| Library / Tipiṭaka / д̇ибидага • Tipiṭaka / суд̇д̇анибаад̇а-адтагат̇аа • Suttanipāta-aṭṭhakathā |
13. уд̣̇аяасуд̇д̇аван̣н̣анаа
13. Udayasuttavaṇṇanā
1112-3. жхааяинд̇и уд̣̇аяасуд̇д̇ам̣. д̇ад̇т̇а ан̃н̃аавимогканд̇и бан̃н̃аанубхааваниж̇жхаад̇ам̣ вимогкам̣ бужчад̇и. ат̇а бхаг̇аваа яасмаа уд̣̇аяо жад̇уд̇т̇аж̇жхааналаабхий, д̇асмаасса бадилад̣̇д̇хаж̇жхаанавасзна наанаббагаарад̇о ан̃н̃аавимогкам̣ д̣̇ассзнд̇о г̇аат̇аад̣̇ваяамааха. д̇ад̇т̇а бахаанам̣ гаамажчанд̣̇аананд̇и яамид̣̇ам̣ батамаж̇жхаанам̣ ниб̣б̣ад̇д̇знд̇асса гаамажчанд̣̇аббахаанам̣, д̇амби ан̃н̃аавимогкам̣ баб̣рууми. звам̣ саб̣б̣абад̣̇аани яож̇зд̇аб̣б̣аани.
1112-3.Jhāyinti udayasuttaṃ. Tattha aññāvimokkhanti paññānubhāvanijjhātaṃ vimokkhaṃ pucchati. Atha bhagavā yasmā udayo catutthajjhānalābhī, tasmāssa paṭiladdhajjhānavasena nānappakārato aññāvimokkhaṃ dassento gāthādvayamāha. Tattha pahānaṃ kāmacchandānanti yamidaṃ paṭhamajjhānaṃ nibbattentassa kāmacchandappahānaṃ, tampi aññāvimokkhaṃ pabrūmi. Evaṃ sabbapadāni yojetabbāni.
1114. убзгкаасад̇исам̣суд̣̇д̇ханд̇и жад̇уд̇т̇аж̇жхаанаубзгкаасад̇ийхи сам̣суд̣̇д̇хам̣. д̇хаммад̇аггабурзж̇аванд̇и иминаа д̇асмим̣ жад̇уд̇т̇аж̇жхаанавимогкз тад̇ваа жхаанан̇г̇аани вибассид̇ваа ад̇хиг̇ад̇ам̣ арахад̇д̇авимогкам̣ вад̣̇ад̇и. арахад̇д̇авимогкасса хи маг̇г̇асамбаяуд̇д̇асаммаасан̇габбаад̣̇ибхзд̣̇о д̇хаммад̇агго бурзж̇аво ход̇и. д̇знааха – ‘‘д̇хаммад̇аггабурзж̇ава’’нд̇и. авиж̇ж̇ааяа бабхзд̣̇ананд̇и зд̇амзва жа ан̃н̃аавимогкам̣ авиж̇ж̇аабабхзд̣̇анасан̇каад̇ам̣ ниб̣б̣аанам̣ ниссааяа ж̇аад̇ад̇д̇аа гааран̣обажаарзна ‘‘авиж̇ж̇ааяа бабхзд̣̇ана’’нд̇и баб̣руумийд̇и.
1114.Upekkhāsatisaṃsuddhanti catutthajjhānaupekkhāsatīhi saṃsuddhaṃ. Dhammatakkapurejavanti iminā tasmiṃ catutthajjhānavimokkhe ṭhatvā jhānaṅgāni vipassitvā adhigataṃ arahattavimokkhaṃ vadati. Arahattavimokkhassa hi maggasampayuttasammāsaṅkappādibhedo dhammatakko purejavo hoti. Tenāha – ‘‘dhammatakkapurejava’’nti. Avijjāya pabhedananti etameva ca aññāvimokkhaṃ avijjāpabhedanasaṅkhātaṃ nibbānaṃ nissāya jātattā kāraṇopacārena ‘‘avijjāya pabhedana’’nti pabrūmīti.
1115-6. звам̣ авиж̇ж̇аабабхзд̣̇анаважанзна вуд̇д̇ам̣ ниб̣б̣аанам̣ суд̇ваа ‘‘д̇ам̣ гисса виббахаанзна вужжад̇ий’’д̇и бужчанд̇о ‘‘гим̣су сам̣яож̇ано’’д̇и г̇аат̇амааха. д̇ад̇т̇а гим̣су сам̣яож̇анод̇и гим̣ сам̣яож̇ано. вижааран̣анд̇и вижаран̣агааран̣ам̣. гиссасса виббахаанзнаад̇и гим̣ наамагасса асса д̇хаммасса виббахаанзна. ат̇асса бхаг̇аваа д̇амад̇т̇ам̣ б̣яаагаронд̇о ‘‘нанд̣̇исам̣яож̇ано’’д̇и г̇аат̇амааха. д̇ад̇т̇а вид̇аггассаад̇и гаамавид̇аггаад̣̇иго вид̇агго асса.
1115-6. Evaṃ avijjāpabhedanavacanena vuttaṃ nibbānaṃ sutvā ‘‘taṃ kissa vippahānena vuccatī’’ti pucchanto ‘‘kiṃsu saṃyojano’’ti gāthamāha. Tattha kiṃsu saṃyojanoti kiṃ saṃyojano. Vicāraṇanti vicaraṇakāraṇaṃ. Kissassa vippahānenāti kiṃ nāmakassa assa dhammassa vippahānena. Athassa bhagavā tamatthaṃ byākaronto ‘‘nandisaṃyojano’’ti gāthamāha. Tattha vitakkassāti kāmavitakkādiko vitakko assa.
1117-8. ид̣̇аани д̇асса ниб̣б̣аанасса маг̇г̇ам̣ бужчанд̇о ‘‘гат̇ам̣ сад̇ассаа’’д̇и г̇аат̇амааха. д̇ад̇т̇а вин̃н̃аан̣анд̇и абхисан̇кааравин̃н̃аан̣ам̣. ат̇асса маг̇г̇ам̣ гат̇знд̇о бхаг̇аваа ‘‘аж̇жхад̇д̇ан̃жаа’’д̇и г̇аат̇амааха. д̇ад̇т̇а звам̣ сад̇ассаад̇и звам̣ сад̇асса самбаж̇аанасса. сзсам̣ саб̣б̣ад̇т̇а баагадамзва.
1117-8. Idāni tassa nibbānassa maggaṃ pucchanto ‘‘kathaṃ satassā’’ti gāthamāha. Tattha viññāṇanti abhisaṅkhāraviññāṇaṃ. Athassa maggaṃ kathento bhagavā ‘‘ajjhattañcā’’ti gāthamāha. Tattha evaṃ satassāti evaṃ satassa sampajānassa. Sesaṃ sabbattha pākaṭameva.
звам̣ бхаг̇аваа имамби суд̇д̇ам̣ арахад̇д̇анигуудзнзва д̣̇зсзси. д̣̇зсанаабарияосаанз жа буб̣б̣асад̣̇исо зва д̇хаммаабхисамаяо ахосийд̇и.
Evaṃ bhagavā imampi suttaṃ arahattanikūṭeneva desesi. Desanāpariyosāne ca pubbasadiso eva dhammābhisamayo ahosīti.
барамад̇т̇аж̇од̇игааяа куд̣̇д̣̇ага-адтагат̇ааяа
Paramatthajotikāya khuddaka-aṭṭhakathāya
суд̇д̇анибаад̇а-адтагат̇ааяа уд̣̇аяасуд̇д̇аван̣н̣анаа нидтид̇аа.
Suttanipāta-aṭṭhakathāya udayasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / суд̇д̇анибаад̇абаал̣и • Suttanipātapāḷi / 13. уд̣̇аяамаан̣авабужчаа • 13. Udayamāṇavapucchā
