| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๑๐. อุทายิสุตฺตวณฺณนา
10. Udāyisuttavaṇṇanā
๔๐. ทสเม อภิสงฺขตนฺติ ราสิกตํฯ นิรารมฺภนฺติ ปาณสมารมฺภรหิตํฯ ยญฺญนฺติ เทยฺยธมฺมํฯ ตญฺหิ ยชิตพฺพตฺตา ยญฺญนฺติ วุจฺจติฯ กาเลนาติ ยุตฺตปฺปตฺตกาเลนฯ อุปสํยนฺตีติ อุปคจฺฉนฺติฯ กุลํ คตินฺติ วฎฺฎกุลเญฺจว วฎฺฎคติญฺจ อติกฺกนฺตาฯ ยญฺญสฺส โกวิทาติ จตุภูมกยเญฺญ กุสลาฯ ยเญฺญติ ปกติทาเนฯ สเทฺธติ มตกทาเนฯ หพฺยํ กตฺวาติ หุนิตพฺพํ เทยฺยธมฺมํ อุปกเปฺปตฺวาฯ สุเขเตฺต พฺรหฺมจาริสูติ พฺรหฺมจาริสงฺขาเต สุเขตฺตมฺหีติ อโตฺถฯ สุปฺปตฺตนฺติ สุฎฺฐุ ปตฺตํฯ ทกฺขิเณเยฺยสุ ยํ กตนฺติ ยํ ทกฺขิณาย อนุจฺฉวิเกสุ อุปกปฺปิตํ, ตํ สุหุตํ สุยิฎฺฐํ สุปฺปตฺตนฺติ อโตฺถฯ สโทฺธติ พุทฺธธมฺมสงฺฆคุณานํ สทฺทหนตาย สโทฺธฯ มุเตฺตน เจตสาติ วิสฺสเฎฺฐน จิเตฺตนฯ อิมินาสฺส มุตฺตจาคํ ทีเปตีติฯ
40. Dasame abhisaṅkhatanti rāsikataṃ. Nirārambhanti pāṇasamārambharahitaṃ. Yaññanti deyyadhammaṃ. Tañhi yajitabbattā yaññanti vuccati. Kālenāti yuttappattakālena. Upasaṃyantīti upagacchanti. Kulaṃ gatinti vaṭṭakulañceva vaṭṭagatiñca atikkantā. Yaññassakovidāti catubhūmakayaññe kusalā. Yaññeti pakatidāne. Saddheti matakadāne. Habyaṃ katvāti hunitabbaṃ deyyadhammaṃ upakappetvā. Sukhette brahmacārisūti brahmacārisaṅkhāte sukhettamhīti attho. Suppattanti suṭṭhu pattaṃ. Dakkhiṇeyyesu yaṃ katanti yaṃ dakkhiṇāya anucchavikesu upakappitaṃ, taṃ suhutaṃ suyiṭṭhaṃ suppattanti attho. Saddhoti buddhadhammasaṅghaguṇānaṃ saddahanatāya saddho. Muttena cetasāti vissaṭṭhena cittena. Imināssa muttacāgaṃ dīpetīti.
จกฺกวโคฺค จตุโตฺถฯ
Cakkavaggo catuttho.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๑๐. อุทายีสุตฺตํ • 10. Udāyīsuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๑๐. อุทายิสุตฺตวณฺณนา • 10. Udāyisuttavaṇṇanā
