| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
10. உதா³யிஸுத்தவண்ணனா
10. Udāyisuttavaṇṇanā
211. த³ஸமே அப³ஹுகதோதி அகதப³ஹுமானோ. உக்குஜ்ஜாவகுஜ்ஜந்தி எத்த² உக்குஜ்ஜங் வுச்சதி உத³யோ, அவகுஜ்ஜங் வயோதி உத³யப்³ப³யவஸேன பரிவத்தெந்தோ ஸம்மஸந்தோதி தீ³பேதி. த⁴ம்மோ ச மே, ப⁴ந்தே, அபி⁴ஸமிதோதி விபஸ்ஸனாத⁴ம்மோ அபி⁴ஸமாக³தோ. மக்³கோ³தி விபஸ்ஸனாமக்³கோ³வ. ஸசே ஹி தே²ரோ தஸ்மிங் ஸமயே ஸோதாபன்னோ, உபரி திண்ணங் மக்³கா³னங் அத்தா²ய, ஸசே அனாகா³மீ, அரஹத்தமக்³க³ஸ்ஸ அத்தா²ய அயங் விபஸ்ஸனா வேதி³தப்³பா³. ததா² ததா² விஹரந்தந்தி தேன தேனாகாரேன விஹரந்தங். தத²த்தாயாதி ததா²பா⁴வாய. கீ²ணா ஜாதீதிஆதீ³ஹி தத²த்தாயாதி அதி⁴ப்பேதங் ததா²பா⁴வங் த³ஸ்ஸேதி. பச்சவெக்க²ணத்தா²ய உபனீயதீதி ஹி எத்த² அதி⁴ப்பாயோ, தங் த³ஸ்ஸெந்தோ ஏவமாஹ. ஸேஸங் ஸப்³ப³த்த² உத்தானமேவாதி.
211. Dasame abahukatoti akatabahumāno. Ukkujjāvakujjanti ettha ukkujjaṃ vuccati udayo, avakujjaṃ vayoti udayabbayavasena parivattento sammasantoti dīpeti. Dhammo ca me, bhante, abhisamitoti vipassanādhammo abhisamāgato. Maggoti vipassanāmaggova. Sace hi thero tasmiṃ samaye sotāpanno, upari tiṇṇaṃ maggānaṃ atthāya, sace anāgāmī, arahattamaggassa atthāya ayaṃ vipassanā veditabbā. Tathā tathā viharantanti tena tenākārena viharantaṃ. Tathattāyāti tathābhāvāya. Khīṇā jātītiādīhi tathattāyāti adhippetaṃ tathābhāvaṃ dasseti. Paccavekkhaṇatthāya upanīyatīti hi ettha adhippāyo, taṃ dassento evamāha. Sesaṃ sabbattha uttānamevāti.
உதா³யிவக்³கோ³.
Udāyivaggo.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 10. உதா³யிஸுத்தங் • 10. Udāyisuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 10. உதா³யிஸுத்தவண்ணனா • 10. Udāyisuttavaṇṇanā
