| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
9. уд̣̇ааяийсуд̇д̇аван̣н̣анаа
9. Udāyīsuttavaṇṇanā
29. навамз уд̣̇ааяинд̇и лаал̣уд̣̇ааяид̇т̇зрам̣. сун̣омахам̣, аавусод̇и, аавусо, наахам̣ б̣ад̇хиро, сун̣аами бхаг̇авад̇о важанам̣, бан̃хам̣ бана убабаригкаамийд̇и. ад̇хижид̇д̇анд̇и самаад̇хивибассанаажид̇д̇ам̣. ид̣̇ам̣, бханд̇з, ануссад̇идтаананд̇и ид̣̇ам̣ жхаанад̇д̇аяасан̇каад̇ам̣ ануссад̇игааран̣ам̣. д̣̇идтад̇хаммасукавихаарааяа сам̣вад̇д̇ад̇ийд̇и имасмим̣язва ад̇д̇абхаавз сукавихаарад̇т̇ааяа бавад̇д̇ад̇и. аалогасан̃н̃анд̇и аалоганимид̇д̇з уббаннасан̃н̃ам̣. д̣̇иваа сан̃н̃ам̣ ад̇хидтаад̇ийд̇и д̣̇иваад̇и сан̃н̃ам̣ табзд̇и . яат̇аа д̣̇иваа д̇ат̇аа рад̇д̇инд̇и яат̇аанзна д̣̇иваа аалогасан̃н̃аа манасигад̇аа, рад̇д̇имби д̇ат̇зва д̇ам̣ манаси гарод̇и. яат̇аа рад̇д̇им̣ д̇ат̇аа д̣̇иваад̇и яат̇аа ваанзна рад̇д̇им̣ аалогасан̃н̃аа манасигад̇аа, д̣̇ивааби д̇ам̣ д̇ат̇зва манаси гарод̇и. вивадзнаад̇и баагадзна. абарияонад̣̇д̇хзнаад̇и нийваран̣зхи анонад̣̇д̇хзна. саббабхаасам̣ жид̇д̇ам̣ бхаавзд̇ийд̇и д̣̇иб̣б̣ажагкун̃аан̣ад̇т̇ааяа сахобхаасагам̣ жид̇д̇ам̣ б̣руухзд̇и вад̣дхзд̇и. яам̣ бана ‘‘аалогасан̃н̃ам̣ манаси гарод̇ий’’д̇и вуд̇д̇ам̣, д̇ам̣ т̇инамид̣̇д̇хавинод̣̇анаалогасан̃н̃ам̣ санд̇хааяа вуд̇д̇ам̣, на д̣̇иб̣б̣ажагкун̃аан̣аалоганд̇и взд̣̇ид̇аб̣б̣ам̣. н̃аан̣ад̣̇ассанаббадилаабхааяаад̇и д̣̇иб̣б̣ажагкусан̇каад̇асса н̃аан̣ад̣̇ассанасса бадилаабхааяа.
29. Navame udāyinti lāḷudāyittheraṃ. Suṇomahaṃ, āvusoti, āvuso, nāhaṃ badhiro, suṇāmi bhagavato vacanaṃ, pañhaṃ pana upaparikkhāmīti. Adhicittanti samādhivipassanācittaṃ. Idaṃ, bhante, anussatiṭṭhānanti idaṃ jhānattayasaṅkhātaṃ anussatikāraṇaṃ. Diṭṭhadhammasukhavihārāya saṃvattatīti imasmiṃyeva attabhāve sukhavihāratthāya pavattati. Ālokasaññanti ālokanimitte uppannasaññaṃ. Divā saññaṃ adhiṭṭhātīti divāti saññaṃ ṭhapeti . Yathā divā tathā rattinti yathānena divā ālokasaññā manasikatā, rattimpi tatheva taṃ manasi karoti. Yathā rattiṃ tathā divāti yathā vānena rattiṃ ālokasaññā manasikatā, divāpi taṃ tatheva manasi karoti. Vivaṭenāti pākaṭena. Apariyonaddhenāti nīvaraṇehi anonaddhena. Sappabhāsaṃ cittaṃ bhāvetīti dibbacakkhuñāṇatthāya sahobhāsakaṃ cittaṃ brūheti vaḍḍheti. Yaṃ pana ‘‘ālokasaññaṃ manasi karotī’’ti vuttaṃ, taṃ thinamiddhavinodanālokasaññaṃ sandhāya vuttaṃ, na dibbacakkhuñāṇālokanti veditabbaṃ. Ñāṇadassanappaṭilābhāyāti dibbacakkhusaṅkhātassa ñāṇadassanassa paṭilābhāya.
имамзва гааяанд̇иаад̣̇ийсу яам̣ вад̇д̇аб̣б̣ам̣ сияаа, д̇ам̣ саб̣б̣ам̣ саб̣б̣аагаарзна вид̇т̇аарад̇о висуд̣̇д̇химаг̇г̇з гааяаг̇ад̇аасад̇игаммадтаанз вуд̇д̇ам̣. гаамарааг̇аббахаанааяаад̇и бан̃жагаамаг̇ун̣игасса рааг̇асса бахаанад̇т̇ааяа. сзяяат̇ааби бассзяяаад̇и яат̇аа бассзяяа. сарийранд̇и мад̇асарийрам̣. сиват̇игааяа чад̣д̣ид̇анд̇и сусаанз абавид̣̇д̇хам̣. згаахам̣ мад̇асса ассаад̇и згаахамад̇ам̣. д̣̇вийхам̣ мад̇асса ассаад̇и д̣̇вийхамад̇ам̣. д̇ийхам̣ мад̇асса ассаад̇и д̇ийхамад̇ам̣. бхасд̇аа вияа вааяунаа уд̣̇д̇хам̣ ж̇ийвид̇абарияаад̣̇аанаа яат̇аануггамам̣ самуг̇г̇ад̇зна суунабхаавзна д̇хумаад̇ад̇д̇аа уд̣̇д̇хумаад̇ам̣, уд̣̇д̇хумаад̇амзва уд̣̇д̇хумаад̇агам̣. бадигуулад̇д̇аа ваа гужчид̇ам̣ уд̣̇д̇хумаад̇анд̇и уд̣̇д̇хумаад̇агам̣. винийлам̣ вужжад̇и вибарибхиннаван̣н̣ам̣, винийламзва винийлагам̣. бадигуулад̇д̇аа ваа гужчид̇ам̣ винийланд̇и винийлагам̣. мам̣суссад̣̇адтаанзсу рад̇д̇аван̣н̣асса буб̣б̣асаннижаяадтаанзсу сзд̇аван̣н̣асса язбхуяязна жа нийлаван̣н̣асса нийладтаанз нийласаадагабааруд̇ассзва чавасарийрассзд̇ам̣ ад̇хиважанам̣. барибхиннадтаанзхи навахи ваа ван̣амукзхи виссанд̣̇амаанам̣ буб̣б̣ам̣ вибуб̣б̣ам̣, вибуб̣б̣амзва вибуб̣б̣агам̣. бадигуулад̇д̇аа ваа гужчид̇ам̣ вибуб̣б̣анд̇и вибуб̣б̣агам̣. вибуб̣б̣агам̣ ж̇аад̇ам̣ д̇ат̇аабхаавам̣ г̇ад̇анд̇и вибуб̣б̣агаж̇аад̇ам̣.
Imameva kāyantiādīsu yaṃ vattabbaṃ siyā, taṃ sabbaṃ sabbākārena vitthārato visuddhimagge kāyagatāsatikammaṭṭhāne vuttaṃ. Kāmarāgappahānāyāti pañcakāmaguṇikassa rāgassa pahānatthāya. Seyyathāpi passeyyāti yathā passeyya. Sarīranti matasarīraṃ. Sivathikāya chaḍḍitanti susāne apaviddhaṃ. Ekāhaṃ matassa assāti ekāhamataṃ. Dvīhaṃ matassa assāti dvīhamataṃ. Tīhaṃ matassa assāti tīhamataṃ. Bhastā viya vāyunā uddhaṃ jīvitapariyādānā yathānukkamaṃ samuggatena sūnabhāvena dhumātattā uddhumātaṃ, uddhumātameva uddhumātakaṃ. Paṭikūlattā vā kucchitaṃ uddhumātanti uddhumātakaṃ. Vinīlaṃ vuccati viparibhinnavaṇṇaṃ, vinīlameva vinīlakaṃ. Paṭikūlattā vā kucchitaṃ vinīlanti vinīlakaṃ. Maṃsussadaṭṭhānesu rattavaṇṇassa pubbasannicayaṭṭhānesu setavaṇṇassa yebhuyyena ca nīlavaṇṇassa nīlaṭṭhāne nīlasāṭakapārutasseva chavasarīrassetaṃ adhivacanaṃ. Paribhinnaṭṭhānehi navahi vā vaṇamukhehi vissandamānaṃ pubbaṃ vipubbaṃ, vipubbameva vipubbakaṃ. Paṭikūlattā vā kucchitaṃ vipubbanti vipubbakaṃ. Vipubbakaṃ jātaṃ tathābhāvaṃ gatanti vipubbakajātaṃ.
со имамзва гааяанд̇и со бхигку имам̣ ад̇д̇ано гааяам̣ д̇зна гааязна сад̣̇д̇хим̣ н̃аан̣зна убасам̣харад̇и убанзд̇и. гат̇ам̣? аяамби ко гааяо звам̣д̇хаммо звам̣бхаавий звам̣анад̇ийд̇од̇и. ид̣̇ам̣ вуд̇д̇ам̣ ход̇и – ааяу усмаа вин̃н̃аан̣анд̇и имзсам̣ д̇ин̣н̣ам̣ д̇хаммаанам̣ ад̇т̇ид̇ааяа аяам̣ гааяо таанаг̇аманаад̣̇икамо ход̇и, имзсам̣ бана виг̇амаа аяамби звам̣д̇хаммо звам̣бууд̇игасабхаавоязваад̇и. звам̣бхаавийд̇и звамзвам̣ уд̣̇д̇хумаад̇аад̣̇ибхзд̣̇о бхависсад̇и. звам̣ анад̇ийд̇од̇и звам̣ уд̣̇д̇хумаад̇аад̣̇ибхаавам̣ анад̇игганд̇о.
Soimameva kāyanti so bhikkhu imaṃ attano kāyaṃ tena kāyena saddhiṃ ñāṇena upasaṃharati upaneti. Kathaṃ? Ayampi kho kāyo evaṃdhammo evaṃbhāvī evaṃanatītoti. Idaṃ vuttaṃ hoti – āyu usmā viññāṇanti imesaṃ tiṇṇaṃ dhammānaṃ atthitāya ayaṃ kāyo ṭhānagamanādikhamo hoti, imesaṃ pana vigamā ayampi evaṃdhammo evaṃpūtikasabhāvoyevāti. Evaṃbhāvīti evamevaṃ uddhumātādibhedo bhavissati. Evaṃ anatītoti evaṃ uddhumātādibhāvaṃ anatikkanto.
каж̇ж̇амаананд̇и уд̣̇араад̣̇ийсу нисийд̣̇ид̇ваа уд̣̇арамам̣саодтамам̣саагкигамам̣саад̣̇ийни лун̃жид̇ваа лун̃жид̇ваа каад̣̇ияамаанам̣. самам̣салохид̇анд̇и сзсаавасзсамам̣салохид̇аяуд̇д̇ам̣. ниммам̣салохид̇амагкид̇анд̇и мам̣сз кийн̣зби лохид̇ам̣ на суссад̇и, д̇ам̣ санд̇хааяа вуд̇д̇ам̣ – ‘‘ниммам̣салохид̇амагкид̇а’’нд̇и. ан̃н̃знаад̇и ан̃н̃зна д̣̇исаабхааг̇зна. хад̇т̇адтиганд̇и жад̇усадтибхзд̣̇амби хад̇т̇адтигам̣ баадиязггам̣ баадиязггам̣ виббагин̣н̣ам̣. баад̣̇адтигаад̣̇ийсуби зсзва наяо. д̇зровассигаанийд̇и ад̇игганд̇асам̣важчараани. бууд̇ийнийд̇и аб̣бхогаасз тид̇аани ваад̇аад̇абавудтисампассзна д̇зровассигаанзва бууд̇ийни хонд̇и, анд̇обхуумиг̇ад̇аани бана жирад̇арам̣ д̇идтанд̇и. жун̣н̣агаж̇аад̇аанийд̇и жун̣н̣авижун̣н̣ам̣ худ̇ваа виббагин̣н̣аани. саб̣б̣ад̇т̇а со имамзваад̇и вуд̇д̇анаязна каж̇ж̇амаанаад̣̇ийнам̣ васзна яож̇анаа гаад̇аб̣б̣аа. асмимаанасамуг̇гхаад̇ааяаад̇и асмийд̇и бавад̇д̇асса нававид̇хасса маанасса самуг̇гхаад̇ад̇т̇ааяа. анзгад̇хаад̇убадивзд̇хааяаад̇и анзгад̇хаад̇уунам̣ бадивиж̇жханад̇т̇ааяа. сад̇ова абхиггамад̇ийд̇и г̇ажчанд̇о сад̇ибан̃н̃аахи саманнааг̇ад̇ова г̇ажчад̇и. сад̇ова бадиггамад̇ийд̇и бадинивад̇д̇анд̇оби сад̇ибан̃н̃аахи саманнааг̇ад̇ова нивад̇д̇ад̇и. сзсабад̣̇зсуби зсзва наяо. сад̇исамбаж̇ан̃н̃ааяаад̇и сад̇ияаа жа н̃аан̣асса жа ад̇т̇ааяа. ид̇и имасмим̣ суд̇д̇з сад̇ин̃аан̣аани миссагаани гат̇ид̇аанийд̇и.
Khajjamānanti udarādīsu nisīditvā udaramaṃsaoṭṭhamaṃsaakkhikamaṃsādīni luñcitvā luñcitvā khādiyamānaṃ. Samaṃsalohitanti sesāvasesamaṃsalohitayuttaṃ. Nimmaṃsalohitamakkhitanti maṃse khīṇepi lohitaṃ na sussati, taṃ sandhāya vuttaṃ – ‘‘nimmaṃsalohitamakkhita’’nti. Aññenāti aññena disābhāgena. Hatthaṭṭhikanti catusaṭṭhibhedampi hatthaṭṭhikaṃ pāṭiyekkaṃ pāṭiyekkaṃ vippakiṇṇaṃ. Pādaṭṭhikādīsupi eseva nayo. Terovassikānīti atikkantasaṃvaccharāni. Pūtīnīti abbhokāse ṭhitāni vātātapavuṭṭhisamphassena terovassikāneva pūtīni honti, antobhūmigatāni pana cirataraṃ tiṭṭhanti. Cuṇṇakajātānīti cuṇṇavicuṇṇaṃ hutvā vippakiṇṇāni. Sabbattha so imamevāti vuttanayena khajjamānādīnaṃ vasena yojanā kātabbā. Asmimānasamugghātāyāti asmīti pavattassa navavidhassa mānassa samugghātatthāya. Anekadhātupaṭivedhāyāti anekadhātūnaṃ paṭivijjhanatthāya. Satova abhikkamatīti gacchanto satipaññāhi samannāgatova gacchati. Satova paṭikkamatīti paṭinivattantopi satipaññāhi samannāgatova nivattati. Sesapadesupi eseva nayo. Satisampajaññāyāti satiyā ca ñāṇassa ca atthāya. Iti imasmiṃ sutte satiñāṇāni missakāni kathitānīti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 9. уд̣̇ааяийсуд̇д̇ам̣ • 9. Udāyīsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 9. уд̣̇ааяийсуд̇д̇аван̣н̣анаа • 9. Udāyīsuttavaṇṇanā
