| Library / Tipiṭaka / තිපිටක • Tipiṭaka / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) |
10. උදායිසුත්‌තවණ්‌ණනා
10. Udāyisuttavaṇṇanā
211. දසමෙ අබහුකතොති අකතබහුමානො. උක්‌කුජ්‌ජාවකුජ්‌ජන්‌ති එත්‌ථ උක්‌කුජ්‌ජං වුච්‌චති උදයො, අවකුජ්‌ජං වයොති උදයබ්‌බයවසෙන පරිවත්‌තෙන්‌තො සම්‌මසන්‌තොති දීපෙති. ධම්‌මො ච මෙ, භන්‌තෙ, අභිසමිතොති විපස්‌සනාධම්‌මො අභිසමාගතො. මග්‌ගොති විපස්‌සනාමග්‌ගොව. සචෙ හි ථෙරො තස්‌මිං සමයෙ සොතාපන්‌නො, උපරි තිණ්‌ණං මග්‌ගානං අත්‌ථාය, සචෙ අනාගාමී, අරහත්‌තමග්‌ගස්‌ස අත්‌ථාය අයං විපස්‌සනා වෙදිතබ්‌බා. තථා තථා විහරන්‌තන්‌ති තෙන තෙනාකාරෙන විහරන්‌තං. තථත්‌තායාති තථාභාවාය. ඛීණා ජාතීතිආදීහි තථත්‌තායාති අධිප්‌පෙතං තථාභාවං දස්‌සෙති. පච්‌චවෙක්‌ඛණත්‌ථාය උපනීයතීති හි එත්‌ථ අධිප්‌පායො, තං දස්‌සෙන්‌තො එවමාහ. සෙසං සබ්‌බත්‌ථ උත්‌තානමෙවාති.
211. Dasame abahukatoti akatabahumāno. Ukkujjāvakujjanti ettha ukkujjaṃ vuccati udayo, avakujjaṃ vayoti udayabbayavasena parivattento sammasantoti dīpeti. Dhammo ca me, bhante, abhisamitoti vipassanādhammo abhisamāgato. Maggoti vipassanāmaggova. Sace hi thero tasmiṃ samaye sotāpanno, upari tiṇṇaṃ maggānaṃ atthāya, sace anāgāmī, arahattamaggassa atthāya ayaṃ vipassanā veditabbā. Tathā tathā viharantanti tena tenākārena viharantaṃ. Tathattāyāti tathābhāvāya. Khīṇā jātītiādīhi tathattāyāti adhippetaṃ tathābhāvaṃ dasseti. Paccavekkhaṇatthāya upanīyatīti hi ettha adhippāyo, taṃ dassento evamāha. Sesaṃ sabbattha uttānamevāti.
උදායිවග්‌ගො.
Udāyivaggo.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 10. උදායිසුත්‌තං • 10. Udāyisuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 10. උදායිසුත්‌තවණ්‌ණනා • 10. Udāyisuttavaṇṇanā
