| Library / Tipiṭaka / д̇ибидага • Tipiṭaka / жуул̣анид̣̇д̣̇зса-адтагат̇аа • Cūḷaniddesa-aṭṭhakathā |
13. уд̣̇аяамаан̣авасуд̇д̇анид̣̇д̣̇зсаван̣н̣анаа
13. Udayamāṇavasuttaniddesavaṇṇanā
74. д̇зрасамз уд̣̇аяасуд̇д̇з – ан̃н̃аавимогканд̇и бан̃н̃аанубхааваниж̇жхаанам̣ д̇ам̣ вимогкам̣ бужчад̇и.
74. Terasame udayasutte – aññāvimokkhanti paññānubhāvanijjhānaṃ taṃ vimokkhaṃ pucchati.
батамзнаби жхаанзна жхааяийд̇и вид̇аггавижаарабийд̇исукажид̇д̇згаг̇г̇ад̇аасамбаяуд̇д̇зна бан̃жан̇г̇игзна батамаж̇жхаанзна жхааяад̇ийд̇и жхааяий. д̣̇уд̇иязнаад̇и бийд̇исукажид̇д̇згаг̇г̇ад̇аасамбаяуд̇д̇зна. д̇ад̇иязнаад̇и сукажид̇д̇згаг̇г̇ад̇аасамбаяуд̇д̇зна. жад̇уд̇т̇знаад̇и убзгкаажид̇д̇згаг̇г̇ад̇аасамбаяуд̇д̇зна. савид̇аггасавижаарзнаби жхаанзна жхааяийд̇и жад̇угганаяабан̃жаганаязсу батамаж̇жхаанзна савид̇аггасавижаарзнаби жхаанзна жхааяад̇ийд̇и жхааяий. авид̇аггавижаарамад̇д̇знаад̇и бан̃жаганаяз д̣̇уд̇иязна жхаанзна. авид̇аггаавижаарзнаад̇и д̣̇уд̇ияад̇ад̇ияаад̣̇иавасзсажхаанзна. саббийд̇игзнаад̇и бийд̇исамбаяуд̇д̇зна д̣̇угад̇игажхаанзна. ниббийд̇игзнаад̇и бийд̇ивирахид̇зна д̇ад̣̇авасзсажхаанзна. саад̇асахаг̇ад̇знаад̇и сукасахаг̇ад̇зна д̇игажад̇уггажхаанзна. убзгкаасахаг̇ад̇знаад̇и жад̇уггабан̃жагзна. сун̃н̃ад̇знабийд̇и сун̃н̃ад̇авимогкасамбаяуд̇д̇зна. анимид̇д̇знабийд̇и анижжанимид̇д̇ам̣ д̇хуванимид̇д̇ам̣ анимид̇д̇ан̃жа уг̇гхаадзд̇ваа бадилад̣̇д̇хзна анимид̇д̇знаби жхаанзна жхааяад̇ийд̇и жхааяий. аббан̣ихид̇знабийд̇и маг̇г̇ааг̇аманавасзна бан̣ид̇хим̣ сод̇хзд̇ваа барияаад̣̇ияид̇ваа паласамаабад̇д̇ивасзна аббан̣ихид̇знаби. логиязнабийд̇и логиязна батамад̣̇уд̇ияад̇ад̇ияажад̇уд̇т̇зна.
Paṭhamenapi jhānena jhāyīti vitakkavicārapītisukhacittekaggatāsampayuttena pañcaṅgikena paṭhamajjhānena jhāyatīti jhāyī. Dutiyenāti pītisukhacittekaggatāsampayuttena. Tatiyenāti sukhacittekaggatāsampayuttena. Catutthenāti upekkhācittekaggatāsampayuttena. Savitakkasavicārenapi jhānena jhāyīti catukkanayapañcakanayesu paṭhamajjhānena savitakkasavicārenapi jhānena jhāyatīti jhāyī. Avitakkavicāramattenāti pañcakanaye dutiyena jhānena. Avitakkaavicārenāti dutiyatatiyādiavasesajhānena. Sappītikenāti pītisampayuttena dukatikajhānena. Nippītikenāti pītivirahitena tadavasesajhānena. Sātasahagatenāti sukhasahagatena tikacatukkajhānena. Upekkhāsahagatenāti catukkapañcakena. Suññatenapīti suññatavimokkhasampayuttena. Animittenapīti aniccanimittaṃ dhuvanimittaṃ animittañca ugghāṭetvā paṭiladdhena animittenapi jhānena jhāyatīti jhāyī. Appaṇihitenapīti maggāgamanavasena paṇidhiṃ sodhetvā pariyādiyitvā phalasamāpattivasena appaṇihitenapi. Lokiyenapīti lokiyena paṭhamadutiyatatiyacatutthena.
логуд̇д̇арзнабийд̇и д̇знзва логуд̇д̇арасамбаяуд̇д̇зна. жхаанарад̇од̇и жхаанзсу абхирад̇о. згад̇д̇амануяуд̇д̇од̇и згад̇д̇ам̣ згийбхаавам̣ ануяуд̇д̇о баяуд̇д̇о. сад̣̇ад̇т̇аг̇аругод̇и сагад̇т̇аг̇аруго, га-гаарассааяам̣ д̣̇а-гааро гад̇о. сад̣̇ад̇т̇од̇и жа арахад̇д̇ам̣ взд̣̇ид̇аб̣б̣ам̣. д̇ан̃хи ад̇д̇уубаниб̣ад̣̇д̇хадтзна ад̇д̇аанам̣ авиж̇аханадтзна ад̇д̇ано барамад̇т̇адтзна жа ад̇д̇ано ад̇т̇ад̇д̇аа сагад̇т̇од̇и вужжад̇и. паласамаабад̇д̇исамаабаж̇ж̇анавасзна сагад̇т̇аг̇аруго, ‘‘ниб̣б̣аанаг̇аруго’’д̇и згз. араж̇од̇и ниггилзсо. вираж̇од̇и виг̇ад̇агилзсо. нираж̇од̇и абанийд̇агилзсо , ‘‘вид̇араж̇о’’д̇иби баато, соязвад̇т̇о. раж̇аабаг̇ад̇од̇и гилзсзхи д̣̇уурийбхууд̇о. раж̇авиббахийнод̇и гилзсаббахийно. раж̇авиббаяуд̇д̇од̇и гилзсзхи муд̇д̇о.
Lokuttarenapīti teneva lokuttarasampayuttena. Jhānaratoti jhānesu abhirato. Ekattamanuyuttoti ekattaṃ ekībhāvaṃ anuyutto payutto. Sadatthagarukoti sakatthagaruko, ka-kārassāyaṃ da-kāro kato. Sadatthoti ca arahattaṃ veditabbaṃ. Tañhi attūpanibaddhaṭṭhena attānaṃ avijahanaṭṭhena attano paramatthaṭṭhena ca attano atthattā sakatthoti vuccati. Phalasamāpattisamāpajjanavasena sakatthagaruko, ‘‘nibbānagaruko’’ti eke. Arajoti nikkileso. Virajoti vigatakileso. Nirajoti apanītakileso , ‘‘vitarajo’’tipi pāṭho, soyevattho. Rajāpagatoti kilesehi dūrībhūto. Rajavippahīnoti kilesappahīno. Rajavippayuttoti kilesehi mutto.
баасаан̣агз жзд̇иязд̇и баасаан̣абидтз баарааяанасуд̇д̇анд̇ад̣̇зсид̇адтаанз. саб̣б̣оссуггабадиббассад̣̇д̇хад̇д̇аад̇и саб̣б̣зсам̣ гилзсауссуггаанам̣ бадиббассад̣̇д̇хад̇д̇аа, наасид̇ад̇д̇аа аасийно.
Pāsāṇake cetiyeti pāsāṇapiṭṭhe pārāyanasuttantadesitaṭṭhāne. Sabbossukkapaṭippassaddhattāti sabbesaṃ kilesaussukkānaṃ paṭippassaddhattā, nāsitattā āsīno.
гижжаагижжанд̇и ‘‘ид̣̇ам̣ гад̇д̇аб̣б̣ам̣, ид̣̇ам̣ на гад̇д̇аб̣б̣а’’нд̇и звам̣ манасаа жинд̇зд̇аб̣б̣ам̣. гаран̣ийяаагаран̣ийяанд̇и гааяад̣̇ваарзна авассам̣ ид̣̇ам̣ гаран̣ийяам̣, ид̣̇ам̣ на гаран̣ийяанд̇и звам̣ гаран̣ийяаагаран̣ийяам̣. бахийнанд̇и виссадтам̣. васиббад̇д̇од̇и баг̇ун̣абхааваббад̇д̇о.
Kiccākiccanti ‘‘idaṃ kattabbaṃ, idaṃ na kattabba’’nti evaṃ manasā cintetabbaṃ. Karaṇīyākaraṇīyanti kāyadvārena avassaṃ idaṃ karaṇīyaṃ, idaṃ na karaṇīyanti evaṃ karaṇīyākaraṇīyaṃ. Pahīnanti vissaṭṭhaṃ. Vasippattoti paguṇabhāvappatto.
75. ат̇а бхаг̇аваа яасмаа уд̣̇аяо жад̇уд̇т̇аж̇жхааналаабхий, д̇асмаасса бадилад̣̇д̇хажхаанавасзна наанаббагаарад̇о ан̃н̃аавимогкам̣ д̣̇ассзнд̇о убаруубариг̇аат̇амааха. д̇ад̇т̇а бахаанам̣ гаамажчанд̣̇аананд̇и яад̣̇ид̣̇ам̣ батамам̣ жхаанам̣ ниб̣б̣ад̇д̇знд̇асса гаамажчанд̣̇абахаанам̣, д̇амби ан̃н̃аавимогканд̇и баб̣рууми. звам̣ саб̣б̣абад̣̇аани яож̇зд̇аб̣б̣аани.
75. Atha bhagavā yasmā udayo catutthajjhānalābhī, tasmāssa paṭiladdhajhānavasena nānappakārato aññāvimokkhaṃ dassento uparūparigāthamāha. Tattha pahānaṃ kāmacchandānanti yadidaṃ paṭhamaṃ jhānaṃ nibbattentassa kāmacchandapahānaṃ, tampi aññāvimokkhanti pabrūmi. Evaṃ sabbapadāni yojetabbāni.
яаа жид̇д̇асса агаляад̇аад̇и жид̇д̇асса г̇илаанабхааво. г̇илаано хи агаллагод̇и вужжад̇и. винаязби вуд̇д̇ам̣ – ‘‘наахам̣, бханд̇з, агаллаго’’д̇и (баараа. 151). агамман̃н̃ад̇аад̇и жид̇д̇аг̇злан̃н̃асан̇каад̇ова агамман̃н̃ад̇аагааро. олийяанаад̇и олийяанаагааро. ирияаабат̇игажид̇д̇ан̃хи ирияаабат̇ам̣ санд̇хаарзд̇ум̣ асаггонд̇ам̣ ругкз ваг̇г̇ули вияа кийлз лаг̇г̇ид̇апаан̣ид̇аваараго вияа жа олийяад̇и, д̇асса д̇ам̣ аагаарам̣ санд̇хааяа ‘‘олийяанаа’’д̇и вуд̇д̇ам̣. д̣̇уд̇ияабад̣̇ам̣ убасаг̇г̇авасзна вад̣дхид̇ам̣. лийнаад̇и авибпааригад̇ааяа бадигудид̇ам̣. ид̇арз д̣̇вз аагаарабхааванид̣̇д̣̇зсаа. т̇инанд̇и саббибин̣д̣о вияа авибпааригад̇ааяа гханабхаавзна тид̇ам̣. т̇ияанаад̇и аагааранид̣̇д̣̇зсо. т̇ияид̇абхааво т̇ияид̇ад̇д̇ам̣, авибпааравасзнзва т̇ад̣̇д̇хад̇аад̇и ад̇т̇о (д̇ха. са. адта. 1162).
Yā cittassa akalyatāti cittassa gilānabhāvo. Gilāno hi akallakoti vuccati. Vinayepi vuttaṃ – ‘‘nāhaṃ, bhante, akallako’’ti (pārā. 151). Akammaññatāti cittagelaññasaṅkhātova akammaññatākāro. Olīyanāti olīyanākāro. Iriyāpathikacittañhi iriyāpathaṃ sandhāretuṃ asakkontaṃ rukkhe vagguli viya khīle laggitaphāṇitavārako viya ca olīyati, tassa taṃ ākāraṃ sandhāya ‘‘olīyanā’’ti vuttaṃ. Dutiyapadaṃ upasaggavasena vaḍḍhitaṃ. Līnāti avipphārikatāya paṭikuṭitaṃ. Itare dve ākārabhāvaniddesā. Thinanti sappipiṇḍo viya avipphārikatāya ghanabhāvena ṭhitaṃ. Thiyanāti ākāraniddeso. Thiyitabhāvo thiyitattaṃ, avipphāravaseneva thaddhatāti attho (dha. sa. aṭṭha. 1162).
76. убзгкаасад̇исам̣суд̣̇д̇ханд̇и жад̇уд̇т̇аж̇жхаанаубзгкаасад̇ийхи сам̣суд̣̇д̇хам̣. д̇хаммад̇аггабурзж̇аванд̇и иминаа д̇асмим̣ жад̇уд̇т̇аж̇жхаанавимогкз тад̇ваа жхаанан̇г̇аани вибассид̇ваа ад̇хиг̇ад̇ам̣ арахад̇д̇авимогкам̣ вад̣̇ад̇и. арахад̇д̇авимогкасса хи маг̇г̇асамбаяуд̇д̇асаммаасан̇габбаад̣̇ибхзд̣̇о д̇хаммад̇агго бурзж̇аво ход̇и. д̇знааха ‘‘д̇хаммад̇аггабурзж̇ава’’нд̇и. авиж̇ж̇ааяа бабхзд̣̇ананд̇и зд̇амзва жа ан̃н̃аавимогкам̣ авиж̇ж̇аабабхзд̣̇анасан̇каад̇ам̣ ниб̣б̣аанам̣ ниссааяа ж̇аад̇ад̇д̇аа гааран̣обажаарзна ‘‘авиж̇ж̇ааяа бабхзд̣̇ана’’нд̇и б̣руумийд̇и.
76.Upekkhāsatisaṃsuddhanti catutthajjhānaupekkhāsatīhi saṃsuddhaṃ. Dhammatakkapurejavanti iminā tasmiṃ catutthajjhānavimokkhe ṭhatvā jhānaṅgāni vipassitvā adhigataṃ arahattavimokkhaṃ vadati. Arahattavimokkhassa hi maggasampayuttasammāsaṅkappādibhedo dhammatakko purejavo hoti. Tenāha ‘‘dhammatakkapurejava’’nti. Avijjāya pabhedananti etameva ca aññāvimokkhaṃ avijjāpabhedanasaṅkhātaṃ nibbānaṃ nissāya jātattā kāraṇopacārena ‘‘avijjāya pabhedana’’nti brūmīti.
яаа жад̇уд̇т̇з жхаанз убзгкаад̇и зд̇т̇а убабад̇д̇ид̇о игкад̇ийд̇и убзгкаа, самам̣ бассад̇и абагкабад̇ид̇аа худ̇ваа бассад̇ийд̇и ад̇т̇о. убзгканаад̇и аагааранид̣̇д̣̇зсо. аж̇жхубзгканаад̇и убасаг̇г̇авасзна бад̣̇ам̣ вад̣дхид̇ам̣. жид̇д̇асамад̇аад̇и жид̇д̇ассзгаг̇г̇абхааво. жид̇д̇аббассад̣̇д̇хад̇аад̇и жид̇д̇асса уунаад̇ирид̇д̇аваж̇ж̇ид̇абхааво. маж̇жхад̇д̇ад̇аад̇и жид̇д̇асса маж̇жхз тид̇абхааво.
Yā catutthe jhāne upekkhāti ettha upapattito ikkhatīti upekkhā, samaṃ passati apakkhapatitā hutvā passatīti attho. Upekkhanāti ākāraniddeso. Ajjhupekkhanāti upasaggavasena padaṃ vaḍḍhitaṃ. Cittasamatāti cittassekaggabhāvo. Cittappassaddhatāti cittassa ūnātirittavajjitabhāvo. Majjhattatāti cittassa majjhe ṭhitabhāvo.
77. звам̣ авиж̇ж̇аабабхзд̣̇аважанзна вуд̇д̇ам̣ ниб̣б̣аанам̣ суд̇ваа ‘‘д̇ам̣ гисса виббахаанзна вужжад̇ий’’д̇и бужчанд̇о ‘‘гим̣су сам̣яож̇ано’’д̇и г̇аат̇амааха. д̇ад̇т̇а гим̣су сам̣яож̇анод̇и гим̣сам̣яож̇ано. вижааран̣анд̇и вижааран̣агааран̣ам̣. гиссасса виббахаанзнаад̇и гим̣наамагасса асса д̇хаммасса виббахаанзна.
77. Evaṃ avijjāpabhedavacanena vuttaṃ nibbānaṃ sutvā ‘‘taṃ kissa vippahānena vuccatī’’ti pucchanto ‘‘kiṃsu saṃyojano’’ti gāthamāha. Tattha kiṃsu saṃyojanoti kiṃsaṃyojano. Vicāraṇanti vicāraṇakāraṇaṃ. Kissassa vippahānenāti kiṃnāmakassa assa dhammassa vippahānena.
78. ат̇асса бхаг̇аваа д̇амад̇т̇ам̣ б̣яаагаронд̇о ‘‘нанд̣̇исам̣яож̇ано’’д̇и г̇аат̇амааха. д̇ад̇т̇а вид̇аггассаад̇и гаамавид̇аггаад̣̇иго вид̇агго асса.
78. Athassa bhagavā tamatthaṃ byākaronto ‘‘nandisaṃyojano’’ti gāthamāha. Tattha vitakkassāti kāmavitakkādiko vitakko assa.
79. ид̣̇аани д̇асса ниб̣б̣аанасса маг̇г̇ам̣ бужчанд̇о ‘‘гат̇ам̣ сад̇ассаа’’д̇и г̇аат̇амааха. д̇ад̇т̇а вин̃н̃аан̣анд̇и абхисан̇кааравин̃н̃аан̣ам̣.
79. Idāni tassa nibbānassa maggaṃ pucchanto ‘‘kathaṃ satassā’’ti gāthamāha. Tattha viññāṇanti abhisaṅkhāraviññāṇaṃ.
80.
80.
ат̇асса маг̇г̇ам̣ гат̇знд̇о бхаг̇аваа ‘‘аж̇жхад̇д̇ан̃жаа’’д̇и г̇аат̇амааха. д̇ад̇т̇а звам̣ сад̇ассаад̇и звам̣ сад̇асса самбаж̇аанасса. сзсам̣ саб̣б̣ад̇т̇а баагадамзва.
Athassa maggaṃ kathento bhagavā ‘‘ajjhattañcā’’ti gāthamāha. Tattha evaṃ satassāti evaṃ satassa sampajānassa. Sesaṃ sabbattha pākaṭameva.
звам̣ бхаг̇аваа ид̣̇амби суд̇д̇ам̣ арахад̇д̇анигуудзнзва д̣̇зсзси, д̣̇зсанаабарияосаанз жа буб̣б̣асад̣̇исова д̇хаммаабхисамаяо ахосийд̇и.
Evaṃ bhagavā idampi suttaṃ arahattanikūṭeneva desesi, desanāpariyosāne ca pubbasadisova dhammābhisamayo ahosīti.
сад̣̇д̇хаммаббаж̇ж̇од̇игааяа жуул̣анид̣̇д̣̇зса-адтагат̇ааяа
Saddhammappajjotikāya cūḷaniddesa-aṭṭhakathāya
уд̣̇аяамаан̣авасуд̇д̇анид̣̇д̣̇зсаван̣н̣анаа нидтид̇аа.
Udayamāṇavasuttaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / жуул̣анид̣̇д̣̇зсабаал̣и • Cūḷaniddesapāḷi
13. уд̣̇аяамаан̣авабужчаа • 13. Udayamāṇavapucchā
13. уд̣̇аяамаан̣авабужчаанид̣̇д̣̇зсо • 13. Udayamāṇavapucchāniddeso
