| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༩. ཨུདཱཡཱིསུཏྟཾ
9. Udāyīsuttaṃ
༡༥༩. ཨེཝཾ མེ སུཏཾ – ཨེཀཾ སམཡཾ བྷགཝཱ ཀོསམྦིཡཾ ཝིཧརཏི གྷོསིཏཱརཱམེ། ཏེན ཁོ པན སམཡེན ཨཱཡསྨཱ ཨུདཱཡཱི མཧཏིཡཱ གིཧིཔརིསཱཡ པརིཝུཏོ དྷམྨཾ དེསེནྟོ ནིསིནྣོ ཧོཏི། ཨདྡསཱ ཁོ ཨཱཡསྨཱ ཨཱནནྡོ ཨཱཡསྨནྟཾ ཨུདཱཡིཾ མཧཏིཡཱ གིཧིཔརིསཱཡ པརིཝུཏཾ དྷམྨཾ དེསེནྟཾ ནིསིནྣཾ། དིསྭཱ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ནིསཱིདི། ཨེཀམནྟཾ ནིསིནྣོ ཁོ ཨཱཡསྨཱ ཨཱནནྡོ བྷགཝནྟཾ ཨེཏདཝོཙ – ‘‘ཨཱཡསྨཱ, བྷནྟེ, ཨུདཱཡཱི མཧཏིཡཱ གིཧིཔརིསཱཡ པརིཝུཏོ དྷམྨཾ དེསེཏཱི’’ཏི 1།
159. Evaṃ me sutaṃ – ekaṃ samayaṃ bhagavā kosambiyaṃ viharati ghositārāme. Tena kho pana samayena āyasmā udāyī mahatiyā gihiparisāya parivuto dhammaṃ desento nisinno hoti. Addasā kho āyasmā ānando āyasmantaṃ udāyiṃ mahatiyā gihiparisāya parivutaṃ dhammaṃ desentaṃ nisinnaṃ. Disvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā ānando bhagavantaṃ etadavoca – ‘‘āyasmā, bhante, udāyī mahatiyā gihiparisāya parivuto dhammaṃ desetī’’ti 2.
‘‘ན ཁོ, ཨཱནནྡ , སུཀརཾ པརེསཾ དྷམྨཾ དེསེཏུཾ། པརེསཾ, ཨཱནནྡ, དྷམྨཾ དེསེནྟེན པཉྩ དྷམྨེ ཨཛ྄ཛྷཏྟཾ ཨུཔཊྛཱཔེཏྭཱ པརེསཾ དྷམྨོ དེསེཏབྦོ། ཀཏམེ པཉྩ? ‘ཨནུཔུབྦིཾ ཀཐཾ 3 ཀཐེསྶཱམཱི’ཏི པརེསཾ དྷམྨོ དེསེཏབྦོ; ‘པརིཡཱཡདསྶཱཝཱི ཀཐཾ ཀཐེསྶཱམཱི’ཏི པརེསཾ དྷམྨོ དེསེཏབྦོ; ‘ཨནུདྡཡཏཾ པཊིཙྩ ཀཐཾ ཀཐེསྶཱམཱི’ཏི པརེསཾ དྷམྨོ དེསེཏབྦོ; ‘ན ཨཱམིསནྟརོ ཀཐཾ ཀཐེསྶཱམཱི’ཏི པརེསཾ དྷམྨོ དེསེཏབྦོ; ‘ཨཏྟཱནཉྩ པརཉྩ ཨནུཔཧཙྩ ཀཐཾ ཀཐེསྶཱམཱི’ཏི པརེསཾ དྷམྨོ དེསེཏབྦོ། ན ཁོ, ཨཱནནྡ, སུཀརཾ པརེསཾ དྷམྨཾ དེསེཏུཾ། པརེསཾ, ཨཱནནྡ, དྷམྨཾ དེསེནྟེན ཨིམེ པཉྩ དྷམྨེ ཨཛ྄ཛྷཏྟཾ ཨུཔཊྛཱཔེཏྭཱ པརེསཾ དྷམྨོ དེསེཏབྦོ’’ཏི། ནཝམཾ།
‘‘Na kho, ānanda , sukaraṃ paresaṃ dhammaṃ desetuṃ. Paresaṃ, ānanda, dhammaṃ desentena pañca dhamme ajjhattaṃ upaṭṭhāpetvā paresaṃ dhammo desetabbo. Katame pañca? ‘Anupubbiṃ kathaṃ 4 kathessāmī’ti paresaṃ dhammo desetabbo; ‘pariyāyadassāvī kathaṃ kathessāmī’ti paresaṃ dhammo desetabbo; ‘anuddayataṃ paṭicca kathaṃ kathessāmī’ti paresaṃ dhammo desetabbo; ‘na āmisantaro kathaṃ kathessāmī’ti paresaṃ dhammo desetabbo; ‘attānañca parañca anupahacca kathaṃ kathessāmī’ti paresaṃ dhammo desetabbo. Na kho, ānanda, sukaraṃ paresaṃ dhammaṃ desetuṃ. Paresaṃ, ānanda, dhammaṃ desentena ime pañca dhamme ajjhattaṃ upaṭṭhāpetvā paresaṃ dhammo desetabbo’’ti. Navamaṃ.
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༩. ཨུདཱཡཱིསུཏྟཝཎྞནཱ • 9. Udāyīsuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / (༡༦) ༡. སདྡྷམྨཝགྒོ • (16) 1. Saddhammavaggo
