihīyati manujānaṃ sugatte;
д̇знзва ван̣н̣зна д̇ханамби д̇уяхам̣, нихийяад̇и ж̇ин̣н̣ад̇арааси аж̇ж̇а.
Teneva vaṇṇena dhanampi tuyhaṃ, nihīyati jiṇṇatarāsi ajja.
45.
45.
‘‘звам̣ мз бзгкамаанасса, рааж̇абуд̇д̇и яасассини;
‘‘Evaṃ me pekkhamānassa, rājaputti yasassini;
хааяад̇зва д̇ава ван̣н̣о, ахорад̇д̇аанамажжаяз.
Hāyateva tava vaṇṇo, ahorattānamaccaye.
46.
46.
‘‘иминаава д̇вам̣ ваяасаа, рааж̇абуд̇д̇и сумзд̇хасз;
‘‘Imināva tvaṃ vayasā, rājaputti sumedhase;
б̣рахмажарияам̣ жарзяяааси, бхияяо ван̣н̣авад̇ий сияаа’’д̇и.
Brahmacariyaṃ careyyāsi, bhiyyo vaṇṇavatī siyā’’ti.
д̇ад̇т̇а нихийяад̇ийд̇и бариссааванз аасид̇д̇ауд̣̇агам̣ вияа барихааяад̇и. мануссалогасмин̃хи сад̇д̇аа ж̇ийвид̇зна ван̣н̣зна жагкубасаад̣̇аад̣̇ийхи жа д̣̇инз д̣̇инз барихааяанд̇зва. ж̇ин̣н̣ад̇араасийд̇и мама батамам̣ ааг̇ад̇ад̣̇ивасз бавад̇д̇ан̃хи д̇з ааяу хияяо д̣̇ивасам̣ на баабун̣и, гутаарияаа чиннам̣ вияа д̇ад̇т̇зва нируж̇жхи, хияяо бавад̇д̇амби аж̇ж̇ад̣̇ивасам̣ на баабун̣и, хияяова гутаарияаа чиннам̣ вияа нируж̇жхи, д̇асмаа аж̇ж̇а ж̇ин̣н̣ад̇арааси ж̇аад̇аа. звам̣ мзд̇и д̇идтад̇у хияяо жа барахияяо жа, аж̇ж̇зва бана маяхам̣ звам̣ бзгкамаанассзва хааяад̇зва д̇ава ван̣н̣о. ахорад̇д̇аанамажжаязд̇и ид̇о бадтааяа рад̇д̇инд̣̇ивзсу вийд̇ивад̇д̇зсу ахорад̇д̇аанам̣ ажжаязна абан̣н̣ад̇д̇игабхаавамзва г̇амиссасийд̇и д̣̇ассзд̇и. иминааваад̇и д̇асмаа бхад̣̇д̣̇з, сажз д̇вам̣ иминаа ваязнзва имасмим̣ суван̣н̣аван̣н̣з сарийрз раж̇ааяа авилуд̇д̇зязва сздтажарияам̣ жарзяяааси, баб̣б̣аж̇ид̇ваа саман̣ад̇хаммам̣ гарзяяааси. бхияяо ван̣н̣авад̇ий сияаад̇и ад̇ирзгад̇араван̣н̣аа бхавзяяаасийд̇и.
Tattha nihīyatīti parissāvane āsittaudakaṃ viya parihāyati. Manussalokasmiñhi sattā jīvitena vaṇṇena cakkhupasādādīhi ca dine dine parihāyanteva. Jiṇṇatarāsīti mama paṭhamaṃ āgatadivase pavattañhi te āyu hiyyo divasaṃ na pāpuṇi, kuṭhāriyā chinnaṃ viya tattheva nirujjhi, hiyyo pavattampi ajjadivasaṃ na pāpuṇi, hiyyova kuṭhāriyā chinnaṃ viya nirujjhi, tasmā ajja jiṇṇatarāsi jātā. Evaṃ meti tiṭṭhatu hiyyo ca parahiyyo ca, ajjeva pana mayhaṃ evaṃ pekkhamānasseva hāyateva tava vaṇṇo. Ahorattānamaccayeti ito paṭṭhāya rattindivesu vītivattesu ahorattānaṃ accayena apaṇṇattikabhāvameva gamissasīti dasseti. Imināvāti tasmā bhadde, sace tvaṃ iminā vayeneva imasmiṃ suvaṇṇavaṇṇe sarīre rajāya avilutteyeva seṭṭhacariyaṃ careyyāsi, pabbajitvā samaṇadhammaṃ kareyyāsi. Bhiyyo vaṇṇavatī siyāti atirekataravaṇṇā bhaveyyāsīti.
д̇ад̇о рааж̇ад̇хийд̇аа ид̇арам̣ г̇аат̇амааха –
Tato rājadhītā itaraṃ gāthamāha –
47.
47.
‘‘д̣̇зваа на ж̇ийранд̇и яат̇аа мануссаа, г̇ад̇д̇зсу д̇зсам̣ валияо на хонд̇и;
‘‘Devā na jīranti yathā manussā, gattesu tesaṃ valiyo na honti;
бужчаами д̇ам̣ яагка махаанубхаава, гат̇ам̣ ну д̣̇зваана сарийрад̣̇зхо’’д̇и.
Pucchāmi taṃ yakkha mahānubhāva, kathaṃ nu devāna sarīradeho’’ti.
д̇ад̇т̇а сарийрад̣̇зход̇и сарийрасан̇каад̇о д̣̇зхо, д̣̇зваанам̣ сарийрам̣ гат̇ам̣ на ж̇ийрад̇и, ид̣̇ам̣ ахам̣ д̇ам̣ бужчаамийд̇и вад̣̇ад̇и.
Tattha sarīradehoti sarīrasaṅkhāto deho, devānaṃ sarīraṃ kathaṃ na jīrati, idaṃ ahaṃ taṃ pucchāmīti vadati.
ат̇ассаа гат̇знд̇о сагго ид̇арам̣ г̇аат̇амааха –
Athassā kathento sakko itaraṃ gāthamāha –
48.
48.
‘‘д̣̇зваа на ж̇ийранд̇и яат̇аа мануссаа, г̇ад̇д̇зсу д̇зсам̣ валияо на хонд̇и;
‘‘Devā na jīranti yathā manussā, gattesu tesaṃ valiyo na honti;
сувз сувз бхияяад̇арова д̇зсам̣, д̣̇иб̣б̣о жа ван̣н̣о вибулаа жа бхог̇аа’’д̇и.
Suve suve bhiyyatarova tesaṃ, dibbo ca vaṇṇo vipulā ca bhogā’’ti.
д̇ад̇т̇а яат̇аа мануссаад̇и яат̇аа мануссаа ж̇ийранд̇аа руубзна ван̣н̣зна бхог̇зна жагкубасаад̣̇аад̣̇ийхи жа ж̇ийранд̇и, на звам̣ д̣̇зваа. д̇зсан̃хи г̇ад̇д̇зсу валияоби на санд̇и, мадтаган̃жанабаддамива сарийрам̣ ход̇и. сувз сувзд̇и д̣̇ивасз д̣̇ивасз. бхияяад̇ароваад̇и ад̇ирзгад̇арова д̇зсам̣ д̣̇иб̣б̣о жа ван̣н̣о вибулаа жа бхог̇аа хонд̇и, мануссзсу хи руубабарихаани жираж̇аад̇абхаавасса сагки, д̣̇звзсу ад̇ирзгаруубасамбад̇д̇и жа ад̇ирзгабариваарасамбад̇д̇и жа. звам̣ абарихаанад̇хаммо наамзса д̣̇звалого . д̇асмаа д̇вам̣ ж̇арам̣ аббад̇ваава нигкамид̇ваа баб̣б̣аж̇а, звам̣ барихаанияасабхааваа мануссалогаа жавид̇ваа абарихаанияасабхаавам̣ зваруубам̣ д̣̇звалогам̣ г̇амиссасийд̇и.
Tattha yathā manussāti yathā manussā jīrantā rūpena vaṇṇena bhogena cakkhupasādādīhi ca jīranti, na evaṃ devā. Tesañhi gattesu valiyopi na santi, maṭṭhakañcanapaṭṭamiva sarīraṃ hoti. Suve suveti divase divase. Bhiyyatarovāti atirekatarova tesaṃ dibbo ca vaṇṇo vipulā ca bhogā honti, manussesu hi rūpaparihāni cirajātabhāvassa sakkhi, devesu atirekarūpasampatti ca atirekaparivārasampatti ca. Evaṃ aparihānadhammo nāmesa devaloko . Tasmā tvaṃ jaraṃ appatvāva nikkhamitvā pabbaja, evaṃ parihāniyasabhāvā manussalokā cavitvā aparihāniyasabhāvaṃ evarūpaṃ devalokaṃ gamissasīti.
саа д̣̇звалогасса ван̣н̣ам̣ суд̇ваа д̇асса г̇аманамаг̇г̇ам̣ бужчанд̇ий ид̇арам̣ г̇аат̇амааха –
Sā devalokassa vaṇṇaṃ sutvā tassa gamanamaggaṃ pucchantī itaraṃ gāthamāha –
49.
49.
‘‘гим̣сууд̇ха бхийд̇аа ж̇анад̇аа анзгаа, маг̇г̇о жа нзгааяад̇анам̣ бавуд̇д̇о;
‘‘Kiṃsūdha bhītā janatā anekā, maggo ca nekāyatanaṃ pavutto;
бужчаами д̇ам̣ яагка махаанубхаава, гад̇т̇адтид̇о баралогам̣ на бхааяз’’д̇и.
Pucchāmi taṃ yakkha mahānubhāva, katthaṭṭhito paralokaṃ na bhāye’’ti.
д̇ад̇т̇а гим̣сууд̇ха бхийд̇аад̇и д̣̇зварааж̇а, аяам̣ кад̇д̇ияаад̣̇ибхзд̣̇аа анзгаа ж̇анад̇аа гим̣бхийд̇аа гасса бхаязна барихаанияасабхааваа мануссалогаа д̣̇звалогам̣ на г̇ажчад̇ийд̇и бужчад̇и. маг̇г̇од̇и д̣̇звалогаг̇аамимаг̇г̇о. ид̇ха бана ‘‘ги’’нд̇и аахарид̇ваа ‘‘го’’д̇и бужчаа гаад̇аб̣б̣аа. аяан̃хзд̇т̇а ад̇т̇о ‘‘анзгад̇ид̇т̇ааяад̇анавасзна бан̣д̣ид̇зхи бавуд̇д̇о д̣̇звалогамаг̇г̇о го гад̇аро’’д̇и вуд̇д̇о. гад̇т̇адтид̇од̇и баралогам̣ г̇ажчанд̇о гад̇арасмим̣ маг̇г̇з тид̇о на бхааяад̇ийд̇и.
Tattha kiṃsūdha bhītāti devarāja, ayaṃ khattiyādibhedā anekā janatā kiṃbhītā kassa bhayena parihāniyasabhāvā manussalokā devalokaṃ na gacchatīti pucchati. Maggoti devalokagāmimaggo. Idha pana ‘‘ki’’nti āharitvā ‘‘ko’’ti pucchā kātabbā. Ayañhettha attho ‘‘anekatitthāyatanavasena paṇḍitehi pavutto devalokamaggo ko kataro’’ti vutto. Katthaṭṭhitoti paralokaṃ gacchanto katarasmiṃ magge ṭhito na bhāyatīti.
ат̇ассаа гат̇знд̇о сагго ид̇арам̣ г̇аат̇амааха –
Athassā kathento sakko itaraṃ gāthamāha –
50.
50.
‘‘ваажам̣ манан̃жа бан̣ид̇хааяа саммаа, гааязна баабаани агуб̣б̣амаано;
‘‘Vācaṃ manañca paṇidhāya sammā, kāyena pāpāni akubbamāno;
б̣ахуннабаанам̣ гхарамаавасанд̇о, сад̣̇д̇хо муд̣̇уу сам̣вибхааг̇ий вад̣̇ан̃н̃уу;
Bahunnapānaṃ gharamāvasanto, saddho mudū saṃvibhāgī vadaññū;
сан̇г̇аахаго сакило сан̣хаваажо, зд̇т̇адтид̇о баралогам̣ на бхааяз’’д̇и.
Saṅgāhako sakhilo saṇhavāco, etthaṭṭhito paralokaṃ na bhāye’’ti.
д̇ассад̇т̇о – бхад̣̇д̣̇з, уд̣̇аяз ваажам̣ манан̃жа саммаа табзд̇ваа гааязна баабаани агаронд̇о имз д̣̇аса гусалагаммабат̇з самаад̣̇ааяа вад̇д̇анд̇о б̣ахуаннабаанз бахууд̇ад̣̇зяяад̇хаммз гхарз васанд̇о ‘‘д̣̇аанасса вибааго ад̇т̇ий’’д̇и сад̣̇д̇хааяа саманнааг̇ад̇о муд̣̇ужид̇д̇о д̣̇аанасам̣вибхааг̇ад̇ааяа сам̣вибхааг̇ий баб̣б̣аж̇ид̇аа бхигкааяа жарамаанаа вад̣̇анд̇и наама, д̇зсам̣ бажжаяад̣̇аанзна д̇асса ваад̣̇асса ж̇аананад̇о вад̣̇ан̃н̃уу жад̇уухи сан̇г̇ахавад̇т̇уухи сан̇г̇ахад̇ааяа сан̇г̇аахаго бияаваад̣̇ид̇ааяа сакило мадтаважанад̇ааяа сан̣хаваажо зд̇т̇а зд̇д̇агз г̇ун̣араасимхи тид̇о баралогам̣ г̇ажчанд̇о на бхааяад̇ийд̇и.
Tassattho – bhadde, udaye vācaṃ manañca sammā ṭhapetvā kāyena pāpāni akaronto ime dasa kusalakammapathe samādāya vattanto bahuannapāne pahūtadeyyadhamme ghare vasanto ‘‘dānassa vipāko atthī’’ti saddhāya samannāgato muducitto dānasaṃvibhāgatāya saṃvibhāgī pabbajitā bhikkhāya caramānā vadanti nāma, tesaṃ paccayadānena tassa vādassa jānanato vadaññū catūhi saṅgahavatthūhi saṅgahatāya saṅgāhako piyavāditāya sakhilo maṭṭhavacanatāya saṇhavāco ettha ettake guṇarāsimhi ṭhito paralokaṃ gacchanto na bhāyatīti.
д̇ад̇о рааж̇ад̇хийд̇аа д̇ам̣ д̇асса важанам̣ суд̇ваа т̇уд̇им̣ гаронд̇ий ид̇арам̣ г̇аат̇амааха –
Tato rājadhītā taṃ tassa vacanaṃ sutvā thutiṃ karontī itaraṃ gāthamāha –
51.
51.
‘‘анусаасаси мам̣ яагка, яат̇аа маад̇аа яат̇аа бид̇аа;
‘‘Anusāsasi maṃ yakkha, yathā mātā yathā pitā;
ул̣аараван̣н̣а бужчаами, го ну д̇вамаси суб̣рахаа’’д̇и.
Uḷāravaṇṇa pucchāmi, ko nu tvamasi subrahā’’ti.
д̇ассад̇т̇о – яат̇аа маад̇аабид̇аро буд̇д̇агз анусаасанд̇и, д̇ат̇аа мам̣ анусаасаси. ул̣аараван̣н̣а собхаг̇г̇аббад̇д̇аруубад̣̇аарага го ну аси д̇вам̣ звам̣ ажжуг̇г̇ад̇асарийрод̇и.
Tassattho – yathā mātāpitaro puttake anusāsanti, tathā maṃ anusāsasi. Uḷāravaṇṇa sobhaggappattarūpadāraka ko nu asi tvaṃ evaṃ accuggatasarīroti.
д̇ад̇о б̣од̇хисад̇д̇о ид̇арам̣ г̇аат̇амааха –
Tato bodhisatto itaraṃ gāthamāha –
52.
52.
‘‘уд̣̇аяохамасми галяаан̣и, сан̇г̇арад̇д̇аа ид̇хааг̇ад̇о;
‘‘Udayohamasmi kalyāṇi, saṅgarattā idhāgato;
ааманд̇а ко д̇ам̣ г̇ажчаами, муд̇д̇осми д̇ава сан̇г̇араа’’д̇и.
Āmanta kho taṃ gacchāmi, muttosmi tava saṅgarā’’ti.
д̇ассад̇т̇о – галяаан̣ад̣̇ассанз ахам̣ буримабхавз д̇ава саамиго уд̣̇аяо наама д̇аавад̇им̣сабхаванз сагго худ̇ваа ниб̣б̣ад̇д̇о, ид̇хааг̇ажчанд̇о на гилзсавасзнааг̇ад̇о, д̇ам̣ виймам̣сид̇ваа бана сан̇г̇арам̣ можзссаамийд̇и сан̇г̇арад̇д̇аа буб̣б̣з сан̇г̇арасса гад̇ад̇д̇аа ааг̇ад̇осми, ид̣̇аани д̇ам̣ ааманд̇зд̇ваа г̇ажчаами, муд̇д̇осми д̇ава сан̇г̇араад̇и.
Tassattho – kalyāṇadassane ahaṃ purimabhave tava sāmiko udayo nāma tāvatiṃsabhavane sakko hutvā nibbatto, idhāgacchanto na kilesavasenāgato, taṃ vīmaṃsitvā pana saṅgaraṃ mocessāmīti saṅgarattā pubbe saṅgarassa katattā āgatosmi, idāni taṃ āmantetvā gacchāmi, muttosmi tava saṅgarāti.
рааж̇ад̇хийд̇аа ассасид̇ваа ‘‘саами, д̇вам̣ уд̣̇аяабхад̣̇д̣̇арааж̇аа’’д̇и ассуд̇хаараа бавад̇д̇аяамаанаа ‘‘ахам̣ д̇умхзхи винаа васид̇ум̣ на саггоми, яат̇аа д̇умхаагам̣ санд̇игз васаами, д̇ат̇аа мам̣ анусаасат̇аа’’д̇и вад̇ваа ид̇арам̣ г̇аат̇ам̣ абхааси –
Rājadhītā assasitvā ‘‘sāmi, tvaṃ udayabhaddarājā’’ti assudhārā pavattayamānā ‘‘ahaṃ tumhehi vinā vasituṃ na sakkomi, yathā tumhākaṃ santike vasāmi, tathā maṃ anusāsathā’’ti vatvā itaraṃ gāthaṃ abhāsi –
53.
53.
‘‘сажз ко д̇вам̣ уд̣̇аяоси, сан̇г̇арад̇д̇аа ид̇хааг̇ад̇о;
‘‘Sace kho tvaṃ udayosi, saṅgarattā idhāgato;
анусааса мам̣ рааж̇абуд̇д̇а, яат̇аасса буна сан̇г̇амо’’д̇и.
Anusāsa maṃ rājaputta, yathāssa puna saṅgamo’’ti.
ат̇а нам̣ анусаасанд̇о махаасад̇д̇о жад̇ассо г̇аат̇аа абхааси –
Atha naṃ anusāsanto mahāsatto catasso gāthā abhāsi –
54.
54.
‘‘ад̇ибад̇ад̇и ваяо кан̣о д̇ат̇зва, таанам̣ над̇т̇и д̇хувам̣ жаванд̇и сад̇д̇аа;
‘‘Atipatati vayo khaṇo tatheva, ṭhānaṃ natthi dhuvaṃ cavanti sattā;
бариж̇ийяад̇и ад̣̇д̇хувам̣ сарийрам̣, уд̣̇аяз маа бамаад̣̇а жарассу д̇хаммам̣.
Parijīyati addhuvaṃ sarīraṃ, udaye mā pamāda carassu dhammaṃ.
55.
55.
‘‘гасин̣аа бат̇авий д̇ханасса буураа, згассзва сияаа анан̃н̃ад̇хзяяаа;
‘‘Kasiṇā pathavī dhanassa pūrā, ekasseva siyā anaññadheyyā;
д̇ам̣ жааби ж̇ахад̇и авийд̇арааг̇о, уд̣̇аяз маа бамаад̣̇а жарассу д̇хаммам̣.
Taṃ cāpi jahati avītarāgo, udaye mā pamāda carassu dhammaṃ.
56.
56.
‘‘маад̇аа жа бид̇аа жа бхаад̇аро жа, бхарияаа яааби д̇ханзна ход̇и гийд̇аа;
‘‘Mātā ca pitā ca bhātaro ca, bhariyā yāpi dhanena hoti kītā;
д̇з жааби ж̇аханд̇и ан̃н̃аман̃н̃ам̣, уд̣̇аяз маа бамаад̣̇а жарассу д̇хаммам̣.
Te cāpi jahanti aññamaññaṃ, udaye mā pamāda carassu dhammaṃ.
57.
57.
‘‘гааяо барабхож̇ананд̇и н̃ад̇ваа, сам̣саарз суг̇ад̇ин̃жа д̣̇уг̇г̇ад̇ин̃жа;
‘‘Kāyo parabhojananti ñatvā, saṃsāre sugatiñca duggatiñca;
ид̇д̇араваасод̇и ж̇аанияаана, уд̣̇аяз маа бамаад̣̇а жарассу д̇хамма’’нд̇и.
Ittaravāsoti jāniyāna, udaye mā pamāda carassu dhamma’’nti.
д̇ад̇т̇а ад̇ибад̇ад̇ийд̇и ад̇ивияа бад̇ад̇и, сийгхам̣ ад̇иггамад̇и. ваяод̇и батамаваяаад̣̇ид̇ивид̇хоби ваяо. кан̣о д̇ат̇зваад̇и уббаад̣̇адтид̇ибхан̇г̇агкан̣оби д̇ат̇зва ад̇ибад̇ад̇и. убхаязнаби бхинно имзсам̣ сад̇д̇аанам̣ ааяусан̇кааро наама сийгхасод̇аа над̣̇ий вияа анивад̇д̇анд̇о сийгхам̣ ад̇иггамад̇ийд̇и д̣̇ассзд̇и. таанам̣ над̇т̇ийд̇и ‘‘уббаннаа сан̇каараа абхиж̇ж̇ид̇ваа д̇идтанд̇уу’’д̇и бад̇т̇анааяаби д̇зсам̣ таанам̣ наама над̇т̇и, д̇хувам̣ згам̣сзнзва б̣уд̣̇д̇хам̣ бхаг̇аванд̇ам̣ аад̣̇им̣ гад̇ваа саб̣б̣зби сад̇д̇аа жаванд̇и, ‘‘д̇хувам̣ маран̣ам̣, ад̣̇д̇хувам̣ ж̇ийвид̇а’’нд̇и звам̣ маран̣ассад̇им̣ бхаавзхийд̇и д̣̇ийбзд̇и. бариж̇ийяад̇ийд̇и ид̣̇ам̣ суван̣н̣аван̣н̣амби сарийрам̣ ж̇ийрад̇зва, звам̣ ж̇аанаахи. маа бамаад̣̇анд̇и д̇асмаа д̇вам̣ уд̣̇аяабхад̣̇д̣̇з маа бамаад̣̇ам̣ аабаж̇ж̇и, аббамад̇д̇аа худ̇ваа д̣̇асагусалагаммабат̇ад̇хаммам̣ жараахийд̇и.
Tattha atipatatīti ativiya patati, sīghaṃ atikkamati. Vayoti paṭhamavayāditividhopi vayo. Khaṇo tathevāti uppādaṭṭhitibhaṅgakkhaṇopi tatheva atipatati. Ubhayenapi bhinno imesaṃ sattānaṃ āyusaṅkhāro nāma sīghasotā nadī viya anivattanto sīghaṃ atikkamatīti dasseti. Ṭhānaṃ natthīti ‘‘uppannā saṅkhārā abhijjitvā tiṭṭhantū’’ti patthanāyapi tesaṃ ṭhānaṃ nāma natthi, dhuvaṃ ekaṃseneva buddhaṃ bhagavantaṃ ādiṃ katvā sabbepi sattā cavanti, ‘‘dhuvaṃ maraṇaṃ, addhuvaṃ jīvita’’nti evaṃ maraṇassatiṃ bhāvehīti dīpeti. Parijīyatīti idaṃ suvaṇṇavaṇṇampi sarīraṃ jīrateva, evaṃ jānāhi. Mā pamādanti tasmā tvaṃ udayabhadde mā pamādaṃ āpajji, appamattā hutvā dasakusalakammapathadhammaṃ carāhīti.
гасин̣аад̇и сагалаа. згассзваад̇и яад̣̇и згассзва ран̃н̃о, д̇асмим̣ згасмим̣язва анан̃н̃аад̇хийнаа асса. д̇ам̣ жааби ж̇ахад̇и авийд̇арааг̇од̇и д̇ан̣хаавасиго буг̇г̇ало зд̇д̇агзнаби яасзна ад̇ид̇д̇о маран̣агаалз авийд̇арааг̇ова д̇ам̣ виж̇ахад̇и. звам̣ д̇ан̣хааяа абууран̣ийяабхаавам̣ ж̇аанаахийд̇и д̣̇ийбзд̇и. д̇з жаабийд̇и маад̇аа буд̇д̇ам̣, буд̇д̇о маад̇арам̣, бид̇аа буд̇д̇ам̣, буд̇д̇о бид̇арам̣, бхаад̇аа бхаг̇иним̣, бхаг̇иний бхаад̇арам̣, бхарияаа саамигам̣, саамиго бхарияанд̇и зд̇з ан̃н̃аман̃н̃ам̣ ж̇аханд̇и, наанаа хонд̇и. звам̣ сад̇д̇аанам̣ наанаабхаававинаабхаавам̣ ж̇аанаахийд̇и д̣̇ийбзд̇и.
Kasiṇāti sakalā. Ekassevāti yadi ekasseva rañño, tasmiṃ ekasmiṃyeva anaññādhīnā assa. Taṃ cāpi jahati avītarāgoti taṇhāvasiko puggalo ettakenapi yasena atitto maraṇakāle avītarāgova taṃ vijahati. Evaṃ taṇhāya apūraṇīyabhāvaṃ jānāhīti dīpeti. Te cāpīti mātā puttaṃ, putto mātaraṃ, pitā puttaṃ, putto pitaraṃ, bhātā bhaginiṃ, bhaginī bhātaraṃ, bhariyā sāmikaṃ, sāmiko bhariyanti ete aññamaññaṃ jahanti, nānā honti. Evaṃ sattānaṃ nānābhāvavinābhāvaṃ jānāhīti dīpeti.
барабхож̇ананд̇и вивид̇хаанам̣ гаагаад̣̇ийнам̣ барасад̇д̇аанам̣ бхож̇анам̣. ид̇д̇араваасод̇и яаа зсаа имасмим̣ сам̣саарз мануссабхууд̇аа суг̇г̇ад̇и жа д̇иражчаанабхууд̇аа д̣̇уг̇г̇ад̇и жа, зд̇ам̣ убхаяамби ‘‘ид̇д̇араваасо’’д̇и ж̇аанид̇ваа маа бамаад̣̇ам̣, жарассу д̇хаммам̣. имзсам̣ сад̇д̇аанам̣ наанаатаанад̇о ааг̇анд̇ваа згасмим̣ таанз самааг̇амо барид̇д̇о, имз сад̇д̇аа аббагасмим̣язва гаалз згад̇о васанд̇и, д̇асмаа аббамад̇д̇аа хохийд̇и.
Parabhojananti vividhānaṃ kākādīnaṃ parasattānaṃ bhojanaṃ. Ittaravāsoti yā esā imasmiṃ saṃsāre manussabhūtā suggati ca tiracchānabhūtā duggati ca, etaṃ ubhayampi ‘‘ittaravāso’’ti jānitvā mā pamādaṃ, carassu dhammaṃ. Imesaṃ sattānaṃ nānāṭhānato āgantvā ekasmiṃ ṭhāne samāgamo paritto, ime sattā appakasmiṃyeva kāle ekato vasanti, tasmā appamattā hohīti.
звам̣ махаасад̇д̇о д̇ассаа оваад̣̇амад̣̇ааси. сааби д̇асса д̇хаммагат̇ааяа басийд̣̇ид̇ваа т̇уд̇им̣ гаронд̇ий осаанаг̇аат̇амааха –
Evaṃ mahāsatto tassā ovādamadāsi. Sāpi tassa dhammakathāya pasīditvā thutiṃ karontī osānagāthamāha –
58.
58.
‘‘саад̇ху бхаасад̇ияам̣ яагко, аббам̣ мажжаана ж̇ийвид̇ам̣;
‘‘Sādhu bhāsatiyaṃ yakkho, appaṃ maccāna jīvitaṃ;
гасиран̃жа барид̇д̇ан̃жа, д̇ан̃жа д̣̇угкзна сам̣яуд̇ам̣;
Kasirañca parittañca, tañca dukkhena saṃyutaṃ;
саахам̣ згаа баб̣б̣аж̇иссаами, хид̇ваа гаасим̣ сурунд̇хана’’нд̇и.
Sāhaṃ ekā pabbajissāmi, hitvā kāsiṃ surundhana’’nti.
д̇ад̇т̇а саад̇хууд̇и ‘‘аббам̣ мажжаана ж̇ийвид̇а’’нд̇и бхаасамаано аяам̣ д̣̇зварааж̇аа саад̇ху бхаасад̇и. гим̣гааран̣аа? ид̣̇ан̃хи гасиран̃жа д̣̇угкам̣ ассаад̣̇арахид̇ам̣, барид̇д̇ан̃жа на б̣ахугам̣ ид̇д̇арагаалам̣. сажз хи гасирамби самаанам̣ д̣̇ийгхагаалам̣ бавад̇д̇зяяа, барид̇д̇агамби самаанам̣ сукам̣ бхавзяяа, ид̣̇ам̣ бана гасиран̃жзва барид̇д̇ан̃жа сагалзна ваддад̣̇угкзна сам̣яуд̇ам̣ саннихид̇ам̣. сааханд̇и саа ахам̣. сурунд̇хананд̇и сурунд̇хананаг̇аран̃жа гаасирадтан̃жа чад̣д̣зд̇ваа згигаава баб̣б̣аж̇иссаамийд̇и ааха.
Tattha sādhūti ‘‘appaṃ maccāna jīvita’’nti bhāsamāno ayaṃ devarājā sādhu bhāsati. Kiṃkāraṇā? Idañhi kasirañca dukkhaṃ assādarahitaṃ, parittañca na bahukaṃ ittarakālaṃ. Sace hi kasirampi samānaṃ dīghakālaṃ pavatteyya, parittakampi samānaṃ sukhaṃ bhaveyya, idaṃ pana kasirañceva parittañca sakalena vaṭṭadukkhena saṃyutaṃ sannihitaṃ. Sāhanti sā ahaṃ. Surundhananti surundhananagarañca kāsiraṭṭhañca chaḍḍetvā ekikāva pabbajissāmīti āha.
б̣од̇хисад̇д̇о д̇ассаа оваад̣̇ам̣ д̣̇ад̇ваа сагадтаанамзва г̇ад̇о. сааби бунад̣̇ивасз амажжз раж̇ж̇ам̣ бадижчаабзд̇ваа анд̇онаг̇арзязва раман̣ийяз уяяаанз исибаб̣б̣аж̇ж̇ам̣ баб̣б̣аж̇ид̇ваа д̇хаммам̣ жарид̇ваа ааяубарияосаанз д̇аавад̇им̣сабхаванз б̣од̇хисад̇д̇асса баад̣̇абарижааригаа худ̇ваа ниб̣б̣ад̇д̇и.
Bodhisatto tassā ovādaṃ datvā sakaṭṭhānameva gato. Sāpi punadivase amacce rajjaṃ paṭicchāpetvā antonagareyeva ramaṇīye uyyāne isipabbajjaṃ pabbajitvā dhammaṃ caritvā āyupariyosāne tāvatiṃsabhavane bodhisattassa pādaparicārikā hutvā nibbatti.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз угган̣тид̇абхигку сод̇аабад̇д̇ипалз бад̇идтахи. д̇ад̣̇аа рааж̇ад̇хийд̇аа раахуламаад̇аа ахоси, сагго бана ахамзва ахосинд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne ukkaṇṭhitabhikkhu sotāpattiphale patiṭṭhahi. Tadā rājadhītā rāhulamātā ahosi, sakko pana ahameva ahosinti.
уд̣̇аяаж̇аад̇агаван̣н̣анаа жад̇уд̇т̇аа.
Udayajātakavaṇṇanā catutthā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 458. уд̣̇аяаж̇аад̇агам̣ • 458. Udayajātakaṃ
