| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౧౦. ఉదాయిసుత్తవణ్ణనా
10. Udāyisuttavaṇṇanā
౨౧౧. దసమే అబహుకతోతి అకతబహుమానో. ఉక్కుజ్జావకుజ్జన్తి ఏత్థ ఉక్కుజ్జం వుచ్చతి ఉదయో, అవకుజ్జం వయోతి ఉదయబ్బయవసేన పరివత్తేన్తో సమ్మసన్తోతి దీపేతి. ధమ్మో చ మే, భన్తే, అభిసమితోతి విపస్సనాధమ్మో అభిసమాగతో. మగ్గోతి విపస్సనామగ్గోవ. సచే హి థేరో తస్మిం సమయే సోతాపన్నో, ఉపరి తిణ్ణం మగ్గానం అత్థాయ, సచే అనాగామీ, అరహత్తమగ్గస్స అత్థాయ అయం విపస్సనా వేదితబ్బా. తథా తథా విహరన్తన్తి తేన తేనాకారేన విహరన్తం. తథత్తాయాతి తథాభావాయ. ఖీణా జాతీతిఆదీహి తథత్తాయాతి అధిప్పేతం తథాభావం దస్సేతి. పచ్చవేక్ఖణత్థాయ ఉపనీయతీతి హి ఏత్థ అధిప్పాయో, తం దస్సేన్తో ఏవమాహ. సేసం సబ్బత్థ ఉత్తానమేవాతి.
211. Dasame abahukatoti akatabahumāno. Ukkujjāvakujjanti ettha ukkujjaṃ vuccati udayo, avakujjaṃ vayoti udayabbayavasena parivattento sammasantoti dīpeti. Dhammo ca me, bhante, abhisamitoti vipassanādhammo abhisamāgato. Maggoti vipassanāmaggova. Sace hi thero tasmiṃ samaye sotāpanno, upari tiṇṇaṃ maggānaṃ atthāya, sace anāgāmī, arahattamaggassa atthāya ayaṃ vipassanā veditabbā. Tathā tathā viharantanti tena tenākārena viharantaṃ. Tathattāyāti tathābhāvāya. Khīṇā jātītiādīhi tathattāyāti adhippetaṃ tathābhāvaṃ dasseti. Paccavekkhaṇatthāya upanīyatīti hi ettha adhippāyo, taṃ dassento evamāha. Sesaṃ sabbattha uttānamevāti.
ఉదాయివగ్గో.
Udāyivaggo.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౧౦. ఉదాయిసుత్తం • 10. Udāyisuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౧౦. ఉదాయిసుత్తవణ్ణనా • 10. Udāyisuttavaṇṇanā
