| Library / Tipiṭaka / តិបិដក • Tipiṭaka / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) |
១០. ឧទាយិសុត្តវណ្ណនា
10. Udāyisuttavaṇṇanā
៤០. ទសមេ អភិសង្ខតន្តិ រាសិកតំ។ និរារម្ភន្តិ បាណសមារម្ភរហិតំ។ យញ្ញន្តិ ទេយ្យធម្មំ។ តញ្ហិ យជិតព្ពត្តា យញ្ញន្តិ វុច្ចតិ។ កាលេនាតិ យុត្តប្បត្តកាលេន។ ឧបសំយន្តីតិ ឧបគច្ឆន្តិ។ កុលំ គតិន្តិ វដ្ដកុលញ្ចេវ វដ្ដគតិញ្ច អតិក្កន្តា។ យញ្ញស្ស កោវិទាតិ ចតុភូមកយញ្ញេ កុសលា។ យញ្ញេតិ បកតិទានេ។ សទ្ធេតិ មតកទានេ។ ហព្យំ កត្វាតិ ហុនិតព្ពំ ទេយ្យធម្មំ ឧបកប្បេត្វា។ សុខេត្តេ ព្រហ្មចារិសូតិ ព្រហ្មចារិសង្ខាតេ សុខេត្តម្ហីតិ អត្ថោ។ សុប្បត្តន្តិ សុដ្ឋុ បត្តំ។ ទក្ខិណេយ្យេសុ យំ កតន្តិ យំ ទក្ខិណាយ អនុច្ឆវិកេសុ ឧបកប្បិតំ, តំ សុហុតំ សុយិដ្ឋំ សុប្បត្តន្តិ អត្ថោ។ សទ្ធោតិ ពុទ្ធធម្មសង្ឃគុណានំ សទ្ទហនតាយ សទ្ធោ។ មុត្តេន ចេតសាតិ វិស្សដ្ឋេន ចិត្តេន។ ឥមិនាស្ស មុត្តចាគំ ទីបេតីតិ។
40. Dasame abhisaṅkhatanti rāsikataṃ. Nirārambhanti pāṇasamārambharahitaṃ. Yaññanti deyyadhammaṃ. Tañhi yajitabbattā yaññanti vuccati. Kālenāti yuttappattakālena. Upasaṃyantīti upagacchanti. Kulaṃ gatinti vaṭṭakulañceva vaṭṭagatiñca atikkantā. Yaññassakovidāti catubhūmakayaññe kusalā. Yaññeti pakatidāne. Saddheti matakadāne. Habyaṃ katvāti hunitabbaṃ deyyadhammaṃ upakappetvā. Sukhette brahmacārisūti brahmacārisaṅkhāte sukhettamhīti attho. Suppattanti suṭṭhu pattaṃ. Dakkhiṇeyyesu yaṃ katanti yaṃ dakkhiṇāya anucchavikesu upakappitaṃ, taṃ suhutaṃ suyiṭṭhaṃ suppattanti attho. Saddhoti buddhadhammasaṅghaguṇānaṃ saddahanatāya saddho. Muttena cetasāti vissaṭṭhena cittena. Imināssa muttacāgaṃ dīpetīti.
ចក្កវគ្គោ ចតុត្ថោ។
Cakkavaggo catuttho.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ១០. ឧទាយីសុត្តំ • 10. Udāyīsuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ១០. ឧទាយិសុត្តវណ្ណនា • 10. Udāyisuttavaṇṇanā
