| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
2. உத³யஸுத்தவண்ணனா
2. Udayasuttavaṇṇanā
198. து³தியே ஓத³னேன பூரேஸீதி அத்தனோ அத்தா²ய ஸம்பாதி³தேன ஸூபப்³யஞ்ஜனேன ஓத³னேன பூரெத்வா அதா³ஸி. ப⁴க³வா கிர பச்சூஸஸமயே லோகங் ஓலோகெந்தோவ தங் ப்³ராஹ்மணங் தி³ஸ்வா, பாதோவ ஸரீரபடிஜக்³க³னங் கத்வா, க³ந்த⁴குடிங் பவிஸித்வா, த்³வாரங் பிதா⁴ய, நிஸின்னோ தஸ்ஸ போ⁴ஜனங் உபஸங்ஹரியமானங் தி³ஸ்வா, ஏககோவ பத்தங் அங்ஸகூடே லக்³கெ³த்வா, க³ந்த⁴குடிதோ நிக்க²ம்ம, நக³ரத்³வாரே பத்தங் நீஹரித்வா, அந்தோனக³ரங் பவிஸித்வா, படிபாடியா க³ச்ச²ந்தோ ப்³ராஹ்மணஸ்ஸ த்³வாரகொட்ட²கே அட்டா²ஸி. ப்³ராஹ்மணோ ப⁴க³வந்தங் தி³ஸ்வா, அத்தனோ ஸஜ்ஜிதங் போ⁴ஜனங் அதா³ஸி. தங் ஸந்தா⁴யேதங் வுத்தங். து³தியம்பீதி து³தியதி³வஸேபி. ததியம்பீதி ததியதி³வஸேபி. தானி கிர தீணி தி³வஸானி நிரந்தரங் ப்³ராஹ்மணஸ்ஸ க⁴ரத்³வாரங் க³ச்ச²ந்தஸ்ஸ ப⁴க³வதோ அந்தரா அஞ்ஞோ கோசி உட்டா²ய பத்தங் க³ஹேதுங் ஸமத்தோ² நாம நாஹோஸி, மஹாஜனோ ஓலோகெந்தோவ அட்டா²ஸி.
198. Dutiye odanena pūresīti attano atthāya sampāditena sūpabyañjanena odanena pūretvā adāsi. Bhagavā kira paccūsasamaye lokaṃ olokentova taṃ brāhmaṇaṃ disvā, pātova sarīrapaṭijagganaṃ katvā, gandhakuṭiṃ pavisitvā, dvāraṃ pidhāya, nisinno tassa bhojanaṃ upasaṃhariyamānaṃ disvā, ekakova pattaṃ aṃsakūṭe laggetvā, gandhakuṭito nikkhamma, nagaradvāre pattaṃ nīharitvā, antonagaraṃ pavisitvā, paṭipāṭiyā gacchanto brāhmaṇassa dvārakoṭṭhake aṭṭhāsi. Brāhmaṇo bhagavantaṃ disvā, attano sajjitaṃ bhojanaṃ adāsi. Taṃ sandhāyetaṃ vuttaṃ. Dutiyampīti dutiyadivasepi. Tatiyampīti tatiyadivasepi. Tāni kira tīṇi divasāni nirantaraṃ brāhmaṇassa gharadvāraṃ gacchantassa bhagavato antarā añño koci uṭṭhāya pattaṃ gahetuṃ samattho nāma nāhosi, mahājano olokentova aṭṭhāsi.
ஏதத³வோசாதி ப்³ராஹ்மணோ தீணி தி³வஸானி பத்தங் பூரெத்வா தெ³ந்தோபி ந ஸத்³தா⁴ய அதா³ஸி, ‘‘க⁴ரத்³வாரங் ஆக³ந்த்வா டி²தஸ்ஸ பப்³ப³ஜிதஸ்ஸ பி⁴க்கா²மத்தம்பி அத³த்வா பு⁴ஞ்ஜதீ’’தி உபாரம்ப⁴ப⁴யேன அதா³ஸி. த³த³ந்தோ ச த்³வே தி³வஸானி த³த்வா கிஞ்சி அவத்வாவ நிவத்தோ. ப⁴க³வாபி கிஞ்சி அவத்வாவ பக்கந்தோ. ததியதி³வஸே பன அதி⁴வாஸேதுங் அஸக்கொந்தோ ஏதங் ‘‘பகட்ட²கோ’’திஆதி³வசனங் அவோச. ப⁴க³வாபி ஏதங் வசனங் நிச்சா²ராபனத்த²மேவ யாவ ததியமக³மாஸி. தத்த² பகட்ட²கோதி ரஸகி³த்³தோ⁴.
Etadavocāti brāhmaṇo tīṇi divasāni pattaṃ pūretvā dentopi na saddhāya adāsi, ‘‘gharadvāraṃ āgantvā ṭhitassa pabbajitassa bhikkhāmattampi adatvā bhuñjatī’’ti upārambhabhayena adāsi. Dadanto ca dve divasāni datvā kiñci avatvāva nivatto. Bhagavāpi kiñci avatvāva pakkanto. Tatiyadivase pana adhivāsetuṃ asakkonto etaṃ ‘‘pakaṭṭhako’’tiādivacanaṃ avoca. Bhagavāpi etaṃ vacanaṃ nicchārāpanatthameva yāva tatiyamagamāsi. Tattha pakaṭṭhakoti rasagiddho.
புனப்புனங் சேவ வபந்தி பீ³ஜந்தி ஸத்தா² ப்³ராஹ்மணஸ்ஸ வசனங் ஸுத்வா, ‘‘ப்³ராஹ்மண, த்வங் தீணி தி³வஸானி பிண்ட³பாதங் த³த்வா ஓஸக்கஸி, புனப்புனங் காதப்³பா³ நாம லோகஸ்மிங் ஸோளஸ த⁴ம்மா’’தி வத்வா தே த⁴ம்மே த³ஸ்ஸேதுங் இமங் தே³ஸனங் ஆரபி⁴. தத்த² புனப்புனங் சேவ வபந்தீதி ஏகஸ்மிங் ஸஸ்ஸவாரே வுத்தங் ‘‘அலமெத்தாவதா’’தி அனோஸக்கித்வா அபராபரேஸுபி ஸஸ்ஸவாரேஸு ச வபந்தியேவ. புனப்புனங் வஸ்ஸதீதி ந ஏகதி³வஸங் வஸ்ஸித்வா திட்ட²தி, புனப்புனதி³வஸேஸுபி புனப்புனஸங்வச்ச²ரேஸுபி வஸ்ஸதியேவ, ஏவங் ஜனபதா³ இத்³தா⁴ ஹொந்தி. ஏதேனுபாயேன ஸப்³ப³த்த² நயோ வேதி³தப்³போ³.
Punappunaṃ ceva vapanti bījanti satthā brāhmaṇassa vacanaṃ sutvā, ‘‘brāhmaṇa, tvaṃ tīṇi divasāni piṇḍapātaṃ datvā osakkasi, punappunaṃ kātabbā nāma lokasmiṃ soḷasa dhammā’’ti vatvā te dhamme dassetuṃ imaṃ desanaṃ ārabhi. Tattha punappunaṃ ceva vapantīti ekasmiṃ sassavāre vuttaṃ ‘‘alamettāvatā’’ti anosakkitvā aparāparesupi sassavāresu ca vapantiyeva. Punappunaṃ vassatīti na ekadivasaṃ vassitvā tiṭṭhati, punappunadivasesupi punappunasaṃvaccharesupi vassatiyeva, evaṃ janapadā iddhā honti. Etenupāyena sabbattha nayo veditabbo.
யாசகாதி இமஸ்மிங் பதே³ ஸத்தா² தே³ஸனாகுஸலதாய அத்தானம்பி பக்கி²பித்வா த³ஸ்ஸேதி. கீ²ரனிகாதி கீ²ரகாரகா கோ³தோ³ஹகா. ந ஹி தே ஏகவாரமேவ த²னங் அஞ்ச²ந்தி, புனப்புனங் அஞ்ச²ந்தா தே⁴னுங் து³ஹந்தீதி அத்தோ². கிலமதி ப²ந்த³தி சாதி அயங் ஸத்தோ தேன இரியாபதே²ன கிலமதி சேவ ப²ந்த³தி ச. க³ப்³ப⁴ந்தி ஸோணஸிங்கா³லாதீ³னம்பி திரச்சா²னக³தானங் குச்சி²ங். ஸிவதி²கந்தி ஸுஸானங், மதங் மதங் ஸத்தங் தத்த² புனப்புனங் ஹரந்தீதி அத்தோ². மக்³க³ஞ்ச லத்³தா⁴ அபுனப்³ப⁴வாயாதி அபுனப்³ப⁴வாய மக்³கோ³ நாம நிப்³பா³னங், தங் லபி⁴த்வாதி அத்தோ².
Yācakāti imasmiṃ pade satthā desanākusalatāya attānampi pakkhipitvā dasseti. Khīranikāti khīrakārakā godohakā. Na hi te ekavārameva thanaṃ añchanti, punappunaṃ añchantā dhenuṃ duhantīti attho. Kilamati phandati cāti ayaṃ satto tena iriyāpathena kilamati ceva phandati ca. Gabbhanti soṇasiṅgālādīnampi tiracchānagatānaṃ kucchiṃ. Sivathikanti susānaṃ, mataṃ mataṃ sattaṃ tattha punappunaṃ harantīti attho. Maggañca laddhā apunabbhavāyāti apunabbhavāya maggo nāma nibbānaṃ, taṃ labhitvāti attho.
ஏவங் வுத்தேதி ஏவங் ப⁴க³வதா அந்தரவீதி²யங் ட²த்வாவ ஸோளஸ புனப்புனத⁴ம்மே தே³ஸெந்தேன வுத்தே. ஏதத³வோசாதி தே³ஸனாபரியோஸானே பஸன்னோ ஸத்³தி⁴ங் புத்ததா³ரமித்தஞாதிவக்³கே³ன ப⁴க³வதோ பாதே³ வந்தி³த்வா ஏதங் ‘‘அபி⁴க்கந்தங் போ⁴’’திஆதி³வசனங் அவோச. து³தியங்.
Evaṃ vutteti evaṃ bhagavatā antaravīthiyaṃ ṭhatvāva soḷasa punappunadhamme desentena vutte. Etadavocāti desanāpariyosāne pasanno saddhiṃ puttadāramittañātivaggena bhagavato pāde vanditvā etaṃ ‘‘abhikkantaṃ bho’’tiādivacanaṃ avoca. Dutiyaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 2. உத³யஸுத்தங் • 2. Udayasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 2. உத³யஸுத்தவண்ணனா • 2. Udayasuttavaṇṇanā
