| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
10. уд̣̇ааяисуд̇д̇аван̣н̣анаа
10. Udāyisuttavaṇṇanā
40. д̣̇асамз абхисан̇кад̇анд̇и раасигад̇ам̣. нираарамбханд̇и баан̣асамаарамбхарахид̇ам̣. яан̃н̃анд̇и д̣̇зяяад̇хаммам̣. д̇ан̃хи яаж̇ид̇аб̣б̣ад̇д̇аа яан̃н̃анд̇и вужжад̇и. гаалзнаад̇и яуд̇д̇аббад̇д̇агаалзна. убасам̣яанд̇ийд̇и убаг̇ажчанд̇и. гулам̣ г̇ад̇инд̇и ваддагулан̃жзва ваддаг̇ад̇ин̃жа ад̇игганд̇аа. яан̃н̃асса говид̣̇аад̇и жад̇убхуумагаяан̃н̃з гусалаа. яан̃н̃зд̇и багад̇ид̣̇аанз. сад̣̇д̇хзд̇и мад̇агад̣̇аанз. хаб̣яам̣ гад̇ваад̇и хунид̇аб̣б̣ам̣ д̣̇зяяад̇хаммам̣ убагаббзд̇ваа. сукзд̇д̇з б̣рахмажаарисууд̇и б̣рахмажаарисан̇каад̇з сукзд̇д̇амхийд̇и ад̇т̇о. суббад̇д̇анд̇и судту бад̇д̇ам̣. д̣̇агкин̣зяязсу яам̣ гад̇анд̇и яам̣ д̣̇агкин̣ааяа анужчавигзсу убагаббид̇ам̣, д̇ам̣ сухуд̇ам̣ суяидтам̣ суббад̇д̇анд̇и ад̇т̇о. сад̣̇д̇ход̇и б̣уд̣̇д̇хад̇хаммасан̇гхаг̇ун̣аанам̣ сад̣̇д̣̇аханад̇ааяа сад̣̇д̇хо. муд̇д̇зна жзд̇асаад̇и виссадтзна жид̇д̇зна. иминаасса муд̇д̇ажааг̇ам̣ д̣̇ийбзд̇ийд̇и.
40. Dasame abhisaṅkhatanti rāsikataṃ. Nirārambhanti pāṇasamārambharahitaṃ. Yaññanti deyyadhammaṃ. Tañhi yajitabbattā yaññanti vuccati. Kālenāti yuttappattakālena. Upasaṃyantīti upagacchanti. Kulaṃ gatinti vaṭṭakulañceva vaṭṭagatiñca atikkantā. Yaññassakovidāti catubhūmakayaññe kusalā. Yaññeti pakatidāne. Saddheti matakadāne. Habyaṃ katvāti hunitabbaṃ deyyadhammaṃ upakappetvā. Sukhette brahmacārisūti brahmacārisaṅkhāte sukhettamhīti attho. Suppattanti suṭṭhu pattaṃ. Dakkhiṇeyyesu yaṃ katanti yaṃ dakkhiṇāya anucchavikesu upakappitaṃ, taṃ suhutaṃ suyiṭṭhaṃ suppattanti attho. Saddhoti buddhadhammasaṅghaguṇānaṃ saddahanatāya saddho. Muttena cetasāti vissaṭṭhena cittena. Imināssa muttacāgaṃ dīpetīti.
жаггаваг̇г̇о жад̇уд̇т̇о.
Cakkavaggo catuttho.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 10. уд̣̇ааяийсуд̇д̇ам̣ • 10. Udāyīsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 10. уд̣̇ааяисуд̇д̇аван̣н̣анаа • 10. Udāyisuttavaṇṇanā
