| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๑๐. อุทายิสุตฺตวณฺณนา
10. Udāyisuttavaṇṇanā
๒๑๑. พหุกตํ วุจฺจติ พหุกาโร พหุมาโน, นตฺถิ เอตสฺส พหุกตนฺติ อพหุกโต, อกตพหุมาโนฯ ธโมฺม อุปฺปชฺชมาโน อุกฺกุชฺชโนฺต วิย นิรุชฺฌมาโน อวกุชฺชโนฺต วิย โหตีติ วุตฺตํ ‘‘อุกฺกุชฺชํ วุจฺจติ อุทโย, อวกุชฺชํ วโย’’ติฯ ปริวเตฺตโนฺตติ อนิจฺจาติปิ ทุกฺขาติปิ อนตฺตาติปิฯ ‘‘เอโส หิ เต อุทายิ มโคฺค ปฎิลโทฺธ, โย เต…เป.… ตถตฺตาย อุปเนสฺสตี’’ติ ปริโยสาเน ภควโต วจนเญฺจตฺถ สาธกํ ทฎฺฐพฺพํฯ เตน เตนากาเรน วิหรนฺตนฺติ เยน สมฺมสนากาเรน วิปสฺสนาวิหาเรน วิหรนฺตํฯ ตถาภาวายาติ ขีณาสวภาวปจฺจเวกฺขณายฯ เตนาห – ‘‘ขีณา ชาตีติ…เป.… ตํ ทเสฺสโนฺต เอวมาหา’’ติฯ
211. Bahukataṃ vuccati bahukāro bahumāno, natthi etassa bahukatanti abahukato, akatabahumāno. Dhammo uppajjamāno ukkujjanto viya nirujjhamāno avakujjanto viya hotīti vuttaṃ ‘‘ukkujjaṃ vuccati udayo, avakujjaṃ vayo’’ti. Parivattentoti aniccātipi dukkhātipi anattātipi. ‘‘Eso hi te udāyi maggo paṭiladdho, yo te…pe… tathattāya upanessatī’’ti pariyosāne bhagavato vacanañcettha sādhakaṃ daṭṭhabbaṃ. Tena tenākārena viharantanti yena sammasanākārena vipassanāvihārena viharantaṃ. Tathābhāvāyāti khīṇāsavabhāvapaccavekkhaṇāya. Tenāha – ‘‘khīṇā jātīti…pe… taṃ dassento evamāhā’’ti.
อุทายิวคฺควณฺณนา นิฎฺฐิตาฯ
Udāyivaggavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๑๐. อุทายิสุตฺตํ • 10. Udāyisuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๑๐. อุทายิสุตฺตวณฺณนา • 10. Udāyisuttavaṇṇanā
