| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၁၀. ဥဒာယိသုတ္တဝဏ္ဏနာ
10. Udāyisuttavaṇṇanā
၄၀. ဒသမေ အဘိသင္ခတန္တိ ရာသိကတံ။ နိရာရမ္ဘန္တိ ပာဏသမာရမ္ဘရဟိတံ။ ယညန္တိ ဒေယ္ယဓမ္မံ။ တဉ္ဟိ ယဇိတဗ္ဗတ္တာ ယညန္တိ ဝုစ္စတိ။ ကာလေနာတိ ယုတ္တပ္ပတ္တကာလေန။ ဥပသံယန္တီတိ ဥပဂစ္ဆန္တိ။ ကုလံ ဂတိန္တိ ဝဋ္ဋကုလဉ္စေဝ ဝဋ္ဋဂတိဉ္စ အတိက္ကန္တာ။ ယညသ္သ ကောဝိဒာတိ စတုဘူမကယညေ ကုသလာ။ ယညေတိ ပကတိဒာနေ။ သဒ္ဓေတိ မတကဒာနေ။ ဟဗ္ယံ ကတ္ဝာတိ ဟုနိတဗ္ဗံ ဒေယ္ယဓမ္မံ ဥပကပ္ပေတ္ဝာ။ သုခေတ္တေ ဗ္ရဟ္မစာရိသူတိ ဗ္ရဟ္မစာရိသင္ခာတေ သုခေတ္တမ္ဟီတိ အတ္ထော။ သုပ္ပတ္တန္တိ သုဋ္ဌု ပတ္တံ။ ဒက္ခိဏေယ္ယေသု ယံ ကတန္တိ ယံ ဒက္ခိဏာယ အနုစ္ဆဝိကေသု ဥပကပ္ပိတံ, တံ သုဟုတံ သုယိဋ္ဌံ သုပ္ပတ္တန္တိ အတ္ထော။ သဒ္ဓောတိ ဗုဒ္ဓဓမ္မသင္ဃဂုဏာနံ သဒ္ဒဟနတာယ သဒ္ဓော။ မုတ္တေန စေတသာတိ ဝိသ္သဋ္ဌေန စိတ္တေန။ ဣမိနာသ္သ မုတ္တစာဂံ ဒီပေတီတိ။
40. Dasame abhisaṅkhatanti rāsikataṃ. Nirārambhanti pāṇasamārambharahitaṃ. Yaññanti deyyadhammaṃ. Tañhi yajitabbattā yaññanti vuccati. Kālenāti yuttappattakālena. Upasaṃyantīti upagacchanti. Kulaṃ gatinti vaṭṭakulañceva vaṭṭagatiñca atikkantā. Yaññassakovidāti catubhūmakayaññe kusalā. Yaññeti pakatidāne. Saddheti matakadāne. Habyaṃ katvāti hunitabbaṃ deyyadhammaṃ upakappetvā. Sukhette brahmacārisūti brahmacārisaṅkhāte sukhettamhīti attho. Suppattanti suṭṭhu pattaṃ. Dakkhiṇeyyesu yaṃ katanti yaṃ dakkhiṇāya anucchavikesu upakappitaṃ, taṃ suhutaṃ suyiṭṭhaṃ suppattanti attho. Saddhoti buddhadhammasaṅghaguṇānaṃ saddahanatāya saddho. Muttena cetasāti vissaṭṭhena cittena. Imināssa muttacāgaṃ dīpetīti.
စက္ကဝဂ္ဂော စတုတ္ထော။
Cakkavaggo catuttho.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၁၀. ဥဒာယီသုတ္တံ • 10. Udāyīsuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁၀. ဥဒာယိသုတ္တဝဏ္ဏနာ • 10. Udāyisuttavaṇṇanā
