| Library / Tipiṭaka / д̇ибидага • Tipiṭaka / жуул̣анид̣̇д̣̇зсабаал̣и • Cūḷaniddesapāḷi |
13. уд̣̇аяамаан̣авабужчаанид̣̇д̣̇зсо
13. Udayamāṇavapucchāniddeso
74.
74.
жхааяим̣ вираж̇амаасийнам̣, [ижжааяасмаа уд̣̇аяо]
Jhāyiṃvirajamāsīnaṃ, [iccāyasmā udayo]
гад̇агижжам̣ анаасавам̣;
Katakiccaṃ anāsavaṃ;
баараг̇ум̣ саб̣б̣ад̇хаммаанам̣, ад̇т̇и бан̃хзна ааг̇амам̣;
Pāraguṃ sabbadhammānaṃ, atthi pañhena āgamaṃ;
ан̃н̃аавимогкам̣ баб̣руухи 1, авиж̇ж̇ааяа бабхзд̣̇анам̣.
Aññāvimokkhaṃ pabrūhi2, avijjāya pabhedanaṃ.
жхааяим̣ вираж̇амаасийнанд̇и. жхааяинд̇и жхааяий бхаг̇аваа. батамзнаби жхаанзна жхааяий, д̣̇уд̇иязнаби жхаанзна жхааяий, д̇ад̇иязнаби жхаанзна жхааяий, жад̇уд̇т̇знаби жхаанзна жхааяий, савид̇аггасавижаарзнаби жхаанзна жхааяий, авид̇аггавижаарамад̇д̇знаби жхаанзна жхааяий, авид̇аггаавижаарзнаби жхаанзна жхааяий, саббийд̇игзнаби жхаанзна жхааяий, ниббийд̇игзнаби жхаанзна жхааяий, саад̇асахаг̇ад̇знаби жхаанзна жхааяий, убзгкаасахаг̇ад̇знаби жхаанзна жхааяий, сун̃н̃ад̇знаби жхаанзна жхааяий, анимид̇д̇знаби жхаанзна жхааяий, аббан̣ихид̇знаби жхаанзна жхааяий, логиязнаби жхаанзна жхааяий, логуд̇д̇арзнаби жхаанзна жхааяий жхаанарад̇о згад̇д̇амануяуд̇д̇о сад̣̇ад̇т̇аг̇аругод̇и – жхааяим̣. вираж̇анд̇и рааг̇о раж̇о, д̣̇осо раж̇о, мохо раж̇о, год̇хо раж̇о, убанаахо раж̇о…бз… саб̣б̣аагусалаабхисан̇каараа раж̇аа. д̇з раж̇аа б̣уд̣̇д̇хасса бхаг̇авад̇о бахийнаа ужчиннамуулаа д̇аалаавад̇т̇угад̇аа анабхаавам̣гад̇аа ааяад̇им̣ ануббаад̣̇ад̇хаммаа. д̇асмаа б̣уд̣̇д̇хо араж̇о вираж̇о нираж̇о раж̇аабаг̇ад̇о раж̇авиббахийно раж̇авиббаяуд̇д̇о саб̣б̣араж̇авийд̇ивад̇д̇о.
Jhāyiṃ virajamāsīnanti. Jhāyinti jhāyī bhagavā. Paṭhamenapi jhānena jhāyī, dutiyenapi jhānena jhāyī, tatiyenapi jhānena jhāyī, catutthenapi jhānena jhāyī, savitakkasavicārenapi jhānena jhāyī, avitakkavicāramattenapi jhānena jhāyī, avitakkaavicārenapi jhānena jhāyī, sappītikenapi jhānena jhāyī, nippītikenapi jhānena jhāyī, sātasahagatenapi jhānena jhāyī, upekkhāsahagatenapi jhānena jhāyī, suññatenapi jhānena jhāyī, animittenapi jhānena jhāyī, appaṇihitenapi jhānena jhāyī, lokiyenapi jhānena jhāyī, lokuttarenapi jhānena jhāyī jhānarato ekattamanuyutto sadatthagarukoti – jhāyiṃ. Virajanti rāgo rajo, doso rajo, moho rajo, kodho rajo, upanāho rajo…pe… sabbākusalābhisaṅkhārā rajā. Te rajā buddhassa bhagavato pahīnā ucchinnamūlā tālāvatthukatā anabhāvaṃkatā āyatiṃ anuppādadhammā. Tasmā buddho arajo virajo nirajo rajāpagato rajavippahīno rajavippayutto sabbarajavītivatto.
рааг̇о раж̇о на жа бана рзн̣у вужжад̇и,
Rāgo rajo na ca pana reṇu vuccati,
рааг̇ассзд̇ам̣ ад̇хиважанам̣ раж̇од̇и;
Rāgassetaṃ adhivacanaṃ rajoti;
зд̇ам̣ раж̇ам̣ виббаж̇ахид̇ваа 3 жагкумаа, д̇асмаа ж̇ино виг̇ад̇араж̇од̇и вужжад̇и.
Etaṃ rajaṃ vippajahitvā 4 cakkhumā, tasmā jino vigatarajoti vuccati.
д̣̇осо раж̇о на жа бана рзн̣у вужжад̇и, д̣̇осассзд̇ам̣ ад̇хиважанам̣ раж̇од̇и;
Doso rajo na ca pana reṇu vuccati, dosassetaṃ adhivacanaṃ rajoti;
зд̇ам̣ раж̇ам̣ виббаж̇ахид̇ваа жагкумаа, д̇асмаа ж̇ино виг̇ад̇араж̇од̇и вужжад̇и.
Etaṃ rajaṃ vippajahitvā cakkhumā, tasmā jino vigatarajoti vuccati.
мохо раж̇о на жа бана рзн̣у вужжад̇и, мохассзд̇ам̣ ад̇хиважанам̣ раж̇од̇и;
Moho rajo na ca pana reṇu vuccati, mohassetaṃ adhivacanaṃ rajoti;
зд̇ам̣ раж̇ам̣ виббаж̇ахид̇ваа жагкумаа, д̇асмаа ж̇ино виг̇ад̇араж̇од̇и вужжад̇ийд̇и. –
Etaṃ rajaṃ vippajahitvā cakkhumā, tasmā jino vigatarajoti vuccatīti. –
вираж̇ам̣ …бз….
Virajaṃ …pe….
аасийнанд̇и нисинно бхаг̇аваа баасаан̣агз жзд̇иязд̇и – аасийно.
Āsīnanti nisinno bhagavā pāsāṇake cetiyeti – āsīno.
наг̇асса 5 бассз аасийнам̣, муним̣ д̣̇угкасса баараг̇ум̣;
Nagassa 6 passe āsīnaṃ, muniṃ dukkhassa pāraguṃ;
саавагаа баяирубаасанд̇и, д̇звиж̇ж̇аа мажжухааяинод̇и.
Sāvakā payirupāsanti, tevijjā maccuhāyinoti.
звамби бхаг̇аваа аасийно. ат̇а ваа, бхаг̇аваа саб̣б̣оссуггабадиббассад̣̇д̇хад̇д̇аа аасийно вуд̇т̇аваасо жин̣н̣ажаран̣о…бз… ж̇аад̇имаран̣асам̣сааро над̇т̇и д̇асса бунаб̣бхавод̇и. звамби бхаг̇аваа аасийнод̇и – жхааяим̣ вираж̇амаасийнам̣ .
Evampi bhagavā āsīno. Atha vā, bhagavā sabbossukkapaṭippassaddhattā āsīno vutthavāso ciṇṇacaraṇo…pe… jātimaraṇasaṃsāro natthi tassa punabbhavoti. Evampi bhagavā āsīnoti – jhāyiṃ virajamāsīnaṃ .
ижжааяасмаа уд̣̇аяод̇и. ижжаад̇и бад̣̇асанд̇хи…бз… ааяасмаад̇и бияаважанам̣…бз… уд̣̇аяод̇и д̇асса б̣раахман̣асса наамам̣…бз… абхилаабод̇и – ижжааяасмаа уд̣̇аяо.
Iccāyasmā udayoti. Iccāti padasandhi…pe… āyasmāti piyavacanaṃ…pe… udayoti tassa brāhmaṇassa nāmaṃ…pe… abhilāpoti – iccāyasmā udayo.
гад̇агижжам̣ анаасаванд̇и б̣уд̣̇д̇хасса бхаг̇авад̇о гижжаагижжам̣ гаран̣ийяаагаран̣ийяам̣ бахийнам̣ ужчиннамуулам̣ д̇аалаавад̇т̇угад̇ам̣ анабхаавам̣гад̇ам̣ ааяад̇им̣ ануббаад̣̇ад̇хаммам̣. д̇асмаа б̣уд̣̇д̇хо гад̇агижжо.
Katakiccaṃ anāsavanti buddhassa bhagavato kiccākiccaṃ karaṇīyākaraṇīyaṃ pahīnaṃ ucchinnamūlaṃ tālāvatthukataṃ anabhāvaṃkataṃ āyatiṃ anuppādadhammaṃ. Tasmā buddho katakicco.
яасса жа висад̇аа 7 над̇т̇и, чиннасод̇асса бхигкуно;
Yassa ca visatā 8 natthi, chinnasotassa bhikkhuno;
гижжаагижжаббахийнасса, барил̣аахо на виж̇ж̇ад̇ийд̇и.
Kiccākiccappahīnassa, pariḷāho na vijjatīti.
гад̇агижжам̣ анаасаванд̇и. аасаваад̇и жад̇д̇ааро аасаваа – гаамаасаво, бхаваасаво, д̣̇идтаасаво, авиж̇ж̇аасаво. д̇з аасаваа б̣уд̣̇д̇хасса бхаг̇авад̇о бахийнаа ужчиннамуулаа д̇аалаавад̇т̇угад̇аа анабхаавам̣гад̇аа ааяад̇им̣ ануббаад̣̇ад̇хаммаа. д̇асмаа б̣уд̣̇д̇хо анаасавод̇и – гад̇агижжам̣ анаасавам̣.
Katakiccaṃ anāsavanti. Āsavāti cattāro āsavā – kāmāsavo, bhavāsavo, diṭṭhāsavo, avijjāsavo. Te āsavā buddhassa bhagavato pahīnā ucchinnamūlā tālāvatthukatā anabhāvaṃkatā āyatiṃ anuppādadhammā. Tasmā buddho anāsavoti – katakiccaṃ anāsavaṃ.
баараг̇ум̣ саб̣б̣ад̇хаммаананд̇и бхаг̇аваа саб̣б̣ад̇хаммаанам̣ абхин̃н̃аабаараг̇уу барин̃н̃аабаараг̇уу бахаанабаараг̇уу бхааванаабаараг̇уу сажчигирияаабаараг̇уу самаабад̇д̇ибаараг̇уу. абхин̃н̃аабаараг̇уу саб̣б̣ад̇хаммаанам̣, барин̃н̃аабаараг̇уу саб̣б̣ад̣̇угкаанам̣, бахаанабаараг̇уу саб̣б̣агилзсаанам̣, бхааванаабаараг̇уу жад̇уннам̣ маг̇г̇аанам̣, сажчигирияаабаараг̇уу нирод̇хасса, самаабад̇д̇ибаараг̇уу саб̣б̣асамаабад̇д̇ийнам̣. со васиббад̇д̇о баарамиббад̇д̇о арияасмим̣ сийласмим̣; васиббад̇д̇о баарамиббад̇д̇о арияасмим̣ самаад̇хисмим̣; васиббад̇д̇о баарамиббад̇д̇о арияааяа бан̃н̃ааяа; васиббад̇д̇о баарамиббад̇д̇о арияааяа вимуд̇д̇ияаа. со баараг̇ад̇о баараббад̇д̇о анд̇аг̇ад̇о анд̇аббад̇д̇о годиг̇ад̇о годиббад̇д̇о барияанд̇аг̇ад̇о барияанд̇аббад̇д̇о восаанаг̇ад̇о восаанаббад̇д̇о д̇аан̣аг̇ад̇о д̇аан̣аббад̇д̇о лзн̣аг̇ад̇о лзн̣аббад̇д̇о саран̣аг̇ад̇о саран̣аббад̇д̇о абхаяаг̇ад̇о абхаяаббад̇д̇о ажжуд̇аг̇ад̇о ажжуд̇аббад̇д̇о амад̇аг̇ад̇о амад̇аббад̇д̇о ниб̣б̣аанаг̇ад̇о ниб̣б̣аанаббад̇д̇о. со вуд̇д̇аваасо жин̣н̣ажаран̣о…бз… ж̇аад̇имаран̣асам̣сааро над̇т̇и д̇асса бунаб̣бхавод̇и – баараг̇ум̣ саб̣б̣ад̇хаммаанам̣.
Pāraguṃ sabbadhammānanti bhagavā sabbadhammānaṃ abhiññāpāragū pariññāpāragū pahānapāragū bhāvanāpāragū sacchikiriyāpāragū samāpattipāragū. Abhiññāpāragū sabbadhammānaṃ, pariññāpāragū sabbadukkhānaṃ, pahānapāragū sabbakilesānaṃ, bhāvanāpāragū catunnaṃ maggānaṃ, sacchikiriyāpāragū nirodhassa, samāpattipāragū sabbasamāpattīnaṃ. So vasippatto pāramippatto ariyasmiṃ sīlasmiṃ; vasippatto pāramippatto ariyasmiṃ samādhismiṃ; vasippatto pāramippatto ariyāya paññāya; vasippatto pāramippatto ariyāya vimuttiyā. So pāragato pārappatto antagato antappatto koṭigato koṭippatto pariyantagato pariyantappatto vosānagato vosānappatto tāṇagato tāṇappatto leṇagato leṇappatto saraṇagato saraṇappatto abhayagato abhayappatto accutagato accutappatto amatagato amatappatto nibbānagato nibbānappatto. So vuttavāso ciṇṇacaraṇo…pe… jātimaraṇasaṃsāro natthi tassa punabbhavoti – pāraguṃ sabbadhammānaṃ.
ад̇т̇и бан̃хзна ааг̇аманд̇и бан̃хзна ад̇т̇иго ааг̇ад̇омхи, бан̃хам̣ бужчид̇угаамо ааг̇ад̇омхи, бан̃хам̣ сод̇угаамо ааг̇ад̇омхийд̇и, звамби ад̇т̇и бан̃хзна ааг̇амам̣. ат̇а ваа, бан̃хад̇т̇игаанам̣ бан̃хам̣ бужчид̇угаамаанам̣ бан̃хам̣ сод̇угаамаанам̣ ааг̇аманам̣ абхиггаманам̣ убасан̇гаманам̣ баяирубаасанам̣ ад̇т̇ийд̇и, звамби ад̇т̇и бан̃хзна ааг̇амам̣. ат̇а ваа, бан̃хааг̇амо д̇уяхам̣ ад̇т̇и, д̇вамби баху д̇вамаси аламад̇д̇о маяаа бужчид̇ам̣ гат̇зд̇ум̣ висаж̇ж̇зд̇ум̣, вахассзд̇ам̣ бхааранд̇и, звамби ад̇т̇и бан̃хзна ааг̇амам̣.
Atthi pañhena āgamanti pañhena atthiko āgatomhi, pañhaṃ pucchitukāmo āgatomhi, pañhaṃ sotukāmo āgatomhīti, evampi atthi pañhena āgamaṃ. Atha vā, pañhatthikānaṃ pañhaṃ pucchitukāmānaṃ pañhaṃ sotukāmānaṃ āgamanaṃ abhikkamanaṃ upasaṅkamanaṃ payirupāsanaṃ atthīti, evampi atthi pañhena āgamaṃ. Atha vā, pañhāgamo tuyhaṃ atthi, tvampi pahu tvamasi alamatto mayā pucchitaṃ kathetuṃ visajjetuṃ, vahassetaṃ bhāranti, evampi atthi pañhena āgamaṃ.
ан̃н̃аавимогкам̣ баб̣руухийд̇и ан̃н̃аавимогко вужжад̇и арахад̇д̇авимогко. арахад̇д̇авимогкам̣ баб̣руухи аажигкаахи д̣̇зсзхи бан̃н̃абзхи бадтабзхи вивараахи вибхаж̇аахи уд̇д̇аанийгарохи багаасзхийд̇и – ан̃н̃аавимогкам̣ баб̣руухи.
Aññāvimokkhaṃ pabrūhīti aññāvimokkho vuccati arahattavimokkho. Arahattavimokkhaṃ pabrūhi ācikkhāhi desehi paññapehi paṭṭhapehi vivarāhi vibhajāhi uttānīkarohi pakāsehīti – aññāvimokkhaṃ pabrūhi.
авиж̇ж̇ааяа бабхзд̣̇ананд̇и авиж̇ж̇ааяа бхзд̣̇анам̣ бабхзд̣̇анам̣ бахаанам̣ вуубасамам̣ бадиниссаг̇г̇ам̣ бадиббассад̣̇д̇хам̣ амад̇ам̣ ниб̣б̣аананд̇и – авиж̇ж̇ааяа бабхзд̣̇анам̣. д̇знааха со б̣раахман̣о –
Avijjāyapabhedananti avijjāya bhedanaṃ pabhedanaṃ pahānaṃ vūpasamaṃ paṭinissaggaṃ paṭippassaddhaṃ amataṃ nibbānanti – avijjāya pabhedanaṃ. Tenāha so brāhmaṇo –
‘‘жхааяим̣ вираж̇амаасийнам̣, [ижжааяасмаа уд̣̇аяо]
‘‘Jhāyiṃ virajamāsīnaṃ, [iccāyasmā udayo]
гад̇агижжам̣ анаасавам̣;
Katakiccaṃ anāsavaṃ;
баараг̇ум̣ саб̣б̣ад̇хаммаанам̣, ад̇т̇и бан̃хзна ааг̇амам̣;
Pāraguṃ sabbadhammānaṃ, atthi pañhena āgamaṃ;
ан̃н̃аавимогкам̣ баб̣руухи, авиж̇ж̇ааяа бабхзд̣̇ана’’нд̇и.
Aññāvimokkhaṃ pabrūhi, avijjāya pabhedana’’nti.
75.
75.
бахаанам̣ гаамажчанд̣̇аанам̣, [уд̣̇аяаад̇и бхаг̇аваа]
Pahānaṃkāmacchandānaṃ, [udayāti bhagavā]
д̣̇оманассаана жуубхаяам̣;
Domanassāna cūbhayaṃ;
т̇инасса 9 жа банууд̣̇анам̣, гуггужжаанам̣ нивааран̣ам̣.
Thinassa10ca panūdanaṃ, kukkuccānaṃ nivāraṇaṃ.
бахаанам̣ гаамажчанд̣̇аананд̇и. чанд̣̇од̇и яо гаамзсу гаамажчанд̣̇о гаамарааг̇о гаамананд̣̇ий гаамад̇ан̣хаа гаамасинзхо гаамабибаасаа гаамабарил̣аахо гаамамужчаа гаамаж̇жхосаанам̣ гаамогхо гаамаяог̇о гаамубаад̣̇аанам̣ гаамажчанд̣̇анийваран̣ам̣. бахаанам̣ гаамажчанд̣̇аананд̇и гаамажчанд̣̇аанам̣ бахаанам̣ вуубасамам̣ бадиниссаг̇г̇ам̣ бадиббассад̣̇д̇хим̣ амад̇ам̣ ниб̣б̣аананд̇и – бахаанам̣ гаамажчанд̣̇аанам̣. уд̣̇аяаад̇и бхаг̇аваад̇и. уд̣̇аяаад̇и бхаг̇аваа д̇ам̣ б̣раахман̣ам̣ наамзна аалабад̇и. бхаг̇аваад̇и г̇аараваад̇хиважанамзд̇ам̣…бз… сажчигаа бан̃н̃ад̇д̇и, яад̣̇ид̣̇ам̣ бхаг̇аваад̇и – уд̣̇аяаад̇и бхаг̇аваа.
Pahānaṃ kāmacchandānanti. Chandoti yo kāmesu kāmacchando kāmarāgo kāmanandī kāmataṇhā kāmasineho kāmapipāsā kāmapariḷāho kāmamucchā kāmajjhosānaṃ kāmogho kāmayogo kāmupādānaṃ kāmacchandanīvaraṇaṃ. Pahānaṃ kāmacchandānanti kāmacchandānaṃ pahānaṃ vūpasamaṃ paṭinissaggaṃ paṭippassaddhiṃ amataṃ nibbānanti – pahānaṃ kāmacchandānaṃ. Udayāti bhagavāti. Udayāti bhagavā taṃ brāhmaṇaṃ nāmena ālapati. Bhagavāti gāravādhivacanametaṃ…pe… sacchikā paññatti, yadidaṃ bhagavāti – udayāti bhagavā.
д̣̇оманассаана жуубхаяанд̇и. д̣̇оманассаад̇и яам̣ жзд̇асигам̣ асаад̇ам̣ жзд̇асигам̣ д̣̇угкам̣ жзд̇осампассаж̇ам̣ асаад̇ам̣ д̣̇угкам̣ взд̣̇аяид̇ам̣, жзд̇осампассаж̇аа асаад̇аа д̣̇угкаа взд̣̇анаа. д̣̇оманассаана жуубхаяанд̇и гаамажчанд̣̇асса жа д̣̇оманассасса жа убхиннам̣ бахаанам̣ вуубасамам̣ бадиниссаг̇г̇ам̣ бадиббассад̣̇д̇хим̣ амад̇ам̣ ниб̣б̣аананд̇и – д̣̇оманассаана жуубхаяам̣.
Domanassāna cūbhayanti. Domanassāti yaṃ cetasikaṃ asātaṃ cetasikaṃ dukkhaṃ cetosamphassajaṃ asātaṃ dukkhaṃ vedayitaṃ, cetosamphassajā asātā dukkhā vedanā. Domanassāna cūbhayanti kāmacchandassa ca domanassassa ca ubhinnaṃ pahānaṃ vūpasamaṃ paṭinissaggaṃ paṭippassaddhiṃ amataṃ nibbānanti – domanassāna cūbhayaṃ.
т̇инасса жа банууд̣̇ананд̇и. т̇инанд̇и яаа жид̇д̇асса агаляад̇аа агамман̃н̃ад̇аа олийяанаа саллийяанаа лийнаа лийяанаа лийяид̇ад̇д̇ам̣ т̇инам̣ т̇ияанаа 11 т̇ияид̇ад̇д̇ам̣ жид̇д̇асса. банууд̣̇ананд̇и т̇инасса жа банууд̣̇анам̣ бахаанам̣ вуубасамам̣ бадиниссаг̇г̇ам̣ бадиббассад̣̇д̇хим̣ амад̇ам̣ ниб̣б̣аананд̇и – т̇инасса жа банууд̣̇анам̣.
Thinassa ca panūdananti. Thinanti yā cittassa akalyatā akammaññatā olīyanā sallīyanā līnā līyanā līyitattaṃ thinaṃ thiyanā 12 thiyitattaṃ cittassa. Panūdananti thinassa ca panūdanaṃ pahānaṃ vūpasamaṃ paṭinissaggaṃ paṭippassaddhiṃ amataṃ nibbānanti – thinassa ca panūdanaṃ.
гуггужжаанам̣ нивааран̣анд̇и. гуггужжанд̇и хад̇т̇агуггужжамби гуггужжам̣, баад̣̇агуггужжамби гуггужжам̣, хад̇т̇абаад̣̇агуггужжамби гуггужжам̣. агаббияз габбияасан̃н̃ид̇аа, габбияз агаббияасан̃н̃ид̇аа…бз… аваж̇ж̇з важ̇ж̇асан̃н̃ид̇аа, важ̇ж̇з аваж̇ж̇асан̃н̃ид̇аа. яам̣ зваруубам̣ гуггужжам̣ гуггужжааяанаа гуггужжааяид̇ад̇д̇ам̣ жзд̇асо виббадисааро мановилзко, ид̣̇ам̣ вужжад̇и гуггужжам̣. аби жа, д̣̇вийхи гааран̣зхи уббаж̇ж̇ад̇и гуггужжам̣ жзд̇асо виббадисааро мановилзко – гад̇ад̇д̇аа жа агад̇ад̇д̇аа жа. гат̇ам̣ гад̇ад̇д̇аа жа агад̇ад̇д̇аа жа уббаж̇ж̇ад̇и гуггужжам̣ жзд̇асо виббадисааро мановилзко? ‘‘гад̇ам̣ мз гааяад̣̇ужжарид̇ам̣, агад̇ам̣ мз гааяасужарид̇а’’нд̇и уббаж̇ж̇ад̇и гуггужжам̣ жзд̇асо виббадисааро мановилзко . ‘‘гад̇ам̣ мз важийд̣̇ужжарид̇ам̣, агад̇ам̣ мз важийсужарид̇а’’нд̇и…бз… ‘‘гад̇ам̣ мз манод̣̇ужжарид̇ам̣, агад̇ам̣ мз маносужарид̇а’’нд̇и…бз… ‘‘гад̇о мз баан̣аад̇ибаад̇о, агад̇аа мз баан̣аад̇ибаад̇аа взраман̣ий’’д̇и…бз… ‘‘гад̇ам̣ мз ад̣̇иннаад̣̇аанам̣, агад̇аа мз ад̣̇иннаад̣̇аанаа взраман̣ий’’д̇и…бз… ‘‘гад̇о мз гаамзсумижчаажааро, агад̇аа мз гаамзсумижчаажаараа взраман̣ий’’д̇и…бз… ‘‘гад̇о мз мусааваад̣̇о, агад̇аа мз мусааваад̣̇аа взраман̣ий’’д̇и…бз… ‘‘гад̇аа мз бисун̣аа ваажаа 13, агад̇аа мз бисун̣ааяа ваажааяа взраман̣ий’’д̇и…бз… ‘‘гад̇аа мз парусаа ваажаа, агад̇аа мз парусааяа ваажааяа взраман̣ий’’д̇и…бз… ‘‘гад̇о мз сампаббалаабо, агад̇аа мз сампаббалаабаа взраман̣ий’’д̇и…бз… ‘‘гад̇аа мз абхиж̇жхаа, агад̇аа мз анабхиж̇жхаа’’д̇и…бз… ‘‘гад̇о мз б̣яаабаад̣̇о, агад̇о мз аб̣яаабаад̣̇о’’д̇и…бз… ‘‘гад̇аа мз мижчаад̣̇идти, агад̇аа мз саммаад̣̇идтий’’д̇и , уббаж̇ж̇ад̇и гуггужжам̣ жзд̇асо виббадисааро мановилзко. звам̣ гад̇ад̇д̇аа жа агад̇ад̇д̇аа жа уббаж̇ж̇ад̇и гуггужжам̣ жзд̇асо виббадисааро мановилзко.
Kukkuccānaṃ nivāraṇanti. Kukkuccanti hatthakukkuccampi kukkuccaṃ, pādakukkuccampi kukkuccaṃ, hatthapādakukkuccampi kukkuccaṃ. Akappiye kappiyasaññitā, kappiye akappiyasaññitā…pe… avajje vajjasaññitā, vajje avajjasaññitā. Yaṃ evarūpaṃ kukkuccaṃ kukkuccāyanā kukkuccāyitattaṃ cetaso vippaṭisāro manovilekho, idaṃ vuccati kukkuccaṃ. Api ca, dvīhi kāraṇehi uppajjati kukkuccaṃ cetaso vippaṭisāro manovilekho – katattā ca akatattā ca. Kathaṃ katattā ca akatattā ca uppajjati kukkuccaṃ cetaso vippaṭisāro manovilekho? ‘‘Kataṃ me kāyaduccaritaṃ, akataṃ me kāyasucarita’’nti uppajjati kukkuccaṃ cetaso vippaṭisāro manovilekho . ‘‘Kataṃ me vacīduccaritaṃ, akataṃ me vacīsucarita’’nti…pe… ‘‘kataṃ me manoduccaritaṃ, akataṃ me manosucarita’’nti…pe… ‘‘kato me pāṇātipāto, akatā me pāṇātipātā veramaṇī’’ti…pe… ‘‘kataṃ me adinnādānaṃ, akatā me adinnādānā veramaṇī’’ti…pe… ‘‘kato me kāmesumicchācāro, akatā me kāmesumicchācārā veramaṇī’’ti…pe… ‘‘kato me musāvādo, akatā me musāvādā veramaṇī’’ti…pe… ‘‘katā me pisuṇā vācā 14, akatā me pisuṇāya vācāya veramaṇī’’ti…pe… ‘‘katā me pharusā vācā, akatā me pharusāya vācāya veramaṇī’’ti…pe… ‘‘kato me samphappalāpo, akatā me samphappalāpā veramaṇī’’ti…pe… ‘‘katā me abhijjhā, akatā me anabhijjhā’’ti…pe… ‘‘kato me byāpādo, akato me abyāpādo’’ti…pe… ‘‘katā me micchādiṭṭhi, akatā me sammādiṭṭhī’’ti , uppajjati kukkuccaṃ cetaso vippaṭisāro manovilekho. Evaṃ katattā ca akatattā ca uppajjati kukkuccaṃ cetaso vippaṭisāro manovilekho.
ат̇а ваа, ‘‘сийлзсумхи абарибуурагаарий’’д̇и уббаж̇ж̇ад̇и гуггужжам̣ жзд̇асо виббадисааро мановилзко; ‘‘инд̣̇риязсумхи аг̇уд̇д̇ад̣̇вааро’’д̇и…бз… ‘‘бхож̇анз амад̇д̇ан̃н̃умхий’’д̇и… ‘‘ж̇ааг̇арияам̣ анануяуд̇д̇омхий’’д̇и… ‘‘на сад̇исамбаж̇ан̃н̃зна саманнааг̇ад̇омхий’’д̇и… ‘‘абхаавид̇аа мз жад̇д̇ааро сад̇ибадтаанаад̇и, жад̇д̇ааро саммаббад̇хаанаад̇и жад̇д̇ааро ид̣̇д̇хибаад̣̇аад̇и, бан̃жинд̣̇рияаанийд̇и, бан̃жа б̣алаанийд̇и, сад̇д̇а б̣ож̇жхан̇г̇аад̇и, арияо адтан̇г̇иго маг̇г̇о’’д̇и… ‘‘д̣̇угкам̣ мз абарин̃н̃аад̇ам̣, самуд̣̇аяо мз аббахийно, маг̇г̇о мз абхаавид̇о, нирод̇хо мз асажчигад̇о’’д̇и уббаж̇ж̇ад̇и гуггужжам̣ жзд̇асо виббадисааро мановилзко.
Atha vā, ‘‘sīlesumhi aparipūrakārī’’ti uppajjati kukkuccaṃ cetaso vippaṭisāro manovilekho; ‘‘indriyesumhi aguttadvāro’’ti…pe… ‘‘bhojane amattaññumhī’’ti… ‘‘jāgariyaṃ ananuyuttomhī’’ti… ‘‘na satisampajaññena samannāgatomhī’’ti… ‘‘abhāvitā me cattāro satipaṭṭhānāti, cattāro sammappadhānāti cattāro iddhipādāti, pañcindriyānīti, pañca balānīti, satta bojjhaṅgāti, ariyo aṭṭhaṅgiko maggo’’ti… ‘‘dukkhaṃ me apariññātaṃ, samudayo me appahīno, maggo me abhāvito, nirodho me asacchikato’’ti uppajjati kukkuccaṃ cetaso vippaṭisāro manovilekho.
гуггужжаанам̣ нивааран̣анд̇и гуггужжаанам̣ ааваран̣ам̣ нийваран̣ам̣ бахаанам̣ убасамам̣ вуубасамам̣ бадиниссаг̇г̇ам̣ бадиббассад̣̇д̇хим̣ амад̇ам̣ ниб̣б̣аананд̇и – гуггужжаанам̣ нивааран̣ам̣. д̇знааха бхаг̇аваа –
Kukkuccānaṃ nivāraṇanti kukkuccānaṃ āvaraṇaṃ nīvaraṇaṃ pahānaṃ upasamaṃ vūpasamaṃ paṭinissaggaṃ paṭippassaddhiṃ amataṃ nibbānanti – kukkuccānaṃ nivāraṇaṃ. Tenāha bhagavā –
‘‘бахаанам̣ гаамажчанд̣̇аанам̣, [уд̣̇аяаад̇и бхаг̇аваа]
‘‘Pahānaṃ kāmacchandānaṃ, [udayāti bhagavā]
д̣̇оманассаана жуубхаяам̣;
Domanassāna cūbhayaṃ;
т̇инасса жа банууд̣̇анам̣, гуггужжаанам̣ нивааран̣а’’нд̇и.
Thinassa ca panūdanaṃ, kukkuccānaṃ nivāraṇa’’nti.
76.
76.
убзгкаасад̇исам̣суд̣̇д̇хам̣ , д̇хаммад̇аггабурзж̇авам̣;
Upekkhāsatisaṃsuddhaṃ, dhammatakkapurejavaṃ;
ан̃н̃аавимогкам̣ баб̣рууми, авиж̇ж̇ааяа бабхзд̣̇анам̣.
Aññāvimokkhaṃ pabrūmi, avijjāya pabhedanaṃ.
убзгкаасад̇исам̣суд̣̇д̇ханд̇и. убзгкаад̇и яаа жад̇уд̇т̇з жхаанз убзгкаа убзгканаа аж̇жхубзгканаа жид̇д̇асамад̇аа 15 жид̇д̇аббассад̣̇д̇хад̇аа маж̇жхад̇д̇ад̇аа жид̇д̇асса. сад̇ийд̇и яаа жад̇уд̇т̇з жхаанз убзгкам̣ аараб̣бха сад̇и ануссад̇и…бз… саммаасад̇и. убзгкаасад̇исам̣суд̣̇д̇ханд̇и жад̇уд̇т̇з жхаанз убзгкаа жа сад̇и жа суд̣̇д̇хаа хонд̇и висуд̣̇д̇хаа сам̣суд̣̇д̇хаа барисуд̣̇д̇хаа барияод̣̇аад̇аа анан̇г̇ан̣аа виг̇ад̇уубаггилзсаа муд̣̇убхууд̇аа гамманияаа тид̇аа аанзн̃ж̇аббад̇д̇аад̇и – убзгкаасад̇исам̣суд̣̇д̇хам̣.
Upekkhāsatisaṃsuddhanti. Upekkhāti yā catutthe jhāne upekkhā upekkhanā ajjhupekkhanā cittasamatā 16 cittappassaddhatā majjhattatā cittassa. Satīti yā catutthe jhāne upekkhaṃ ārabbha sati anussati…pe… sammāsati. Upekkhāsatisaṃsuddhanti catutthe jhāne upekkhā ca sati ca suddhā honti visuddhā saṃsuddhā parisuddhā pariyodātā anaṅgaṇā vigatūpakkilesā mudubhūtā kammaniyā ṭhitā āneñjappattāti – upekkhāsatisaṃsuddhaṃ.
д̇хаммад̇аггабурзж̇аванд̇и д̇хаммад̇агго вужжад̇и саммаасан̇габбо. со аад̣̇ид̇о ход̇и, бурад̇о ход̇и, буб̣б̣ан̇г̇амо ход̇и ан̃н̃аавимогкассаад̇и, звамби д̇хаммад̇аггабурзж̇авам̣. ат̇а ваа, д̇хаммад̇агго вужжад̇и саммаад̣̇идти. саа аад̣̇ид̇о ход̇и, бурад̇о ход̇и, буб̣б̣ан̇г̇амо ход̇и ан̃н̃аавимогкассаад̇и , звамби д̇хаммад̇аггабурзж̇авам̣. ат̇а ваа, д̇хаммад̇агго вужжад̇и жад̇уннам̣ маг̇г̇аанам̣ буб̣б̣абхааг̇авибассанаа. саа аад̣̇ид̇о ход̇и, бурад̇о ход̇и, буб̣б̣ан̇г̇амо ход̇и ан̃н̃аавимогкассаад̇и – звамби д̇хаммад̇аггабурзж̇авам̣.
Dhammatakkapurejavanti dhammatakko vuccati sammāsaṅkappo. So ādito hoti, purato hoti, pubbaṅgamo hoti aññāvimokkhassāti, evampi dhammatakkapurejavaṃ. Atha vā, dhammatakko vuccati sammādiṭṭhi. Sā ādito hoti, purato hoti, pubbaṅgamo hoti aññāvimokkhassāti , evampi dhammatakkapurejavaṃ. Atha vā, dhammatakko vuccati catunnaṃ maggānaṃ pubbabhāgavipassanā. Sā ādito hoti, purato hoti, pubbaṅgamo hoti aññāvimokkhassāti – evampi dhammatakkapurejavaṃ.
ан̃н̃аавимогкам̣ баб̣руумийд̇и ан̃н̃аавимогко вужжад̇и арахад̇д̇авимогко. арахад̇д̇авимогкам̣ баб̣рууми аажигкаами д̣̇зсзми бан̃н̃абзми бадтабзми вивараами вибхаж̇аами уд̇д̇аанийгароми багаасзмийд̇и – ан̃н̃аавимогкам̣ баб̣рууми.
Aññāvimokkhaṃ pabrūmīti aññāvimokkho vuccati arahattavimokkho. Arahattavimokkhaṃ pabrūmi ācikkhāmi desemi paññapemi paṭṭhapemi vivarāmi vibhajāmi uttānīkaromi pakāsemīti – aññāvimokkhaṃ pabrūmi.
авиж̇ж̇ааяа бабхзд̣̇ананд̇и. авиж̇ж̇аад̇и д̣̇угкз ан̃н̃аан̣ам̣…бз… авиж̇ж̇аа мохо агусаламуулам̣. бабхзд̣̇ананд̇и авиж̇ж̇ааяа бабхзд̣̇анам̣ бахаанам̣ вуубасамам̣ бадиниссаг̇г̇ам̣ бадиббассад̣̇д̇хим̣ амад̇ам̣ ниб̣б̣аананд̇и – авиж̇ж̇ааяа бабхзд̣̇анам̣. д̇знааха бхаг̇аваа –
Avijjāya pabhedananti. Avijjāti dukkhe aññāṇaṃ…pe… avijjā moho akusalamūlaṃ. Pabhedananti avijjāya pabhedanaṃ pahānaṃ vūpasamaṃ paṭinissaggaṃ paṭippassaddhiṃ amataṃ nibbānanti – avijjāya pabhedanaṃ. Tenāha bhagavā –
‘‘убзгкаасад̇исам̣суд̣̇д̇хам̣, д̇хаммад̇аггабурзж̇авам̣;
‘‘Upekkhāsatisaṃsuddhaṃ, dhammatakkapurejavaṃ;
ан̃н̃аавимогкам̣ баб̣рууми, авиж̇ж̇ааяа бабхзд̣̇ана’’нд̇и.
Aññāvimokkhaṃ pabrūmi, avijjāya pabhedana’’nti.
77.
77.
гим̣су сам̣яож̇ано лого, гим̣су д̇асса вижааран̣ам̣;
Kiṃsu saṃyojano loko, kiṃsu tassa vicāraṇaṃ;
гиссасса виббахаанзна, ниб̣б̣аанам̣ ид̇и вужжад̇и.
Kissassa vippahānena, nibbānaṃ iti vuccati.
гим̣су сам̣яож̇ано логод̇и логасса сам̣яож̇анам̣ лаг̇г̇анам̣ б̣анд̇ханам̣ убаггилзсо. гзна лого яуд̇д̇о баяуд̇д̇о ааяуд̇д̇о самааяуд̇д̇о лаг̇г̇о лаг̇г̇ид̇о балиб̣уд̣̇д̇ход̇и – гим̣су сам̣яож̇ано лого.
Kiṃsusaṃyojano lokoti lokassa saṃyojanaṃ lagganaṃ bandhanaṃ upakkileso. Kena loko yutto payutto āyutto samāyutto laggo laggito palibuddhoti – kiṃsu saṃyojano loko.
гим̣су д̇асса вижааран̣анд̇и гим̣су д̇асса жааран̣ам̣ вижааран̣ам̣ бадивижааран̣ам̣. гзна лого жарад̇и вижарад̇и бадивижарад̇ийд̇и – гим̣су д̇асса вижааран̣ам̣. гиссасса виббахаанзна ниб̣б̣аанам̣ ид̇и вужжад̇ийд̇и гиссасса виббахаанзна вуубасамзна бадиниссаг̇г̇зна бадиббассад̣̇д̇хияаа ниб̣б̣аанам̣ ид̇и вужжад̇и бавужжад̇и гат̇ийяад̇и бхан̣ийяад̇и д̣̇ийбийяад̇и вохарийяад̇ийд̇и – гиссасса виббахаанзна ниб̣б̣аанам̣ ид̇и вужжад̇и. д̇знааха со б̣раахман̣о –
Kiṃsu tassa vicāraṇanti kiṃsu tassa cāraṇaṃ vicāraṇaṃ paṭivicāraṇaṃ. Kena loko carati vicarati paṭivicaratīti – kiṃsu tassa vicāraṇaṃ. Kissassa vippahānena nibbānaṃ iti vuccatīti kissassa vippahānena vūpasamena paṭinissaggena paṭippassaddhiyā nibbānaṃ iti vuccati pavuccati kathīyati bhaṇīyati dīpīyati voharīyatīti – kissassa vippahānena nibbānaṃ iti vuccati. Tenāha so brāhmaṇo –
‘‘гим̣су сам̣яож̇ано лого, гим̣су д̇асса вижааран̣ам̣;
‘‘Kiṃsu saṃyojano loko, kiṃsu tassa vicāraṇaṃ;
гиссасса виббахаанзна, ниб̣б̣аанам̣ ид̇и вужжад̇ий’’д̇и.
Kissassa vippahānena, nibbānaṃ iti vuccatī’’ti.
78.
78.
нанд̣̇исам̣яож̇ано лого, вид̇аггасса вижааран̣аа;
Nandisaṃyojanoloko, vitakkassa vicāraṇā;
д̇ан̣хааяа виббахаанзна, ниб̣б̣аанам̣ ид̇и вужжад̇и.
Taṇhāya vippahānena, nibbānaṃ iti vuccati.
нанд̣̇исам̣яож̇ано логод̇и нанд̣̇ий вужжад̇и д̇ан̣хаа. яо рааг̇о саарааг̇о…бз… абхиж̇жхаа лобхо агусаламуулам̣, аяам̣ вужжад̇и нанд̣̇ий. яаа нанд̣̇ий логасса сам̣яож̇анам̣ лаг̇г̇анам̣ б̣анд̇ханам̣ убаггилзсо, имааяа нанд̣̇ияаа лого яуд̇д̇о баяуд̇д̇о ааяуд̇д̇о самааяуд̇д̇о лаг̇г̇о лаг̇г̇ид̇о балиб̣уд̣̇д̇ход̇и – нанд̣̇исам̣яож̇ано лого.
Nandisaṃyojano lokoti nandī vuccati taṇhā. Yo rāgo sārāgo…pe… abhijjhā lobho akusalamūlaṃ, ayaṃ vuccati nandī. Yā nandī lokassa saṃyojanaṃ lagganaṃ bandhanaṃ upakkileso, imāya nandiyā loko yutto payutto āyutto samāyutto laggo laggito palibuddhoti – nandisaṃyojano loko.
вид̇аггасса вижааран̣аад̇и. вид̇аггаад̇и нава вид̇аггаа – гаамавид̇агго, б̣яаабаад̣̇авид̇агго, вихим̣саавид̇агго, н̃аад̇ивид̇агго ж̇анабад̣̇авид̇агго , амараавид̇агго, бараануд̣̇аяад̇аабадисам̣яуд̇д̇о вид̇агго, лаабхасаггаарасилогабадисам̣яуд̇д̇о вид̇агго, анаван̃н̃ад̇д̇ибадисам̣яуд̇д̇о вид̇агго. имз вужжанд̇и нава вид̇аггаа. имз нава вид̇аггаа логасса жааран̣аа вижааран̣аа бадивижааран̣аа. имзхи навахи вид̇аггзхи лого жарад̇и вижарад̇и бадивижарад̇ийд̇и – вид̇аггасса вижааран̣аа.
Vitakkassa vicāraṇāti. Vitakkāti nava vitakkā – kāmavitakko, byāpādavitakko, vihiṃsāvitakko, ñātivitakko janapadavitakko , amarāvitakko, parānudayatāpaṭisaṃyutto vitakko, lābhasakkārasilokapaṭisaṃyutto vitakko, anavaññattipaṭisaṃyutto vitakko. Ime vuccanti nava vitakkā. Ime nava vitakkā lokassa cāraṇā vicāraṇā paṭivicāraṇā. Imehi navahi vitakkehi loko carati vicarati paṭivicaratīti – vitakkassa vicāraṇā.
д̇ан̣хааяа виббахаанзна ниб̣б̣аанам̣ ид̇и вужжад̇ийд̇и. д̇ан̣хаад̇и руубад̇ан̣хаа…бз… д̇хаммад̇ан̣хаа. д̇ан̣хааяа виббахаанзна ниб̣б̣аанам̣ ид̇и вужжад̇ийд̇и д̇ан̣хааяа виббахаанзна вуубасамзна бадиниссаг̇г̇зна бадиббассад̣̇д̇хияаа ниб̣б̣аанам̣ ид̇и вужжад̇и бавужжад̇и гат̇ийяад̇и бхан̣ийяад̇и д̣̇ийбийяад̇и вохарийяад̇ийд̇и – д̇ан̣хааяа виббахаанзна ниб̣б̣аанам̣ ид̇и вужжад̇и. д̇знааха бхаг̇аваа –
Taṇhāya vippahānena nibbānaṃ iti vuccatīti. Taṇhāti rūpataṇhā…pe… dhammataṇhā. Taṇhāya vippahānena nibbānaṃ iti vuccatīti taṇhāya vippahānena vūpasamena paṭinissaggena paṭippassaddhiyā nibbānaṃ iti vuccati pavuccati kathīyati bhaṇīyati dīpīyati voharīyatīti – taṇhāya vippahānena nibbānaṃ iti vuccati. Tenāha bhagavā –
‘‘нанд̣̇исам̣яож̇ано лого, вид̇аггасса вижааран̣аа;
‘‘Nandisaṃyojano loko, vitakkassa vicāraṇā;
д̇ан̣хааяа виббахаанзна, ниб̣б̣аанам̣ ид̇и вужжад̇ий’’д̇и.
Taṇhāya vippahānena, nibbānaṃ iti vuccatī’’ti.
79.
79.
гат̇ам̣ сад̇асса жарад̇о, вин̃н̃аан̣ам̣ убаруж̇жхад̇и;
Kathaṃ satassa carato, viññāṇaṃ uparujjhati;
бхаг̇аванд̇ам̣ будтумааг̇амаа, д̇ам̣ сун̣ома важо д̇ава.
Bhagavantaṃ puṭṭhumāgamā, taṃ suṇoma vaco tava.
гат̇ам̣ сад̇асса жарад̇од̇и гат̇ам̣ сад̇асса самбаж̇аанасса жарад̇о вихарад̇о ирияад̇о вад̇д̇аяад̇о баалаяад̇о яабаяад̇о яаабаяад̇од̇и – гат̇ам̣ сад̇асса жарад̇о.
Kathaṃ satassa caratoti kathaṃ satassa sampajānassa carato viharato iriyato vattayato pālayato yapayato yāpayatoti – kathaṃ satassa carato.
вин̃н̃аан̣ам̣ убаруж̇жхад̇ийд̇и вин̃н̃аан̣ам̣ нируж̇жхад̇и вуубасаммад̇и ад̇т̇ам̣ г̇ажчад̇и бадиббассамбхад̇ийд̇и – вин̃н̃аан̣ам̣ убаруж̇жхад̇и.
Viññāṇaṃuparujjhatīti viññāṇaṃ nirujjhati vūpasammati atthaṃ gacchati paṭippassambhatīti – viññāṇaṃ uparujjhati.
бхаг̇аванд̇ам̣ будтумааг̇амаад̇и б̣уд̣̇д̇хам̣ бхаг̇аванд̇ам̣ будтум̣ бужчид̇ум̣ яаажид̇ум̣ аж̇жхзсид̇ум̣ басаад̣̇зд̇ум̣ ааг̇амхаа ааг̇ад̇амхаа убааг̇ад̇амхаа самбад̇д̇амхаа, ‘‘д̇аяаа сад̣̇д̇хим̣ самааг̇ад̇амхаа’’д̇и – бхаг̇аванд̇ам̣ будтумааг̇амаа.
Bhagavantaṃ puṭṭhumāgamāti buddhaṃ bhagavantaṃ puṭṭhuṃ pucchituṃ yācituṃ ajjhesituṃ pasādetuṃ āgamhā āgatamhā upāgatamhā sampattamhā, ‘‘tayā saddhiṃ samāgatamhā’’ti – bhagavantaṃ puṭṭhumāgamā.
д̇ам̣ сун̣ома важо д̇аваад̇и. д̇анд̇и д̇уяхам̣ важанам̣ б̣яаббат̇ам̣ д̣̇зсанам̣ анусаасанам̣ анусидтам̣ сун̣ома уг̇г̇ан̣хаама д̇хаарзма убад̇хаарзма убалагкзмаад̇и – д̇ам̣ сун̣ома важо д̇ава. д̇знааха со б̣раахман̣о –
Taṃ suṇoma vaco tavāti. Tanti tuyhaṃ vacanaṃ byappathaṃ desanaṃ anusāsanaṃ anusiṭṭhaṃ suṇoma uggaṇhāma dhārema upadhārema upalakkhemāti – taṃ suṇoma vaco tava. Tenāha so brāhmaṇo –
‘‘гат̇ам̣ сад̇асса жарад̇о, вин̃н̃аан̣ам̣ убаруж̇жхад̇и;
‘‘Kathaṃ satassa carato, viññāṇaṃ uparujjhati;
бхаг̇аванд̇ам̣ будтумааг̇амаа, д̇ам̣ сун̣ома важо д̇аваа’’д̇и.
Bhagavantaṃ puṭṭhumāgamā, taṃ suṇoma vaco tavā’’ti.
80.
80.
аж̇жхад̇д̇ан̃жа б̣ахид̣̇д̇хаа жа, взд̣̇анам̣ наабхинанд̣̇ад̇о;
Ajjhattañca bahiddhā ca, vedanaṃ nābhinandato;
звам̣ сад̇асса жарад̇о, вин̃н̃аан̣ам̣ убаруж̇жхад̇и.
Evaṃ satassa carato, viññāṇaṃ uparujjhati.
аж̇жхад̇д̇ан̃жа б̣ахид̣̇д̇хаа жа взд̣̇анам̣ наабхинанд̣̇ад̇од̇и аж̇жхад̇д̇ам̣ взд̣̇анаасу взд̣̇анаанубассий вихаранд̇о взд̣̇анам̣ наабхинанд̣̇ад̇и наабхивад̣̇ад̇и на аж̇жхосзд̇и 17, абхинанд̣̇анам̣ абхивад̣̇анам̣ аж̇жхосаанам̣ г̇аахам̣ бараамаасам̣ абхинивзсам̣ баж̇ахад̇и винод̣̇зд̇и б̣яанд̇ийгарод̇и анабхаавам̣ г̇амзд̇и; б̣ахид̣̇д̇хаа взд̣̇анаасу взд̣̇анаанубассий вихаранд̇о взд̣̇анам̣ наабхинанд̣̇ад̇и наабхивад̣̇ад̇и на аж̇жхосзд̇и, абхинанд̣̇анам̣ абхивад̣̇анам̣ аж̇жхосаанам̣ г̇аахам̣ бараамаасам̣ абхинивзсам̣ баж̇ахад̇и винод̣̇зд̇и б̣яанд̇ийгарод̇и анабхаавам̣ г̇амзд̇и; аж̇жхад̇д̇аб̣ахид̣̇д̇хаа взд̣̇анаасу взд̣̇анаанубассий вихаранд̇о взд̣̇анам̣ наабхинанд̣̇ад̇и наабхивад̣̇ад̇и на аж̇жхосзд̇и, абхинанд̣̇анам̣ абхивад̣̇анам̣ аж̇жхосаанам̣ г̇аахам̣ бараамаасам̣ абхинивзсам̣ баж̇ахад̇и винод̣̇зд̇и б̣яанд̇ийгарод̇и анабхаавам̣ г̇амзд̇и. аж̇жхад̇д̇ам̣ самуд̣̇аяад̇хаммаанубассий взд̣̇анаасу взд̣̇анаанубассий 18 вихаранд̇о взд̣̇анам̣ наабхинанд̣̇ад̇и наабхивад̣̇ад̇и на аж̇жхосзд̇и, абхинанд̣̇анам̣ абхивад̣̇анам̣ аж̇жхосаанам̣ г̇аахам̣ бараамаасам̣ абхинивзсам̣ баж̇ахад̇и винод̣̇зд̇и б̣яанд̇ийгарод̇и анабхаавам̣ г̇амзд̇и; аж̇жхад̇д̇ам̣ ваяад̇хаммаанубассий взд̣̇анаасу взд̣̇анаанубассий вихаранд̇о…бз… аж̇жхад̇д̇ам̣ самуд̣̇аяаваяад̇хаммаанубассий взд̣̇анаасу взд̣̇анаанубассий вихаранд̇о…бз… б̣ахид̣̇д̇хаа самуд̣̇аяад̇хаммаанубассий взд̣̇анаасу взд̣̇анаанубассий вихаранд̇о взд̣̇анам̣ наабхинанд̣̇ад̇и наабхивад̣̇ад̇и на аж̇жхосзд̇и, абхинанд̣̇анам̣ абхивад̣̇анам̣ аж̇жхосаанам̣ г̇аахам̣ бараамаасам̣ абхинивзсам̣ баж̇ахад̇и винод̣̇зд̇и б̣яанд̇ийгарод̇и анабхаавам̣ г̇амзд̇и; б̣ахид̣̇д̇хаа ваяад̇хаммаанубассий взд̣̇анаасу взд̣̇анаанубассий вихаранд̇о…бз… б̣ахид̣̇д̇хаа самуд̣̇аяаваяад̇хаммаанубассий взд̣̇анаасу взд̣̇анаанубассий вихаранд̇о…бз… аж̇жхад̇д̇аб̣ахид̣̇д̇хаа самуд̣̇аяад̇хаммаанубассий взд̣̇анаасу взд̣̇анаанубассий вихаранд̇о…бз… аж̇жхад̇д̇аб̣ахид̣̇д̇хаа ваяад̇хаммаанубассий взд̣̇анаасу взд̣̇анаанубассий вихаранд̇о…бз… аж̇жхад̇д̇аб̣ахид̣̇д̇хаа самуд̣̇аяаваяад̇хаммаанубассий взд̣̇анаасу взд̣̇анаанубассий вихаранд̇о взд̣̇анам̣ наабхинанд̣̇ад̇и наабхивад̣̇ад̇и на аж̇жхосзд̇и, абхинанд̣̇анам̣ абхивад̣̇анам̣ аж̇жхосаанам̣ г̇аахам̣ бараамаасам̣ абхинивзсам̣ баж̇ахад̇и винод̣̇зд̇и б̣яанд̇ийгарод̇и анабхаавам̣ г̇амзд̇и. имзхи д̣̇ваад̣̇асахи аагаарзхи взд̣̇анаасу взд̣̇анаанубассий вихаранд̇о…бз… анабхаавам̣ г̇амзд̇и.
Ajjhattañca bahiddhā ca vedanaṃ nābhinandatoti ajjhattaṃ vedanāsu vedanānupassī viharanto vedanaṃ nābhinandati nābhivadati na ajjhoseti 19, abhinandanaṃ abhivadanaṃ ajjhosānaṃ gāhaṃ parāmāsaṃ abhinivesaṃ pajahati vinodeti byantīkaroti anabhāvaṃ gameti; bahiddhā vedanāsu vedanānupassī viharanto vedanaṃ nābhinandati nābhivadati na ajjhoseti, abhinandanaṃ abhivadanaṃ ajjhosānaṃ gāhaṃ parāmāsaṃ abhinivesaṃ pajahati vinodeti byantīkaroti anabhāvaṃ gameti; ajjhattabahiddhā vedanāsu vedanānupassī viharanto vedanaṃ nābhinandati nābhivadati na ajjhoseti, abhinandanaṃ abhivadanaṃ ajjhosānaṃ gāhaṃ parāmāsaṃ abhinivesaṃ pajahati vinodeti byantīkaroti anabhāvaṃ gameti. Ajjhattaṃ samudayadhammānupassī vedanāsu vedanānupassī 20 viharanto vedanaṃ nābhinandati nābhivadati na ajjhoseti, abhinandanaṃ abhivadanaṃ ajjhosānaṃ gāhaṃ parāmāsaṃ abhinivesaṃ pajahati vinodeti byantīkaroti anabhāvaṃ gameti; ajjhattaṃ vayadhammānupassī vedanāsu vedanānupassī viharanto…pe… ajjhattaṃ samudayavayadhammānupassī vedanāsu vedanānupassī viharanto…pe… bahiddhā samudayadhammānupassī vedanāsu vedanānupassī viharanto vedanaṃ nābhinandati nābhivadati na ajjhoseti, abhinandanaṃ abhivadanaṃ ajjhosānaṃ gāhaṃ parāmāsaṃ abhinivesaṃ pajahati vinodeti byantīkaroti anabhāvaṃ gameti; bahiddhā vayadhammānupassī vedanāsu vedanānupassī viharanto…pe… bahiddhā samudayavayadhammānupassī vedanāsu vedanānupassī viharanto…pe… ajjhattabahiddhā samudayadhammānupassī vedanāsu vedanānupassī viharanto…pe… ajjhattabahiddhā vayadhammānupassī vedanāsu vedanānupassī viharanto…pe… ajjhattabahiddhā samudayavayadhammānupassī vedanāsu vedanānupassī viharanto vedanaṃ nābhinandati nābhivadati na ajjhoseti, abhinandanaṃ abhivadanaṃ ajjhosānaṃ gāhaṃ parāmāsaṃ abhinivesaṃ pajahati vinodeti byantīkaroti anabhāvaṃ gameti. Imehi dvādasahi ākārehi vedanāsu vedanānupassī viharanto…pe… anabhāvaṃ gameti.
ат̇а ваа, взд̣̇анам̣ анижжад̇о бассанд̇о взд̣̇анам̣ наабхинанд̣̇ад̇и наабхивад̣̇ад̇и на аж̇жхосзд̇и, абхинанд̣̇анам̣ абхивад̣̇анам̣ аж̇жхосаанам̣ г̇аахам̣ бараамаасам̣ абхинивзсам̣ баж̇ахад̇и винод̣̇зд̇и б̣яанд̇ийгарод̇и анабхаавам̣ г̇амзд̇и. взд̣̇анам̣ д̣̇угкад̇о рог̇ад̇о г̇ан̣д̣ад̇о саллад̇о агхад̇о ааб̣аад̇хад̇о…бз… ниссаран̣ад̇о бассанд̇о взд̣̇анам̣ наабхинанд̣̇ад̇и наабхивад̣̇ад̇и на аж̇жхосзд̇и, абхинанд̣̇анам̣ абхивад̣̇анам̣ аж̇жхосаанам̣ г̇аахам̣ бараамаасам̣ абхинивзсам̣ баж̇ахад̇и винод̣̇зд̇и б̣яанд̇ийгарод̇и анабхаавам̣ г̇амзд̇и. имзхи жад̇д̇аалийсааяа 21 аагаарзхи взд̣̇анаасу взд̣̇анаанубассий вихаранд̇о взд̣̇анам̣ наабхинанд̣̇ад̇и наабхивад̣̇ад̇и на аж̇жхосзд̇и, абхинанд̣̇анам̣ абхивад̣̇анам̣ аж̇жхосаанам̣ г̇аахам̣ бараамаасам̣ абхинивзсам̣ баж̇ахад̇и винод̣̇зд̇и б̣яанд̇ийгарод̇и анабхаавам̣ г̇амзд̇ийд̇и – аж̇жхад̇д̇ан̃жа б̣ахид̣̇д̇хаа жа взд̣̇анам̣ наабхинанд̣̇ад̇о.
Atha vā, vedanaṃ aniccato passanto vedanaṃ nābhinandati nābhivadati na ajjhoseti, abhinandanaṃ abhivadanaṃ ajjhosānaṃ gāhaṃ parāmāsaṃ abhinivesaṃ pajahati vinodeti byantīkaroti anabhāvaṃ gameti. Vedanaṃ dukkhato rogato gaṇḍato sallato aghato ābādhato…pe… nissaraṇato passanto vedanaṃ nābhinandati nābhivadati na ajjhoseti, abhinandanaṃ abhivadanaṃ ajjhosānaṃ gāhaṃ parāmāsaṃ abhinivesaṃ pajahati vinodeti byantīkaroti anabhāvaṃ gameti. Imehi cattālīsāya 22 ākārehi vedanāsu vedanānupassī viharanto vedanaṃ nābhinandati nābhivadati na ajjhoseti, abhinandanaṃ abhivadanaṃ ajjhosānaṃ gāhaṃ parāmāsaṃ abhinivesaṃ pajahati vinodeti byantīkaroti anabhāvaṃ gametīti – ajjhattañca bahiddhā ca vedanaṃ nābhinandato.
звам̣ сад̇асса жарад̇од̇и звам̣ сад̇асса самбаж̇аанасса жарад̇о вихарад̇о ирияад̇о вад̇д̇аяад̇о баалаяад̇о яабаяад̇о яаабаяад̇од̇и – звам̣ сад̇асса жарад̇о.
Evaṃsatassa caratoti evaṃ satassa sampajānassa carato viharato iriyato vattayato pālayato yapayato yāpayatoti – evaṃ satassa carato.
вин̃н̃аан̣ам̣ убаруж̇жхад̇ийд̇и бун̃н̃аабхисан̇каарасахаг̇ад̇ам̣ вин̃н̃аан̣ам̣ абун̃н̃аабхисан̇каарасахаг̇ад̇ам̣ вин̃н̃аан̣ам̣ аанзн̃ж̇аабхисан̇каарасахаг̇ад̇ам̣ вин̃н̃аан̣ам̣ нируж̇жхад̇и вуубасаммад̇и ад̇т̇ам̣ г̇ажчад̇и бадиббассамбхад̇ийд̇и – вин̃н̃аан̣ам̣ убаруж̇жхад̇ий. д̇знааха бхаг̇аваа –
Viññāṇaṃ uparujjhatīti puññābhisaṅkhārasahagataṃ viññāṇaṃ apuññābhisaṅkhārasahagataṃ viññāṇaṃ āneñjābhisaṅkhārasahagataṃ viññāṇaṃ nirujjhati vūpasammati atthaṃ gacchati paṭippassambhatīti – viññāṇaṃ uparujjhatī. Tenāha bhagavā –
‘‘аж̇жхад̇д̇ан̃жа б̣ахид̣̇д̇хаа жа, взд̣̇анам̣ наабхинанд̣̇ад̇о;
‘‘Ajjhattañca bahiddhā ca, vedanaṃ nābhinandato;
звам̣ сад̇асса жарад̇о, вин̃н̃аан̣ам̣ убаруж̇жхад̇ий’’д̇и.
Evaṃ satassa carato, viññāṇaṃ uparujjhatī’’ti.
саха г̇аат̇аабарияосаанаа…бз… сад̇т̇аа мз, бханд̇з бхаг̇аваа, саавагохамасмийд̇и.
Saha gāthāpariyosānā…pe… satthā me, bhante bhagavā, sāvakohamasmīti.
уд̣̇аяамаан̣авабужчаанид̣̇д̣̇зсо д̇зрасамо.
Udayamāṇavapucchāniddeso terasamo.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / жуул̣анид̣̇д̣̇зса-адтагат̇аа • Cūḷaniddesa-aṭṭhakathā / 13. уд̣̇аяамаан̣авасуд̇д̇анид̣̇д̣̇зсаван̣н̣анаа • 13. Udayamāṇavasuttaniddesavaṇṇanā
