| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
10. உதா³யிஸுத்தவண்ணனா
10. Udāyisuttavaṇṇanā
40. த³ஸமே அபி⁴ஸங்க²தந்தி ராஸிகதங். நிராரம்ப⁴ந்தி பாணஸமாரம்ப⁴ரஹிதங். யஞ்ஞந்தி தெ³ய்யத⁴ம்மங். தஞ்ஹி யஜிதப்³ப³த்தா யஞ்ஞந்தி வுச்சதி. காலேனாதி யுத்தப்பத்தகாலேன. உபஸங்யந்தீதி உபக³ச்ச²ந்தி. குலங் க³திந்தி வட்டகுலஞ்சேவ வட்டக³திஞ்ச அதிக்கந்தா. யஞ்ஞஸ்ஸ கோவிதா³தி சதுபூ⁴மகயஞ்ஞே குஸலா. யஞ்ஞேதி பகதிதா³னே. ஸத்³தே⁴தி மதகதா³னே. ஹப்³யங் கத்வாதி ஹுனிதப்³ப³ங் தெ³ய்யத⁴ம்மங் உபகப்பெத்வா. ஸுகெ²த்தே ப்³ரஹ்மசாரிஸூதி ப்³ரஹ்மசாரிஸங்கா²தே ஸுகெ²த்தம்ஹீதி அத்தோ². ஸுப்பத்தந்தி ஸுட்டு² பத்தங். த³க்கி²ணெய்யேஸு யங் கதந்தி யங் த³க்கி²ணாய அனுச்ச²விகேஸு உபகப்பிதங், தங் ஸுஹுதங் ஸுயிட்ட²ங் ஸுப்பத்தந்தி அத்தோ². ஸத்³தோ⁴தி பு³த்³த⁴த⁴ம்மஸங்க⁴கு³ணானங் ஸத்³த³ஹனதாய ஸத்³தோ⁴. முத்தேன சேதஸாதி விஸ்ஸட்டே²ன சித்தேன. இமினாஸ்ஸ முத்தசாக³ங் தீ³பேதீதி.
40. Dasame abhisaṅkhatanti rāsikataṃ. Nirārambhanti pāṇasamārambharahitaṃ. Yaññanti deyyadhammaṃ. Tañhi yajitabbattā yaññanti vuccati. Kālenāti yuttappattakālena. Upasaṃyantīti upagacchanti. Kulaṃ gatinti vaṭṭakulañceva vaṭṭagatiñca atikkantā. Yaññassakovidāti catubhūmakayaññe kusalā. Yaññeti pakatidāne. Saddheti matakadāne. Habyaṃ katvāti hunitabbaṃ deyyadhammaṃ upakappetvā. Sukhette brahmacārisūti brahmacārisaṅkhāte sukhettamhīti attho. Suppattanti suṭṭhu pattaṃ. Dakkhiṇeyyesu yaṃ katanti yaṃ dakkhiṇāya anucchavikesu upakappitaṃ, taṃ suhutaṃ suyiṭṭhaṃ suppattanti attho. Saddhoti buddhadhammasaṅghaguṇānaṃ saddahanatāya saddho. Muttena cetasāti vissaṭṭhena cittena. Imināssa muttacāgaṃ dīpetīti.
சக்கவக்³கோ³ சதுத்தோ².
Cakkavaggo catuttho.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 10. உதா³யீஸுத்தங் • 10. Udāyīsuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 10. உதா³யிஸுத்தவண்ணனா • 10. Udāyisuttavaṇṇanā
